ગુજરાત સરકાર રાજ્યની દીકરીઓના સ્વાસ્થ્ય માટે પ્રતિબદ્ધ છે. સર્વાઇકલ કેન્સર સામે રક્ષણ આપવા માટે 6 લાખથી વધુ દીકરીઓને હ્યુમન પેપિલોમાવાયરસ-HPV રસી આપવામાં આવી છે. આરોગ્ય મંત્રી પ્રફુલ પાનશેરીયાએ જણાવ્યું કે, ગુજરાત HPV રસીકરણમાં દેશમાં અગ્રેસર છે. કેન્દ્ર સરકારે રાજ્યને વધુ 2,72,000 HPV રસીના ડોઝ ફાળવ્યા છે. 31 ડિસેમ્બર 2026 સુધી દર મહિને 14 વર્ષ પૂર્ણ કરતી તમામ કિશોરીઓને આ રસી વિનામૂલ્યે મળશે. આ રસી મેડિકલ કોલેજ, જિલ્લા અને પ્રાથમિક આરોગ્ય કેન્દ્રો પર ઉપલબ્ધ છે. કોઈ આડઅસર નોંધાઈ નથી. વાલીઓને 14 વર્ષની દીકરીઓને નજીકના આરોગ્ય કેન્દ્ર ખાતે રસી અપાવવા અપીલ છે.