આજે શ્રાવણના પ્રથમ સોમવારે અમદાવાદના સુખરાય મહાદેવ, દૂધેશ્વર મહાદેવ અને કર્ણમુક્તેશ્વર મહાદેવ મંદિરોમાં વહેલી સવારથી ભક્તોની ભારે ભીડ જોવા મળી હતી. વરસાદી વાતાવરણ હોવા છતાં ભક્તો દૂધ, દહીં અને પૂજા સામગ્રી સાથે શિવલિંગ પર અભિષેક કરી ઉપાસના કરતા હતા. મંદિરોના મહંતોએ શ્રાવણ માસમાં ભગવાન શિવજીની પૂજાનું મહત્વ સમજાવ્યું હતું. આ પ્રથમ સોમવારનું દ્રવ્ય એ અક્ષત છે.

શ્રાવણ માસના પ્રથમ સોમવારે સોમનાથ મહાદેવના દર્શને આવતા યાત્રીકો માટે અદાણી ફાઉન્ડેશન દ્વારા Golfcart ની સુવિધા શરૂ કરાઈ છે. કલેકટર એન.વી. ઉપાધ્યાય દ્વારા આ Golfcart નું લોકાર્પણ કરવામાં આવ્યું હતું. આ Golfcart દિવ્યાંગો અને વરિષ્ઠ નાગરિકો માટે ઉપયોગી થશે, જેમાં Driver ની સુવિધા Indian Rayon દ્વારા પૂરી પાડવામાં આવી છે.

રાહી ફાઉન્ડેશન દ્વારા પાટણના ગવાણા ગામે દર્શક ગ્રામીણ વિકાસ ટ્રસ્ટને વૃક્ષ ઉછેર માટે સાધન સહાય, તાલીમાર્થી બહેનોને છત્રી, આંગણવાડીના બાળકોને SCHOOL BAG, કેમ્પસ કિચન માટે ચા-ખાંડ જેવી વસ્તુઓ ભેટ અપાઈ. કાર્યક્રમમાં રાહી ફાઉન્ડેશનના જયેશ પરીખ, ભદ્રેશ પટેલ, મહેન્દ્ર પટેલ ઉપસ્થિત રહ્યા હતા. દાતા ભદ્રેશ પટેલ પરિવારનો આભાર માનવામાં આવ્યો હતો. સંચાલક જયેશ રાવલનો પણ આભાર વ્યક્ત કરાયો.

ભાદરવા સુદ-૪થી ગણેશ મહોત્સવનો પ્રારંભ થઈ રહ્યો છે, ભક્તોમાં અનેરો થનગનાટ છે. ગોધરામાં સોનીવાડ ચોક ખાતેથી શ્રીજી પ્રતિમાની શોભાયાત્રા નીકળી હતી, જેમાં "ગણપતિ બાપા મોરિયા"ના નારાથી ભક્તો ઝૂમી ઉઠ્યા હતા. આ શોભાયાત્રા આકર્ષણનું કેન્દ્ર બની હતી, જેમાં આતશબાજી અને ડીજેના સથવારે ભક્તો જોડાયા હતા. પોલીસ બંદોબસ્ત વચ્ચે શોભાયાત્રા નિજ મંડપ પહોંચી હતી.

ભાડજ સુપરસીટીના સદાશિવ મંદિરમાં શ્રાવણ માસ દરમિયાન ભક્તોની ભારે ભીડ જોવા મળી રહી છે, જેમાં અમદાવાદથી પણ ભક્તો દર્શન માટે આવે છે. મુખ્ય પૂજારી ઓમ પ્રકાશજીના જણાવ્યા અનુસાર, AMTSની બહેનો પણ મુલાકાત લે છે. મંદિરમાં આધ્યાત્મિક અનુભૂતિ સાથે પ્રકૃતિના રહસ્યો સમજાવવામાં આવે છે. બાળકો બગીચામાં રમે છે અને સાંજે દિવ્ય આરતીમાં મોટી સંખ્યામાં ભક્તો જોડાય છે.

