નાના વરાછા રામજી મંદિરમાં વિવાહ પંચમી નિમિત્તે 3000 લોકોએ ભાગ લીધો. સંતોએ વૈદિક મંત્રોચ્ચાર સાથે રામ અને સીતાના વિવાહ કર્યા. ગેબીનાથ મહાદેવને 21 લીટર દૂધથી અભિષેક કરવામાં આવ્યો. મહંત અખિલેશદાસજીએ જણાવ્યું કે આ ઉત્સવ જીવનમાં સૌમ્યતા, મર્યાદા, ધાર્મિકતા, એકતા અને સંસ્કાર જેવા ગુણો ઉતારવાનું શીખવે છે. ભગવાન રામની હાથી અને ઘોડા સાથે શોભાયાત્રા નીકળી હતી. વિદ્વાન બ્રાહ્મણો દ્વારા વૈદિક પરંપરા મુજબ શ્રીરામ અને સીતાજીના લગ્ન થયા. ભક્તોએ મહાદેવ, પાર્વતી, ભરત, શત્રુઘ્ન અને નારદજી વગેરેના પોશાક ધારણ કર્યા હતા.