26 જાન્યુઆરી, 2001. એક એવો સવારનો સમય, જ્યારે ગુજરાતમાં લોકો રોજિંદી જિંદગીમાં વ્યસ્ત હતા. પણ સવારે 8:46 વાગ્યે, એક જ ઝટકામાં બધું બદલાઈ ગયું. Youtube Video ડોક્યુમેન્ટરીમાં અમે રજૂ કરીએ છીએ 26 જાન્યુઆરી 2001ના વિનાશક ગુજરાત ભૂકંપની સંપૂર્ણ કહાની - માત્ર આંકડાઓ નહીં, પરંતુ લોકોની લાગણીઓ, પીડા અને અદમ્ય હિંમત સાથે. ભૂકંપની તીવ્રતા (7.7 રિક્ટર સ્કેલ) અને તેનું કેન્દ્ર, ભુજ, કચ્છ, અંજાર, ભચાઉ સહિત વિસ્તારોમાં થયેલો ભયાનક વિનાશ, લાખો ઘરોનો નાશ અને અસંખ્ય પરિવારોનું વિખૂટું પડવું, ભારતીય સેના, વાયુસેના, “વિનાશથી વિકાસ સુધી” ગુજરાતનો પુનર્નિર્માણનો સફર. જુઓ અમારી ડોક્યુમેન્ટરી.

આજે ભારતનો 77મો ગણતંત્ર દિવસ છે. દિલ્હી કર્તવ્ય પથ ખાતે ઉજવણી કરવામાં આવી રહી છે. આ વખતે ગણતંત્ર દિવસની ઉજવણીની થીમ 'વંદે માતરમ' ના 150 વર્ષ પૂર્ણ થયા છે તે આધારિત છે. આ કાર્યક્રમનું નેતૃત્વ રાષ્ટ્રપતિ દ્રૌપદી મુર્મુ કરી રહ્યા છે. PM મોદીએ નેવી બ્લુ રંગનો કુર્તો લેંઘો અને કોટી પહેરી હતી. તેમણે લાલ રંગની પાઘડી પહેરી હતી. જેમાં મોરપીંછ જેવી પ્રિન્ટ દેખાતી હતી. આ સાફામાં લીલો, વાદળી, કેસરી એમ અલગ અલગ રંગો જોવા મળ્યા હતા .

ભારતમાં 77મા પ્રજાસત્તાક દિવસની ઉજવણી થઈ રહી છે. આ ઉજવણીમાં વિકાસ, સાંસ્કૃતિક વિવિધતા અને લશ્કરી શક્તિનું પ્રદર્શન થશે. Operation સિંદૂરમાં વપરાયેલ લશ્કરી એકમો અને શસ્ત્ર પ્રણાલીઓના models પણ રજૂ થશે. PM મોદીએ પરેડ પહેલાં યુદ્ધ સ્મારકની મુલાકાત લીધી અને શહીદોને શ્રદ્ધાંજલિ આપી.

પ્રજાસત્તાક દિવસ પર ચીન, બાંગ્લાદેશ અને ભૂટાને શુભેચ્છા સંદેશાઓ આપ્યા, જે કૂટનીતિક રીતે મહત્વપૂર્ણ છે. શી જિનપિંગે ભારતને સારો પાડોશી, મિત્ર અને ભાગીદાર ગણાવ્યું. ચીને સહયોગની સંભાવનાઓ દર્શાવી, જ્યારે બાંગ્લાદેશે ભારતને વિશ્વસનીય મિત્ર ગણાવ્યું. ભૂટાને ભારતને નજીકનો મિત્ર અને માર્ગદર્શક કહ્યો. આ સંદેશાઓ પ્રાદેશિક કૂટનીતિને મજબૂત કરે છે.

