કેન્દ્ર સરકારે PM-કિસાન યોજનાના લાભાર્થીઓને ફેક મેસેજથી સાવધાન કર્યા છે. મંત્રાલયે જણાવ્યું છે કે વોટ્સએપ અને SMS દ્વારા પીએમ-કિસાનના નામે ફેક મેસેજ મોકલવામાં આવી રહ્યા છે જેમાં વધારાના પૈસા કે બોનસની લાલચ આપવામાં આવે છે. આવી લિંક્સ પર ક્લિક કરવાથી કે OTP શેર કરવાથી ખાતામાંથી પૈસા ઉપડી શકે છે. ખેડૂતોને સત્તાવાર સ્ત્રોતો પર વિશ્વાસ રાખવા અને કોઈપણ અજાણી લિંક પર ક્લિક ન કરવાની સલાહ આપવામાં આવે છે. છેતરપિંડી થવાના કિસ્સામાં હેલ્પલાઇન નંબર પર ફરિયાદ કરો.