ગોધરામાં ગણેશ મહોત્સવની ઉજવણી થઈ રહી છે, જેમાં મા શક્તિ દે ગ્રુપ દ્વારા સાદગીપૂર્ણ ગણપતિનું આગમન કરાયું છે. પાંચ દિવસ સુધી દર્શન કરવા આવતા ભક્તોને નિઃશુલ્ક પ્રસાદી આપવામાં આવશે. આવતીકાલની વિસર્જન શોભાયાત્રા માટે પૌવા-બટાકાની પ્રસાદીની વ્યવસ્થા કરાઈ છે. મા શક્તિ દે ગ્રુપની આ પહેલ અન્ય ગણેશ મંડળો માટે પ્રેરણારૂપ છે. આ ગ્રુપ દશામાનું વિસર્જન અને સિંધી સમાજના ભગવાન ઝુલેલાલના ચાલીયા સાહેબની ઉજવણી જેવા ધાર્મિક કાર્યક્રમોમાં પણ સેવાકીય પ્રવૃત્તિઓ કરે છે.