અંકલેશ્વર સ્થિત ગટ્ટુ વિદ્યાલય CBSE વિભાગમાં ગુરુપૂર્ણિમાની ભવ્ય ઉજવણી કરવામાં આવી. આ પ્રસંગે વિશેષ પ્રાર્થના સભા યોજાઈ, જેમાં વિદ્યાર્થીઓએ સાંસ્કૃતિક કાર્યક્રમો દ્વારા ગુરુજનો પ્રત્યે કૃતજ્ઞતા વ્યક્ત કરી. કેમ્પસ ડાયરેક્ટર અને આચાર્ય મિશેલ ગણેશાણીએ ગુરુના મહિમાનું વર્ણન કર્યું. KG વિભાગના વિદ્યાર્થીઓએ પોતાની માતાઓનું પૂજન કરી તેમના આશીર્વાદ મેળવ્યા, કારણ કે માતા પ્રથમ ગુરુ છે. આ કાર્યક્રમનું આયોજન ઉપાચાર્ય સુચિતા રૉયના માર્ગદર્શન હેઠળ જાનવી પટેલ અને શાલુ પારીકે કર્યું.

મહેમિયાદ : મહેમદવાદ શહેરમાં દર વર્ષની જે આ વર્ષે પણ ગુરુપૂર્ણિમા ઉત્સવ પંચમુખી હનુમાનજી મંદિર ખાતે ઉજવવામાં આવ્યો હતો. દર વર્ષે મહેમદવાદ શહેરમાં આવેલ પંચમુખી હનુમાનજી મંદિરમાં આવેલ આશ્રામમાં રાષ્ટ્રીય સંત ચિન્મયાંનંદજી મહારાજ પધારે છે જ્યાં તેમના શિષ્યો મહારાજનું પૂજન કરતા હોય છે પણ આ વર્ષે મહારાજ હરિદ્વાર ખાતે આવે તેમના આશ્રામમાં પૂજનનો કાર્યક્રમ યોજી રહ્યા છે ત્યારે મહેમદવાદ શહેરમાં પંચમુખી હનુમાનજી મંદિરમાં પૂજન કાર્યક્રમ યોજવામાં આવ્યો હતો.

યાત્રાધામ ડાકોર રણછોડરાયજી મંદિરમાં ગુરૂપૂર્ણિમા નિમિત્તે બુધવારે ભક્તોનું ઘોડાપૂર ઉમટ્યું હતું. જગતગુરુ ભગવાન રણછોડરાયજીના દર્શનાર્થે મંગળાથી શયન દર્શન સુધી અવિરત પ્રવાહ રહ્યો હતો. અઢી લાખથી વધુ દર્શનાર્થીઓએ શ્રીજીના ગુરૂભાવ સાથે દર્શન કરી ધન્યતા અનુભવી હતી. આખો દિવસ શ્રદ્ધાળુઓના જય રણછોડના નાદથી મંદિર ગુંજતું રહ્યું હતું. મંગળા આરતી માટે ભક્તો વહેલી સવારથી ગોઠવાઈ ગયા હતા. 30 હજારથી વધુ ભક્તોએ મંગળા દર્શન કર્યા હતા.

ગુરૂપૂર્ણિમા પર્વ નિમિત્તે ગુજરાતના મુખ્યમંત્રી વિજયનગર તાલુકાના ઈટાવડી ગામે બિરાજમાન રામેશ્વર મહાદેવના દર્શન કરવા પહોંચ્યા હતા. પરંપરાગત શ્રદ્ધા અને ભક્તિ સાથે તેમણે ભગવાન મહાદેવના ચરણોમાં રાજ્યની જનસુખાકારી, સુખ-શાંતિ અને સમૃદ્ધિ માટે પ્રાર્થના કરી. મુખ્યમંત્રીએ આધ્યાત્મિક ઊર્જા મેળવી અને મંદિરના સ્થાપક સુકદેવજી મહારાજના દર્શન કરી આશીર્વાદ મેળવ્યા. તેમણે બાપા સુખદેવજી ધામના ગાદીપતિ જગનાજી બાપુની પણ મુલાકાત લીધી.

