ઇંગ્લેન્ડ સામેની ટેસ્ટ શ્રેણીમાં રિષભ પંત ઈજાગ્રસ્ત હોવા છતાં બેટિંગમાં પરત ફર્યો. માન્ચેસ્ટર ટેસ્ટના પહેલા દિવસે ક્રિસ વોક્સના યોર્કરથી તેને ઈજા થઈ હતી અને તે 37 રને રિટાયર્ડ હર્ટ થયો હતો. BCCIએ માહિતી આપી કે પંત વિકેટકીપિંગ નહીં કરી શકે અને તેની જગ્યાએ ધ્રુવ જુરેલ વિકેટકીપિંગ કરશે. સમાચાર એજન્સી PTIએ દાવો કર્યો હતો કે પંતના અંગૂઠામાં ફ્રેક્ચર છે અને તેને છ અઠવાડિયા આરામની જરૂર છે. નિયમો અનુસાર, પંતને બેટિંગ સબસ્ટિટ્યુટ નહીં મળે. આ સિરીઝમાં અર્શદીપ સિંહ, આકાશદીપ અને નીતિશ રેડ્ડી પણ ઈજાગ્રસ્ત થયા છે.