રાજકોટમાં સાયબર ફ્રોડ: યુવકને વોટ્સએપ પર RTO ચલણની ફાઈલ ખોલતા ફોન હેન્ગ થયો, અને ₹2 લાખ ગુમાવ્યા. અજાણ્યા નંબરથી આવેલ મેસેજમાં ફાઈલ હતી, જે ઓપન કરતા જ ટ્રાન્ઝેક્શન થયાં. યુવાને 1930 હેલ્પલાઇન પર ફરિયાદ નોંધાવી, પોલીસે તપાસ શરૂ કરી છે. અજાણ્યા મેસેજ/લિંક ઓપન ન કરવા સલાહ.

રાજકોટ મહાનગરપાલિકા દ્વારા ગોકુલ હોસ્પિટલને Bio-Medical Waste ટીપરવાનમાં નાખવા બદલ ₹10,000 નો દંડ ફટકારાયો. મનપાની સોલિડ વેસ્ટ મેનેજમેન્ટ શાખાએ આ કાર્યવાહી કરી અને Distromed Bio-Clean Pvt. Ltd. મારફત Bio-Medical Wasteનો નિકાલ કરવા જણાવ્યું.

સિદ્ધપુરમાં ગેરકાયદેસર કતલખાના અને માંસની દુકાનોની સમસ્યા સામે ભાજપ પ્રમુખે રજૂઆત કરી છે. સિદ્ધપુર પાંચ મહાદેવની નગરી છે અને માતૃગયા તીર્થ તરીકે વિશ્વપ્રસિદ્ધ છે. આગામી શ્રાવણ માસને ધ્યાનમાં રાખીને આ ગેરકાયદે પ્રવૃત્તિઓ સામે કડક પગલાં લેવા માંગ કરવામાં આવી છે. ભાજપ શાસિત નગરમાં આ સમસ્યા વધી રહી છે, જે ધાર્મિક લાગણીઓને ઠેસ પહોંચાડે છે. નગરની પવિત્રતા જાળવવા તાત્કાલિક પગલાં લેવા રજૂઆત થઇ છે.

દાહોદના વણઝારીયા ગામે કરિયાણાની દુકાનમાં તા. 14 જુલાઈ, 2025ના રોજ ચોરી થઈ. ચોરોએ શટર તોડી 1.18 લાખના ખાદ્ય તેલ, પાઉચ, મસાલા, ચા, દાળ, ચોખા, 25,000 રોકડ અને કપડાંની ચોરી કરી. Vinaબેને ફરિયાદ નોંધાવી, પોલીસે FIR નોંધી તપાસ શરૂ કરી; local લોકોમાં ભય ફેલાયો.

વડોદરા એરપોર્ટ પરથી દિલ્હી જતી એર ઇન્ડિયાની ફ્લાઇટ છેલ્લા 15 દિવસથી ઓપરેશનલ કારણોસર બંધ હતી, જે આજે ફરી શરૂ થઈ છે. અમદાવાદ પ્લેન ક્રેશ બાદ એર ઈન્ડિયાની ફ્લાઇટ્સની ફ્રિકવન્સી ઘટતા આ નિર્ણય લેવાયો હતો. સવારે 6:10 કલાકે ટેકઓફ કરતી આ ફ્લાઇટ પુનઃ શરૂ થતા મુસાફરોને રાહત થઈ છે અને દિલ્હીની અન્ય ફ્લાઈટ્સમાં ધસારો ઘટયો છે.

રાજકોટ-ભુજ ટ્રેન, જે 30 જૂન 2025થી બંધ છે, તેને સમય બદલીને પુનઃ શરૂ કરવા મંત્રી બાવળીયાએ રજૂઆત કરી છે. મુસાફરોને PRIVATE અને એસ.ટી. બસ કરતા ટ્રેન વધુ પસંદ છે, ખાસ કરીને કચ્છના સફેદ રણ જેવા સ્થળોની મુલાકાત લેનારાઓ માટે. ટ્રેન રાત્રે 9થી 10 વાગ્યા વચ્ચે શરૂ થાય તો સવારે પહોંચી શકાય અને મુસાફરોને સસ્તી અને આરામદાયક મુસાફરી મળી શકે.