નડિયાદ સંતરામ મંદિરમાં ગુરૂ પૂર્ણિમા નિમિતે ખેડા જિલ્લા સહિત આણંદ , મહિસાગર જિલ્લાના ગ્રામ્ય વિસ્તારોમાંથી મોટી સંખ્યામાં ભકતો દર્શનાર્થે ઊમટયા હતા. આ ભકતો દૂધ અને ઉનાળા સિઝનનું પ્રથમ અનાજ ડાંગર , બાજરી લઇને આવ્યા હતા. આ ભકતોએ મંદિરમાં દૂધ અને ધાન્ય અર્પણ અને શ્રી સંતરામ મહારાજના દર્શન કરીને ધન્યતા અનુભવી હતી.

ઇડર તાલુકાના નેત્રામલી ગામે લાંબા સમયથી બંધ પડેલું HDFC બેંકનું ATM હવે ફરીથી સક્રિય થઈ ગયું છે. સંદેશ સમાચાર પત્રમાં રજૂ થયેલા અહેવાલ અને ગ્રાહકોની માંગને ધ્યાનમાં રાખીને આ ATM ફરી શરૂ કરાયું છે. આનાથી સ્થાનિક લોકો, વેપારીઓ અને આસપાસના વિસ્તારના ગ્રાહકોમાં ખુશીની લહેર છે. અગાઉ ATM બંધ હોવાથી રોકડ મેળવવા માટે લોકોને ભારે મુશ્કેલી પડતી હતી અને લાંબુ અંતર કાપવું પડતું હતું. આ સમસ્યા હવે હલ થઈ ગઈ છે.

હિંમતનગર ખાતે જિલ્લા શિક્ષણાધિકારી અને સમગ્ર શિક્ષાના માર્ગદર્શન હેઠળ બીઆરસી ભવન, કાંકણોલમાં દિવ્યાંગ બાળકો માટે એક મહત્વપૂર્ણ એસેસમેન્ટ કેમ્પ યોજાયો હતો. સાબરકાંઠા આઈઈડી વિભાગ અને એલિમ્કો સંસ્થા ઉજૈનના સહયોગથી આયોજિત કેમ્પમાં સરકારી સહાય અંગે માર્ગદર્શન અપાયું. કુલ ૨૫૪ બાળકોને તેમની જરૂરિયાત મુજબ કેલિપર્સ, વ્હીલચેર, ટ્રાયસિકલ, શ્રાવણયંત્ર, ટીએલએમ કીટ, બગલ ઘોડી, બ્રેઈલ કિટ અને વોકર જેવા સાધનોનું વિતરણ કરવામાં આવ્યું.

હાલોલ ખાતે આવેલા સુપ્રસિદ્ધ યાત્રાધામ પાવાગઢમાં વરસાદી મોસમ વચ્ચે ડુંગર વાદળો સાથે સંતાકૂકડી રમતો હોય તેવો નઝારો જોવા મળ્યો. આ પ્રાકૃતિક સૌંદર્ય માણવા અને માતાજીના દર્શન કરવા મોટી સંખ્યામાં યાત્રાળુઓ ઉમટી પડ્યા હતા. ગુરુપૂર્ણિમા પર્વ નિમિત્તે એક લાખથી વધુ માઇ ભક્તોએ માતાજીના દર્શન કર્યા. સવારે 5 વાગ્યે નિજ મંદિરના દ્વાર ખુલતાં જ જય માતાજીના નાદથી પરિસર ગુંજી ઉઠ્યું. તળેટીના આશ્રામોમાં પણ ગુરુવંદના માટે ભક્તોની ભીડ જોવા મળી.

હિંમતનગર નજીક નેશનલ હાઇવે-48 પર સ્થિત કાંકણોલ ધામ 'ઓમ શ્રી સિદ્ધક્ષેત્ર પ્રગટ ધામ' ખાતે ગુરુપૂર્ણિમા મહોત્સવ ભક્તિમય માહોલમાં ઉજવાયો. 98 વર્ષથી વધુ વયના પૂજ્ય નરસિંહ દાદાના દર્શન માટે રાજ્યભરમાંથી હજારો ભાવિકો ઉમટ્યા હતા. મહોત્સવ દરમિયાન ભજન, સત્સંગ અને ગુરુભક્તિની ત્રિવેણી વહેતી જોવા મળી. કાંકણોલ ધામ દ્વારા માનવસેવા અને જીવદયાના કાર્યો, જેમ કે પક્ષીઓને ચણ, રોટલા સેવા અને જરૂરિયાતમંદોને સામગ્રી, ની પણ નોંધ લેવાઈ.

