બોટાદ જિલ્લામાં કુલ 67 શિક્ષકોને જિલ્લા શિક્ષણાધિકારી દ્વારા નિમણૂક પત્ર એનાયત કરાયા. ગુજરાત સરકાર દ્વારા શિક્ષકોની ઘટ પૂર્ણ કરવાના ભાગરૂપે સરકારી માધ્યમિક શિક્ષણ સહાયક ભરતી-2024 અંતર્ગત બોટાદ જિલ્લામાં વિશેષ આયોજન કરાયું હતું. મોડેલ સ્કૂલ ખાતે આયોજિત કાર્યક્રમમાં જિલ્લા શિક્ષણાધિકારી ડૉ. ભરતસિંહ વઢેર દ્વારા ઉમેદવારોને નિમણૂક પત્ર આપવામાં આવ્યા અને નિષ્ઠાપૂર્વક કાર્ય કરવા પ્રોત્સાહિત કર્યા.

જામનગરના શાપર ગામમાં સરકારી અને ગૌચર જમીન પરના ગેરકાયદે બાંધકામો દૂર કરવા મેગા ડીમોલીશન ઓપરેશન હાથ ધરાયું છે. જામનગર-ખંભાળિયા હાઇવે નજીક 100 વીઘા જમીન પરના દબાણો હટાવાયા. 7 JCB મશીન અને ટ્રેક્ટરો કામે લગાડાયા છે. મહેસુલી તંત્ર, પોલીસ કાફલો અને વીજ તંત્રની ટુકડી હાજર રહ્યા. 20 જેટલા ગેરકાયદે બાંધકામો તોડવામાં આવ્યા છે.

વડોદરાની સયાજી હોસ્પિટલની ધનવંતરી હોસ્ટેલમાં ડેન્ગ્યુના ઉપદ્રવને લીધે ડોક્ટરો મચ્છરદાનીમાં રહેવા મજબૂર. અપૂરતી સફાઈને કારણે ડોક્ટરો સ્વખર્ચે સફાઈ કરાવે છે. હોસ્ટેલમાં ગંદકીનું સામ્રાજ્ય છે અને પાંચ બિલ્ડિંગ માટે માત્ર બે જ સફાઈ કામદારો છે. બે ડોક્ટરોને ડેન્ગ્યુ પોઝિટિવ આવતા આરોગ્યતંત્રમાં દોડધામ મચી ગઈ છે.

રાજકોટ કોંગ્રેસે RMCમાં "ભાજપ તારો ભ્રષ્ટાચાર બંધ કર"ના નારા સાથે હલ્લાબોલ કર્યો. રસ્તાના ખાડા, ફાયર સેફ્ટી, અને પૂર્ણતા મુદ્દે ભ્રષ્ટાચારનો આરોપ લગાવી 11 દિવસનું અલટીમેટમ આપ્યું. કોંગ્રેસના નેતાઓએ ચીમકી આપી કે જો ભ્રષ્ટાચાર બંધ નહિ થાય તો કમિશનરને ખુરશી પર બેસવા દેવામાં નહિ આવે. લાંબા સમય પછી કોંગ્રેસના નેતાઓ સાથે જોવા મળ્યા.

સુરત RTOએ ટેક્સ ન ભરનારા બે બસ સંચાલકો - ગોરધન રોય (₹1.30 કરોડ બાકી) અને રમેશ વઘાસિયા (₹45.39 લાખ બાકી)ની ભાવનગરની જમીન પર બોજો પાડ્યો. વારંવાર નોટિસ આપવા છતાં ટેક્સ ભરવામાં આડોડાઈ કરતા આ કાર્યવાહી કરાઈ. રાજ્યમાં નોન-યુઝ્ડના નામે ટેક્સ ચોરી કરતા અને એક જ નંબર પર બે બસ ચલાવતા સંચાલકો સામે RTO કડક કાર્યવાહી કરશે.

વડોદરામાં સાયબર માફિયાઓએ શેરબજારની ખોટી એપ્લિકેશનથી સિનિયર સિટીઝન પાસેથી ઓનલાઈન રોકાણના બહાને 1.78 કરોડ પડાવ્યા. 1.78 કરોડના રોકાણ સામે 9.33 કરોડનું વળતર બતાવ્યું, પણ આપ્યું નહીં. ત્યારબાદ સિનિયર સિટીઝને વડોદરા સાયબર ક્રાઇમ પોલીસ સ્ટેશનમાં ફરિયાદ નોંધાવી છે.