આણંદની શંકરા આંખની હોસ્પિટલે આંકલાવમાં 'DRISHTI' કાર્યક્રમ અંતર્ગત આશા બહેનોને મફત તાલીમ આપી. ડો. મધુલિકા લઢાના માર્ગદર્શન હેઠળ 180 આશા સ્વયંસેવકોએ ભાગ લીધો. આ તાલીમથી આશા બહેનો ગ્રામ્ય વિસ્તારમાં આંખની તપાસ કરી શકશે, જે જિલ્લા વહીવટી તંત્રના "DRISHTI" પ્રોગ્રામનો ભાગ છે. જેમાં RBSK અને આંગણવાડી કાર્યકરોને તાલીમ અપાય છે. શંકરા હોસ્પિટલ મફત ઓપરેશન કેમ્પ માટે દર્દીઓની પસંદગી કરી શકે છે.

કલેક્ટર લલિત નારાયણ સિંઘ સાંદુએ હિંમતનગરમાં NH-48 ની મુલાકાત લીધી અને કામગીરીનું નિરીક્ષણ કર્યું. નવા પુલની મજબૂતાઈ નો રિપોર્ટ માંગ્યો અને સર્વિસ રોડ RCC પદ્ધતિથી બનાવવા સૂચના આપી, જે વરસાદી પાણીનો નિકાલ કરશે. નાગરિકોને 'ગુજમાર્ગ એપ' દ્વારા રસ્તાઓ અને પુલોની ફરિયાદ કરવા જણાવ્યું, જેમાં ફોટા અપલોડ કરી શકાશે. આ સાથે, અધિકારીઓએ હાજરી આપી અને મુખ્યમંત્રી ભૂપેન્દ્ર પટેલની સૂચના મુજબ સમગ્ર રાજ્યમાં રસ્તા રિપેરિંગની કામગીરી યુદ્ધના ધોરણે ચાલી રહી છે.

ભારે વરસાદથી નુકસાન પામેલા પુલના સમારકામ માટે CM ભૂપેન્દ્ર પટેલના આદેશથી કામગીરી ચાલી રહી છે. નર્મદા કેનાલ નેટવર્કના પુલોની ટેક્નિકલ તપાસ થઈ. 36 પુલને મરામત માટે બંધ કરાયા, 5 પુલ સંપૂર્ણપણે બંધ, અને 4 પુલ પર heavy vehicles પર પ્રતિબંધ મુકાયો.

મહેસાણા પોલીસે અસામાજિક તત્વ અશરફ ઉર્ફે આશુ દાદાને ઝડપ્યો, જે વિસ્તારમાં દહેશત ફેલાવતો હતો. તાજેતરમાં, તેણે તલવારથી હુમલો કર્યો, જેમાં વ્યક્તિ ઘાયલ થયો અને જાનથી મારી નાખવાની ધમકી પણ આપી. P I વાઘેલાની ટીમે ધરપકડ કરી, અગાઉ 5 ગુના નોંધાયેલા છે. પોલીસે જાહેરમાં માફી મંગાવી, કાયદેસરની કાર્યવાહી શરૂ કરી.

રાજકોટ TRP ગેમઝોન અગ્નિકાંડ કેસમાં સુપ્રીમ કોર્ટે CFO ઈલેશ ખેરની જામીન અરજી મંજૂર કરી. 16 આરોપીઓમાંથી 5 જામીન પર મુક્ત થયા છે, જ્યારે 10 હજુ જેલમાં છે. આ અગાઉ હાઇકોર્ટ દ્વારા ત્રણ અને સેશન્સ કોર્ટ દ્વારા એક આરોપીને જામીન મળ્યા હતા. આ દુર્ઘટનામાં 27 લોકોના મોત થયા હતા.

વડોદરામાં, એક વિદ્યાર્થીએ અજાણી દવા ઈન્જેકસન માં ભરી હાથ પર લીધું, બળતરા થતા સારવાર માટે ખસેડાયો. આ પહેલાં તેણે ઊંઘની ગોળીઓ પણ ખાધી હતી. સયાજી હોસ્પિટલના RMO ડોક્ટર ના જણાવ્યા અનુસાર વિદ્યાર્થી ડીપ્રેસન માં છે અને તેની સારવાર ચાલી રહી છે. હાલમાં તે MICU માં છે અને રાવપુરા પોલીસ તપાસ કરી રહી છે.