વલસાડ જિલ્લામાં અતિભારે વરસાદને કારણે દરિયાકાંઠાના વિસ્તારોમાં આવેલ મીઠા ઉદ્યોગને મોટો ફટકો પડ્યો છે. છરવાડા, ધરાસણા, કરદીવા, ભાગલ જેવા ગામોમાં મીઠાના અગરો પાણીમાં ગરકાવ થતાં તૈયાર થયેલો લાખો ટન મીઠો ધોવાઈ ગયો છે. આ કુદરતી આફતથી મીઠા ઉત્પાદકોને કરોડો રૂપિયાનું નુકસાન થયું છે અને હજારો અગરિયા પરિવારોના રોજગારી તથા જીવનનિર્વાહ પર ગંભીર સંકટ ઊભું થયું છે. રાજ્યના મહત્વના મીઠા ઉત્પાદન ક્ષેત્રમાં આ વર્ષે થયેલ વિનાશ અગરીયાઓની આખા વર્ષની કમાણીને રેલમાં તણાઈ ગઈ છે.

વલસાડ જિલ્લામાં થયેલ અતિભારે વરસાદ અને પૂરના કારણે શાળાઓ પણ અસરગ્રસ્ત થઈ છે. અનેક શાળાઓમાં પાણી ઘૂસી જતાં શૈક્ષણિક કામગીરી ખોરવાઈ છે. સર્વે મુજબ, 7 હજારથી વધુ વિદ્યાર્થીઓ પાઠ્યપુસ્તકો, નોટબુક અને બેગ વિનાના બન્યા છે. આ સ્થિતિમાં, જિલ્લા શિક્ષણ વિભાગે ગાંધીનગર શિક્ષણ નિયામકને જાણ કરીને યુધ્ધના ધોરણે કાર્યવાહી શરૂ કરી છે. અસરગ્રસ્ત વિદ્યાર્થીઓ માટે નવા પાઠ્યપુસ્તકોની માંગણી કરવામાં આવી છે, જેથી કોઈપણ વિદ્યાર્થીના અભ્યાસમાં વિક્ષેપ ન આવે.

લીલીયા બાર એસોસીએશનના વકીલોએ હાઈકોર્ટની બેન્ચ રાજકોટમાં સ્થાપવાની માંગ સાથે મામલતદારને આવેદન પત્ર સુપરત કર્યું. વકીલોના જણાવ્યા મુજબ, હાઈકોર્ટમાં 40% કેસ સૌરાષ્ટ્ર-કચ્છના હોય છે. રાજકોટમાં બેન્ચ સ્થપાતા કેસોનો ઝડપી નિકાલ થશે અને લોકોને અમદાવાદ ધક્કા ખાવા નહીં પડે. સૌરાષ્ટ્રની 2 કરોડની વસ્તીને ન્યાય મેળવવામાં સરળતા રહેશે. ચૂંટણી સમયે રાજકોટને બેન્ચ આપવાના સરકારના વચનો અને રાજકોટમાં ઉપલબ્ધ સુવિધાઓને ધ્યાનમાં રાખી તાત્કાલિક નિર્ણય લેવા અપીલ કરાઈ.

ગુજરાત આયુર્વેદ યુનિવર્સિટીની BAMS તૃતીય પ્રોફેશનલ વર્ષની ‘શલ્ય તંત્ર -1’ પરીક્ષામાં પેપર લીક થવાની ઘટના સામે આવી છે. પરીક્ષા પહેલાં મહત્વપૂર્ણ ટોપિક્સના મેસેજો ફરતા થયા હતા, જેમાંથી મોટાભાગના પ્રશ્નો સીધા જ પ્રશ્નપત્રમાં પૂછાયા હતા. આ પ્રકરણમાં પેપર સેટ કરનાર પ્રોફેસર પણ શંકાના દાયરામાં છે. યુનિવર્સિટી તંત્રની ગંભીર બેદરકારી સ્પષ્ટપણે દેખાઈ આવે છે. NSUI દ્વારા આ મુદ્દે રાજ્યના તમામ જિલ્લાઓમાં કલેક્ટરને આવેદન આપી વિરોધ પ્રદર્શન કરવામાં આવ્યું છે. પેપર લીક પ્રકરણની ન્યાયિક તપાસ અને જવાબદાર અધિકારીઓ સામે કડક કાર્યવાહીની માંગ કરવામાં આવી છે.

