સટ્ટાબાજી સાથે જોડાયેલા મની લોન્ડરિંગ કેસની તપાસના ભાગ રૂપે ED એ સુરેશ રૈના અને શિખર ધવન બંનેની 11.14 કરોડ રૂપિયાની સંપત્તિ જપ્ત કરી છે. અગાઉ, સટ્ટાબાજી પ્લેટફોર્મ 1xBet સાથે જોડાયેલા મની લોન્ડરિંગ તપાસના સંદર્ભમાં ED એ ભૂતપૂર્વ ભારતીય ક્રિકેટર શિખર ધવનને સમન્સ પાઠવ્યું હતું. ED એન્ડોર્સમેન્ટ ડીલ દ્વારા 1xBet સાથે ધવનના સંભવિત જોડાણોની તપાસ કરી રહી છે. આ જ કેસમાં ED દ્વારા ભૂતપૂર્વ ભારતીય બેટ્સમેન સુરેશ રૈનાની પણ આઠ કલાકથી વધુ સમય સુધી પૂછપરછ કરવામાં આવી હતી.

ભાજપના નેતા અને ભૂતપૂર્વ કેન્દ્રીય વીજળી અને નવીનીકરણીય ઊર્જા મંત્રી આર.કે સિંહે બિહાર રાજ્યમાં વીજળી કૌભાંડ અંગે ચોંકાવનારા ખુલાસા કર્યા છે. ભૂતપૂર્વ મંત્રીએ આરોપ લગાવ્યો છે કે, રાજ્યમાં વીજળી વિભાગમાં 62,000 કરોડ રૂપિયાનું કૌભાંડ થયું છે. આર.કે.સિંહ ભૂતપૂર્વ IAS અધિકારી રહી ચૂક્યા છે. વર્ષ 1990માં L.K.અડવાણીની ધરપકડનો આદેશ એમણે આપ્યો હતો. આર.કે. સિંહના કેન્દ્રીય ગૃહ સચિવ તરીકેના કાર્યકાળ દરમિયાન 26/11ના મુંબઈ હુમલાના આતંકવાદી અજમલ કસાબ અને સંસદ હુમલાના દોષિત અફઝલ ગુરુને ફાંસી આપવામાં આવી હતી.

રાજકોટમાં સરકારી નોકરી અપાવવાના નામે યુવાનો સાથે ₹10.95 લાખની છેતરપિંડી થઈ છે. આરોપી આશિષ રાઠોડે જુનાગઢ Civil Hospitalના Dean તરીકે ખોટી ઓળખ આપી 7 યુવકોને સરકારી નોકરીની લાલચ આપી હતી. સુરેન્દ્રનગર, ચોટીલા, પડધરી અને રાજકોટ સહિતની હોસ્પિટલોમાં નોકરીનું વચન આપ્યું હતું. પોલીસે ગુનો નોંધી આરોપીની ધરપકડ કરીને વધુ તપાસ હાથ ધરી છે.

Trumpએ મમદાનીના જીતના ભાષણને "ખૂબ ગુસ્સાભર્યું" ગણાવ્યું. જો મમદાની વોશિંગ્ટન સાથે આદરપૂર્વક વર્તન નહીં કરે તો સફળતાની આશા નથી. મમદાનીએ Trumpને સીધો પડકાર આપ્યો અને કહ્યું કે ન્યૂયોર્ક ઇમિગ્રન્ટ્સથી ચાલે છે અને હવે ઇમિગ્રન્ટ જ નેતા બનશે. Trumpએ કહ્યું કે આ તેમના માટે જોખમી નિવેદન છે. હું શહેરને સફળ જોવા માગું છું.

સુરતમાં Nanpura વિસ્તારમાં પ્લમ્બરની હત્યા કરનાર આરોપી શોકત અલી ઝડપાયો; 'પત્ની અને દીકરીઓ પર ખરાબ નજર'નો વહેમ કારણભૂત. Crime Branch એ આરોપીને ઝડપી પાડ્યો છે. પોલીસ તપાસમાં જાણવા મળ્યું કે મૃતક Rajubhai Sangada આરોપીની પત્ની અને પુત્રીઓને હેરાન કરતો હતો, જેના કારણે આવેશમાં આવીને શોકત અલીએ હત્યા કરી. હાલમાં, Crime Branch એ અઠવાલાઇન્સ પોલીસ સ્ટેશનને આરોપી સોંપ્યો છે.