આગ્રામાં અખિલ ભારત હિન્દુ મહાસભાના કાર્યકરોએ તાજમહેલ પર તિરંગો ફરકાવી, ભારત માતા કી જયના નારા લગાવ્યા. આ ઘટનાનો VIDEO સામે આવ્યા બાદ ખળભળાટ મચી ગયો છે અને CISF તપાસ કરી રહી છે. કાર્યકરોએ તાજમહેલને તેજોમહાલય મંદિર ગણાવી પહેલીવાર રાષ્ટ્રધ્વજ ફરકાવ્યાનો દાવો કર્યો. યોગીએ મદરેસાઓ અને મસ્જિદોમાં રાષ્ટ્રધ્વજ ફરકાવવાનું ફરજિયાત કર્યું હોવાથી અહીં ધ્વજ ફરકાવ્યો હોવાનું જણાવ્યું.

લદ્દાખમાં ભારે હિમવર્ષાના કારણે જનજીવન અસ્તવ્યસ્ત થયું. BROની 122 RCC દ્વારા સ્નો ક્લિયરન્સના પ્રયાસો બાદ વાહન વ્યવહાર પુનઃશરૂ થયો. રસ્તાઓ સાફ કરવામાં આવ્યા અને જનજીવનને સામાન્ય બનાવવા માટે પ્રયત્નો કરવામાં આવ્યા. હિમવર્ષાના કારણે અનેક સમસ્યાઓ આવી હતી, પરંતુ તંત્ર દ્વારા તાત્કાલિક પગલાં લેવામાં આવ્યા.

77માં પ્રજાસત્તાક દિવસ નિમિત્તે PM મોદીએ શહીદ વીર જવાનોને નેશનલ વૉર મેમોરિયલ ખાતે શ્રદ્ધાંજલિ આપી. રાષ્ટ્રીય સમર સ્મારક 44 એકરમાં ફેલાયેલું છે. પ્રધાનમંત્રી નરેન્દ્ર મોદી ઇન્ડિયા ગેટ પર રાષ્ટ્રીય યુદ્ધ સ્મારક પહોંચ્યા, જ્યાં તેમણે શહીદ સૈનિકોને પુષ્પાંજલિ અર્પણ કરી. સંરક્ષણ મંત્રી રાજનાથ સિંહે પ્રધાનમંત્રીનું સ્વાગત કર્યું, અને ત્રણેય સેનાના વડાઓ પણ હાજર રહ્યા હતા. આજના દિવસે ફરજના માર્ગ પર 30 ઝાંખીઓ દર્શાવાશે.

અમેરિકાના રાષ્ટ્રપતિ ડોનાલ્ડ ટ્રમ્પની નીતિઓથી સોનાનો ભાવ વધ્યો. રવિવારે પહેલીવાર સોનાનો ભાવ $5,000 વટાવી ગયો. ચાંદી પણ પહેલીવાર $102 ને વટાવી ગઈ. આજે MCX પર ટ્રેડિંગ નહીં થાય, પણ આંતરરાષ્ટ્રીય બજારમાં ભાવ વધ્યા છે. અમદાવાદમાં 24 કેરેટ સોનાનો ભાવ ₹1,60,300 છે. ટ્રમ્પના નિવેદનોથી યુરોપમાં તણાવ વધ્યો અને ડોલર નબળો પડતા સોનાના ભાવમાં વધારો થયો.

ભારતમાં 77મો ગણતંત્ર દિવસ ઉજવાઈ રહ્યો છે, જેમાં દિલ્હીના કર્તવ્ય પથ પરેડમાં ઘણા ફેરફારો થશે. પહેલીવાર 2 ચીફ ગેસ્ટ, CRPFની પુરુષ રેજિમેન્ટનું નેતૃત્વ મહિલા અધિકારી કરશે. સેનાના યુદ્ધનું લાઇવ પ્રદર્શન અને પશુઓની પરેડ પણ થશે.

26 જાન્યુઆરીએ પ્રજાસત્તાક દિવસની ઉજવણી થઈ રહી છે. દિલ્હીના કર્તવ્ય પથ પર ભારતની સંસ્કૃતિ અને સંરક્ષણ ક્ષેત્રની સિદ્ધિઓ જોવા મળશે. આ તહેવાર પર વિશેષ મહેમાનોમાં ખેડૂતો અને શ્રમિકોને સ્થાન અપાયું છે. ભારતના વીર સપૂતોને શૌર્ય બદલ પુરસ્કાર મળશે. 77મા પ્રજાસત્તાક દિવસે અવકાશ યાત્રી શુભાંશુ શુક્લાનું સન્માન થશે. "Republic Day" પરેડમાં "India's" ક્ષમતાઓ દર્શાવાશે.

