આણંદ-ખંભાત MEMU ટ્રેનમાં મહિલાનું રૂ. 4.16 લાખનું પર્સ ચોરાયું, પોલીસે 3 આરોપી પકડ્યા અને રૂ. 3.50 લાખનો મુદ્દામાલ જપ્ત કર્યો. પન્નાબેન પટેલ નામની મહિલાની ફરિયાદ નોંધાઈ હતી. પોલીસે CCTV ફૂટેજ અને બાતમીદારો દ્વારા તપાસ કરી હર્ષદ ભોઈ, સુરેશ તળપદા અને રાજેશ તળપદા નામના આરોપીઓને પકડ્યા, જેઓ ગુનાહિત ઇતિહાસ ધરાવે છે અને રેલવે સ્ટેશન પર ચોરી કરતા હતા. પોલીસે આગળની કાર્યવાહી હાથ ધરી છે.

આણંદમાં આગના બનાવો વધ્યા, જેમાં આણંદ સારસા રોડ પર બેડવા બ્રિજ પાસે ICER ટેમ્પામાં શોટસર્કિટથી આગ લાગી. ચાલક અને કલીનર સુરક્ષિત રહ્યા, પરંતુ ટેમ્પો બળીને ખાખ થઇ ગયો. ફાયર બ્રિગેડે દોઢ કલાકની જહેમત બાદ આગ બુઝાવી, કોઇ જાનહાનિ થઇ નથી.

ગંભીરા બ્રિજ પર ફસાયેલી ટેન્કરને AIR LIFTથી ઉતારવાશે, કારણ કે નદીમાં બેઇઝ બનાવવો શક્ય ન હતો. રાજ્ય સરકારે પોરબંદરની વિશ્વકર્મા ગ્રુપને કામ સોંપ્યું, જેમણે AIR BALLOONથી ટેન્કર ઉતારવાનો નિર્ણય લીધો છે. આ માટે ન્યુમેટિલ બલૂન, હાઇડ્રોલિક સ્ટ્રેન્જ જેક, અને હ્યુમેટિક રોલર બેગનો ઉપયોગ થશે. પ્રથમ વખત એર લીફ્ટનો ન્યુમેટિલ બલૂન ઉતારવાની તૈયારીઓ કરાઇ છે.

આણંદ મનપા દ્વારા દૈનિક 200 મેટ્રિક ટન કચરામાંથી 122 મેટ્રિક ટન કચરાને વેસ્ટ પ્રોસેસીંગ પ્લાન્ટમાં પ્રોસેસ કરી વિન્દ્રો કમ્પોસ્ટીંગ મેથડથી કમ્પોસ્ટ થયેલ માટીને ગાર્ડનમાં ઉપયોગમાં લેવાય છે. દૈનિક 6 ટેમ્પી દ્વારા કિચન વેસ્ટનો નિકાલ, ડોર ટુ ડોર વેસ્ટ કલેક્શનથી 26 મે.ટન કચરાનો નિકાલ કરવામાં આવે છે. નવીન રોડ સાઈડ લીટર બીન અને ડસ્ટબીન મુકવામાં આવ્યા છે. 3 રોડ સ્વીપર મશીન કાર્યરત છે અને 472 સફાઈ કામદારો સેનિટેશનની કામગીરી કરે છે.

ડોનાલ્ડ TRUMPના TARIFFથી વિશ્વભરમાં ખળભળાટ મચી ગયો છે. TRUMPએ ભારત સામે 25% TARIFF લાદ્યો છે. વ્હાઇટ હાઉસના અધિકારીઓએ જણાવ્યું કે મોટાભાગના TARIFF દરોને આખરી રૂપ આપી દેવામાં આવ્યું છે, અને હવે તેમાં ફેરફારની કોઈ શક્યતા નથી.

મહિલા અને બાળ અધિકારીની કચેરી દ્વારા દીકરીઓની આર્થિક અને સામાજિક સ્થિતિ મજબૂત કરવા ડિસ્ટ્રિક્ટ હબ ફોર એમ્પાવરમેન્ટ ઓફ વિમેન યોજના જામનગરમાં કાર્યરત છે. જેના ભાગરૂપે શાળાએ ન જતી કે અભ્યાસ છોડી દેનાર દીકરીઓ સાથે પરામર્શ કરવામાં આવ્યું. કલેક્ટર કેતન ઠક્કરે શૈક્ષણિક કીટ અર્પણ કરી અને નબળી આર્થિક સ્થિતિવાળી દીકરીઓનો ખર્ચ ઉઠાવવાની જાહેરાત કરી.