લાંબા સમયથી બંધ પડેલી ઢોર પકડવાની કામગીરી માત્ર રાયજીબાગ વિસ્તારમાં જ શરૂ કરાઈ છે, જ્યાં મનપાના ઉચ્ચ અધિકારીઓ રહે છે. બે દિવસમાં 15 જેટલા રખડતા ઢોર પકડાયા છે. આ દર્શાવે છે કે તંત્ર પાસે ક્ષમતા છે, પરંતુ તે માત્ર અધિકારીઓને ખુશ રાખવા પૂરતી સીમિત છે. શહેરના મુખ્ય વિસ્તારો જ્યાં ઢોરનો ત્રાસ છે અને અકસ્માતો થાય છે, ત્યાં કોઈ કાર્યવાહી નથી. આ બેવડા માપદંડ પર આસી. કમિશનર વાજાએ જવાબ આપવાનું ટાળ્યું, જ્યારે ડો.વાણીયાએ મધુરમ વિસ્તારમાં કામગીરી ચાલુ હોવાનું જણાવ્યું.

પોરબંદર મહાનગરપાલિકાની સેનિટેશન શાખાએ ચોમાસાને ધ્યાનમાં રાખી સુભાષનગરના જાવર રોડ પર વિશેષ સફાઈ ઝુંબેશ હાથ ધરી. આ કામગીરીમાં જે.સી.બી. મશીન અને ટ્રેક્ટરનો ઉપયોગ કરી 8 ટ્રેક્ટર જેટલો ઘન કચરો દૂર કરાયો. હાલ બોટ રિપેરિંગને કારણે નીકળતા કાટમાળ, થર્મોકોલ અને પ્લાસ્ટિકના ઢગલા થયા હતા. મનપાએ લોકોને ખુલ્લામાં કચરો ન ફેંકી શહેર સ્વચ્છ રાખવા અપીલ કરી.

સૌરાષ્ટ્ર અને કચ્છ વિસ્તારમાંથી ગુજરાત હાઈકોર્ટમાં આવતા 40 ટકા જેટલા લીટીગેશનને ધ્યાનમાં રાખીને, રાજકોટમાં હાઈકોર્ટ બેંચની સ્થાપનાની માંગ સાથે માણાવદર, કોડીનાર, વિસાવદર, માળિયા, માંગરોળ અને કેશોદ સહિત અનેક સ્થળોએ બાર એસોસિએશન દ્વારા મામલતદારને આવેદનપત્ર સુપરત કરાયા છે. આ બેંચની સ્થાપનાથી ગુજરાત હાઈકોર્ટ પરનું ભારણ ઘટશે અને સૌરાષ્ટ્ર-કચ્છના નાગરિકોને ઘરઆંગણે ઝડપી અને સસ્તો ન્યાય મળી રહેશે. લાંબી મુસાફરી અને સમયના વ્યયને બદલે લોકોને સુગમતા પ્રાપ્ત થશે, જે રાજકોટને સૌરાષ્ટ્ર-કચ્છનું સેન્ટર પોઈન્ટ ગણીને અને ભૂતકાળમાં ત્યાં બેંચ કાર્યરત હોવાનો ઉલ્લેખ કરીને રજૂ કરાયું છે.

પાલનપુરના ઢાળવાસ વિસ્તારમાં ભૂગર્ભ ગટરનું ગંદું પાણી રસ્તા પર વહેવાને કારણે વેપારીઓ અને સ્થાનિક રહેવાસીઓ ભારે હાલાકી ભોગવી રહ્યા છે. દુર્ગંધ અને ગંદકીથી લોકોમાં રોષ ફેલાયો છે. ભીડભાડવાળા વિસ્તારમાં સામાન્ય દિવસોમાં પણ ગટરનું પાણી ઉભરાતાં ગંદકીનું સામ્રાજ્ય સર્જાયું છે. આ કારણે દુકાનદારો, ગ્રાહકો અને રાહદારીઓને મુશ્કેલી પડે છે, જેનાથી વેપાર પર પણ માઠી અસર પડી રહી છે. અનેક રજૂઆતો છતાં માત્ર કામચલાઉ ઉકેલ મળતા, વેપારીઓએ ગટર લાઇનનું સમારકામ અથવા નવી લાઇન નાખી કાયમી ઉકેલની માંગ કરી છે.