RBIના તાજેતરના અહેવાલ મુજબ, રાજ્યોની કુલ રાજકોષીય ખાધનો લગભગ 76% હિસ્સો હવે બજારની ઉધારી દ્વારા પૂરો કરવામાં આવશે. RBIના રિપોર્ટ અનુસાર, હાલમાં તમિલનાડુ (1.23 લાખ કરોડ) અને મહારાષ્ટ્ર (1.23 લાખ કરોડ) દેશમાં સૌથી વધુ દેવું લેનારા રાજ્યો છે. ગુજરાતનો ડેબ્ટ ટુ જીએસડીપી પ્રમાણ પણ સારો છે જે 20%ની આજુબાજુ યથાવત્ છે. જ્યાં એકતરફ મોટા રાજ્યો દેવું વધારી રહ્યા છે, ત્યાં ઉત્તર પ્રદેશે પોતાની ઉધારીમાં મોટો ઘટાડો કરીને સૌને ચોંકાવ્યા છે. UP એ વર્ષ 2023-24 માં 49,618 કરોડનું દેવું લીધું હતું, જે ગત નાણાકીય વર્ષમાં ઘટીને માત્ર 4,500 કરોડ રહી ગયું છે.

છત્તીસગઢના 41 ગામોમાં, જે માઓવાદી પ્રભાવથી મુક્ત થયા છે, ત્યાં આ વર્ષે પહેલીવાર Republic Day પર તિરંગો ફરકાવવામાં આવશે. દાયકાઓ પછી આ ગામો રાષ્ટ્રીય ઉત્સવમાં ભાગ લેશે. સુરક્ષા દળોની કાર્યવાહી અને વિકાસ યોજનાઓના કારણે પરિસ્થિતિ બદલાઈ છે. ગ્રામજનોમાં ઉત્સાહ છે, તેઓ ધ્વજારોહણની તૈયારી કરી રહ્યા છે. આ 54 ગામોમાં Republic Day ઉજવાશે, જે શાંતિ અને વિકાસનો સંકેત છે.

ભારત-અમેરિકા વચ્ચેની Trade Deal માં વિલંબ માટે Trump વહીવટીતંત્રના જ હોદ્દેદારો જવાબદાર છે. સેનેટર ટેડ ક્રૂઝે વ્હાઇટ હાઉસના વ્યાપાર સલાહકાર પીટર નવારો અને ઉપપ્રમુખ જેડી વેન્સને આ સમજૂતીમાં મુખ્ય અવરોધરૂપ ગણાવ્યા છે. આ ખુલાસાથી બંને દેશોના રાજદ્વારી સંબંધોમાં બદલાવ આવી શકે છે.

ઉત્તર ભારતમાં હિમવર્ષા ચાલુ; જમ્મુ-કાશ્મીરમાં હળવી હિમવર્ષા, શ્રીનગર-જમ્મુ highway ખુલ્યો. હિમાચલમાં 835 રસ્તાઓ બંધ, 2 દિવસ યલો એલર્ટ. યુપીના 20 જિલ્લામાં વરસાદ-વાવાઝોડાનું એલર્ટ. રાજસ્થાનમાં ઠંડી વધી, તાપમાન ઘટ્યું, હળવા વરસાદની સંભાવના. ઉત્તરાખંડના 5 જિલ્લામાં હિમવર્ષા, 29 જાન્યુઆરી સુધી આવું જ હવામાન. મધ્યપ્રદેશમાં ધુમ્મસ અને ઠંડા પવનોની અસર.

દેશનો 77મો ગણતંત્ર દિવસ: PM મોદીના દરેક વર્ષના લુકની ચર્ચા થાય છે. 2022માં બ્રહ્મકમલ ટોપી, 2021માં હલારી પાઘડી પહેરી હતી. આ વર્ષે કર્તવ્ય પથ પરેડની થીમ વંદે માતરમ્ છે, જેમાં 30 ઝાંખીઓ 'સ્વતંત્રતાનો મંત્ર-વંદે માતરમ્, સમૃદ્ધિનો મંત્ર-આત્મનિર્ભર ભારત' પર આધારિત હશે. Air Forceના 29 એરક્રાફ્ટ ફ્લાયપાસ્ટ કરશે.

