મોરબી અને વિસાવદરના ધારાસભ્યો વચ્ચે 'ચેલેન્જ રાજનીતિ' ચરમસીમાએ છે. MLA કાંતિ અમૃતિયા ગોપાલ ઇટાલિયાના રાજીનામાની રાહ જોવા ગાંધીનગર જવા રવાના થયા. ચૂંટણીમાં "વિસાવદર વાળી થશે" તેવી ચીમકી બાદ કાંતિભાઈએ ઇટાલિયાને ચૂંટણી લડવા અને જીતવા માટે ચેલેન્જ આપી હતી. આજે અમૃતિયા સમર્થકો સાથે વિધાનસભા પહોંચી ઈટાલિયાના રાજીનામાની રાહ જોશે. જો ઇટાલિયા નહીં આવે તો અમૃતિયા રાજીનામું નહીં આપે.

સોમવારે સેન્સેક્સ 350 પોઈન્ટ ઘટીને 82,150 પર ટ્રેડ કરી રહ્યો છે, નિફ્ટી પણ ઘટ્યો. સેન્સેક્સના 18 શેરોમાં ઘટાડો, જ્યારે ટાઇટનમાં ઉછાળો છે. NSEના IT, મીડિયા, ફાર્મા અને FMCG શેરોમાં ઘટાડો જોવા મળ્યો છે. ગ્લોબલ માર્કેટમાં મિશ્ર કારોબાર જોવા મળી રહ્યો છે અને શુક્રવારે બજારમાં લગભગ 700 પોઈન્ટનો ઘટાડો થયો હતો.

ભાવનગર લોકલ ક્રાઇમ બ્રાન્ચે પાલીતાણામાં કાર્યવાહી કરી રાણપરડા ખારા સ્મશાન પાસે જુગાર રમતા ત્રણ શખ્સોને પકડ્યા. આરોપીઓ તીનપત્તીનો જુગાર રમતા હતા. પોલીસે નીતેષભાઇ ચૌહાણ, હસમુખભાઇ ચૌહાણ અને નિલેષભાઇ મકવાણાને રોકડ રૂ. 12,600 અને ગંજીપત્તા સાથે ઝડપી પાડ્યા. પાલીતાણા રૂરલ પોલીસ સ્ટેશનમાં જુગાર ધારા હેઠળ ગુનો નોંધાયો. LCB એ વધુ તપાસ હાથ ધરી છે.

રાજસ્થાનના 18 જિલ્લાઓમાં ભારે વરસાદનું એલર્ટ, ભીલવાડા અને રાજસમંદમાં ડૂબવાથી મોત, જ્યારે બ્યાવરમાં કાદવમાં પડવાથી બાળકનું મોત. અજમેર રેલવે સ્ટેશન પાણીથી ભરાયું. મધ્યપ્રદેશના છતરપુર, ટીકમગઢ, અશોકનગર અને ગુનામાં પૂરની સ્થિતિ છે. યુપીના ડેમ છલકાઈ ગયા છે, વારાણસીમાં ગંગા નદીમાં પૂર આવ્યુ છે, રત્નેશ્વર મહાદેવ મંદિર 80 ટકા પાણીમાં ડૂબી ગયું છે. હિમાચલ પ્રદેશમાં ચોમાસાથી 98 લોકોનાં મોત અને 770 કરોડ રૂપિયાનું નુકસાન થયું.

ગાંધીનગરના સેક્ટર-27માં ગટરના પાણીની સમસ્યાથી રહીશો પરેશાન છે. વર્ષો જૂની ગટર લાઈન ચોકઅપ થવાથી તકલીફ વધી છે. સ્થાનિકોએ ડ્રેનેજ વિભાગમાં ફરિયાદ કરી છે, છતાં નિરાકરણ નથી આવ્યું. ગટરનું ગંદુ પાણી રોડ પર આવવાથી રોગચાળો ફેલાવવાનો ભય છે. યોગ્ય જાળવણીના અભાવે સેક્ટર-27 વસાહત મહામંડળે આંદોલનની WARNING આપી છે. પાટનગર યોજના તરફથી યોગ્ય સુવિધાઓ મળતી નથી.

