મડાણાના એસઆરપી ગ્રુપ-03 ખાતે ગુજરાત રાજ્ય આર્મ્ડ યુનિટની વાર્ષિક આંતરજૂથ કબડ્ડી ક્લસ્ટર સ્પર્ધા-2026નો પ્રારંભ થયો છે. એન્યુઅલ આર્મ્ડ યુનિટ કબડ્ડી ક્લસ્ટર સ્પર્ધા અંતર્ગત આયોજિત આ કબડ્ડી અને ખો-ખો સ્પર્ધામાં રાજ્યભરની 14 કબડ્ડી અને 8 ખો-ખો ટીમો, એમ કુલ 22 એસઆરપી ટીમો ભાગ લઈ રહી છે. પાલનપુરના ધારાસભ્ય અનિકેત ઠાકરે આ સ્પર્ધાઓ ખુલ્લી મૂકી હતી. રમતગમતથી પોલીસ દળમાં શારીરિક તંદુરસ્તી, ટીમ સ્પિરિટ અને પરસ્પર સહકાર વધે છે તેમ તેમણે જણાવ્યું. ઓપનિંગ સેરેમનીમાં પોલીસ બેન્ડના સંગીત સાથે ટીમોએ ફ્લેગ માર્ચ પાસ્ટ કરી હતી. આ સ્પર્ધા પોલીસ દળની એકતા દર્શાવશે.