યુરોપિયન કાઉન્સિલના પ્રમુખ એન્ટોનિયો કોસ્ટા અને યુરોપિયન કમિશનના પ્રમુખ ઉર્સુલા વોન ડેર લેયેન મુખ્ય અતિથિ રહેશે. કાર્યક્રમ "વંદે માતરમ" ની 150મી વર્ષગાંઠ પર આધારિત, રાષ્ટ્રપતિ દ્રૌપદી મુર્મુ નેતૃત્વ કરશે. PM મોદી શહીદોને શ્રદ્ધાંજલિ આપશે. કર્તવ્ય પથ પરેડમાં ભારતની પ્રગતિ, લશ્કરી શક્તિ અને સાંસ્કૃતિક વિવિધતા દર્શાવાશે. PM મોદીએ દેશવાસીઓને પ્રજાસત્તાક દિવસની શુભેચ્છા પાઠવી.

અભિષેક શર્માની 14 બોલમાં ફિફ્ટીથી ભારતે ન્યુઝીલેન્ડ સામે 154 રનનો ટાર્ગેટ માત્ર 10 ઓવરમાં મેળવી લીધો. ભારતે 60 બોલ બાકી રાખીને 2 વિકેટે મેચ જીતી લીધી. આ જીતથી ભારતે 5 મેચની સિરીઝ 3-0થી જીતી લીધી અને સતત 9મી T-20 સિરીઝ પણ જીતી લીધી. હાર્દિકનો ડાઇવિંગ કેચ અને અભિષેકની સિક્સર મુખ્ય રહી.

ભારતનું બંધારણ 26 નવેમ્બર, 1949 ના રોજ બનીને તૈયાર થઈ ગયું હતું અને તે જ દિવસે બંધારણ સભા દ્વારા તેને અપનાવી લેવામાં આવ્યું હતું. પરંતુ તેનો અમલ કરવા માટે 26 જાન્યુઆરી, 1950 સુધી રાહ જોવામાં આવી હતી. વાસ્તવમાં, 26 જાન્યુઆરી 1930ના રોજ કોંગ્રેસે દેશમાં 'પૂર્ણ સ્વરાજ' નો નારો આપ્યો હતો. 19 ડિસેમ્બર 1929ના રોજ લાહોર અધિવેશનમાં પંડિત જવાહરલાલ નેહરુએ રાવી નદીના કિનારે તિરંગો લહેરાવીને ભારતની સંપૂર્ણ આઝાદીની માંગ કરી હતી. તે સમયે નક્કી કરાયું હતું કે જાન્યુઆરીના છેલ્લા રવિવારે (જે 26 જાન્યુઆરી હતી) ભારતનો સ્વતંત્રતા દિવસ મનાવવામાં આવશે. આ ઐતિહાસિક તારીખની યાદને અમર રાખવા માટે જ 26 જાન્યુઆરીને બંધારણ લાગુ કરવા માટે પસંદ કરવામાં આવી હતી.

કોલકાતામાં TMC vs BJP વચ્ચે અથડામણ થઈ. સખેરબજારમાં રવિવારે TMC અને BJPના સમર્થકો વચ્ચે માઈક્રોફોનના ઉપયોગથી શરૂ થયેલો વિવાદ હિંસામાં પરિણમ્યો. BJPએ TMC પર બેઠકમાં અવરોધ ઊભો કરવાનો આરોપ લગાવ્યો, જ્યારે BJP કાર્યકરોએ કથિત રીતે TMC નેતાના કાર્યક્રમ સ્થળ પર તોડફોડ કરી.

