ઓસ્ટ્રેલિયાના સિડની શહેરમાં આવેલા બોંડી બીચ પર રવિવાર સાંજે થયેલા આતંકી હુમલાએ સમગ્ર વિશ્વને હચમચાવી દીધું છે. હનુક્કા સમારોહ દરમિયાન અચાનક થયેલી અંધાધૂંધ ફાયરિંગમાં અત્યાર સુધીમાં 12 લોકોના મોતની પુષ્ટિ થઈ છે. આ ઘટનામાં પોલીસના બે અધિકારીઓ પણ શહીદ થયા હોવાના અહેવાલ છે. હુમલા સ્થળેથી ઇંગ્લેન્ડના પૂર્વ ક્રિકેટર માઇકલ વોનનો આબાદ બચાવ.

અમેરિકા ભારત સાથે સારા સંબંધોની વાતો કરે છે, પણ યુએસએ ક્રિટિકલ મિનરલ્સ સપ્લાય ચેઇન પહેલમાં ઇન્ડિયાને સ્થાન આપતું નથી. ડોનાલ્ડ ટ્રમ્પે જાહેરાત કરી જેમાં QUAD સહયોગી જાપાન અને ઓસ્ટ્રેલિયાને સમાવ્યા, ભારતને નહીં. ભારત અને રશિયાના સંબંધોને લઇને પણ અમેરિકાને સમસ્યા છે. ટ્રમ્પની બેવડી નીતિથી સંબંધો વણસી શકે છે.

Microsoft ઇન્ડિયાના પુનીત ચંડોકે AIથી નોકરીઓ પર થતી અસર વિશે વાત કરી. તેમણે કહ્યું AI નોકરીઓને ખતમ નહીં કરે પણ બદલશે. નવી ટેક્નોલોજી શીખવી જરૂરી છે. સત્ય નડેલાએ ડેટાને મોટી સંપત્તિ ગણાવી અને Microsoftના AI ટૂલ્સથી સાયબર ક્રાઈમ ઘટ્યો હોવાનું જણાવ્યું. Microsoft અદાણી સિમેન્ટ અને યસ બેંક સાથે AI પ્રોજેક્ટ્સ પર કામ કરી રહ્યું છે.

મેક્સિકો દ્વારા ભારતીય ઉત્પાદનો પર 50% સુધી Tariff વધારવાના નિર્ણય બાદ, ભારત સરકારે કડક વલણ અપનાવ્યું છે. ભારતીય નિકાસકારોના હિતોની રક્ષા માટે ભારત જરૂરી નિર્ણયો લેવા તૈયાર છે. વાણિજ્ય વિભાગ વૈશ્વિક વેપાર નિયમો અનુસાર ઉકેલ શોધવા માટે મેક્સિકો સાથે વાતચીત કરી રહ્યું છે. MFN Tariff વધારવો સહકારપૂર્ણ સંબંધો સામે છે. FTA થવાથી ભારતીય કંપનીઓને Tariff માંથી છૂટ મળી શકે છે.

USAના રોડ આઇલેન્ડ સ્થિત બ્રાઉન યુનિવર્સિટીમાં ફાઇનલ પરીક્ષા સમયે અજાણ્યા શખ્સે ગોળીબાર કર્યો. હુમલામાં બે લોકોના મોત થયા છે, અને આઠ ઘાયલ છે. હુમલાખોર ફરાર છે, પોલીસ તપાસ ચાલુ છે.

રશિયાના રાષ્ટ્રપતિ પુતિનની ભારત મુલાકાત ‘સ્પેશિયલ એન્ડ પ્રિવિલેજ્ડ સ્ટ્રેટેજિક પાર્ટનરશિપ’ની 25મી વર્ષગાંઠ પર થઈ, જેમાં 16 કરારો થયા. મોદી અને પુતિને વ્યાપાર, સંરક્ષણ અને વૈશ્વિક મુદ્દાઓ પર ચર્ચા કરી. આ મુલાકાત ભારતની વૈશ્વિક વ્યૂહાત્મક સ્વાયત્તતા અને રશિયા સાથેના પરંપરાગત સંબંધોને મજબૂત બનાવે છે. આ મુલાકાતથી આર્થિક વૃદ્ધિ, સંરક્ષણ મજબૂતી અને વૈશ્વિક સંતુલનને પ્રોત્સાહન મળશે, પરંતુ અમેરિકા નારાજ થઈ શકે છે. સરવાળે, પુતિનની મુલાકાત ભારત માટે સોનેરી તાસકમાં સજાવીને મૂકેલી કિંમત સાબિત થશે.