મહેસાણા મહાનગરપાલિકા દ્વારા તાજેતરમાં કચરો એકત્ર કરવા માટે 250 નવી હાથલારીઓ ખરીદવામાં આવી છે. બીજી તરફ, બે વર્ષ પહેલાં ખરીદાયેલી અને ભંગાર હાલતમાં પડેલી હાથલારીઓને નજીવા ખર્ચે મરામત કરીને ફરી ઉપયોગમાં લેવા માટે પૂછપરછ શરૂ કરવામાં આવી છે. આ મરામત લાયક હાથલારીઓ ગેરેજ અને પોલીસ સ્ટેશન નજીક ભંગાર હાલતમાં મળી આવી હતી. હવે તેને ફરી કાર્યરત કરવા માટે સેનિટરી શાખાને સૂચના અપાઈ છે.

મહેસાણા બાયપાસ પર શિવાલા સર્કલથી પાંચોટ તરફનો 950 મીટર લાંબો ઓવરબ્રિજ માત્ર પોણા સાત વર્ષમાં જ બિસ્માર બની ગયો છે. બ્રિજના આઠ સ્થળોએ એક્સપાન્શન જોઇન્ટ્સ સંપૂર્ણપણે ઉખડી ગયા છે અને અનેક જગ્યાએ કોંક્રીટ તૂટવાથી લોખંડના સળિયા ખુલ્લા દેખાઈ રહ્યા છે. દરરોજ હજારો વાહનો પસાર થતાં હોવા છતાં કાયમી મરામત ન થતાં વાહનચાલકોના જીવ પર જોખમ તોળાઈ રહ્યું છે. જવાબદારી નેશનલ હાઇવે ઓથોરિટીને સોંપાયા બાદ યોગ્ય કાળજીના અભાવે સ્થિતિ વધુ વણસી છે.

મહેસાણા શહેરમાં બાંધકામનો કાટમાળ આડેધડ ફેંકવાની સમસ્યાનો અંત લાવવા માટે મહાનગરપાલિકા રૂ.6.01 કરોડના ખર્ચે કન્સ્ટ્રક્શન એન્ડ ડિમોલિશન (સી એન્ડ ડી) વેસ્ટ પ્રોસેસિંગ પ્લાન્ટ સ્થાપવાની તૈયારીમાં છે. પ્લાન્ટ શરૂ થતાં જ, નિર્ધારિત ચાર્જ ચૂકવીને તમામ બાંધકામનો કાટમાળ મનપાના પ્લાન્ટમાં જ જમા કરાવવો ફરજિયાત બનશે. ત્યાં તેનું પ્રોસેસિંગ કરીને પેવિંગ બ્લોક તેમજ પુરાણ માટે ઉપયોગી મટિરિયલ તૈયાર કરાશે. આ પ્રોજેક્ટ માટે સ્વચ્છ ભારત મિશન (અર્બન) ગુજરાત હેઠળ રૂ.4 કરોડની ગ્રાન્ટ ફાળવાઇ છે. આ નવી વ્યવસ્થાથી શહેરમાં કાટમાળના નિકાલ પર અસરકારક નિયંત્રણ આવશે.

મહેસાણા મહાનગરપાલિકા શહેરની આંગણવાડીઓને ખાનગી પ્રિ-સ્કૂલ જેવી આધુનિક અને બાળકોને આકર્ષે તેવી બનાવવા તરફ આગળ વધી રહી છે. પ્રથમ તબક્કામાં શહેર અને ભળેલા 14 ગામોને આવરી લઇને 53 આંગણવાડીનું નવીનીકરણ હાથ ધરાયું છે. જેમાં 21 આંગણવાડીઓમાં કામગીરી ચાલી રહી છે, જ્યારે 8 આંગણવાડીઓનું કામ પૂર્ણતાના આરે છે. બાળકો રમતાં-રમતાં શીખી શકે તે માટે દિવાલો પર શૈક્ષણિક ચિત્રો, રંગબેરંગી ડિઝાઇન અને બાળમિત્ર વાતાવરણ તૈયાર કરવામાં આવી રહ્યું છે. નવીનીકરણ સાથે બાળકો માટે રમકડાં, શૈક્ષણિક સાધનો અને રમત ગમતની સુવિધાઓ પણ ઉમેરવામાં આવશે.

