રાહુલ-તેજસ્વીની 'વોટર અધિકાર યાત્રા' પટનામાં સમાપ્ત થઈ રહી છે. 'ગાંધી સે આંબેડકર' નામની પદયાત્રા ગાંધી મેદાનથી શરૂ થઈ 4 કિમી દૂર આંબેડકર પ્રતિમા પાસે પુરી થશે. મહાગઠબંધનના કાર્યકરો ગાંધી મેદાન પહોંચી રહ્યા છે. CPI(ML)ના દીપાંકર ભટ્ટાચાર્યએ કહ્યું કે આ સમાપન ફક્ત વિરામ છે; લડાઈ ચાલુ રહેશે. INDIA ગઠબંધનના નેતાઓ TMC સાંસદ યુસુફ પઠાણ, શિવસેનાના સંજય રાઉત, NCPના સુપ્રિયા સુલે સહિત ઘણા નેતાઓ જોડાઈ રહ્યા છે. 17 ઓગસ્ટે શરૂ થયેલી આ યાત્રા 23 જિલ્લાઓમાંથી પસાર થઈ છે.