પ્રમુખ ટ્રમ્પના H-1B વિઝા ફીમાં વધારાને 19 રાજ્યોએ યુએસ ડિસ્ટ્રિક્ટ કોર્ટમાં પડકાર્યો છે, જેને 'ગેરકાયદે' ગણાવ્યો છે. ભારતે 50 ટકા ટેરિફ દૂર કરવા કોંગ્રેસમાં ત્રણ સાંસદોનો ઠરાવ છે, કારણ કે આ ટેરિફ અમેરિકન કામદારો, ગ્રાહકો અને ભારત સાથેના સંબંધો માટે હાનિકારક છે. ટ્રમ્પના અનેક વિવાદાસ્પદ નિર્ણયોને કોર્ટમાં પડકારવામાં આવ્યા છે.

ટેલર સ્વિફ્ટે The Eras Tour માં ક્રૂ મેમ્બર્સને કુલ ₹2000 કરોડનું બોનસ આપ્યું, જેમાં દરેક ટ્રક ડ્રાઈવરને ₹90,58,450 અને અન્ય ક્રૂ મેમ્બરને ઓછામાં ઓછું ₹9 લાખ મળ્યું. સ્વિફ્ટે આ ટુરથી ₹18,000 કરોડની કમાણી કરી હતી. 141 શો સાથે 21 દેશોમાં ફેલાયેલી આ ટુરના દરેક મેમ્બર માટે થેંક્ યુ નોટ લખવામાં બે અઠવાડિયા લાગ્યા.

યુકેમાં રોય માર્શ નામના 86 વર્ષીય વૃદ્ધને વોક દરમિયાન મોઢામાં પાંદડું જતાં થૂંકવા બદલ £250 નો દંડ ફટકારવામાં આવ્યો. અસ્થમા હોવાથી તેમણે તરત જ પાંદડું થૂંકી કાઢ્યું હતું, પરંતુ યુકેના પર્યાવરણના કડક કાયદાનો ભંગ થતાં તેમને આ દંડ ભરવો પડ્યો. હવે તેઓ બગીચામાં ચાલવા જવા બાબતે વિચારે છે.

પાકિસ્તાનની કોલેજોમાં મહાભારત, ગીતા અને સંસ્કૃતના પાઠ શરૂ થશે. ભાગલા બાદ પ્રથમ વખત પાકિસ્તાનમાં અનોખી પહેલ થઈ છે. લાહોર યુનિવર્સિટીમાં શરૂઆત થઈ છે. પ્રોફેસર શાહિદે કહ્યું કે સંસ્કૃત માત્ર એક પ્રાંતની ભાષા નથી, Pakistan એ પણ તેને અપનાવવી જોઈએ. આ પહેલ નવી દિલ્હી દ્વારા કરવામાં આવી છે.

સ્વિડનમાં થયેલા અભ્યાસ મુજબ, Instagram, Snapchat, TikTok, Facebook, Twitter જેવા સોશિયલ મિડિયા પર વધુ સમય ગાળતા બાળકોની ધ્યાન કેન્દ્રિત કરવાની ક્ષમતા ઘટે છે. ADHD નું પ્રમાણ વધવાનું આ એક કારણ હોઈ શકે છે. પ્રોફેસર ટોર્કેલ ક્લિન્ગબર્ગે જણાવ્યું કે સોશિયલ મિડિયાની અસર બાળકોની ધ્યાન કેન્દ્રિત કરવાની ક્ષમતા પર થાય છે. યુએસમાં 8300 બાળકો પર ચાર વર્ષ સુધી ચકાસણી કરવામાં આવી હતી.

Gaza Crisis: યુદ્ધ પછી, ગાઝા મોટા સંકટમાં છે. ચક્રવાત બાયરનના કારણે લોકો બેઘર થયા છે. Israeli હુમલા પછી ટેન્ટમાં રહેતા લોકો ઠંડીથી મુશ્કેલીમાં મુકાયા છે. વરસાદ, પૂર, ઠંડા પવનો અને કરાથી લોકોના જીવ જોખમમાં છે. અત્યાર સુધીમાં 14 લોકોના મોત થયા છે, જેમાં બાળકો પણ છે.

