લાખવડ શાળામાં 'એક પેડ માં કે નામ' અભિયાન અંતર્ગત વિદ્યાર્થીઓ, વાલીઓ અને SMC સભ્યોને 800 જેટલા રોપાનું વિતરણ કરાયું. વિદ્યાર્થીઓએ ચિત્ર સ્પર્ધામાં ભાગ લીધો અને વનસ્પતિની ઓળખ આપી. BRC CO. ઈલિયાસભાઈ સાહેબ, SMC કમિટિના બાલકૃષ્ણભાઈ નાયક, CRC CO. અનિલભાઈ દવે સાહેબ અને એનૉડે ફાઉન્ડેશનના પ્રવિણભાઇ ઉપસ્થિત રહ્યા. વિદ્યાર્થીઓએ છોડને સાચવવાની જવાબદારી લીધી અને પર્યાવરણ જાળવણી અંગે જાગૃતિ ફેલાવવાનો પ્રયાસ કરવામાં આવ્યો.

બનાસકાંઠાના પાલડી ગામમાં દૂધેશ્વર મહાદેવ મંદિરના મહોત્સવમાં દલિતોને આમંત્રણ ન અપાયું. દલિતોએ પોલીસ ફરિયાદ નોંધાવતા 20 લોકો એટ્રોસિટી એક્ટ હેઠળ આરોપી બન્યા, જેઓએ ફરિયાદ રદ્દ કરવા હાઇકોર્ટમાં અરજી કરી છે. HIGHCOURTએ NOTICE જાહેર કરી 5 ઓગસ્ટે સુનાવણી રાખી છે. ગામના સરપંચ દલિત હોવા છતાં, તેઓને આમંત્રણ નહોતું અપાયું.

સ્વામિનારાયણ ગોકુલધામ, નાર દ્વારા સુરત જિલ્લાના દિવ્યાંગો માટે સેવા યજ્ઞ યોજાયો. શિક્ષાપત્રી લેખનના 200 વર્ષ અને આચાર્યપદ સ્થાપન દ્વિશતાબ્દી મહોત્સવ નિમિત્તે વડતાલધામના ઉપલક્ષમાં આયોજન થયું. 22 થી 27 જુલાઈ 2025 દરમિયાન કેમ્પમાં 393 દિવ્યાંગોને કૃત્રિમ અંગો અપાયા. ALIMCO દ્વારા હાઈ-ટેક પ્રોસ્થેટિક લિમ્બ્સ અપાયા. 27 જુલાઈએ સ્વામિનારાયણ મિશન, સુરત ખાતે સભા યોજાઈ, જેમાં કલેક્ટર અને પોલીસ કમિશનર ઉપસ્થિત રહ્યા.

ગોધરા શહેરમાં બે દિવસથી અવિરત વરસાદથી નીચાણવાળા વિસ્તારોમાં પાણી ભરાયા, શાકભાજી વેપારીઓને ભારે નુકસાન થયું છે. શહેરા ભાગોલ વિસ્તારમાં શાકભાજી પલળી જતાં ભારે નુકસાન થયું. હોલસેલના વેપારીઓ નીચા ભાવે શાકભાજી વેચવા મજબૂર બન્યા. નગરપાલિકા દ્વારા ડેમરેજની કામગીરી હાથ ધરવામાં આવી. હવામાન વિભાગે આગામી 29 તારીખે ભારે વરસાદની આગાહી આપી છે.

રાજ્યની શાળાઓમાં ખાલી જગ્યાઓ માટે નિવૃત્ત શિક્ષકોની ભરતીનો નિર્ણય TET/TAT પાસ ઉમેદવારોના વિરોધને પગલે રદ કરવામાં આવ્યો છે. નિયમિત ભરતી અને જ્ઞાન સહાયકોની નિમણૂક બાદ પણ જગ્યાઓ ખાલી હોવાથી આ નિર્ણય લેવાયો હતો, પરંતુ વિરોધ થતા સરકારે યુ ટર્ન (U-Turn) લીધો.