વિશ્વના નંબર-1 જૈનિક સિનરે વિમ્બલ્ડન મેન્સ સિંગલ્સ ટાઇટલ જીત્યું. તેઓ આ ટાઇટલ જીતનાર પ્રથમ ઇટાલિયન ખેલાડી બન્યા છે. લંડનમાં કાર્લોસ અલ્કારાઝને 4-6, 6-4, 6-4, 6-4થી હરાવ્યો. આ જીતથી અલ્કારાઝ સાથેનો 5 અઠવાડિયા જૂનો સ્કોર સેટલ કર્યો. પોલેન્ડની ઇગા સ્વિયાટેકે મહિલા સિંગલ્સનો ખિતાબ જીત્યો. વિમ્બલ્ડન 1877માં શરૂ થયેલી સૌથી જૂની ટેનિસ ટુર્નામેન્ટ છે અને ઓલ ઈંગ્લેન્ડ ક્લબ દ્વારા આયોજિત છે.

રાણપુર પાસે ગોધાવટા કોઝવે પર કાર તણાતા અકસ્માત થયો. બોચાસણથી સાળંગપુર જતી કારમાં 7 લોકો હતા. જેમાંથી 2નાં મોત થયા છે, એક BAPS સ્વામી લાપતા છે, અને 4નો બચાવ થયો છે. NDRFની ટીમ દ્વારા શોધખોળ ચાલુ છે. અધિકારીએ જણાવ્યું કે પાણીનો પ્રવાહ વધુ હોવાથી ગાડી તણાઈ. સ્થાનિકો દ્વારા નાળું બનાવવા માંગણી કરવામાં આવી છે.

2008માં વિશ્વ અર્થતંત્ર સંકટમાં હતું, ત્યારે Tesla તેના પ્રારંભિક તબક્કામાં હતી. Elon Musk ખૂબ જ તણાવમાં હતા. 15 જુલાઈના રોજ ટેસ્લા મુંબઈમાં લોન્ચ થશે. Teslaની શરૂઆત માર્ટિન એબરહાર્ડ અને માર્ક ટાર્પેનિંગથી થઈ. 2004માં મસ્કે ટેસ્લામાં 65 લાખ ડોલરનું રોકાણ કર્યું અને ચેરમેન બન્યા. Teslaનું પહેલું વાહન રોડસ્ટર હતું. 2008માં ટેસ્લાને બચાવવા માટે ગ્રાહકોની ડિપોઝિટનો ઉપયોગ કર્યો. Teslaએ રોડસ્ટર લોન્ચ કર્યું, જે પ્રથમ ઇલેક્ટ્રિક સ્પોર્ટ્સ કાર હતી.

નખત્રાણાના કડિયા ધ્રોમાં 17 વર્ષીય રમજાન તમાચીનું ડૂબી જવાથી મોત થયું. ભુજનો આ કિશોર નાહવા પડ્યો અને પાંચ કલાક બાદ મૃતદેહ મળ્યો. ચોમાસામાં કડિયા ધ્રો કુદરતી સૌંદર્યથી ખીલી ઉઠે છે, જ્યાં રજાના દિવસે ઘણા લોકો ફરવા આવે છે. તંત્ર દ્વારા જોખમી સ્થળોએ ન જવા અપીલ કરાય છે, પરંતુ કડિયા ધ્રો ખાતે કોઈ સુરક્ષા વ્યવસ્થા ન હોવાથી દુર્ઘટના સર્જાઈ.

પ્રાંતિજના મોયદમાં પ્રાથમિક શાળા પાસે પાણીની લાઈનમાં લીકેજથી ગંદકી અને મચ્છરોનો ઉપદ્રવ થતા બાળકોના સ્વાસ્થ્ય પર અસર થવાની વાલીઓને ચિંતા થઈ રહી છે. શાળાના દરવાજા પાસે પાણી ભરાવાથી વિદ્યાર્થીઓને તકલીફ પડે છે. Leakage બંધ કરાવી ગંદકી દૂર કરવા વાલીઓની માંગ.