સ્ટેબલકોઈન્સના સ્વીકાર સાથે નાણાંકીય લેતીદેતીમાં Crypto નો ઉપયોગ કરતા Top-10 દેશોમાં ભારત પણ છે. રિટેલ પ્રવૃત્તિમાં વધારાથી ક્રિપ્ટોમાં વ્યવહાર વધ્યો છે. બચત, નાણાં ટ્રાન્સફર, રોજબરોજના વ્યવહારમાં ડિજિટલ એસેટ્સના ઉપયોગથી ભારત નવમા સ્થાને છે.

Donald Trump દ્વારા ભારતના માલ પર લાદવામાં આવેલા 50% ટેરિફનો અમેરિકન સંસદમાં વિરોધ થયો. ત્રણ ડેમોક્રેટ સાંસદોએ પ્રસ્તાવ રજૂ કરીને ટેરિફને ગેરકાયદેસર ગણાવ્યો, જે સામાન્ય અમેરિકનોને નુકસાન કરે છે. યુએસ હાઉસ ઓફ રિપ્રેઝન્ટેટિવ્સના સભ્યોએ Trump વહીવટીતંત્ર દ્વારા ભારતીય આયાત પર 50% સુધી ટેરિફ વધારવાની રાષ્ટ્રીય કટોકટીની ઘોષણા રદ કરવાની માંગ કરી.

ભારતે નવેમ્બરમાં 2.6 અબજ યુરોનું Russian ક્રૂડ આયાત કર્યું, જે 5 મહિનામાં સૌથી વધુ છે, આયાતમાં 4% વધારો થયો છે. યુરોપિયન થિંકટેંકે દાવો કર્યો છે કે ભારતે આ ક્રૂડ ઓઈલ રિફાઈન્ડ કરીને ઓસ્ટ્રેલિયામાં નિકાસ કર્યું હતું. Donald Trump અને યુરોપની ધમકી છતાં ભારતે આયાત ચાલુ રાખી.

ચીન 94 જેટલી મુખ્ય સામગ્રીઓ એક્સપોર્ટ કરે છે, ટ્રેડ સરપ્લસ 1 ટ્રિલિયન ડોલરને પાર. ગત વર્ષે સરપ્લસ 992 બિલિયન ડોલર હતું, આ વખતે પોતાનો જ રેકોર્ડ તોડ્યો. ચીન દ્વારા માત્ર 14% એક્સપોર્ટ જ અમેરિકામાં થાય છે, 86% બિઝનેસ અન્ય દેશો સાથે કરે છે. એક્સપોર્ટ ટેક્સ રિબેટમાં વધારો અને સસ્તી લોન ઉપલબ્ધ કરાવી.

લંડનમાં પુરાતત્વવિદોને અગ્નિની શોધના લાખો વર્ષ જૂના પુરાવા મળ્યા, જે માનવજાતની પહેલી મહાન શોધ હતી. બર્નહામ સાઈટની રિસર્ચ નેચર જર્નલમાં આ માહિતી પ્રકાશિત થઇ છે. માણસે આગ પ્રગટાવી હોય તેની સાબિતી રૂપ માટીના ચુલ્હા, ગરમીથી તૂટેલા કુહાડા અને બે ચકમક પથ્થરો મળી આવ્યા છે.

ભારત અને પાકિસ્તાનના જાસૂસી સંસ્થાઓના વડાઓનું પુસ્તક 'The Spy Chronicles: RAW, ISI and the Illusion of Peace' લખાયું. આ પુસ્તકથી પાકિસ્તાની સત્તાધારીઓ રાતાપીળા થઇ ગયા. લેખકજોડીમાં અસદ દુરાની અને એ.એસ. દુલાટ છે. આ પુસ્તકમાં એવું તે શું હતું જેનાથી આટલો વિવાદ થયો?