સાળંગપુરધામમાં કષ્ટભંજનદેવ હનુમાનજી મંદિરમાં શ્રાવણ માસના પ્રથમ સોમવારે વિશેષ શણગાર કરાયો. શિક્ષાપત્રી લેખન એવં આચાર્યપદ સ્થાપન દ્વિશતાબ્દી મહોત્સવ વડતાલધામના ઉપક્રમે આયોજન થયું. હનુમાનજીને પ્યોર સિલ્કના શિવલિંગની થીમવાળા વાઘા પહેરાવાયા, સિંહાસને અર્ધનારેશ્વરના નૃત્યની થીમનો શણગાર કરાયો. શ્રાવણ માસ દરમિયાન અનેક કાર્યક્રમોનું આયોજન કરવામાં આવ્યું છે જેમાં ફૂટ અન્નકૂટ, છપ્પન ભોગ અન્નકૂટ, ચોકલેટ અન્નકૂટ અને ડ્રાયફ્રુટ મીઠાઈ અન્નકૂટ જેવા દિવ્ય અન્નકૂટ રજૂ કરાશે.

મહીસાગર જિલ્લામાં છેલ્લા 2 દિવસથી વરસાદી માહોલ છે. 5 તાલુકામાં સામાન્યથી હળવો વરસાદ થયો છે. બાલાસિનોરમાં 39mm અને લુણાવાડામાં 32mm વરસાદ નોંધાયો છે. વીરપુરમાં 8mm, ખાનપુરમાં 5mm અને કડાણામાં 3mm વરસાદ થયો છે. વાતાવરણમાં ઠંડક થતા લોકોને ગરમીથી રાહત મળી છે અને ખેતી પાકોને ફાયદો થયો છે. લોકો નદી-તળાવો છલકાય તેવી આશા રાખે છે.

સરકારી વિનયન કૉલેજ, અમીરગઢમાં NSS યુનિટ દ્વારા ડેન્ટલ કેમ્પ યોજાયો, જેમાં ડૉ. પંકજ પંડ્યાએ 78 વિદ્યાર્થીઓની દાંતની તપાસ કરી. દાંતમાં સડો, પીળા દાંત, દુખાવો, અને પેઢામાંથી રક્તસ્ત્રાવ જેવી સમસ્યાઓ તપાસી. ધૂમ્રપાનથી થતા નુકસાન વિશે જણાવ્યું અને દાંતની કાળજી માટે માર્ગદર્શન આપ્યું. આયોજન અધ્યાપિકા ફરહિના શેખ અને ડૉ. નિતિનકુમાર જાદવે કર્યું, અને આચાર્ય ડૉ. નયન સોનારાએ માર્ગદર્શન આપ્યું.

પાંડેસરાની વિમલ ટોરમલ પોદ્દાર કોલેજમાં VTP GOT TALENT કાર્યક્રમ 26 જુલાઈ 2025ના રોજ યોજાયો, જેમાં 24 કૃતિઓ પ્રદર્શિત થઈ. રાકેશ સાઈની અક્કી અને સિદ્ધિ અગરવાલ જૈન નિર્ણાયક હતા. વિદ્યાર્થીઓએ singing, dance જેવા ટેલેન્ટ દર્શાવ્યા, જેમાં તિવારી લક્ષ્મી પ્રથમ આવી. રાકેશ સાઈની અક્કીએ Mahindra Thar ગાડી દાંત અને આંગળીથી ખેંચી બતાવી. આયોજન ડો.ઈશાન તમહાંકર, પ્રો. રિતુ ભાટિયા, પ્રો. રિયા સુખીયાજી અને પ્રો. મનીષા પાટીલે કર્યું હતું.