મહેસાણા જિલ્લામાં નશીલા પદાર્થો વિરોધી ઝુંબેશના ભાગરૂપે, વિજાપુર તાલુકાના ખરોડ ગામમાં ખેતરના શેઢા પર ગેરકાયદે ગાંજાની ખેતીનો પર્દાફાશ થયો છે. એસઓજી ટીમે બાતમીના આધારે દરોડો પાડી 39.530 કિલોગ્રામ વજનના પાંચ ગાંજાના છોડ જપ્ત કર્યા છે, જેની બજાર કિંમત અંદાજે ₹19.76 લાખ આંકવામાં આવી છે. પોલીસે રામુસિંહ સરતાનસિંહ ચૌહાણ નામના ખેડૂત સામે NDPS Act હેઠળ ગુનો નોંધી વધુ તપાસ હાથ ધરી છે.

વિજાપુર તાલુકાના આસોડા ગામમાં 15મા નાણાપંચ (2024-25) હેઠળ નિર્માણ થયેલો RO પ્લાન્ટ ધૂળ ખાઈ રહ્યો છે. ગ્રામજનોના જણાવ્યા અનુસાર, પ્લાન્ટ શરૂ થયાના દિવસથી આજદિન સુધી એક પણ વાર કાર્યરત થયો નથી. સરકારની ગ્રાન્ટથી બનેલી આ સુવિધા શોભાના ગાંઠિયા સમાન બની ગઈ છે, જેના કારણે ગામલોકોને આજે પણ શુદ્ધ પીવાના પાણી માટે અન્ય વિકલ્પો પર આધાર રાખવો પડે છે. આસોડા ગામ હજુ અનેક વિકાસકાર્યોથી વંચિત છે, અને ફાળવાયેલી ગ્રાન્ટનો વાસ્તવિક લાભ લોકો સુધી પહોંચે છે કે કેમ તે અંગે સવાલો ઉઠી રહ્યા છે.

અમદાવાદમાં દીપડો આવ્યો હોવાની વાત માત્ર અફ્વા સાબિત થઈ, હકીકતમાં તો તે એક મોટી બિલાડી હતી. બાળપણથી જ આપણે અફ્વા ભરેલી કવિતાઓ અને વાર્તાઓ સાંભળીને મોટા થયા છીએ, જે આપણી કલ્પના અને ડરને પ્રભાવિત કરે છે. જેમ જેમ અફ્વા ફેલાય છે, તેમ તેમ તેનું બજાર શેરબજાર કરતાં પણ વધુ ગરમ થતું જાય છે. આ બધા વચ્ચે, સત્ય અને અફ્વા વચ્ચેનો જનરેશન ગેપ અને અર્ધ સત્યની ભ્રામક દુનિયા વિશે ઝીણુંદાદાની વાત રસપ્રદ છે.

મધ્ય પ્રદેશ સરકાર 60% સુધી મગ ખરીદશે, 10 ઓગસ્ટ સુધી સ્લોટ બુકિંગ અને 20 ઓગસ્ટ સુધી ખરીદી થશે. ખાતરની ઈ-ટોકન વ્યવસ્થા હાલ પૂરતી સ્થગિત કરાઈ છે. ત્રણ દિવસના ખેડૂત આંદોલન બાદ સરકાર અને ખેડૂત પ્રતિનિધિઓ વચ્ચે થયેલી બેઠક બાદ આંદોલન સમાપ્ત થયું છે. ખેડૂતોને તેમના વાહનો સુધી પહોંચાડી દેવાયા છે. કેન્દ્રીય મંત્રી શિવરાજ સિંહ ચૌહાણે રાજ્ય સરકારને 25% થી વધુ ખરીદી પોતાના ખર્ચે કરવાની સલાહ આપી છે.