લોર્ડ્સ ટેસ્ટમાં સ્લો ઓવર રેટને લીધે ઇંગ્લેન્ડ ટીમના WTC પોઈન્ટ કપાયા અને 10% મેચ ફીનો દંડ થયો. ઇંગ્લેન્ડ ત્રીજા સ્થાનેથી ખસી ગયું, જ્યારે ભારત ચોથા સ્થાને આવ્યું. કેપ્ટન સ્ટોક્સે ભૂલ સ્વીકારી, તેથી સુનાવણીની જરૂર નહોતી. ICCના નિયમો અનુસાર દંડ લાગ્યો અને WTC પોઈન્ટ કપાયા. ઓસ્ટ્રેલિયા નંબર વન પર છે.

ચાણસ્માના ખારા ધરવા ગામમાં 68 વર્ષીય લાલજીભાઈ પટેલના ઘરમાં ચોરી થઈ. અજાણ્યા ચોરોએ દરવાજાનું તાળું તોડી ₹ 1.60 લાખ રોકડા અને સોના-ચાંદીના દાગીના (કિંમત ₹24,000)ની ચોરી કરી.લાલજીભાઈ પટેલ પોલીસ ફરિયાદ નોંધાવી, પોલીસે તપાસ શરૂ કરી.

આજે સોના-ચાંદીના ભાવમાં ઘટાડો થયો છે. IBJA અનુસાર, 24 કેરેટ સોનાનો ભાવ ₹456 ઘટીને ₹97,460 પ્રતિ 10 ગ્રામ થયો. ચાંદીનો ભાવ ₹1,001 ઘટીને ₹1,10,996 પ્રતિ કિલો થયો. આ વર્ષે સોનું ₹1,03,000 સુધી જઈ શકે છે. સોનું ખરીદતી વખતે BIS હોલમાર્ક, કિંમત અને UPI ચુકવણી જેવી 3 બાબતોનું ધ્યાન રાખો.

વડોદરા મ્યુનિસિપલ કમિશનરે 2200 CCTV કેમેરાથી સજ્જ કમાન્ડ એન્ડ કંટ્રોલ સેન્ટર હોવા છતાં ચેમ્બરમાં કંટ્રોલ રૂમ બનાવ્યો, જ્યાં કોર્પોરેશનના દરેક વિભાગની માહિતી મેળવી અધિકારીઓને સૂચના આપી શકશે. ચોમાસામાં રસ્તા પરના ખાડા, ટ્રાફિક સમસ્યા અને વિકાસ કામોનું નિરીક્ષણ કરશે. કમિશનર અરુણ મહેશ બાબુએ CCCની લિંક લેવા બાબતે જણાવ્યું કે વિશ્વામિત્રી નદી અને ટ્રાફિક સમસ્યાનું મોનીટરીંગ સરળ બનશે. જરૂર પડ્યે કંટ્રોલ રૂમ દ્વારા સંબંધિત વિભાગોને સૂચન પણ કરી શકાશે.

પોરબંદરના કોટડા ગામ માં હૃદયદ્રાવક ઘટના : 4 હિંસક કૂતરાઓએ ઘોડિયામાં સૂતેલા 2 માસના બાળક પર હુમલો કર્યો, સારવાર દરમિયાન મોત. પરિવારે એકનું એક બાળક ગુમાવ્યું, શોક છવાયો. મજૂરી કરતા માતા-પિતાએ બાળકને બચાવવા પ્રયત્નો કર્યા, પણ નિષ્ફળ રહ્યા. રખડતા કૂતરાઓનો ત્રાસ વધતા લોકોમાં ભય અને તંત્ર સામે પગલાં લેવા માંગ ઉઠી.

જામનગર મનપાનો મહત્વપૂર્ણ નિર્ણય: રંગમતી નદી પરનો બ્રિજ જર્જરિત થતા ભારે વાહનોની અવર જવર બંધ કરાઈ છે. મ્યુનીસીપલ કમિશનર ડી.એન. મોદીએ બી.પી.એમ.સી. એક્ટ હેઠળ જાહેરનામું બહાર પાડ્યું છે. નવા બ્રિજ સુધી ભારે વાહનો બંધ રહેશે અને બી.પી.એમ.સી. એક્ટ હેઠળ કાર્યવાહી થશે. વૈકલ્પિક માર્ગ તરીકે મહાપ્રભુજી બેઠકથી અન્નપૂર્ણા સર્કલ થઈને દરબારગઢ જઈ શકાશે.