શુક્રવારથી શ્રાવણ માસની શરૂઆત થતા સાબરકાંઠા જિલ્લાના હિંમતનગરના શિવ મંદિરોમાં ભક્તોની ભીડ જોવા મળી. ભક્તોએ શિવજીને પાણી, દૂધથી અભિષેક કર્યો અને બિલીપત્રો અર્પણ કર્યા. હાથમતી નદી કિનારે આવેલા ભોલેશ્વર મહાદેવ મંદિરે વિશેષ પૂજા-અર્ચના કરવામાં આવી. શ્રાવણ માસ દરમિયાન વિવિધ ધાર્મિક કાર્યક્રમો અને પાર્થેશ્વરની પૂજાનું આયોજન કરવામાં આવશે. આ માસ હિંદુ ધર્મમાં મહત્વપૂર્ણ છે.

સુરત અકસ્માત: સુરતમાં BRTS બસ અને કોર્પોરેટરની સ્વિફ્ટ કાર વચ્ચે અકસ્માત બાદ પોલીસ ફરિયાદ ટાળી સમાધાન થયું. અમરોલી તાપી બ્રિજ પર થયેલ અકસ્માતમાં કોઈ જાનહાનિ થઈ ન હતી, પરંતુ BRTS બસ ચાલકની બેદરકારી સામે આવી હતી. અકસ્માતગ્રસ્ત કાર મહિલા કોર્પોરેટરની હોવાથી 'બંધ બારણે સમાધાન' થતા શહેરમાં ચર્ચા જાગી છે.

ગીર સોમનાથમાં મેઘરાજાની ઓછી મહેરથી જળાશયો અધૂરા રહ્યા છે, ગયા વર્ષે છલકાયેલા ડેમ આ વર્ષે ખાલી છે. ગુજરાત-સૌરાષ્ટ્રમાં વરસાદ હોવા છતાં, અહીં ઓછી મેઘકૃપા થઇ છે. હિરણ-2 ડેમ 65.92% ભરાયો છે, જ્યાં 20 ઇંચ ઓછો વરસાદ છે. બાકીના ડેમ પણ ઓછા ભરાયા છે. આવનારા દિવસોમાં મેઘરાજા ગીર સોમનાથ પર કૃપા કરે તેવી પ્રાર્થના છે.

આજથી પવિત્ર શ્રાવણ માસનો પ્રારંભ થઈ રહ્યો છે, રાજ્યભરના શિવાલયોમાં ભક્તોની ભીડ રહેશે. ધ્રાંગધ્રાના ફુલેશ્વર મહાદેવ મંદિરમાં દર સોમવારે બરફ, રુદ્રાક્ષના શિવલિંગ અને બાર જ્યોતિર્લિંગના દર્શન થાય છે. શ્રાવણ માસમાં ભંડારો પણ રાખવામાં આવે છે, જેમાં ભક્તો મહાપ્રસાદનો લાભ લે છે. શિવ સ્તુતિ અને રુદ્રાષ્ટકમ પણ કરવામાં આવે છે.

સુરતના પાંડેસરામાં દક્ષેશ્વર પાસે BRTS બસને અકસ્માત નડ્યો, જેમાં ડ્રાઈવરે સ્ટીયરિંગ પરનો કાબૂ ગુમાવતા બસ ડિવાઈડર સાથે અથડાઈ. મુસાફરોથી ભરેલી બસ દક્ષેશ્વર મહાદેવ મંદિર પાસેથી પસાર થઈ રહી હતી ત્યારે આ ઘટના બની. સદનસીબે કોઈ જાનહાનિ થઈ નથી, પરંતુ BRTS બસને નુકસાન થયું છે અને પોલીસે તપાસ હાથ ધરી છે.

સફારી ગાડીએ અકસ્માતોની વણઝાર સર્જી, જેમાં બે લોકો ભોગ બન્યા. હિતેશ નામના વ્યક્તિએ નશામાં પોર ગામથી ગાડી ચલાવીને ગાંધીનગરમાં હાહાકાર મચાવ્યો. C રોડ પર 100 ની ઝડપે ઘૂસીને રક્ષા શક્તિ સર્કલ થી શુકન સ્કાય બંગ્લોઝ સુધી અકસ્માતો કર્યા. એક વ્યક્તિ બોનેટ પર લટકતો રહ્યો, પણ હિતેશ ન રોકાયો. ભયાનક દ્રશ્યો CCTV માં કેદ થયા.