ટ્રમ્પ અમેરિકા, રશિયા, ચીન, ભારત અને જાપાનને સમાવતી C-5 નામની નવી એલાઇટ ક્લબ બનાવવા વિચારી રહ્યા છે, જે G-7 જેવા જૂના ગ્રુપને કોરાણે લગાવી શકે છે. આ નવા સંગઠનથી ગ્લોબલ ઓર્ડર બદલાઈ જશે અને યુરોપને ઝાટકો લાગશે. નવી સુપર ક્લબના લીધે વિશ્વના બીજા પ્લેટફોર્મ જેવા કે ક્વાડ અને યુએન સિક્યોરિટી કાઉન્સિલની અસરકારકતા નહીં રહે.

ભારત-ચીન સંબંધો સુધારવાના ભાગરૂપે, ભારતે ચીનના પ્રોફેશનલ્સ માટે BUSINESS વિઝા પ્રક્રિયા ઝડપી બનાવી છે. હવે BUSINESS વિઝા ચાર સપ્તાહમાં મળી શકશે. જો કે, અન્ય તમામ વિઝા માટેની પ્રક્રિયામાં કોઈ ફેરફાર કરાયો નથી. આ નિર્ણય પૂર્વીય લદ્દાખમાં સરહદના વિવાદ છતાં લેવામાં આવ્યો છે, જેમાં વિઝા અરજદારોની વર્તમાન તપાસ પ્રક્રિયા યથાવત રહેશે.

શુક્રવારે જાપાનમાં 6.7 રિક્ટર સ્કેલનો ભૂકંપ આવતા સુનામીની WARNING અપાઈ. આ અઠવાડિયાની શરૂઆતમાં 7.5ની તીવ્રતાનો ભૂકંપ આવ્યો હતો, જેમાં 34 લોકો ઘાયલ થયા હતા. 12 ડિસેમ્બરની સવારે આઓમોરી પ્રીફેક્ચર નજીક ભૂકંપનું કેન્દ્ર હોવાનું જણાવા મળ્યું, જેના કારણે સુનામીની તાત્કાલિક WARNING જાહેર કરાઈ. હાલ કોઈ જાનહાનિના અહેવાલ નથી.

અમેરિકાના President Donald Trumpએ વેનેઝુએલાથી ડ્રગ હેરફેર કરનારાઓને ખતમ કરવાની પ્રતિજ્ઞા લીધી છે. અમેરિકી સૈન્યએ વેનેઝુએલા પર નાકાબંધી કરી છે અને જહાજો પર નજર રાખવામાં આવી રહી છે. અમેરિકી ટ્રેઝરી વિભાગે સિલિયા ફ્લોરેસના ત્રણ ભત્રીજાઓ અને દેશની છ શિપિંગ કંપનીઓ પર પ્રતિબંધો લાદ્યા. માદુરોના બે ભત્રીજાઓ ડ્રગ હેરાફેરીમાં સંડોવાયેલા છે અને એક ભત્રીજાએ માદુરો માટે જાસૂસી કરી હતી. રામન કેરેટેરોની કંપનીઓ અને જહાજો પર પ્રતિબંધો લાદવામાં આવ્યા છે.

બાંગ્લાદેશના રાષ્ટ્રપતિ મોહમ્મદ શહાબુદ્દીને સંસદીય ચૂંટણીઓ પછી પદ છોડવાની ઈચ્છા વ્યક્ત કરી. નોબેલ પુરસ્કાર વિજેતા મોહમ્મદ યુનુસના નેતૃત્વવાળી સરકારથી અપમાનિત અને સાઇડલાઇન થવાનો તેમણે આરોપ લગાવ્યો. શહાબુદ્દીન બાંગ્લાદેશના સશસ્ત્ર દળોના સુપ્રીમ કમાન્ડર છે, પણ રાષ્ટ્રપતિનું પદ ઔપચારિક હોવાનું મનાય છે, જ્યારે વાસ્તવિક સત્તા વડાપ્રધાન પાસે છે.

અમેરિકા અને વેનેઝુએલા વચ્ચે તંગદિલી વધી રહી છે. ડોનાલ્ડ ટ્રમ્પે ડ્રગ્સ રોકવા જમીની હુમલાની ધમકી આપી છે. રશિયન પ્રમુખ વ્લાદિમીર પુતિને વેનેઝુએલાના પ્રમુખ નિકોલસ માદુરોને કોલ કરીને સમર્થન જાહેર કર્યું છે.