ઇનોવેટિવ સ્કૂલની અંડર-19 બોયઝ ખો-ખો ટીમે SGFI શાળાકીય રમતોત્સવ 2025-26માં ઝોન કક્ષાએ પ્રથમ સ્થાન મેળવ્યું. હવે ટીમ જિલ્લા કક્ષાએ ભાગ લેશે. ટ્રસ્ટીઓએ ખેલાડીઓને અભિનંદન પાઠવ્યા, કારણ કે આ સફળતા સખત પરિશ્રમ અને ટીમવર્કનું પરિણામ છે. શાળા રમતગમત ક્ષેત્રે વિદ્યાર્થીઓને પ્રોત્સાહિત કરવા પ્રયત્નશીલ છે અને જિલ્લા કક્ષાએ પણ ટીમ ઉત્કૃષ્ટ પ્રદર્શન કરશે એવી આશા છે.

પવિત્ર શ્રાવણ માસના પ્રથમ સોમવારે સુરતના શિવાલયોમાં ભક્તોની ભીડ ઉમટી. ભક્તોએ જળ, દૂધ, બીલીપત્રથી અભિષેક કર્યો. ઈચ્છાનાથ મહાદેવ મંદિરે Police Commissioner અનુપમ સીંગ ગેહલોતે પૂજા કરી. સિદ્ધનાથ મહાદેવ, કર્મનાથ મહાદેવ, કાંતારેશ્વર મહાદેવ, ગંગેશ્વર મહાદેવ જેવા મંદિરોમાં ભક્તો ઉમટ્યા. દરેક જગ્યાએ 'હર હર મહાદેવ'નો નાદ ગુંજતો હતો.

સુરતના સચિન GIDC પોલીસ સ્ટેશન વિસ્તારમાં 30,62,413 રૂપિયાની કેમિકલ ચીટિંગમાં, પોલીસે તેલંગણાના હૈદરાબાદથી પિતા-પુત્રની ધરપકડ કરી છે. આરોપીઓએ ઓનલાઇન ઓર્ડર આપી કેમિકલ મંગાવ્યું, પરંતુ રૂપિયા ચૂકવ્યા વિના ફરાર થઈ ગયા. 'હર્મ્સ કેમિકલ કંપની પ્રા.લી.'ના નામે આ છેતરપિંડી આચરવામાં આવી હતી. Sachin GIDC પોલીસે તપાસ હાથ ધરી હતી.

લાખવડ શાળામાં 'વાંચનથી વિકાસ' અંતર્ગત પુસ્તક પ્રદર્શન યોજાયું. વિદ્યાર્થીઓ પુસ્તકાલયના પુસ્તકોનો ઉપયોગ કરી જ્ઞાન વધારે તે હેતુ હતો. પ્રદર્શનમાં પુસ્તકોની વિભાગ પ્રમાણે ગોઠવણી હતી. જેમાં બાલવાટીકાથી ધોરણ 8 સુધીના વિદ્યાર્થીઓ માટે પુસ્તકો ઉપલબ્ધ હતા. વિદ્યાર્થીઓને 'પુસ્તકો આપણા મિત્રો છે' અને 'પુસ્તકો એ જ્ઞાનનો ભંડાર છે' જેવા મુદ્દાઓથી માહિતગાર કરવામાં આવ્યા. આ રીતે પુસ્તકાલયનું મહત્વ સમજાયું.

ગુજરાતમાં ધોધમાર વરસાદથી જનજીવન અસ્તવ્યસ્ત છે. સિદ્ધપુરમાં 250 પરિવારોનું સ્થળાંતર કરાયું, હિંમતનગરમાં હાથમતીના પૂરમાં એક વ્યક્તિનું મોત થયું. નવસારીમાં બ્રિજ ડૂબતા ગામો સંપર્કવિહોણા બન્યા. સુરતમાં ગરનાળું 'સ્વિમિંગ પૂલ', નડિયાદમાં રેકોર્ડબ્રેક વરસાદ, અમદાવાદમાં સોસાયટીઓ બેટમાં ફેરવાઈ અને તલોદમાં ખેડૂતોની મહેનત પર પાણી ફરી વળ્યું. લુણાવાડામાં રસ્તો ન બનતા લોકો જોખમે પાણીમાંથી પસાર થવા મજબૂર છે. આવતીકાલ માટે યલો એલર્ટ જાહેર કરાયું છે.