ભંડારિયા મેલકડી ગિરિમાળાઓમાં દિવાસાના પર્વે ખીરના હવનનો ઉત્સવ યોજાયો. 2000 લીટર દૂધની ખીરનો હવન, ગ્રામજનોએ પ્રસાદ લીધો. ધાવડીમાતાનું સ્થાનક આસ્થાનું કેન્દ્ર, 100 વર્ષથી ખીરના હવનની પરંપરા છે. રોગચાળામાં રક્ષણ મળતા પ્રથા શરૂ થઈ. આજે પણ ગામના લોકો શ્રદ્ધાથી માને છે. ખીરનો હવન શ્રદ્ધા અને એકતાનું પ્રતીક છે. આ પર્વ માત્ર અહીં જ ઉજવાય છે. પશુપાલકો દૂધ અને લોકો આર્થિક સહયોગ કરે છે.

વડોદરા SOG પોલીસે ભરૂચથી આવેલ સાદીક શેખને 9.33 લાખના 93.31 ગ્રામ મેફેડોન (MD) ડ્રગ્સ સાથે પકડ્યો. કુલ ₹10,23,614નો મુદ્દામાલ જપ્ત. આરોપીએ પોલીસથી બચવા એક્ટિવા પર PRESS લખાવ્યું હતું અને ન્યૂઝ ચેનલનું આઈ.ડી. પણ મળ્યું. 2008માં તેના પર હત્યાનો ગુનો પણ નોંધાયેલો છે. NDPS એક્ટ હેઠળ ગુનો નોંધી કાર્યવાહી કરાઈ અને બે વોન્ટેડ આરોપીઓની શોધખોળ ચાલુ છે.

ભાવનગરના તળાજા નજીક નવા રોડ પર વરસાદમાં બાઈક, રીક્ષા, બસ જેવા વાહનો સ્લીપ થયા. CCTV વિડીઓ વાયરલ થતા સ્થાનિકોએ બમ્પ ન મુકવા બદલ તંત્રની બેદરકારીનો આક્ષેપ કર્યો છે. રસ્તાની ગુણવત્તા તપાસીને વરસાદમાં યોગ્ય વ્યવસ્થા કરવાની માંગ કરી છે, જેથી અકસ્માતો ટાળી શકાય.

ગુજરાત પોલીસ વિભાગમાં ખાલી પદ મામલે HCમાં સુનાવણી થઈ. રાજ્ય સરકારે કહ્યું કે PSI ભરતીનું ફાઈનલ સિલેક્શન લિસ્ટ ઓક્ટોબર-નવેમ્બરમાં જાહેર થશે. હાઈકોર્ટે વાર્ષિક ભરતી કેલેન્ડર તૈયાર કરવા ટકોર કરી, જેનાથી ઉમેદવારોની સંખ્યામાં ઘટાડો થશે. જાન્યુઆરીથી જૂન સુધી પ્રમોશનલ પોસ્ટ અને જુલાઈથી સપ્ટેમ્બર સુધી સીધી ભરતીનું કેલેન્ડર તૈયાર થઈ શકે છે.

વડોદરા મ્યુનિસિપલ કોર્પોરેશનના ફૂડ સેફ્ટી ઓફિસરોએ શાળાઓ, મેડિકલ કોલેજની કેન્ટીનો અને હોસ્ટેલમાં ખાદ્ય પદાર્થોનું ચેકિંગ કરી નમૂના લીધા. કારેલીબાગની સરદાર વિનય સ્કૂલમાં સ્વચ્છતા ન હોવાથી નોટિસ અપાઈ, માંજલપુરની અંબે સ્કૂલની કેન્ટીનમાંથી નમૂના લેવાયા. કોઠી વિસ્તારની PG-2 કેન્ટીન લાયસન્સ વગર ચાલતી હોવાથી બંધ કરાવાઈ. એસએસજી હોસ્પિટલના એબી બ્લોકનું પણ ચેકિંગ કરાયું.