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર વાંચો. 4 ઓગસ્ટ બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો. Stay updated on "Gujarat Latest News Live".

દ્વારકા પાસે વરવાળાની શ્રી કર્મયોગી હાઈસ્કુલમાં મૌલિકતા અને સર્જનાત્મકતા હેતુથી કવિ કૃષ્ણ દવેના કાવ્ય પઠનનો કાર્યક્રમ યોજાયો. જેમાં સરપંચ, ગામશ્રેષ્ઠીઓ, પી.એમ.શ્રી પ્રાથમિક શાળાના વિદ્યાર્થીઓ અને શિક્ષકોએ બાળકાવ્યોનો રસાસ્વાદ માણ્યો. આચાર્ય સુજીત ત્રિવેદીએ કવિનું સન્માન કર્યું, સંચાલન બી.એ.રાઠોડે અને આભારવિધિ મનીષ દેલવાડીયાએ કરી. શાળા સ્ટાફે જહેમત ઉઠાવી.

જામનગરના નાના લાખાણી ગામે ગ્રામજનો દ્વારા સ્વખર્ચે આશાપુરા માતાજીનું મંદિર ₹1.5 કરોડના ખર્ચે બની રહ્યું છે. ક્ષત્રિય વસ્તી ધરાવતા આ ગામમાં આઝાદી પછી ચૂંટણી નથી થઈ, સર્વ સંમતિથી સરપંચની વર્ણી થાય છે. ગામમાં પેવર બ્લોક, CC રોડ, પાણીનો ટાંકો અને ધોરણ 1 થી 8 ની શાળા જેવી સુવિધાઓ ઉપલબ્ધ છે. શાળામાં સ્માર્ટ બોર્ડ અને કોમ્પ્યુટર રૂમ પણ છે. આરોગ્ય કેન્દ્ર અને ગૌશાળા પણ નિર્માણ પામશે.

જામવણથલીમાં ધોળેશ્વર મહાદેવનું વર્ષો જૂનું મંદિર આવેલું છે, જ્યાં ત્રણ શિવલિંગ બિરાજમાન છે. શ્રાવણ માસના સોમવારે દીપમાળાનું આયોજન થાય છે, જેના દર્શન માટે ભક્તો ઉમટે છે. Jigneshpuri Kishorpuri Gosai દ્વારા સેવા પૂજા કરવામાં આવે છે.

ગુજરાત રાજ્યમાં સંસ્કૃત ભાષાના વિકાસ માટે મુખ્યમંત્રી દ્વારા પાંચ પ્રકલ્પો જાહેર કરાયા છે, જેમાં સંસ્કૃત સપ્તાહની ઉજવણી અને સંસ્કૃત ગૌરવ યાત્રા પણ સામેલ છે. શાળાઓમાં સંસ્કૃત સંભાષણ દિન અને સાહિત્ય દિનની ઉજવણી થશે, જેમાં સંસ્કૃતને પ્રોત્સાહન આપતા વિવિધ કાર્યક્રમો થશે. આ કાર્યક્રમનો હેતુ વિદ્યાર્થીઓ, વાલીઓ અને સંસ્કૃત તજજ્ઞોને જોડવાનો છે, સાથે યોજનાઓની જાણકારી શાળા કક્ષાએથી મળશે.

ગુજરાત પોલીસ અકાદમી કરાઈ ગાંધીનગરમાં પોલીસ ચંદ્રક સમારોહમાં જામનગરના ASI બસીરભાઈ મલેકને મુખ્યમંત્રી ભુપેન્દ્રભાઈ પટેલના હસ્તે રાષ્ટ્રપતિ એવોર્ડ એનાયત કરાયો. આ સમારોહમાં ગૃહ રાજ્યમંત્રી હર્ષભાઈ સંઘવી, ડીજીપી વિકાસ સહાય, ડો. નીરજા ગોટરૂ અને મેડલ મેળવનાર પોલીસ કર્મચારીઓ હાજર રહયા હતા. આ મેડલ પોલીસ કર્મચારીઓને તેમની પ્રશંસનીય કામગીરી માટે આપવામાં આવે છે.

Canada માં રહેતા ભારતીયો માટે સારા સમાચાર! માર્ક કાર્ની સરકારે 2025 માટે PGP પ્રોગ્રામ ખોલ્યો, જેનાથી તેઓ પોતાના માતા-પિતા અથવા દાદા-દાદીને Canada બોલાવી શકશે. આ કાર્યક્રમ હેઠળ 17860 લોકોને કાયમી નિવાસની તક મળશે, ભારત-Canada સંબંધો સુધારવાની શરૂઆત.