પાવી જેતપુરના સુખીડેમમાં પાણીની આવક વધતા, એક ગેટ ખોલી 1 હજાર ક્યુસેક પાણી ભારજ નદીમાં છોડાયું. ચોમાસાના બીજા રાઉન્ડમાં અવિરત વરસાદથી નદી-નાળામાં પાણીની આવક વધી છે. સુખીડેમમાં પાણીની લેવલ 146.50 મીટર નોંધાયું હતું. રૂલ લેવલ જાળવવા માટે ગેટ ખોલવાનો નિર્ણય લેવાયો. નદી કાંઠાના 20 ગામોને સાવચેત કરાયા હતા. સુખીડેમની મહત્તમ સપાટી 147.82 મીટર છે.

લાખવડ શાળામાં 'એક પેડ માં કે નામ' અભિયાન અંતર્ગત વિદ્યાર્થીઓ, વાલીઓ અને SMC સભ્યોને 800 જેટલા રોપાનું વિતરણ કરાયું. વિદ્યાર્થીઓએ ચિત્ર સ્પર્ધામાં ભાગ લીધો અને વનસ્પતિની ઓળખ આપી. BRC CO. ઈલિયાસભાઈ સાહેબ, SMC કમિટિના બાલકૃષ્ણભાઈ નાયક, CRC CO. અનિલભાઈ દવે સાહેબ અને એનૉડે ફાઉન્ડેશનના પ્રવિણભાઇ ઉપસ્થિત રહ્યા. વિદ્યાર્થીઓએ છોડને સાચવવાની જવાબદારી લીધી અને પર્યાવરણ જાળવણી અંગે જાગૃતિ ફેલાવવાનો પ્રયાસ કરવામાં આવ્યો.

બનાસકાંઠાના પાલડી ગામમાં દૂધેશ્વર મહાદેવ મંદિરના મહોત્સવમાં દલિતોને આમંત્રણ ન અપાયું. દલિતોએ પોલીસ ફરિયાદ નોંધાવતા 20 લોકો એટ્રોસિટી એક્ટ હેઠળ આરોપી બન્યા, જેઓએ ફરિયાદ રદ્દ કરવા હાઇકોર્ટમાં અરજી કરી છે. HIGHCOURTએ NOTICE જાહેર કરી 5 ઓગસ્ટે સુનાવણી રાખી છે. ગામના સરપંચ દલિત હોવા છતાં, તેઓને આમંત્રણ નહોતું અપાયું.

સ્વામિનારાયણ ગોકુલધામ, નાર દ્વારા સુરત જિલ્લાના દિવ્યાંગો માટે સેવા યજ્ઞ યોજાયો. શિક્ષાપત્રી લેખનના 200 વર્ષ અને આચાર્યપદ સ્થાપન દ્વિશતાબ્દી મહોત્સવ નિમિત્તે વડતાલધામના ઉપલક્ષમાં આયોજન થયું. 22 થી 27 જુલાઈ 2025 દરમિયાન કેમ્પમાં 393 દિવ્યાંગોને કૃત્રિમ અંગો અપાયા. ALIMCO દ્વારા હાઈ-ટેક પ્રોસ્થેટિક લિમ્બ્સ અપાયા. 27 જુલાઈએ સ્વામિનારાયણ મિશન, સુરત ખાતે સભા યોજાઈ, જેમાં કલેક્ટર અને પોલીસ કમિશનર ઉપસ્થિત રહ્યા.