જામનગર કલેકટર કચેરીમાં સાંસદ પૂનમબેન માડમે NHAI અધિકારીઓ સાથે રોડ-રસ્તાની સ્થિતિની સમીક્ષા કરી. કલેકટર કેતન ઠક્કરની હાજરીમાં ધ્રોલ-ભાદ્રા પાટીયા-આમરણ-પીપળીયાનેશનલ હાઇવે 151 A અંગે ચર્ચા થઈ. સાંસદે રોડ રસ્તા અને ખેડૂતોની રજૂઆતો સાંભળી અધિકારીઓને સકારાત્મક કાર્યવાહી કરવા સૂચન કર્યું. અધિક નિવાસી કલેકટર બી.એન.ખેર સહિત NHAIના અધિકારીઓ હાજર રહ્યા.

વડોદરા ક્રાઇમ બ્રાન્ચે છેલ્લા દોઢ માસમાં ઘરફોડ ચોરી અને વાહન ચોરી કરતી 3 આરોપીઓની ટોળકીને પકડી પાડી છે. આરોપીઓ બંધ મકાનોને ટાર્ગેટ કરતા હતા. પોલીસે રૂ. 6.46 લાખનો મુદ્દામાલ જપ્ત કર્યો અને 5 ગુનાઓનો ભેદ ઉકેલ્યો. ક્રાઈમ બ્રાન્ચે વિશ્વામિત્રી રોડ પરથી આરોપીઓને ઝડપી પાડ્યા. આરોપીઓએ ગોત્રી, ગોરવા, માંજલપુર અને રાવપુરા વિસ્તારોમાં ચોરીની કબૂલાત કરી છે.

Nil ITR File: ઈન્કમ ટેક્સ રિટર્ન (ITR) ફાઈલ કરવાની સીઝન ચાલી રહી છે. જેમને ટેક્સ ભરવાનો છે તેઓ ટેક્સ બચાવવા પ્રયત્ન કરે છે. સેલેરી પર ટેક્સ ન લાગતો હોય તેઓ નિશ્ચિંત છે, પરંતુ 4 લાખ રૂપિયા સુધીના વાર્ષિક પગાર પર નવી અને 2.5 લાખ રૂપિયા સુધીના પગાર પર જૂની વ્યવસ્થામાં ટેક્સ નથી લાગતો, તો પણ ITR ફાઈલ કરવાથી ફાયદો થાય છે.

લાકડીયા પોલીસે બાતમી આધારે અજમેર પંજાબી હોટલ નજીકથી બે શખ્સોને 5.8 kg ગાંજા સાથે ઝડપી પાડ્યા. આરોપીઓ વિષ્ણુભાઈ ગમાર અને અજયભાઈ પરમાર સાબરકાંઠાના રહેવાસી છે. પોલીસે રૂ. 58,000 ની કિંમતનો ગાંજો, બેગ, મોબાઈલ અને આધારકાર્ડ જપ્ત કર્યા છે. મુકેશભાઈ બુંબડીયા અને દિનેશ બાવાજી ફરાર છે. "SAY NO TO DRUGS" મિશન અંતર્ગત NDPS એક્ટ હેઠળ ગુનો નોંધી તપાસ હાથ ધરાઈ.

ભાવનગર જિલ્લામાં વરસાદની આગાહી વચ્ચે વરસાદે વિરામ લીધો છે, છેલ્લા 24 કલાકમાં 10 તાલુકામાં 0 મીમી વરસાદ નોંધાયો છે. સવારથી કાળા ડિબાંગ વાદળછાયું વાતાવરણ રહ્યું છે. હવામાન વિભાગે ભારે વરસાદની આગાહી કરી છે. 12 જુલાઈ થી 16 જુલાઈ સુધી તાપમાન અને ભેજનું પ્રમાણ નોંધાયું છે, જેમાં મહત્તમ તાપમાન 34.5 ડિગ્રી અને લઘુત્તમ 25.7 ડિગ્રી સેલ્સિયસ રહ્યું છે. પવનની ઝડપ 8 થી 20 km પ્રતિ કલાક રહી છે.

મહીસાગર જિલ્લામાં હવામાન વિભાગની આગાહી મુજબ 24 કલાકમાં ચાર તાલુકામાં વરસાદ નોંધાયો. કડાણામાં સૌથી વધુ 72 mm (2.83 ઈચ), લુણાવાડામાં 36 mm (1.41 ઈચ), વિરપુરમાં 20 mm, અને ખાનપુરમાં 8 mm વરસાદ પડ્યો. જિલ્લામાં અત્યાર સુધીમાં કુલ 14.50 ઈચ વરસાદ નોંધાયો છે. આ વરસાદથી ખેડૂતો ખુશ છે, અને લોકોને ગરમીથી રાહત મળી છે.