Modasa, સાકરીયા સહિતના પંથકમાં જંગલી ભૂંડોએ મગફળીના પાકને રંજાડવાનું શરૂ કરતાં ખેડૂતો ચિંતિત છે. ચોમાસામાં ખેડૂતોએ કરેલી મગફળીની વાવણીને ભૂંડોએ રફેદફે કરી નાખી છે, જેનાથી નુકસાનીનો ભય છે. ખાતર અને બિયારણ મોંઘા ભાવે લાવીને વાવણી કરી છે. ખેડૂતો પાકને બચાવવા મહેનત કરે છે, છતાં ભૂંડો નુકસાની કરે છે.

ઈડર-હિંમતનગર હાઈવે પર સાપાવાડા પાસે રવિવારે શાકભાજી ભરેલું GJ09 AV 8802 નંબરનું ડાલું સ્ટિયરિંગ પરથી કાબુ ગુમાવતા ડિવાઈડર તોડી પલટી ગયું. હાઈવે પર ટામેટાં ઢોળાયા, પણ કોઈ જાનહાની થઈ ન હતી. સ્ટ્રીટ લાઈટના પોલને પણ નુકશાન થયું હતું.

હિંમતનગરના વાવડીમાં દારૂના અડ્ડાથી ત્રસ્ત મહિલાઓએ લાકડીઓ સાથે રેડ કરી. તોડફોડ અને આગચંપીથી અફરાતફરી મચી ગઈ. વારંવાર રજૂઆત છતાં તંત્રએ કાર્યવાહી ન કરતા આ પગલું ભરવામાં આવ્યું. મહિલાઓએ દારૂના અડ્ડા પર રેડ કરી ભારે વિરોધ દર્શાવ્યો.

ભિલોડાના લીલછાથી મુનાઈ જતા ઇન્દ્રાસી નદીના કોઝવેમાં મોટી તિરાડો દેખાઈ. કોઝવેની કામગીરી સામે સવાલો ઉઠ્યા, નદીના પ્રવાહ સામે ટકશે કે કેમ એ પ્રશ્ન છે. તંત્ર દ્વારા કોઝવેનું ઝડપી સમારકામ થાય એવી ગ્રામજનોની માંગ છે અને ભિલોડા કચેરીમાં રજૂઆત કરી છે.

સાબર ડેરીના ભાવ વધારા સામે જાદરના પશુપાલકોએ આક્રોશ વ્યક્ત કર્યો, દૂધ ઢોળી વિરોધ કર્યો, અને ડેરીના દૂધ ટેન્કર રોકવાની ચીમકી ઉચ્ચારી. પશુપાલકોની માંગણી 20 થી 25 ટકા ભાવફેરની છે, જ્યારે ડેરીએ માત્ર 10 થી 12 ટકા જ ભાવફેર ચૂકવ્યો છે, જે અપૂરતો છે.

હિંમતનગરની જનકપુરી સોસાયટીમાં વરસાદી પાણી ભરાતાં રહીશો પરેશાન છે. સોસાયટીના ગેટ પર પાણી ભરાવાથી ટુ વ્હીલર ચાલકોને સ્લીપ થવાનો ડર રહે છે, જ્યારે વૃદ્ધોને ચાલવામાં તકલીફ પડે છે. શાળાએ જતાં બાળકોને પણ હાલાકી ભોગવવી પડે છે. થોડો વરસાદ પડે તો પણ water logging ની સમસ્યા સર્જાય છે.

સરસ્વતી તાલુકાના સરિયદ-વોળાવી રોડ પર ઈન્ડિયન ઓઈલ પેટ્રોલ પંપ પાસે Eeco ગાડી અને i20 કાર અથડાઈ. i20 કારના મુસાફરોને ઈજા થઈ, તેઓને સરિયદ દવાખાને ખસેડાયા. અકસ્માતનું કારણ રસ્તા પરના ઊંડા ખાડા છે, જે 10-15 ફૂટના છે. રોડ ખરાબ હોવા છતાં પાટણ માર્ગ અને મકાન વિભાગે કોઈ પગલાં લીધાં નથી, સ્થાનિકોમાં રોષ છે.