નવસારીની SB ગાર્ડા કૉલેજમાં NSS અને આઈ.ક્યુ.એ. સેલ દ્વારા નવા વિદ્યાર્થીઓ માટે અભિમુક્તા કાર્યક્રમ યોજાયો. ડૉ. ગુર્જરે સેવાના મહત્વ વિશે માહિતી આપી. ડૉ. રાધા ગૌતમે NSS ની પ્રવૃત્તિઓ વિશે જણાવ્યું. શ્રીમતી હેતલ નાયકે શિબિરની જાણકારી આપી. શ્રી કિશોર પટેલે ગાર્ડા કૉલેજમાં NSS ના ઉદ્ભવ વિશે માહિતી આપી. 115 NSS સ્વયંસેવકોએ ભાગ લીધો.

અમરોલી સ્થિત જીવન જ્યોત ટ્રસ્ટ સંચાલિત સંસ્થાઓમાં તેજસ્વી વિદ્યાર્થીઓનો ઇનામ વિતરણ કાર્યક્રમ યોજાયો. જેમાં પ્રો.વી.બી.શાહ institute of management, આર.વી.પટેલ college of commerce, વી.એલ. શાહ college of commerce અને સુટેક્ષ બેંક college of computer application & scienceનો સમાવેશ થાય છે. 130 વિદ્યાર્થીઓ અને નેટ/સેટ પરીક્ષા પાસ કરનાર અને પી.એચ.ડી. પદવી હાંસલ કરનાર સ્ટાફનું સન્માન કરવામાં આવ્યું.

વીર નર્મદ યુનિવર્સિટીના સોશ્યલ વર્ક પ્રોગ્રામ દ્વારા "આરંભમ્" નામની ઝુંબેશ શરૂ કરાઈ, જેમાં સાયબર ક્રાઇમ જાગૃતિ માટે નાટક અને પ્રેઝન્ટેશન દ્વારા વિદ્યાર્થીઓને જાગૃત કરાયા. આ પહેલનો ઉદ્દેશ્ય વિદ્યાર્થીઓને શૈક્ષણિક અભ્યાસની સાથે સામાજિક પ્રવૃત્તિઓમાં પણ સામેલ કરી સામાજિક જવાબદારીની ભાવના કેળવવાનો છે. 'સાયબર ક્રાઇમ જાગૃતતા' વિષય પર ભટાર વિસ્તારમાં આવેલ ઈશ્વરલાલ ગુલાબભાઈ દેસાઈ વિદ્યાસંકુલ ખાતે ધોરણ ૯ થી ૧૨ના લગભગ ૭૦૦થી વધુ વિદ્યાર્થીઓએ ભાગ લીધો હતો. યુનિવર્સિટીના કુલપતિ ડૉ. કે.એન. ચાવડા અને કુલસચિવ આર.સી. ગઢવીના માર્ગદર્શન હેઠળ આયોજન કરવામાં આવ્યું.

શ્રી ઇન્દિરા નગર પ્રાથમિક શાળાના બાળકોએ રેશન શોપની કાર્ય પદ્ધતિ, અનાજ સંગ્રહ, ફિંગરપ્રિન્ટ સમસ્યા અને રેશન કાર્ડના પ્રકાર વિશે માહિતી મેળવી. વિધવાઓને મળતા અનાજની માહિતી મેળવી, અનાજ જોખવાનો અનુભવ કર્યો, જે તેમને મદદરૂપ થશે. ત્યારબાદ આખલોલ મહાદેવ મંદિરે વનભોજનનો આનંદ લીધો અને શૈક્ષણિક પ્રવાસમાં સરકારી વિતરણ વ્યવસ્થાનો અનુભવ મેળવ્યો.

Gujarat સરકારે વિદ્યાસહાયકોની ભરતી માટેનો મનસ્વી નિર્ણય બદલ્યો; નિવૃત્ત શિક્ષકોની ભરતી રદ કરી. શિક્ષણ વિભાગે પરિપત્ર જાહેર કર્યો. TET-TAT ઉમેદવારોના રોષ પછી સરકારનો આ નિર્ણય લેવાયો છે. અગાઉ નિવૃત શિક્ષકોને ખાલી જગ્યાઓ પર ભરતી કરવાનો નિર્ણય લેવાયો હતો, જે હવે રદ કરવામાં આવ્યો છે.