ગોધરા શહેરમાં બે દિવસથી અવિરત વરસાદથી નીચાણવાળા વિસ્તારોમાં પાણી ભરાયા, શાકભાજી વેપારીઓને ભારે નુકસાન થયું છે. શહેરા ભાગોલ વિસ્તારમાં શાકભાજી પલળી જતાં ભારે નુકસાન થયું. હોલસેલના વેપારીઓ નીચા ભાવે શાકભાજી વેચવા મજબૂર બન્યા. નગરપાલિકા દ્વારા ડેમરેજની કામગીરી હાથ ધરવામાં આવી. હવામાન વિભાગે આગામી 29 તારીખે ભારે વરસાદની આગાહી આપી છે.

India vs England ચોથી ટેસ્ટ મેચમાં, ભારતીય ખેલાડીઓએ મેચ ડ્રો કરવાના બેન સ્ટોક્સના પ્રસ્તાવને નકાર્યો, કારણ કે તેઓ સદીની નજીક હતા. માંજેરકરે કહ્યું કે બેન સ્ટોક્સ જિદ્દી બાળક જેવું વર્તન કરી રહ્યો હતો. સ્ટોક્સ ભારતીય બેટર રવિન્દ્ર જાડેજા અને વોશિંગ્ટન સુંદરને સદીથી વંચિત રાખવા માગતો હતો.

રાજ્યની શાળાઓમાં ખાલી જગ્યાઓ માટે નિવૃત્ત શિક્ષકોની ભરતીનો નિર્ણય TET/TAT પાસ ઉમેદવારોના વિરોધને પગલે રદ કરવામાં આવ્યો છે. નિયમિત ભરતી અને જ્ઞાન સહાયકોની નિમણૂક બાદ પણ જગ્યાઓ ખાલી હોવાથી આ નિર્ણય લેવાયો હતો, પરંતુ વિરોધ થતા સરકારે યુ ટર્ન (U-Turn) લીધો.

સાળંગપુરધામમાં કષ્ટભંજનદેવ હનુમાનજી મંદિરમાં શ્રાવણ માસના પ્રથમ સોમવારે વિશેષ શણગાર કરાયો. શિક્ષાપત્રી લેખન એવં આચાર્યપદ સ્થાપન દ્વિશતાબ્દી મહોત્સવ વડતાલધામના ઉપક્રમે આયોજન થયું. હનુમાનજીને પ્યોર સિલ્કના શિવલિંગની થીમવાળા વાઘા પહેરાવાયા, સિંહાસને અર્ધનારેશ્વરના નૃત્યની થીમનો શણગાર કરાયો. શ્રાવણ માસ દરમિયાન અનેક કાર્યક્રમોનું આયોજન કરવામાં આવ્યું છે જેમાં ફૂટ અન્નકૂટ, છપ્પન ભોગ અન્નકૂટ, ચોકલેટ અન્નકૂટ અને ડ્રાયફ્રુટ મીઠાઈ અન્નકૂટ જેવા દિવ્ય અન્નકૂટ રજૂ કરાશે.

મહીસાગર જિલ્લામાં છેલ્લા 2 દિવસથી વરસાદી માહોલ છે. 5 તાલુકામાં સામાન્યથી હળવો વરસાદ થયો છે. બાલાસિનોરમાં 39mm અને લુણાવાડામાં 32mm વરસાદ નોંધાયો છે. વીરપુરમાં 8mm, ખાનપુરમાં 5mm અને કડાણામાં 3mm વરસાદ થયો છે. વાતાવરણમાં ઠંડક થતા લોકોને ગરમીથી રાહત મળી છે અને ખેતી પાકોને ફાયદો થયો છે. લોકો નદી-તળાવો છલકાય તેવી આશા રાખે છે.

કિંમતી ધાતુઓના ભાવમાં તેજી પછી કરેક્શન; અમેરિકાના ટેરિફ વોરના ભય અને ટ્રેડ ડીલને કારણે સોના-ચાંદીના ભાવ ઘટ્યા. 28 જુલાઈ, 2025ના રોજ સોનાની કિંમતમાં રૂ. 500નો ઘટાડો નોંધાયો. દિલ્હીમાં આજે 24 કેરેટ Goldનો ભાવ ઘટ્યો છે.