પાટણ LCB પોલીસે મોટરસાયકલ ચોરી કેસમાં સફળતા મેળવી. પ્રેમાજી ઠાકોર અને રણછોડજી ઠાકોરે અમદાવાદ ગ્રામ્યના માંડલ, વિરમગામ રૂરલ અને હાંસલપુર પોલીસ સ્ટેશન વિસ્તારમાંથી 3 મોટરસાયકલ ચોરી કરી હતી. એક મોટરસાયકલ વિજયસિંહ સોલંકીને આપી હતી. પોલીસે ત્રણેય આરોપીઓને 3 મોટરસાયકલ સાથે ઝડપી પાડ્યા, અને તેમની સામે BNNS કલમ 35(1)(ઈ) હેઠળ કાર્યવાહી કરી, પાટણ શહેર 'બી' ડિવિઝન પોલીસ સ્ટેશનને સોંપ્યા.

જૂનાગઢના ખાડિયા વિસ્તારમાં કાળવા વોંકળામાંથી 45 વર્ષીય ભરત સોલંકીનો મૃતદેહ મળી આવ્યો. તેઓ ગઈકાલથી ગુમ હતા. પરિવારજનોએ શોધખોળ કરી અને ફાયર વિભાગને જાણ કરાઈ. રાત્રે 2 વાગ્યે એક વ્યક્તિએ પાણીમાં મૃતદેહ જોયો. ફાયર વિભાગે મૃતદેહ બહાર કાઢી POSTMORTEM માટે હોસ્પિટલ ખસેડ્યો. પોલીસ તપાસ કરી રહી છે. આ ઘટનાથી વિસ્તારમાં શોક છવાયો છે.

અમરેલી જિલ્લામાં ચોમાસાની શરૂઆતમાં મેઘરાજાએ એન્ટ્રી કરી છે, જેમાં સાવરકુંડલા, રાજુલા અને બાબરા વિસ્તારમાં વરસાદ નોંધાયો છે. બાબરા પંથકમાં સિઝનનો સૌથી વધુ વરસાદ નોંધાયો છે, જ્યાં છેલ્લા 24 કલાકમાં 3 ઇંચથી વધુ વરસાદ પડ્યો છે. રામપરા ડેમ ઓવરફ્લો થતા આસપાસના ગામોના ડેમ અને તળાવો ભરાયા છે, જેનાથી હજારો વીઘા જમીનના ઉનાળુ વાવેતરને ફાયદો થશે અને ભૂગર્ભ જળના સ્તરમાં વધારો થશે. બાબરની કાળુભાર નદીમાં પૂર આવ્યું હતું.

પાલનપુરના હાથીદરામાં પાંડવોએ અજ્ઞાતવાસ દરમિયાન Har Gangeshwar Mahadevjiની સ્થાપના કરી. અરવલ્લીની પહાડીઓ વચ્ચે આવેલું આ સ્થળ દયાલપુરી બાપુના પ્રયત્નોથી પ્રખ્યાત થયું છે. અહીં મોટી સંખ્યામાં શ્રદ્ધાળુઓ દર્શન માટે આવે છે. બે કિલોમીટર દૂર પર્વત પાસે આવેલું મંદિર, એક સમયે હાથીઓના ઝુંડના કારણે હાથીધરા તરીકે ઓળખાતું હતું. ભીમે શિવલિંગની સ્થાપના કરી હતી. 1956માં મંદિરનો જીણોદ્ધાર થયો અને 1999થી દયાલપુરી મહારાજે વિકાસ કર્યો. Governmentએ પ્રવાસન યોજના હેઠળ આવરી લીધું. આ ઉપરાંત સાંકળેશ્વરી માતાજીનું મંદિર અને ટ્રેકિંગ પોઈન્ટ પણ છે.