ભારતનો 77મો Republic Day ઉત્સાહથી ઉજવાઈ રહ્યો છે. કર્તવ્ય પથ પરેડમાં વિકાસ, સંસ્કૃતિ અને સૈન્ય શક્તિનું પ્રદર્શન થશે. સમારોહ ‘વંદે માતરમ’ ના 150 વર્ષની થીમ પર આધારિત છે, જેની આગેવાની રાષ્ટ્રપતિ દ્રૌપદી મુર્મૂ કરી રહ્યા છે. આ વર્ષે Republic Day ના મુખ્ય અતિથિ યુરોપિયન કાઉન્સિલના અધ્યક્ષ એન્ટોનિયો કોસ્ટા અને યુરોપિયન કમિશનના અધ્યક્ષ ઉર્સુલા વોન ડેર લેયેન છે.

રાજસ્થાનમાં ગણતંત્ર દિવસ પહેલાં 10,000 KG Ammonium Nitrate પકડાયું. નાગૌર જિલ્લામાં પોલીસે દરોડો પાડીને આ જથ્થો જપ્ત કર્યો. સુરક્ષા એજન્સીઓ માટે મોટી સફળતા. આ ઘટનાને પગલે સમગ્ર રાજ્યમાં તપાસ તેજ કરવામાં આવી છે અને સુરક્ષા વધારાઈ.

26 જાન્યુઆરીએ ભારત 77મો ગણતંત્ર દિવસ ઉજવશે. પરેડની થીમ વંદેમાતરમ્ છે. કર્તવ્ય પથ પર 30 ઝાંખીઓ 'સ્વતંત્રતાનો મંત્ર-વંદે માતરમ્, સમૃદ્ધિનો મંત્ર-આત્મનિર્ભર ભારત' પર આધારિત હશે. PM મોદીએ વોર મેમોરિયલ પર શહીદોને શ્રદ્ધાંજલિ આપી. એરફોર્સના 29 એરક્રાફ્ટ ફ્લાયપાસ્ટ કરશે જેમાં 16 ફાઇટર જેટ સામેલ હશે. ફ્લાઇટ લેફ્ટનન્ટ અક્ષિતા ધનકર રાષ્ટ્રપતિ સાથે રાષ્ટ્રીય ધ્વજ ફરકાવશે.

વલસાડના કિરણભાઈએ બે એકરમાં કેસર આંબાની 2000 કલમનું વાવેતર કરી ત્રીજા વર્ષથી ઉત્પાદન શરૂ કર્યું. Ultra High Density પદ્ધતિથી આંબા કલમ અને શાકભાજીની પ્રાકૃતિક ખેતી કરે છે. તેઓ આધુનિક અને પ્રાકૃતિક ખેતીનું સંયોજન કરી સારી આવક મેળવે છે. Ultra High Density ટેકનોલોજીથી ત્રણ વર્ષમાં કેરીનું ઉત્પાદન શરૂ થાય છે અને કેરીની ગુણવત્તા પણ સારી હોય છે. આંબા કલમનું વાવેતર ત્રણ ફૂટના અંતરે કરાય છે.

2001ના ભૂકંપે ગુજરાતમાં વિનાશ વેર્યો, હજારો સપનાં ધૂળમાં મળ્યા. રાજકોટના ધંધૂકિયા પરિવારે ત્રણ સભ્યો ગુમાવ્યા. ભાઈ કિરીટભાઈને ભુજમાં નોકરી મળ્યાના વર્ષમાં જ ભૂકંપમાં ભાભી-ભત્રીજી સાથે દટાઈ ગયા. 12 દિવસે કોહવાયેલી હાલતમાં લાશ મળી. ભત્રીજી રમકડાથી ઓળખાઈ. 'બચાવો'ની બૂમો સંભળાતી હતી. કિરીટભાઈ નાની ઉંમરે નોકરી કરતા હતા, પરિવારનો આધારસ્તંભ હતા. આ કરુણ ઘટના આજે પણ પરિવારને યાદ છે.

