AAP સરકારમાં મંત્રીઓ સામે ભ્રષ્ટાચારનો આરોપ
Published on: 26th June, 2025
આમ આદમી પાર્ટી (AAP) સરકારમાં મંત્રી રહેલા સત્યેન્દ્ર જૈન અને સૌરભ ભારદ્વાજ સામે ભ્રષ્ટાચાર વિરોધી બ્યુરોએ(ACB) કેસ નોંધ્યો છે. દિલ્હીમાં ૫૫૯૦ કરોડ રૂપિયાના હોસ્પિટલ બાંધકામ કેસમાં આ કાર્યવાહી કરવામાં આવી છે. ભાજપના નેતા અને વિધાનસભા અધ્યક્ષ વિજેન્દ્ર ગુપ્તાની ફરિયાદ બાદ આ તપાસ શરૂ કરવામાં આવી હતી, જેમાં અનિયમિતતાઓ, મંજૂરી વિના બાંધકામ અને પૈસાનો દુરુપયોગ જેવા મુદ્દાઓનો સમાવેશ કરવામા આવ્યો છે. ૨૦૧૮-૧૯માં, દિલ્હી સરકારે ૨૪ હોસ્પિટલ પ્રોજેક્ટ્સ (૧૧ નવી હોસ્પિટલો અને ૧૩ જૂની હોસ્પિટલોનું વિસ્તરણ) માટે ૫૫૯૦ કરોડ રૂપિયા મંજૂર કર્યા હતા.