લોર્ડ્સમાં ભારત-ઇંગ્લેન્ડ ટેસ્ટમાં સિરાજે વિકેટ લીધા બાદ આક્રમક સેલિબ્રેશન કર્યું. Harry Brook સ્વીપ શોટ રમતા બોલ્ડ થયો. ભારતે ટેસ્ટ ઇનિંગ્સમાં પ્રથમવાર 7 વિકેટ બોલ્ડથી લીધી. સુંદરે 100 આંતરરાષ્ટ્રીય વિકેટ પૂરી કરી, જ્યારે શુભમન England માં ટેસ્ટ શ્રેણીમાં ભારત માટે સૌથી વધુ રન બનાવનાર ખેલાડી બન્યો. બુમરાહના બોલથી Crawley ના હાથ માથી બેટ છૂટ્યું.

શિહોરી પોલીસે બુકોલીના બનાસ નદી પટ વિસ્તારમાં દરોડો પાડી બિનઅધિકૃત રેતી ખનન કરતી ત્રણ Hitachi મશીન ઝડપી લીધા. ખાણ ખનીજ વિભાગ પાલનપુરની ટીમે સ્થળ પર પહોંચી મશીનો સીઝ કર્યા અને રેતીના વિસ્તારની માપણી કરી. ત્રણેય મશીનો અરણીવાડા ખાતે સ્ટોક વિસ્તારમાં ખસેડવામાં આવ્યા, જેમાં ₹1.80 કરોડનો મુદ્દામાલ કબ્જે કરાયો. મુડેઠા વિસ્તારમાંથી એક ડમ્પર રેતીના આધાર પુરાવા વિના અને બીજું ડમ્પર રોયલ્ટી પાસ કરતાં વધુ રેતી વહન કરતું ઝડપાયું. બંને ડમ્પર સામે ઓનલાઈન દંડકીય કાર્યવાહી થઇ.

બનાસકાંઠા જિલ્લાના દાંતીવાડા, પાલનપુર, વડગામ અને ડીસામાં ભારે વરસાદથી તારાજી સર્જાઈ. રસ્તાઓ પર પાણી ભરાયા, વાહનો ડૂબ્યા, ખેતરો બેટમાં ફેરવાયા, વીજળી પડવાથી પશુનું મોત થયું. અનેક ગામોમાં દિવાલો ધરાશાયી થઈ, ડિઝાસ્ટર મેનેજમેન્ટ દ્વારા તાત્કાલિક કામગીરી શરૂ કરવામાં આવી. ડીસાની સોસાયટીઓમાં પાણી ભરાતા નગરપાલિકાના પ્રી-મોન્સુન પ્લાનની પોલ ખુલી ગઈ. પાલનપુર-અમદાવાદ હાઇવે પર રેલવે અંડરબ્રિજમાં પાણી ભરાતા અંડરબ્રિજ બંધ કરાયો.

મુખ્યમંત્રી ભુપેન્દ્ર પટેલે મુજપુર પાસે નવો ટુ લેન HIGHLEVEL પુલ બનાવવા માટે રૂ. 212 કરોડ મંજુર કર્યા છે, જે પાદરા અને આંકલાવને જોડશે. આ પુલ ગંભીરા દુર્ઘટનાગ્રસ્ત પુલની સમાંતર બનશે. માર્ગ અને મકાન વિભાગ દ્વારા તાજેતરમાં સર્વે કરી ડિટેઇલ પ્રોજેક્ટ REPORT તૈયાર કરવામાં આવ્યો હતો. આ ઉપરાંત મુજપૂર એપ્રોચ રોડને ફોર લેન કરી 7 મિટરનો કરવાનું આયોજન છે. HIGHWAYથી પુલ સુધી પહોંચવાના 4.2 કિલોમિટર માર્ગને ફોર લેન કરવામાં આવશે. આ બન્ને કામ માટે મુખ્યમંત્રી દ્વારા રૂ. 212 કરોડની વહીવટી મંજૂરી પ્રદાન કરવામાં આવી છે. પૂલ બનાવવાની કામગીરી 18 માસમાં પૂર્ણ કરવામાં આવશે અને ટેન્ડરિંગ પ્રક્રીયા આરંભી દેવામાં આવી છે.