સુરત ક્રાઇમ બ્રાન્ચે દિલ્હી પોલીસને મદદ કરી 16 વર્ષથી વોન્ટેડ આરોપીને પકડ્યો. આરોપીએ 2009માં દિલ્હીના બિન્દાપુર police stationમાં શેઠની હત્યા કરી હતી. ધરપકડથી બચવા તે સુરતના પુણાગામમાં લેસ-પટ્ટીના ખાતામાં મજૂરી કરતો હતો. દિલ્હી ક્રાઇમ બ્રાન્ચે બાતમી મળતા સુરત ક્રાઈમ બ્રાન્ચની મદદથી આરોપીને ઝડપી દિલ્હી પોલીસને સોંપ્યો.

Canadaએ 2026-28 માટે નવી Immigration Levels Plan જાહેર કરી છે. 33,000 વર્ક પરમિટ ધારકોને PRની તક મળશે, પણ સ્ટુડન્ટ વિઝા ઘટશે, 2026માં ફક્ત 1.55 લાખને મંજૂરી મળશે. વર્ક પરમિટવાળાને રાહત મળશે, PR મેળવવાનો માર્ગ ખુલશે. કેનેડા અસ્થાયી વિઝા ઘટાડી સ્થાયી પ્રવાસીઓ પર ધ્યાન આપશે. આ નીતિથી હાઉસિંગ, હેલ્થકેર અને નોકરી પરનું દબાણ ઘટશે. જે વર્ક પરમિટ પર છે તેમના માટે PR સરળ થશે. Canada હવે "ઓછા પરંતુ લાયક પ્રવાસી" નીતિ તરફ આગળ વધી રહ્યું છે.

પાટણમાં વિપુલ જ્વેલર્સમાંથી ₹48,000ની ચોરીના કેસમાં દંપતીની ધરપકડ થઈ છે. તેઓને રિમાન્ડ પર લેવાયા છે. આરોપી કેદાર અને શિપ્રાબેન છે. કેદાર કુરિયર બોય હતો. પોલીસે ચોરાયેલું સોનું અને બાઈક જપ્ત કર્યું છે. તેઓએ મકાન ભાડું ન ચૂકવી શકતા ચોરી કરી હોવાની કબૂલાત કરી. તેઓએ સ્મિથ જ્વેલર્સમાંથી પણ ચોરી કરી હોવાની કબૂલાત કરી અને એક વીંટી અમદાવાદમાં ₹23,000માં વેચી હતી. તેમની સામે સાબરમતી police STATION માં પણ ફરિયાદ નોંધાયેલી છે.

વલસાડના સરોધી ગામે અવધ એન્ટરપ્રાઇઝ રેતી પ્લાન્ટ પર Tata হাইવા ডাম্পરથી એક વર્ષના બાળકનું મોત થયું. દિલીપભાઈ મકોડિયાનો પુત્ર પ્રવિણ રેતી ભરતી વખતે ટ્રકની અડફેટે આવી ગયો. તેને કસ્તુરબા હોસ્પિટલમાં ખસેડાયો જ્યાં ડોક્ટરે મૃત જાહેર કર્યો. પોલીસે ડમ્પર ચાલક શાહ આલમ શાહ હસીમ વિરુદ્ધ ફરિયાદ નોંધી, કાયદેસરની કાર્યવાહી શરૂ કરી.

આણંદમાં નકલી પોલીસ બની ફરતો 26 વર્ષીય યુવક પકડાયો, ટાઉન પોલીસે GJ-23-CJ-8843 નંબરની BLACKFILM વાળી BREZZA ગાડી સાથે ધરપકડ કરી. આરોપીએ નકલી આઈ.ડી. કાર્ડ બતાવી પોલીસ હોવાનો દાવો કર્યો, પરંતુ ફરજના સ્થળ વિશે પૂછપરછમાં ભાંડો ફૂટી ગયો. પોલીસે તેની પાસેથી બનાવટી આઈ.ડી., પોલીસ લખેલી પ્લેટ, બે મોબાઈલ ફોન અને મીડિયાનું આઈ.ડી. કાર્ડ જપ્ત કર્યું. આરોપી વિરુદ્ધ કાયદેસરની કાર્યવાહી હાથ ધરવામાં આવી.

PanMasala Ad બદલ સલમાન ખાન કાયદાકીય મુશ્કેલીમાં. યુવાનોને ગેરમાર્ગે દોરતી જાહેરાતની ફરિયાદ થતા કોટાની કન્ઝ્યૂમર કોર્ટે સલમાન ખાન અને કંપનીને નોટિસ પાઠવી. રાજશ્રી PanMasala કંપની અને સલમાન ખાન પર ગ્રાહકોને ભ્રમિત કરવાનો આરોપ છે. ભાજપ નેતા અને એડવોકેટ દ્વારા આ ફરિયાદ નોંધવામાં આવી છે.