જામનગરની નગર પ્રાથમિક શાળા નં. 55માં પ્લાસ્ટિક બેગ્સનો ઉપયોગ બંધ કરવા અને પર્યાવરણ બચાવવા માટે વિકાસ ગ્રાહક સુરક્ષા અને સંશોધન કેન્દ્ર દ્વારા કાર્યક્રમ યોજાયો. જેમાં શાળાના આચાર્ય અને કેન્દ્રના પ્રમુખે પ્લાસ્ટિક બેગ્સથી થતા નુકશાન અંગે માહિતી આપી. ત્યારબાદ, 226 વિદ્યાર્થીનીઓને કપડાંની થેલીઓ આપવામાં આવી અને વૃક્ષો વાવવા અનુરોધ કરાયો. આ કાર્યક્રમમાં ઘણા શિક્ષકોએ જહેમત ઉઠાવી હતી. અંતમાં વિદ્યાર્થીનીઓને આઈસ્ક્રીમ આપવામાં આવી.

જામનગર GG હોસ્પિટલમાં આઉટસોર્સિંગ કર્મચારીઓ પર ઉચાપતની ફરિયાદથી ગુજરાત રાજ્ય કર્મચારી મહામંડળ મેદાને આવ્યું છે. તેઓએ ઓફિસરની સામેલગીરી વગર આ શક્ય ન હોવાનું જણાવી મુખ્યમંત્રીને રજૂઆત કરી. કર્મચારીઓએ જણાવ્યું કે અધિકારીઓની સહી વગર બીલ પાસ ન થાય, આથી અધિકારીઓની સંડોવણી હોય અને ખાલી કર્મચારીઓને જ ભોગ બનાવવામાં આવે છે,તેથી આ બાબતે પગલાં લેવા માંગણી કરી છે.

આજે, શ્રાવણ માસના બીજા સોમવારે શિવ મંદિરોમાં ભક્તોનો અદભુત પ્રવાહ! ગુજરાતના શિવ મંદિરો 'હર હર મહાદેવ'ના નાદથી ગુંજી ઉઠ્યા. શ્રદ્ધાળુઓ વહેલી સવારથી દર્શન અને પૂજા માટે લાઈનોમાં ઉભા રહ્યા. Visit સોમનાથ!

મહેસૂલ વિભાગના અધિક મુખ્ય સચિવ જયંતિ રવિએ માણસાની મુલાકાત દરમિયાન કોલેજના કાર્યક્રમમાં હાજરી આપી. વિવિધ વિકાસના કામોની સમીક્ષા કરી, સરકારી કચેરીઓની કામગીરીની માહિતી મેળવી. અરજદારોને તકલીફ ન પડે તે માટે સૂચનો કર્યા. કલેકટર મેહુલ દવે, ધારાસભ્ય જે.એસ.પટેલ સહિતના અધિકારીઓ હાજર રહ્યા હતા અને બ્યુટીફીકેશન અને વિકાસકાર્યોની સમીક્ષા કરવામાં આવી હતી.

રાસાયણિક ખાતરના ભાવ વધારાથી ખેડૂતોમાં રોષ છે, તેમને ઉપજના વ્યાજબી ભાવ મળતા નથી. ગુજરાત ખેડૂત હિત રક્ષક મંડળ માણસા દ્વારા મામલતદારને આવેદનપત્ર આપી ભાવ વધારો રદ કરવાની માંગ કરી છે. ખેડૂતોનું કહેવું છે કે, સરકાર વારંવાર ભાવ વધારે છે, પણ ખેત પેદાશોના ભાવ વધારતી નથી, જેથી ખેડૂત દેવામાં ડૂબે છે. ખેડૂતોએ ભાવ વધારો પાછો ખેંચવા વિનંતી કરી. આ સમયે ખેડૂત આગેવાનો અને માણસા તાલુકાના ખેડૂતો જોડાયા હતા.

સ્મિત ડે કેર સેન્ટર, ઉનાવા દ્વારા દિવ્યાંગ બાળકોને શિક્ષણ, VOCATIONAL TRAINING અને સિલાઇ તાલીમ આપી સમાજમાં ભેળવવાનું કાર્ય થાય છે. આર્થિક રીતે નબળા પરિવારોને ભાડું અપાય છે, માતાઓને રોજગારી મળે છે. દિવ્યાંગોની શક્તિઓ ઉજાગર કરવા શૈક્ષણિક પ્રવૃત્તિઓ કરાવાય છે. જરૂરિયાતમંદોને રિક્ષા ભાડું તેમજ SPEECH અને ફિઝિયોથેરાપી ટ્રીટમેન્ટ પણ અપાય છે.