તમિલનાડુના તિરુવલ્લુર રેલવે સ્ટેશન નજીક ડીઝલ માલગાડી પાટા પરથી ઉતરી જતાં આગ લાગી; 18 ડબ્બા બળી ગયા. 52 ડબ્બામાંથી 40 અલગ કરાયા. આ ઘટનામાં રેલવે સ્ટેશન આસપાસનો વિસ્તાર ખાલી કરાવાયો. આગનું કારણ અજ્ઞાત છે, ફાયર બ્રિગેડ કામે લાગ્યું. ચેન્નાઈ-બેંગ્લોર રૂટ પર અસર, 12 TRAIN રદ. મુસાફરોને update માટે સલાહ.

રોકાણકાર મિત્રો, વૈશ્વિક બજારો સાથે ભારતીય શેરબજારમાં Index Based ઉછાળો જોવા મળ્યો હતો, પણ Profit Bookingથી ઘટાડો નોંધાયો. અમેરિકન Federal Reserve દ્વારા વ્યાજદરમાં કપાત વિલંબિત થવાની શક્યતાને કારણે વૈશ્વિક બજારોમાં નરમાઈ જોવા મળી હતી. America- ભારત વચ્ચેની ટ્રેડ ડીલમાં અડચણો ઊભી થઈ હોય તેવું લાગી રહ્યું છે કારણ કે America 10% Tariff યથાવત રાખવા માંગે છે, ત્યારે ભારત કેટલાક Sectorsમાં Tariff શૂન્ય કરવા માંગે છે. ભારતની નિકાસમાં America મોટું બજાર હોવાથી Trade Deal પર બજારની નજર રહેશે.

વડોદરામાં એક મહિલાએ નશામાં ધૂત શખ્સને લાફા માર્યા અને તેને Eeco કારમાંથી બહાર કાઢ્યો. ગોત્રી પોલીસે ધરપકડ કરી, આરોપીએ દારૂ પીને ગાડી ચલાવવા બદલ માફી માંગી અને ફરી નહિ ચલાવવાની ખાતરી આપી. આરોપી Kishorebhai ઉર્ફે Mukesh Somabhai Makwana સામે પ્રોહિબિશનનો ગુનો નોંધાયો. આ ઘટના શહેરમાં વધી રહેલા "DRINK and DRIVE"ના કેસો દર્શાવે છે.

હરિયાણાના ગુરુગ્રામમાં દીપક યાદવે તેની ટેનિસ ખેલાડી પુત્રી રાધિકા યાદવની ચાર ગોળીઓ મારીને હત્યા કરી. આરોપી દીપકે જણાવ્યું કે તેણે રસોડામાં રસોઈ કરતી રાધિકા પર રિવોલ્વરથી ફાયરિંગ કર્યું, પછી ડ્રોઈંગ રૂમમાં બેસી ગયો. પોલીસે રિવોલ્વર જપ્ત કરી અને આરોપીની ધરપકડ કરી. માતાએ હત્યાનું કારણ ખબર નથી તેમ જણાવ્યું.

કોલકાતા IIM કેમ્પસમાં રેપ કેસમાં નવો વળાંક: પિતાએ રેપને નકાર્યો, આતો અકસ્માત ગણાવ્યો, દબાણમાં FIRનો દાવો કર્યો. પીડિતાએ હોસ્ટેલમાં નશો આપી બળાત્કારનો આરોપ લગાવ્યો, આરોપીની ધરપકડ થઇ. પોલીસને મેડિકલ પુરાવા મળ્યા, IIMએ ઝીરો ટોલરન્સ નીતિ જણાવી, ઘટનાની તપાસ ચાલુ છે.