સુરતમાં ડુપ્લિકેટ કોસ્મેટિક્સનું કૌભાંડ ઝડપાયું, જેમાં પોલીસે ₹15 લાખથી વધુનો મુદ્દામાલ જપ્ત કર્યો. ઉત્રાણ પોલીસે બાતમીના આધારે એક ફેક્ટરી પર રેડ કરી, જ્યાં Alps Goodness Rosemary બ્રાન્ડનું નકલી વોટર બનાવવામાં આવી રહ્યું હતું. પોલીસે સાગર રમેશભાઈ ગજેરા નામના આરોપીની ધરપકડ કરી છે. આ નકલી પ્રોડક્ટ્સના ઉપયોગથી ગ્રાહકોના સ્વાસ્થ્યને નુકસાન થઈ શકે છે, જેમ કે Hair Loss થવાની શક્યતા છે. વધુ તપાસ ચાલુ છે.

વ્લાદિમીર પુતિને પરમાણુ હથિયારોના સંભવિત પરીક્ષણ માટે પ્રસ્તાવ તૈયાર કરવાનો આદેશ આપ્યો. અમેરિકન પ્રમુખ Donald Trumpના પરમાણું પરીક્ષણને ફરી શરૂ કરવાના નિવેદન બાદ આ પગલું લેવાયું. Russiaએ 1991થી પરમાણુ પરિક્ષણ નથી કર્યું. પુતિને વિદેશ મંત્રાલય, સંરક્ષણ મંત્રાલયને આદેશ આપ્યો.

અમદાવાદ કોર્ટે 2002 રમખાણ કેસમાં 3 આરોપીઓને નિર્દોષ જાહેર કર્યા. ફરિયાદી વીડિયોગ્રાફરે AK-47 રાઈફલ દેખાતી હોવાનો દાવો કર્યો, પણ વીડિયો રજૂ ન થયો અને તે હોસ્ટાઈલ થયા. 14 એપ્રિલ, 2002ના રોજ FIR થઈ હતી. વીડિયોગ્રાફર સતીશ દલવાડીએ VHS કેસેટ આપી, જેમાં આરોપીઓ રમખાણોમાં દેખાતા હતા. ઇમ્તિયાઝને AK 47 સાથે દર્શાવાયો હતો. 23 વર્ષ બાદ હનીફનું મૃત્યુ થયું. સાહેદો અને ફરિયાદી હોસ્ટાઈલ થયાં. કોર્ટે કહ્યું કે વીડિયો કેસેટ રજૂ કરાઈ નથી અને કોઈ હથિયાર મળ્યું નથી.

Pakistan અને Afghanistan વચ્ચે તુર્કીયેમાં વાટાઘાટો શરૂ થશે. પાકિસ્તાનના સંરક્ષણ મંત્રી ખ્વાજા આસિફે ચેતવણી આપી છે કે વાટાઘાટો નિષ્ફળ જશે તો યુદ્ધ થઈ શકે છે. ખ્વાજા આસિફે જણાવ્યું કે વાટાઘાટો નિષ્ફળ જશે તો પરિસ્થિતિ વધુ ખરાબ થશે, અને તેમની પાસે વિકલ્પો છે

Amreliના બાબરામાં લગ્ન પ્રસંગમાં ઘોડીને ટ્રેક્ટર અડી જતાં બે જૂથ વચ્ચે અથડામણ થઈ. જેમાં એકનું મોત અને 9 લોકોને ઈજા થઈ. પોલીસ ઘટનાસ્થળે પહોંચીને કાર્યવાહી હાથ ધરી છે. બાબરા તાલુકાના ફુલઝર ગામમાં સામાન્ય બાબતે આ અથડામણ થઈ હતી. વધુ તપાસ ચાલુ છે.

સુરતમાં CMનો બોગસ લેટર બનાવી ₹12 કરોડની છેતરપિંડી કરનારા ઝડપાયા, સુરત ઇકો સેલ પોલીસે ત્રણ આરોપીઓને ઝડપી પાડ્યા, જેમણે ₹100 કરોડની જમીન ₹15 કરોડમાં આપવાનું કહી નકલી ડોક્યુમેન્ટ બનાવી ફરિયાદી પાસેથી રૂપિયા પડાવ્યા. આ ટોળકીએ તત્કાલીન મુખ્યમંત્રીના નામે લાંચ પેટે પણ રૂપિયા પડાવ્યા હતા. ગોડાદરાના બિલ્ડરે આ અંગે ફરિયાદ નોંધાવી હતી.