વડોદરા એમડી દાણચોરી: વડોદરાના સન ફાર્મા રોડ વિસ્તારમાંથી પોલીસે MD ડ્રગ્સની ડિલિવરી આપવા આવેલા ભરૂચના ખેપિયાને ઝડપી પાડ્યો. સન ફાર્મા રોડ વિસ્તારમાં રિલાયન્સ મોલની પાછળ ગ્રાઉન્ડમાં MD ડ્રગ્સની ડિલિવરી થનાર હોવાની બાતમી મળતા એસ.ઓ.જીની ટીમે વોચ રાખી હતી. પોલીસે પ્રેસ લખેલા સ્કૂટર સાથે સાદિક મહેબૂબ શેખની ધરપકડ કરી.

જામનગરમાં જંગલેશ્વર મહાદેવ મંદિરનું સ્થળાંતર કરવામાં આવ્યું છે કારણ કે મહાનગરપાલિકા દ્વારા આરટીઓથી મિગ કોલોની સુધી નવો રોડ બની રહ્યો છે. મંદિરના ટ્રસ્ટીઓએ બાજુમાં નવું મંદિર બનાવ્યું, જ્યાં શિવલિંગ અને મૂર્તિઓની પ્રાણ પ્રતિષ્ઠા પણ થઈ ગઈ છે. શ્રાવણ માસના પ્રથમ દિવસે જ પૂજા શરૂ થઈ ગઈ છે અને જૂના મંદિરને તોડી રસ્તો બનાવવાની કામગીરી શરૂ થઈ છે.

જામનગર નજીક શાપર વિસ્તારમાં સરકારી અને ગૌચરની જમીન પર થયેલા દબાણો દૂર કરવા તંત્ર દ્વારા મેગા ડિમોલિશન હાથ ધરાયું. અંદાજે 100 વીઘા જેટલી કિંમતી સરકારી જગ્યા ખુલ્લી કરાઈ. 7 JCB મશીનો, 10 ટ્રેક્ટર અને 100 જેટલા પોલીસ કર્મીઓ સાથે કાર્યવાહી થઈ. સરકારી ખરાબામાં 20 અને ગૌચરમાં 30 જેટલા બાંધકામો દૂર કરાયા.

પોરબંદરમાં એક શરમજનક ઘટના બની. ચાર આરોપીઓએ સગીરાને કેફી પીણું પીવડાવી ગેંગરેપ કર્યો. ઉદ્યોગનગર પોલીસ સ્ટેસન માં ફરિયાદ નોંધાઈ છે. આરોપીઓ જયરાજ, મલ્હાર, અને રાજ સહીત એક અજાણ્યાએ સગીરાનું અપહરણ કર્યું, વૃંદાવન પાર્ટી પ્લોટમાં દુષ્કર્મ આચર્યું, અને સિગારેટથી ઇજા પહોંચાડી. પોલીસે તપાસ શરૂ કરી છે, લોકો આરોપીઓને સખત સજાની માંગ કરી રહ્યા છે.

CM ભૂપેન્દ્ર પટેલે આદિજાતિ જિલ્લાઓ માટે 6 મોબાઈલ મેડિકલ વાનનું પ્રસ્થાન કરાવ્યું. આ વાન ડાંગ, દાહોદ, સાબરકાંઠા, અરવલ્લીમાં ફરશે, જેમાં ડોક્ટર સહિતની મેડિકલ ટીમ હશે. આ વાન ફળિયા-મહોલ્લામાં જઈને વિનામૂલ્યે સારવાર આપશે. આ પ્રોજેક્ટમાં 7 કરોડનો ખર્ચ થયો છે અને REC ફાઉન્ડેશન, દિલ્હીનો આર્થિક સહયોગ છે. જરૂર પડ્યે દર્દીઓને નજીકના મેડિકલ સેન્ટર પર લઈ જઈને તેમની સારવાર અંગે ઓનલાઇન માર્ગદર્શન પણ આપી શકાશે.

જામનગર કોંગ્રેસનો વિરોધ: ખેડૂતોના કલ્યાણ અને પાક વીમા પોર્ટલની સમસ્યાઓ માટે કોંગ્રેસ દ્વારા રેલીનું આયોજન કરાયું. જેમાં કોંગ્રેસ કાર્યકરોએ સૂત્રોચ્ચાર કરી સરકારની ખેડૂત વિરોધી નીતિઓનો આક્રોશ દર્શાવ્યો. જિલ્લા કોંગ્રેસ પ્રમુખ મનોજ કથીરીયાની આગેવાનીમાં પોસ્ટરો સાથે કલેક્ટર કચેરીએ રજૂઆત કરવામાં આવી.