ટેસ્લાએ કોમ્પેક્ટ ઇલેક્ટ્રિક SUV મોડેલ Y ભારતમાં લોન્ચ કરી છે. એકવાર ફુલ ચાર્જિંગ પર 575 કિમી સુધી ચાલશે, કિંમત ₹60 લાખથી શરૂ થાય છે. ટેસ્લાએ ભારતમાં પોતાનો પ્રથમ શો રૂમ મુંબઈમાં ચાલુ કર્યો છે, બીજો શો રૂમ દિલ્હીમાં ચાલુ કરવાના વિચારણા હેઠળ છે. કંપનીએ હાલમાં મુંબઈના બાંદ્રા કુર્લા કોમ્પ્લેક્સમાં 4,000 ચોરસ ફૂટ રિટેલ જગ્યા માટે 5 વર્ષના લીઝ પર હસ્તાક્ષર કર્યા છે. ટેસ્લા 5 વર્ષનું કુલ ભાડું રૂપિયા ૨૧૦૦ કરોડ ચૂકવશે.

રાજ્યમાં 3 IAS અધિકારીઓની બદલીઓ કરવામાં આવી છે. IAS સંજય કૌલને GIFT સિટીના MD અને CEO પદે નિયુક્ત કરાયા. IAS કે. એસ. વસાવાને ડાંગના DDO પદે નિયુક્ત કરાયા. IAS સુથાર રાજની નર્મદાના DDO તરીકે નિમણૂક કરાયા છે.

સાબર ડેરી આગળ પ્રદર્શન કરી રહેલા પશુપાલકોના આક્રોશનું મુખ્ય કારણ ગયા વર્ષે સાબર ડેરીએ વધારા પેટે 602 કરોડ રૂપિયા ફાળવ્યા હતા, જેના લીધે 17%થી વધુ ભાવ વધારો મળ્યો હતો. આ ચાલુ વર્ષે આ આંકડો ઘટાડીને માત્ર 500 કરોડ રૂપિયા કરી દેવાયો છે, જેના પરિણામે ભાવ વધારો ઘટી ગયો છે.

લંડન સાઉથેન્ડ એરપોર્ટમા ટેકઓફ પછી થોડીવારમાં જ વિમાન ક્રેશ થયું. દુર્ઘટનાગ્રસ્ત વિમાન નેધરલેન્ડ્સમાં Zeusch Aviation દ્વારા સંચાલિત હતું. તે રવિવારે ગ્રીસના Athens થી ક્રોએશિયાના Pula ગયું હતું અને પછી Southend ગયું હતું. એરપોર્ટના અહેવાલ મુજબ, તે રવિવારે સાંજે નેધરલેન્ડ્સના લેલીસ્ટેડ પરત ફરવાનું હતું. દુર્ઘટનામાં સામેલ વિમાન બીચક્રાફ્ટ B200 સુપર કિંગ એર હોવાનું કહેવાય છે જે દર્દીઓના પરિવહન માટે તબીબી પ્રણાલીઓથી સજ્જ છે. આ વિમાન 12 મીટર (39 ફૂટ) લાંબુ ટર્બોપ્રોપ વિમાન છે.

ભારતની પૂર્વ વર્લ્ડ નંબર-1 મહિલા બેડમિન્ટન સ્ટાર સાઇના નેહવાલે પતિ પારુપલ્લી કશ્યપ સાથે છૂટાછેડાની લેવાની જાહેરાત કરી. સાઇના અને ભારતના પૂર્વ નંબર-1 પુરુષ બેડમિન્ટન સ્ટાર પારુપલ્લી કશ્યપે લાંબા રિલેશનશિપ બાદ વર્ષ 2018 માં લગ્ન કર્યા હતા. લગ્નના 7 વર્ષ પછી બન્નેએ અલગ થવાનો નિર્ણય લીધો છે.

ગોપાલ ઈટાલીયા અને કાંતિ અમૃતિયા વચ્ચે ચેલેન્જ ડ્રામા ! કાંતિ અમૃતિયા 100 ગાડીઓ સાથે ગાંધીનગર રવાના, ગોપાલ ઈટાલીયા ની રાહ જોઈ રાજીનામું આપશે. કાંતિ અમૃતિયાએ વિસાવદરના આપના ધારાસભ્ય ગોપાલ ઇટાલિયાને મોરબીથી ચૂંટણી લડવાની ચેલેન્જ આપી. વગર ચૂંટણીએ રાજકારણમાં ગરમાવો.