સરકારી વિનયન કૉલેજ, અમીરગઢમાં NSS યુનિટ દ્વારા ડેન્ટલ કેમ્પ યોજાયો, જેમાં ડૉ. પંકજ પંડ્યાએ 78 વિદ્યાર્થીઓની દાંતની તપાસ કરી. દાંતમાં સડો, પીળા દાંત, દુખાવો, અને પેઢામાંથી રક્તસ્ત્રાવ જેવી સમસ્યાઓ તપાસી. ધૂમ્રપાનથી થતા નુકસાન વિશે જણાવ્યું અને દાંતની કાળજી માટે માર્ગદર્શન આપ્યું. આયોજન અધ્યાપિકા ફરહિના શેખ અને ડૉ. નિતિનકુમાર જાદવે કર્યું, અને આચાર્ય ડૉ. નયન સોનારાએ માર્ગદર્શન આપ્યું.

પાંડેસરાની વિમલ ટોરમલ પોદ્દાર કોલેજમાં VTP GOT TALENT કાર્યક્રમ 26 જુલાઈ 2025ના રોજ યોજાયો, જેમાં 24 કૃતિઓ પ્રદર્શિત થઈ. રાકેશ સાઈની અક્કી અને સિદ્ધિ અગરવાલ જૈન નિર્ણાયક હતા. વિદ્યાર્થીઓએ singing, dance જેવા ટેલેન્ટ દર્શાવ્યા, જેમાં તિવારી લક્ષ્મી પ્રથમ આવી. રાકેશ સાઈની અક્કીએ Mahindra Thar ગાડી દાંત અને આંગળીથી ખેંચી બતાવી. આયોજન ડો.ઈશાન તમહાંકર, પ્રો. રિતુ ભાટિયા, પ્રો. રિયા સુખીયાજી અને પ્રો. મનીષા પાટીલે કર્યું હતું.

નવસારીની SB ગાર્ડા કૉલેજમાં NSS અને આઈ.ક્યુ.એ. સેલ દ્વારા નવા વિદ્યાર્થીઓ માટે અભિમુક્તા કાર્યક્રમ યોજાયો. ડૉ. ગુર્જરે સેવાના મહત્વ વિશે માહિતી આપી. ડૉ. રાધા ગૌતમે NSS ની પ્રવૃત્તિઓ વિશે જણાવ્યું. શ્રીમતી હેતલ નાયકે શિબિરની જાણકારી આપી. શ્રી કિશોર પટેલે ગાર્ડા કૉલેજમાં NSS ના ઉદ્ભવ વિશે માહિતી આપી. 115 NSS સ્વયંસેવકોએ ભાગ લીધો.

અમરોલી સ્થિત જીવન જ્યોત ટ્રસ્ટ સંચાલિત સંસ્થાઓમાં તેજસ્વી વિદ્યાર્થીઓનો ઇનામ વિતરણ કાર્યક્રમ યોજાયો. જેમાં પ્રો.વી.બી.શાહ institute of management, આર.વી.પટેલ college of commerce, વી.એલ. શાહ college of commerce અને સુટેક્ષ બેંક college of computer application & scienceનો સમાવેશ થાય છે. 130 વિદ્યાર્થીઓ અને નેટ/સેટ પરીક્ષા પાસ કરનાર અને પી.એચ.ડી. પદવી હાંસલ કરનાર સ્ટાફનું સન્માન કરવામાં આવ્યું.