જાપાને અવકાશમાં રહીને solar energyને વિદ્યુત ઊર્જામાં પરિવર્તિત કરી wireless પદ્ધતિથી પૃથ્વી પર મોકલી છે. આ renewable energy ટેક્નોલોજીમાં ક્રાંતિ છે. અવકાશમાંથી પૃથ્વી પર વીજળી મોકલવાનું કામ microwavesથી થાય છે, જેથી વાદળોમાંથી પણ વીજળી પસાર થઈ શકે. જાપાન જીઓસ્ટેશનરી ઓર્બિટમાં solar energy ઉત્પન્ન કરતા સેટેલાઈટ મૂકવાની ગણતરી કરે છે જે એક ગિગાવોટ પાવર જનરેટ કરી શકે.

2025માં Microsoft, Google, Amazon સહિતની કંપનીઓ ભારતમાં $135 બિલિયનનું રોકાણ કરશે. ટેક, ચીપ ઉત્પાદકો, ઓટો અને નાણાંકીય સેવા ક્ષેત્રની કંપનીઓ રોકાણ માટે ઉત્સુક છે. જાહેર થયેલા $135 બિલિયનના રોકાણમાંથી આંશિક રોકાણ પ્રાપ્ત પણ થઈ ગયું છે. FDIની દ્રષ્ટિએ ભારત માટે આ વર્ષ શ્રેષ્ઠ સાબિત થશે.

એમેઝોન પાસે ભારતમાં 1.2 લાખ કર્મચારીઓ છે. Google, Microsoft અને હવે Amazon જેવી વિરાટ કંપનીઓએ ભારતમાં રોકાણ કરીને ટીકાકારોને શાંત કર્યા છે. રશિયાના પ્રમુખની ભારત મુલાકાત પછી બે ઘટનાઓ પર વિશ્વનું ધ્યાન ગયું છે, જેમાં ડોનાલ્ડ ટ્રમ્પનો નિર્ણય અને ઇન્ટરનેટ જાયન્ટ કંપનીઓ દ્વારા ભારતમાં જંગી investmentની જાહેરાતનો સમાવેશ થાય છે.

જાન્યુઆરી ૨૦૨૫થી અત્યાર સુધીમાં યુએસ સ્ટેટ ડિપાર્ટમેન્ટે ૮૫,૦૦૦ વિઝા રદ્દ કર્યા, જેમાં 8,000થી વધુ સ્ટુડન્ટ વિઝા હતા. ગત વર્ષના આંકડા કરતા આ સંખ્યા બમણી છે. 32 દેશોના નાગરિકોની એન્ટ્રી પર પ્રતિબંધ મૂકવા પર વિચારણા ચાલી રહી છે. સ્ટુડન્ટ વિઝા રિજેક્શન રેટમાં વધારો થયો છે.

પાકિસ્તાનમાં Turkey ડ્રોનનું ઉત્પાદન કરી શકે છે, એ માટે વાટાઘાટો અંતિમ તબક્કામાં છે. Bangladesh સાથે પણ Turkeyએ ડિફેન્સ કરારો કર્યા છે. વર્લ્ડ વિન્ડોના અહેવાલ મુજબ, ૨૦૨૩માં Turkeyમાં આવેલા ભૂકંપને કારણે પરિસ્થિતિ વણસી શકે છે. આ પરિસ્થિતિ ભારત માટે ચિંતાજનક છે.

અમેરિકામાં CITYZENSHIP મેળવવી હવે સરળ, માત્ર 9 કરોડ રૂપિયામાં! ગ્રીન કાર્ડ કરતા પણ GOLD CARD મજબૂત! AMERICAN કંપનીઓ વિદેશી વિદ્યાર્થીઓને SPONSOR કરશે, તો GOLD CARD માટે 20 લાખ DOLLAR ખર્ચવા પડશે. ડોનાલ્ડ ટ્રમ્પે GOLD CARD નામથી વિદેશીઓને નીચોવવાનો પ્રોગ્રામ શરૂ કર્યો છે. વ્યક્તિગત રીતે 10 લાખ DOLLAR અને કંપનીએ 20 લાખ DOLLAR ભરવાના રહેશે.