ગાંધીનગરના સેક્ટર-13માં ગટરના ગંદા પાણીથી લોકો ત્રાહિમામ: સ્વચ્છતા એવોર્ડ છતાં તંત્ર નિષ્ક્રિય! નાગરિકો ઝુંપડપટ્ટીથી પણ ખરાબ હાલતમાં જીવવા મજબૂર છે. મેલેરિયા, ડેન્ગ્યુ જેવા રોગોનો ભય છે. તંત્રના તમામ પ્લેટફોર્મ પર ફરિયાદ છતાં પરિણામ શૂન્ય છે. Municipal Commissioner ને પણ ફરિયાદ કરવા છતાં કોઈ કાર્યવાહી થઈ નથી.

અમદાવાદ મ્યુનિસિપલ કોર્પોરેશન દ્વારા ગણેશ ઉત્સવ માટે ગાયના છાણમાંથી ઇકો-ફ્રેન્ડલી ગણેશ મૂર્તિઓનું વેચાણ શરૂ. ₹300-500માં ઉપલબ્ધ આ મૂર્તિઓ ઓનલાઈન અને ઓફલાઈન ખરીદી શકાય છે. ઓનલાઈન ખરીદી માટે વ્હોટ્સએપ અને QR કોડ જાહેર કરાયા છે. બાકરોલ અને દાણીલીમડાના ઢોરવાડા ખાતેથી પણ ખરીદી થઈ શકે છે. 4000 જેટલી મૂર્તિઓ તૈયાર, જેમાં છોડના બીજ પણ છે.

'સાહેબ મિટિંગમાં છે' વિભાગમાં નેતાઓ-અધિકારીઓની અંદરની વાતો રજૂ કરાય છે. MLAની સલાહ, 'વૃક્ષારોપણ કોર્પોરેશન પર નાંખો નહીં'. IAS અધિકારી બેઠકમાં ગુસ્સે થયા. ભાજપ પ્રદેશ પ્રમુખની નિમણૂક અંગે ચર્ચા, કોંગ્રેસમાંથી આવેલા નેતાઓને મંત્રીપદની આશા. નવા પ્રમુખે નિષ્ક્રિય કોર્પોરેટરોને active કર્યા. AUDAના નિયમો ભાજપના નેતા માટે અલગ. ભદ્રકાળી મંદિર આસપાસ દબાણો થતા અધિકારીઓની મીલીભગતની ચર્ચા.

હાઇકોર્ટના આદેશ છતાં, અમદાવાદ-મહેસાણા નેશનલ હાઇવે પર રખડતા ઢોરોની સમસ્યા યથાવત છે. કલોલ પાસે હાઇવે પર ઢોરોનો અડ્ડો જમાયો છે, જેના લીધે અકસ્માત થવાનો ભય રહે છે. પાલિકા અને ટ્રાફિક પોલીસ દ્વારા કોઈ કાર્યવાહી કરવામાં આવતી નથી, જેના કારણે કલોલમાં ગાયત્રી મંદિર સામે હાઇવે પર દરરોજ આ દ્રશ્ય જોવા મળે છે. રખડતા ઢોરોએ નેશનલ હાઇવેને બાનમાં લીધો છે.

ગાંધીનગરમાં પાર્કિંગ સમસ્યા વધી રહી છે, ત્યારે મહાનગરપાલિકા 19 સ્થળોએ Metro સ્ટેશન આસપાસ પાર્કિંગ વ્યવસ્થા કરશે. આયોજન મુજબ 2 હજારથી વધુ વાહનો પાર્ક થઈ શકશે. 1400 ટુ વ્હીલર, 700 ફોર વ્હીલર માટે જગ્યા હશે. આધુનિક ટેક્નોલોજીથી થ્રી લેયર સિસ્ટમથી પાર્કિંગ થશે અને બોલાર્ડ મૂકીને વાહનોની અવરજવર નિયંત્રિત કરાશે.

જૂનાગઢથી 4 KM દુર ખલીલપુર ગામ આવેલું છે, જ્યાં 2002 પછી ચૂંટણી નથી થઈ. ગામમાં પ્રાથમિક શાળા, મોટી બજાર, આશ્રમ, ઠાકોરજીનું મંદિર છે. 1954માં સ્થપાયેલી પ્રા શાળા છે. ગામમાં રોડ, રસ્તા, પાણી, લાઈટની સુવિધા છે. નવાબ સરકારે ખલલશાપીર દરગાહ પરથી ખલીલપુર નામ આપ્યું. તમરાવાળી માતાજીનો આશ્રમ પ્રખ્યાત છે. રામનવમીના દિવસે હવન અને રામા મંડળ થાય છે.