કચ્છના વિનાશકારી ભૂકંપને 25 વર્ષ પૂર્ણ, કુદરતની થપાટ છતાં ખમીર અકબંધ. 'ભૂકંપ@25' સિરીઝમાં કચ્છની દાસ્તાન: ધરતી ફાટી, બિલ્ડિંગો દફન, લાખો લોકો અસરગ્રસ્ત. દેશ-વિદેશથી સહાય મળી, કમર કસીને કચ્છ બેઠું થયું. વિકાસ રાત્રે થયો, નર્મદાએ કલંક મિટાવ્યું. આજે હું અડીખમ છું. આફત પછી પણ મારું કચ્છીપણું જીવંત છે.

બિહારમાં પરાજય છતાં રાજદમાં તેજસ્વી યાદવનું કદ વધ્યું. રવિવારે રાષ્ટ્રીય જનતા દળ (રાજદ)ની રાષ્ટ્રીય કારોબારીની બેઠકમાં તેજસ્વી યાદવની રાષ્ટ્રીય કાર્યકારી અધ્યક્ષ તરીકે નિમણૂક થઈ. રોહિણી આચાર્યએ તેજસ્વીને કઠપૂતળી શહેજાદા અને સાથીઓને ઘૂસણખોર ગણાવ્યા હતા. તેજસ્વી યાદવની પ્રમુખપદે પસંદગી થતા જ ટીકા થઈ હતી. આ સાથે લાલુ યુગ પૂરો થયો.

બાંગ્લાદેશના ઢાકામાં ૨૩ વર્ષના ચંચલ ચંદ્ર ભૌમિક નામના હિન્દુ યુવકની ક્રૂર હત્યા થઈ. તે ગેરેજમાં કામ કરતો અને ત્યાં જ સૂતો હતો, ત્યારે દરવાજાથી પેટ્રોલ નાખી આગ લગાવાઈ. આ ઘટનામાં તે જીવતો સળગી ગયો. પોલીસે તપાસ શરૂ કરી છે, આ ઘટનાને લીધે હિન્દુ સમુદાયમાં ભયનો માહોલ છે.

મૂળી તાલુકામાં આવેલી મંદિરની ભવ્ય હવેલી એક પ્રાચીન સ્થળ છે. સંવત 1932માં ધોલેરા બંદર મારફત રંગુન બર્માથી સાગ સીસમ મંગાવી સદગુરુ નિર્દોષાનંદ સ્વામીએ નિર્માણ કરાવી. આનો ઉપયોગ સાંખ્યયોગી તથા બહેનોના ઉતારા માટે થતો. પદયાત્રાએ આવતી બહેનોને ઉતારો અપાતો. જેમાં કથાવાર્તા, ધૂન-કિર્તન માટે હરીમંદિર છે. ગાદીવાળા પણ ઉતરતા હોવાથી સમગ્ર પંથકમાં અનેરું મહત્વ છે.

ભારતના 40 વર્ષથી ઓછી ઉંમરના ઉદ્યોગસાહસિકો $950 Billion કારોબારનું સંચાલન કરે છે, જે 12 લાખ લોકોને રોજગારી આપે છે. આ ઉદ્યોગસાહસિકો સ્વ-નિર્મિત સંસ્થાનું પ્રતિનિધિત્વ કરે છે. એવેન્ડસ વેલ્થ-હુરુન ઇન્ડિયા સિરીઝ 2025 મુજબ, આ કંપનીઓનું સંયુક્ત મૂલ્યાંકન $950 Billion છે, જે સ્વિટ્ઝર્લેન્ડની GDP કરતાં વધુ છે. જેમાં 400 પુરુષો અને 36 મહિલાઓ છે.

મોબાઈલના કારણે જૂની રમતો ભુલાઈ રહી છે, ત્યારે મોરબી મહાપાલિકા દ્વારા ગુજરાત શહેરી વિકાસના 20 વર્ષ પૂર્ણ થતા રાણીબાગ ખાતે કેરમ ટુર્નામેન્ટનું આયોજન કરાયું. આ ટુર્નામેન્ટમાં વિદ્યાર્થીઓ અને કેરમ રસિકો સહિત 300થી વધુ સ્પર્ધકોએ ભાગ લીધો અને કેરમની રમતનો ભરપૂર આનંદ ઉઠાવ્યો. આ ટુર્નામેન્ટનો હેતુ કેરમની રમતને જીવંત રાખવાનો છે.