જસદણમાં 10 લાખમાંથી 1 બાળકને થતી ક્રીગલર-નાઝર-સિંડ્રોમ નામની દુર્લભ લિવરની બીમારીનું નિદાન થયું. 8 મહિનાની સઘન સારવાર બાદ બાળક સ્વસ્થ થયું છે. ડોક્ટરોએ જણાવ્યું કે કમળાની ગંભીર બીમારી સાથે બાળક દાખલ થયું હતું, તપાસમાં દુર્લભ બીમારી હોવાનું જાણવા મળ્યું. હવે મુંબઈની રિલાયન્સ ફાઉન્ડેશન હોસ્પિટલમાં લિવર ટ્રાન્સપ્લાન્ટ થશે.

હિંમતનગરમાં હાથમતી નદી પરનો હાથમતી Pick-up Weir અડધો ફૂટ ઓવરફ્લો થતા નદીમાં 450 cusec પાણીની જાવક છે. કેનાલમાં 150 cusec પાણી વહે છે. સાબરકાંઠામાં 3 mm થી 42 mm સુધી વરસાદ થયો, જેમાં હિંમતનગરમાં સૌથી વધુ પોણા બે ઇંચ વરસાદ નોંધાયો, જિલ્લામાં સરેરાશ 79.32 ટકા વરસાદ થયો અને જળાશયોમાં પાણીની આવક સારી છે.

અમરેલીના વાવેરા-આગરીયા જકાતનાકા રોડ પર નાળામાં ગાબડું પડતા અકસ્માતનો ભય. માર્કેટિંગ યાર્ડ ડિરેક્ટરે MLA હીરા સોલંકીને પત્ર લખી રજૂઆત કરી છે. વાવેરા રોડથી આગરીયા જકાતનાકા બાયપાસનો આ રોડ વાહનચાલકો માટે ઉપયોગી છે. નેરડીના નાળામાં ગાબડું પડતા અને RCC રોડ તૂટતા રાહદારીઓને મુશ્કેલી પડે છે. તાત્કાલિક સમારકામ કરવા વિનંતી કરાઈ છે.

નર્મદા જિલ્લામાં વરસાદ વચ્ચે, રાજપીપળા પાસે Galaxy Society નજીક વીજ થાંભલામાંથી કરંટ ઉતરતા ગાયનું મોત થયું. માલિક લક્ષ્મણભાઈ રાઠવાને પણ કરંટ લાગ્યો, પણ તેઓ બચી ગયા. તાત્કાલિક GEB અધિકારીને જાણ કરી કરંટ બંધ કરાયો. ગાય માલિકે પંચાયત પાસે વળતરની માંગ કરી છે.

વલસાડમાં છેલ્લા 25 વર્ષથી શ્રાવણના પ્રથમ સોમવારે ઉત્તર ભારતીય સમાજ દ્વારા કાવડ યાત્રા યોજાય છે. કોસંબા રોડથી તડકેશ્વર મહાદેવ મંદિર સુધી પદયાત્રા નીકળી હતી, જે ઉત્તર ભારતમાં શ્રાવણ માસમાં કાવડ યાત્રાનું મહત્વ દર્શાવે છે. કાવડયાત્રીઓએ 'હર હર મહાદેવ'ના નાદ સાથે જળાભિષેક કર્યો, અને શહેર શિવમય બન્યું. ભક્તોએ ભજન અને ભક્તિગીતોથી યાત્રાને આકર્ષક બનાવી હતી. આ યાત્રામાં મોટી સંખ્યામાં ભક્તો જોડાયા હતા.

ભરૂચ નજીક NH 48 પર ટ્રાફિક જામ વધ્યો. વરસાદમાં ઝાડેશ્વર ચોકડી પાસે 2-3 કિમી લાંબી લાઈન લાગી. બિસ્માર રસ્તાથી રોજની સમસ્યાથી લોકો પરેશાન છે. રસ્તાના સમારકામ અને પોલીસ કાર્યવાહીની માંગ છે. ભરૂચ-અંકલેશ્વર વચ્ચે વારંવાર ટ્રાફિકજામ થાય છે. વાલિયા ચોકડીના સાંકડા ઓવરબ્રિજથી પણ સમસ્યા સર્જાય છે. લોકો ટ્રાફિકજામનું કાયમી નિરાકરણ ઈચ્છે છે.