જામનગર અકસ્માત: જામનગર-ખંભાળિયા ધોરીમાર્ગ પર ઝાખર ગામ પાસે હિટ એન્ડ રનમાં બાઈક ચાલક શ્રમિક યુવાનનું ટ્રકની ટક્કરે મૃત્યુ થયું. મૂળ મધ્યપ્રદેશનો વતની શિવ નારાયણ રાઠોડ મીઠોઈ ગામમાં ખેતમજૂરી કરતો હતો. GJ 03 BV નંબરનું વાહન પુરપાટ ઝડપે આવી રહ્યું હતું. પોલીસે તપાસ હાથ ધરી.

જૂનાગઢના વંથલીમાં ઓજત નદી કાંઠે દીપડી મરઘા ફાર્મમાં પુરાઈ જતાં ભય ફેલાયો. વન વિભાગે એનિમલ કેર સેન્ટરની મદદ થી ટ્રેન્ક્યુલાઈઝર બંદૂકનો ઉપયોગ કરી દીપડીને પાંજરે પૂરી, ત્યારબાદ અમરાપુર એનિમલ કેર સેન્ટર મોકલી રાહત અપાવી. ગ્રામજનોમાં ભય યથાવત છે, વન વિભાગે સતર્ક રહેવાની સલાહ આપી, પેટ્રોલિંગ વધારવાની માંગણી કરવામાં આવી.

જામનગર નજીક નાઘેડી વિસ્તારમાં પંચકોશી બી. ડિવિઝન પોલીસે રેડ કરી સાત સ્ત્રી-પુરુષોને ગંજીપાનાથી જુગાર રમતા પકડ્યા. પોલીસે ગીતાબા જાડેજા સહિત સાત લોકોની ધરપકડ કરી ₹28,550 ની માલમતા જપ્ત કરી. જામનગરમાં જુગાર દરોડામાં પોલીસે કાર્યવાહી કરી.

જામનગર ચોરી કેસ: જામનગરમાં હાથી શેરીમાં તસ્કરોએ એક બંધ મકાનને નિશાન બનાવી ચાંદીના દાગીના, જૂની નોટો, સ્ટેમ્પ સહિત ₹35,000ની ચોરી કરી. પ્રવિણાબેન નામના મહિલાના જૂના મકાનમાં ખાતર પાડી તાળું તોડીને ચોરી થઈ. પોલીસે ફરિયાદ નોંધી તપાસ હાથ ધરી છે.

જામનગરમાં મીરા દાતાર વિસ્તારમાં પાણીની ડોલને લાત મારવા બાબતે બે પાડોશીઓ વચ્ચે ઝઘડો થયો. આરોપી ઝાકીર મકરાણી, અલ્ફાજ મકરાણી, અફજલ મકરાણી, અને આસિફે સાસુ-વહુ પર લાકડાના ધોકા વડે હુમલો કર્યો. પોલીસે ફરિયાદ નોંધી.

જામનગર ક્રાઈમ: જામજોધપુરમાં માલધારી પરિવાર પર આઠ શખ્સોએ લાકડીઓથી હુમલો કર્યો, જેમાં એકની હાલત ગંભીર છે. પોલીસ ફરિયાદ મુજબ, હુમલાખોર દેવસુરને ફરિયાદીના કાકાના દીકરાની પત્ની સાથે અનૈતિક સંબંધો હતા, અને તે સંબંધોના કારણે દેવસુરને વિસ્તાર છોડવાનું કહેવામાં આવ્યું હતું. આ બાબતે આરોપીઓએ હુમલો કર્યો હતો. પોલીસ તપાસ ચાલુ છે.

કાલાવડના વોડીસાંગ ગામે 50 વર્ષથી રામદેવપીરના મંદિરે યોજાતા લોકમેળા માટે મામલતદાર કચેરી દ્વારા ટેન્ડર પ્રક્રિયા હાથ ધરાતા ગ્રામજનોમાં વિરોધ. ગ્રામજનોએ ટેન્ડર પ્રક્રિયાથી મેળો નહીં થવા દેવાની ચીમકી ઉચ્ચારી. સ્થાનિક પંચાયત અને મંદિર વ્યવસ્થાપક દ્વારા પરંપરાગત રીતે મેળો યોજાય તેવી માંગણી કરવામાં આવી છે. આથી ગ્રામજનોમાં ભારે નારાજગી જોવા મળી રહી છે.