કોડીનારના ડોળાસા ગામે દીપડીનું ચાર માસનું બચ્ચું મેઈન બજારમાં આવી ગયું. વન વિભાગે રેસ્ક્યુ કરી બચ્ચાને પાંજરે પૂર્યું. બસ સ્ટેશન રોડ પર દુકાનના છાપરા પર દીપડો દેખાતા લોકો એકઠા થયા. દીપડો ગભરાઈને કુંભારવાડામાં છુપાઈ ગયો. વન વિભાગના સ્ટાફે તેને બેહોશીનું ઇન્જેક્શન આપી રેસ્ક્યુ કર્યું. આ પહેલાં ડોળાસાના નવાપરા વિસ્તારમાં ત્રણ બચ્ચાંવાળી દીપડીએ રહેઠાણ બનાવ્યું છે. વન્ય પ્રાણી જાણકારે જણાવ્યું કે બચ્ચું માતાની શોધમાં આવ્યું હતું.

જૂનાગઢ મનપા દ્વારા રાત્રે ઢોર પકડવાની કામગીરીમાં રોજ 10-12 ઢોર પકડાય છે, છતાં રખડતા ઢોરનું સામ્રાજ્ય છે. મ્યુનિસિપલ કમિશનર તેજસ પરમાર મુજબ, 3500થી વધુ ઢોર ડબ્બે પુરાયા છે. મનપાની જગ્યા ફૂલ થતા ખામધ્રળ રોડ પર નવી જગ્યા ડેવલપ થઇ રહી છે. આજુબાજુના ગામડાના લોકો ઢોર મૂકી જાય છે. CCTV કેમેરાથી તપાસ થશે અને પોલીસ ઝુંબેશ ચાલુ કરશે.

જૂનાગઢના જોષીપુરામાં અશાંતધારો લાગુ કરવાની માંગણી આંદોલનમાં પરિણમી છે, તંત્રની નિષ્ક્રિયતાથી લોકો હિજરત કરવા મજબૂર બન્યા છે. જેઓ હિજરત નથી કરી શકતા, તેમને Hindu હિત રક્ષક સમિતિ મદદ કરી રહી છે. સમિતિ દ્વારા સરદારપરાના સુર્યમંદિરમાં મિટિંગનું આયોજન કરાયું છે, જેમાં વિસ્તારના ભાજપના નગર સેવકોને પણ બોલાવવામાં આવ્યા છે, જેથી અસરગ્રસ્તોને મદદ કરી શકાય.

અમરેલીમાં સિંહોને બચાવવા PCCF જયપાલસિંહ રાઠોડ સહિતના અધિકારીઓએ બાબરકોટ Animal Care સેન્ટરની મુલાકાત કરી, ઝાંઝરડા એનિમલ સેન્ટરની ચર્ચા કરી. શેત્રુંજી અને ગીર પૂર્વના DCF પાસેથી માહિતી મેળવી સિંહોના મોત અટકાવવા સૂચનાઓ અપાઈ. રેન્જમાં સિંહબાળના મોતની તપાસ કરાઈ. ખેડૂતો સાથે ચર્ચા કરી, રેસ્ક્યુ કરાયેલા સિંહો સ્વસ્થ હોવાનું જણાવ્યું. સિંહણનું મોત કુદરતી હોવાનું અને સિંહબાળના મોત એનિમિયા-ન્યુમોનિયાથી થયા હોવાનું જણાવાયું.

જૂનાગઢની ચૈતન્ય ટેક્નો સ્કૂલ CBSE મંજૂરી વિના CBSE સ્કૂલ હોવાનું જણાવી ફી ઉઘરાવે છે. વાલીઓ એડમિશન રદ કરાવવા જાય તો પરેશાન કરે છે, અને ફી ભરવા દબાણ કરે છે, ન ભરે તો ડોક્યુમેન્ટ્સ આપતા નથી. વાલીઓએ શિક્ષણ અધિકારીને રજૂઆત કરી, પરંતુ નિરાકરણ આવ્યું નથી. શાળા સંચાલકો સામે પગલાં ભરવા વાલીઓની માંગ છે. આચાર્યના જણાવ્યા અનુસાર FRC મુજબ ફી લેવાય છે અને ફી ન ભરે તો ડોક્યુમેન્ટ્સ ન મળે.