લુધિયાણામાં નૈના દેવીથી દર્શન કરી પરત ફરતા શ્રદ્ધાળુઓની પિકઅપ વાન પલટી જતાં ગમખ્વાર અકસ્માત થયો. મલેરકોટલા રોડ પર પિકઅપ વાને નિયંત્રણ ગુમાવતા તે નહેરમાં ખાબકી, જેમાં બે બાળકો સહિત 6 લોકોના મોત થયા. બે લોકો પાણીમાં તણાયા, જેમની હજુ સુધી કોઈ માહિતી મળી નથી. આ દુર્ઘટના ખુબ જ દર્દનાક છે.

વલસાડ જિલ્લામાં 24 કલાકમાં કપરાડામાં 40 મિમી અને ધરમપુરમાં 37 મિમી વરસાદ નોંધાયો. જિલ્લામાં સરેરાશ 24 મિમી વરસાદ થયો, જ્યારે ચાલુ મોસમમાં 1455 મિમી વરસાદ નોંધાયો છે. મધુબન ડેમના ઉપરવાસમાં 125.80 મિમી વરસાદથી પાણીની આવક વધી, જળસ્તર 71.75 મીટરે પહોંચતા ડેમના 4 દરવાજા ખોલી 19,800 ક્યુસેક પાણી દમણગંગા નદીમાં છોડાયું. હવામાન વિભાગે આગાહી કરી હતી.

છોટાઉદેપુર જિલ્લામાં 24 કલાકથી અવિરત વરસાદ, ચોમાસાના બીજા રાઉન્ડની શરૂઆત. બોડેલીમાં સૌથી વધુ 80 mm અને પાવીજેતપુરમાં 62 mm વરસાદ નોંધાયો. સંખેડા, છોટાઉદેપુર, કવાટ અને નસવાડીમાં પણ વરસાદ નોંધાયો. સતત વરસાદથી જનજીવન પર અસર, દૈનિક પ્રવૃત્તિઓ ખોરવાઈ, વરસાદી માહોલ જારી રહેવાની સંભાવના.

રાપર નગરપાલિકા દ્વારા ગટર લાઈનની સમસ્યાનો કાયમી ઉકેલ લાવવામાં આવ્યો. રાપર-ધોળાવીરા રોડ પરની ચોકઅપ લાઈનની રહીશોએ રજૂઆત કરી. પ્રમુખ ચાંદભાઇ અને ચીફ ઓફિસર તરુણદાન ગઢવીએ તાત્કાલિક પગલાં લીધાં. હિટાચી મશીન, JCB અને ટ્રેક્ટરની મદદથી ચોકઅપ થયેલી ગટર લાઈન બદલી નવી નાખવામાં આવી. 2003માં ગટર લાઈન નાખવામાં આવી હતી, ટૂંક સમયમાં નવી ગટર લાઈનની યોજના મંજૂરી માટે મોકલવામાં આવશે.

ભારત ગ્લોબલ ટેક હબ બનવા તરફ; મુંબઈમાં ટેસ્લા પછી, સુરતમાં વિનફાસ્ટ ઓટોનો 3,000 ચોરસ ફૂટનો શોરૂમ ખુલ્યો. વિનફાસ્ટની પ્રીમિયમ ઇલેક્ટ્રિક SUV VF 6 અને VF 7 પ્રદર્શિત થશે. વિનફાસ્ટ ભારતમાં જમણા હાથના ડ્રાઇવ વર્ઝન લોન્ચ કરશે. આ વર્ષ સુધીમાં 27 શહેરોમાં 35 ડીલરશિપ ખુલશે અને તમિલનાડુમાં ઉત્પાદન પ્લાન્ટ સ્થપાશે.