વીર નર્મદ યુનિવર્સિટીના સોશ્યલ વર્ક પ્રોગ્રામ દ્વારા "આરંભમ્" નામની ઝુંબેશ શરૂ કરાઈ, જેમાં સાયબર ક્રાઇમ જાગૃતિ માટે નાટક અને પ્રેઝન્ટેશન દ્વારા વિદ્યાર્થીઓને જાગૃત કરાયા. આ પહેલનો ઉદ્દેશ્ય વિદ્યાર્થીઓને શૈક્ષણિક અભ્યાસની સાથે સામાજિક પ્રવૃત્તિઓમાં પણ સામેલ કરી સામાજિક જવાબદારીની ભાવના કેળવવાનો છે. 'સાયબર ક્રાઇમ જાગૃતતા' વિષય પર ભટાર વિસ્તારમાં આવેલ ઈશ્વરલાલ ગુલાબભાઈ દેસાઈ વિદ્યાસંકુલ ખાતે ધોરણ ૯ થી ૧૨ના લગભગ ૭૦૦થી વધુ વિદ્યાર્થીઓએ ભાગ લીધો હતો. યુનિવર્સિટીના કુલપતિ ડૉ. કે.એન. ચાવડા અને કુલસચિવ આર.સી. ગઢવીના માર્ગદર્શન હેઠળ આયોજન કરવામાં આવ્યું.

India vs England મેચમાં, ભારતીય ટીમે શાનદાર રમત દાખવી Englandને Manchester test match ડ્રો કરવા માટે મજબૂર કર્યું. હેન્ડશેક વિવાદમાં એક દિગ્ગજે Ben Stokesને મૂર્ખ ગણાવ્યો અને Jadeja તેમજ Sunder વિશે પોતાનો મત વ્યક્ત કર્યો છે.

શ્રી ઇન્દિરા નગર પ્રાથમિક શાળાના બાળકોએ રેશન શોપની કાર્ય પદ્ધતિ, અનાજ સંગ્રહ, ફિંગરપ્રિન્ટ સમસ્યા અને રેશન કાર્ડના પ્રકાર વિશે માહિતી મેળવી. વિધવાઓને મળતા અનાજની માહિતી મેળવી, અનાજ જોખવાનો અનુભવ કર્યો, જે તેમને મદદરૂપ થશે. ત્યારબાદ આખલોલ મહાદેવ મંદિરે વનભોજનનો આનંદ લીધો અને શૈક્ષણિક પ્રવાસમાં સરકારી વિતરણ વ્યવસ્થાનો અનુભવ મેળવ્યો.

Gujarat સરકારે વિદ્યાસહાયકોની ભરતી માટેનો મનસ્વી નિર્ણય બદલ્યો; નિવૃત્ત શિક્ષકોની ભરતી રદ કરી. શિક્ષણ વિભાગે પરિપત્ર જાહેર કર્યો. TET-TAT ઉમેદવારોના રોષ પછી સરકારનો આ નિર્ણય લેવાયો છે. અગાઉ નિવૃત શિક્ષકોને ખાલી જગ્યાઓ પર ભરતી કરવાનો નિર્ણય લેવાયો હતો, જે હવે રદ કરવામાં આવ્યો છે.

જસદણમાં 10 લાખમાંથી 1 બાળકને થતી ક્રીગલર-નાઝર-સિંડ્રોમ નામની દુર્લભ લિવરની બીમારીનું નિદાન થયું. 8 મહિનાની સઘન સારવાર બાદ બાળક સ્વસ્થ થયું છે. ડોક્ટરોએ જણાવ્યું કે કમળાની ગંભીર બીમારી સાથે બાળક દાખલ થયું હતું, તપાસમાં દુર્લભ બીમારી હોવાનું જાણવા મળ્યું. હવે મુંબઈની રિલાયન્સ ફાઉન્ડેશન હોસ્પિટલમાં લિવર ટ્રાન્સપ્લાન્ટ થશે.

હિંમતનગરમાં હાથમતી નદી પરનો હાથમતી Pick-up Weir અડધો ફૂટ ઓવરફ્લો થતા નદીમાં 450 cusec પાણીની જાવક છે. કેનાલમાં 150 cusec પાણી વહે છે. સાબરકાંઠામાં 3 mm થી 42 mm સુધી વરસાદ થયો, જેમાં હિંમતનગરમાં સૌથી વધુ પોણા બે ઇંચ વરસાદ નોંધાયો, જિલ્લામાં સરેરાશ 79.32 ટકા વરસાદ થયો અને જળાશયોમાં પાણીની આવક સારી છે.