ગુજરાત યુનિવર્સિટી ફરી ચર્ચામાં છે. ABVP દ્વારા પૂર્વ કુલપતિ નીરજા ગુપ્તા પર યુનિવર્સિટીના પૈસાનો દુરુપયોગ કરવાનો ગંભીર આરોપ લગાવવામાં આવ્યો છે. તેમના કાર્યકાળ દરમિયાન, તેમણે ઘણા કામચલાઉ કર્મચારીઓને બદલીને પોતાના અને પતિના પરિચિતોને 5-6 ગણા વધારે પગાર સાથે નિયુક્ત કર્યા. આના કારણે યુનિવર્સિટીને 3 વર્ષમાં 10.93 કરોડ રૂપિયાનું વધારાનું નુકસાન થયું છે. ABVPની ફરિયાદ બાદ, યુનિવર્સિટીએ તપાસ કમિટીની રચના કરી છે.

વડોદરામાં પેટ્રોકેમિકલ પ્રોડક્ટનું ટ્રેડિંગ કરતા વેપારી વિશાલભાઇ વ્યાસ સાથે દિલ્હીની ZPS Oil-Gas Pvt. Ltd. ના ડિરેક્ટર્સ, આસુતોષ પટનાયક, તપસ રંજન પટનાયક અને રંજીતા પટનાયકે મળીને ઠગાઇ કરી છે. આસુતોષે વિશાલભાઇને જણાવ્યું કે ઓડિશાના પૂર્વ સીએમ નવીન પટનાયક તેના કઝીન છે અને ભારત સરકારના હેલ્થ એડવાઇઝર હોવાનું કહી વિશ્વાસમાં લીધા. ત્યારબાદ ઇન્ડસ્ટ્રિયલ ફ્યુઅલ ઓઇલનો મોટો જથ્થો વેચવાની લાલચ આપી રૂ. ૩૨.૬૪ લાખનું બિલ મોકલી ઠગાઇ આચરવામાં આવી.

બેન્ક ઓફ બરોડા (BOB) ની અનગઢ શાખાનું ATM તોડવાનો પ્રયાસ થયો હતો. રાત્રે ૩.૨૦ કલાકે બે બુકાનીધારી શખ્સ હથોડો લઈને ATM માં પ્રવેશ્યા હતા. તેઓ પૈસા મુકવાના લોખંડના વોલ્ટનો દરવાજો અને લોક તોડવામાં સફળ રહ્યા હતા, પરંતુ અંદરનો બીજો દરવાજો તૂટ્યો ન હતો. ઉપરની હોસ્પિટલના નર્સિંગ સ્ટાફના જાગી જતાં તેઓ રિક્ષામાં ફરાર થઈ ગયા હતા. પોલીસે ગુનો નોંધી CCTV ફૂટેજ મેળવવા તજવીજ હાથ ધરી છે.

ગોરવા ફેક્ટરીમાંથી ચોરી કરનાર એક રીઢા ગુનેગાર અને તેના સાગરીતને ક્રાઇમ બ્રાન્ચે ઝડપી પાડયા છે. પોલીસે ખાસવાડી સ્મશાન પાસે બાઇક પર જતાં દિવ્યાંગ ઉર્ફે નાનુ વિરબહાદૂર રાણા અને તેના સાગરીત અંકિત વિભાકર સેલાતને અટકાવ્યા હતા. તેમની પાસેથી કેમેરાના પાર્ટ્સ અને અન્ય સાધનો મળી આવતાં વધુ તપાસ કરાઇ. તેમણે ગોરવા બીઆઇડીસીની બંધ ફેક્ટરીના પતરાં તોડી પિત્તળના બુસ, કેમેરા સહિતની ચીજો ચોરી હોવાનું બહાર આવ્યું. પોલીસે ૨.૨૦ લાખનો મુદ્દામાલ કબજે કર્યો છે.

વલસાડ શહેરમાં વિનાશક પૂરે જનજીવન અસ્તવ્યસ્ત કર્યું છે. છીપવાડ ગરનાળાનો રસ્તો ધોવાઈ જતાં સ્મશાનનો માર્ગ બંધ છે. આ કારણે મૃતકના અંતિમ સંસ્કાર માટે સ્વજનોને તિથલ સ્મશાન સુધી જવું પડે છે, જે એક દુઃખદ અને સંવેદનશીલ પરિસ્થિતિ છે. 23મી જુલાઈથી અત્યાર સુધીમાં તિથલ સ્મશાનમાં 25થી વધુ મૃતદેહોની અંતિમ વિધિ કરાઈ છે. સ્થાનિકોએ ગરનાળાની મરામતની તાત્કાલિક માગ કરી છે.