સુપ્રસિદ્ધ સાળંગપુર કષ્ટભંજન હનુમાનજી મંદિરે શ્રાવણના પ્રથમ સોમવારે વિશેષ શણગાર કરાયો. હનુમાનજી દાદાને શિવ સ્વરૂપનો શણગાર કરાયો, સિંહાસન આસપાસ હિમાલય પર્વતની આબેહૂબ રચના કરાઈ. હનુમાનજી મંદિર શિવાલય જેવું લાગતું હતું. વહેલી સવારથી જ ભક્તોનો ઘસારો જોવા મળ્યો, ભક્તોએ દર્શન કરી ધન્યતા અનુભવી. શ્રાવણ માસમાં સોમવારનું વિશેષ મહત્વ છે. દર વર્ષે શ્રાવણમાં વિશેષ શણગાર થાય છે.

તાપી જિલ્લામાં છેલ્લા 24 કલાકમાં છૂટો છવાયો વરસાદ થયો. ડોલવણમાં સૌથી વધુ 1.49 inch અને વાલોડમાં 1.41 inch વરસાદ નોંધાયો. સોનગઢ અને વ્યારામાં 24 mm વરસાદ થયો છે. આ વરસાદથી ખેડૂતો ખેતીકામમાં વ્યસ્ત થયા છે. કુકરમુંડામાં 16 mm, ઉચ્છલમાં 8 mm અને નિઝરમાં 3 mm વરસાદ નોંધાયો. આ વરસાદથી ખેતી ક્ષેત્રે સકારાત્મક અસર જોવા મળી રહી છે.

શ્રી સ્વામિનારાયણ મંદિર કુમકુમ મણીનગર દ્વારા દુબઈના મરીના દરિયામાં શિક્ષાપત્રી દ્વિ શતાબ્દી મહોત્સવ અંતર્ગત બોટમાં શિક્ષાપત્રી ગ્રંથનો ચાંદીના પુષ્પોથી અભિષેક કરાયો. કુમકુમ મંદિરના સાધુ પ્રેમવત્સલદાસજીએ શિક્ષાપત્રી ગ્રંથનું મહત્વ જણાવ્યું. શ્રી સ્વામિનારાયણ ભગવાને વ્યસનમુક્ત અને સદાચારી જીવન જીવવા પર ભાર મૂક્યો છે. આ ગ્રંથ ગુજરાતી, હિન્દી, સંસ્કૃત અને અંગ્રેજી એમ ચાર ભાષામાં ઉપલબ્ધ છે.

જર્મનીમાં વર્લ્ડ યુનિવર્સિટી ગેમમાં દેવ્યાનીબા ઝાલાએ 4*400 મીટર રિલે મિક્સ ડબલ્સમાં ઈન્ડિયાને ચોથો ક્રમ અપાવ્યો. વિમેન્સ ઇવેન્ટમાં ઇન્ડીયાની ટીમ ફાઇનલમાં 5માં ક્રમે રહી. ભુવનેશ્વરની કીટ યુનિવર્સિટીની બેદરકારી ના કારણે 400 મીટર દોડમાં રમી ન શકી, છતાં હિંમત ન હારી. સૌરાષ્ટ્ર યુનિવર્સિટીમાં SYBAમાં અભ્યાસ કરે છે.

વડોદરા નજીક રમણગામડી GIDCમાંથી વરણામા પોલીસે ઓઢવના બુટલેગરનું દારૂનું ગોડાઉન ઝડપ્યું. 'પાર્થ કન્સ્ટ્રક્શન'ના બોર્ડવાળા ગોડાઉનમાં દારૂનું કટિંગ ચાલુ હતું ત્યારે રેડ કરી. પોલીસે ₹37 લાખનો દારૂ સહિત ₹48 લાખનો મુદ્દામાલ જપ્ત કર્યો અને 5ની ધરપકડ કરી. ઓઢવના બુટલેગરને વોન્ટેડ જાહેર કરી કાર્યવાહી હાથ ધરી. પોલીસને બાતમી મળી હતી કે નારાયણલાલ સૈન દારૂનો જથ્થો મંગાવી વેચે છે.