અમેરિકાના રાષ્ટ્રપતિ ડોનાલ્ડ Trump એ દક્ષિણ આફ્રિકામાં થનારી G-20 સમિટમાં ભાગ લેવાનો ઇનકાર કર્યો છે. Trump એ કહ્યું કે દક્ષિણ આફ્રિકા હવે G ગ્રુપમાં રહેવું ન જોઈએ. ભારતે 2023માં G-20ની યજમાની કરી હતી, જેમાં જો બાઈડન આવ્યા હતા. આ ઉપરાંત Trump એ ન્યૂયોર્કના મેયર ઝોહરાન મમદાનીને કોમ્યુનિસ્ટ કહ્યા, કારણ કે મિયામી કોમ્યુનિસ્ટ અત્યાચારથી ભાગી આવેલા લોકોનું આશ્રયસ્થાન છે.

રાજકોટ SOGએ 2.97 કરોડની કિંમતના એમ્બરગ્રીસ સાથે ત્રણ આરોપીઓની ધરપકડ કરી, જેઓ સુરેન્દ્રનગરના વતની છે. બાતમી મળતા SOGએ શાસ્ત્રી મેદાન પાસે વોચ ગોઠવી આરોપીઓને ઝડપી પાડ્યા. આ એમ્બરગ્રીસ 'વ્હેલ માછલીની ઉલટી' તરીકે ઓળખાય છે. આરોપીઓ ગ્રાહકોની શોધમાં હતા. પોલીસે તપાસ શરૂ કરી છે, કારણકે ભારતમાં વાઇલ્ડ લાઇફ પ્રોટેક્શન એક્ટ, 1972 હેઠળ એમ્બરગ્રીસનો સંગ્રહ પ્રતિબંધિત છે. આ કેસની વધુ તપાસ Forest Department ને સોંપવામાં આવી છે.

રાજસ્થાનના જયપુરમાં બેફામ ડમ્પરનો કહેર યથાવત છે. બુધવારે Jaipur-ભીલવાડા હાઈવે પર રેતી ભરેલા ડમ્પરે યુવકને કચડ્યો અને 100 મીટર સુધી ઢસડ્યો, જેનાથી શરીરના ત્રણ ટુકડા થઈ ગયા. બેફામ ડમ્પર ચાલકો મોત બનીને ફરી રહ્યા છે.

પાટણના ચાણસ્મા બ્રાહ્મણવાળા રોડ પર પોલીસ કોન્સ્ટેબલની બેફામ ડ્રાઇવિંગથી અકસ્માતમાં 2 લોકોના મોત અને 4 ઘાયલ થયા. બહુચરાજી પોલીસના કોન્સ્ટેબલ બાબુ ચોધરીએ રિક્ષાને ટક્કર મારી. Accident એટલો ભયંકર હતો કે રિક્ષાનો કચ્ચરઘાણ નીકળી ગયો હતો. પોલીસે કોન્સ્ટેબલ સામે ગુનો નોંધી તપાસ શરૂ કરી, અને વિભાગીય પગલાં લેવાય તેવી સંભાવના છે.

છાણી પોલીસે બાતમીના આધારે 15 લાખની છેતરપિંડીના આરોપીની ધરપકડ કરી માંજલપુર પોલીસને સોંપ્યો. આરોપીએ ન્યુઝીલેન્ડના Work Permit Visaના બહાને મિત્રો પાસેથી રૂપિયા પડાવ્યા હતા. સુરતના યુવકે ફરિયાદ નોંધાવી હતી. ફરિયાદી યુવકોને ન્યૂઝીલેન્ડમાં 13-13 લાખના પેકેજની લાલચ આપી વિશ્વાસમાં લીધા હતા. માંજલપુર પોલીસે તપાસ શરૂ કરી.

વલસાડના અટગામમાં DRIએ બાતમીના આધારે દરોડો પાડી ગેરકાયદે ડ્રગ્સ ફેક્ટરી ઝડપી પાડી. અંદાજે 20 કરોડથી વધુ કિંમતનું 114 કિલોગ્રામ પ્રવાહી ડ્રગ્સ જપ્ત કરાયું. ફેક્ટરીના બે માલિક અને બે વર્કર્સ સહિત ચાર આરોપીઓની DRIએ ધરપકડ કરી. DRI દ્વારા વધુ તપાસ હાથ ધરવામાં આવી.

સુરતમાં આરોપી સલમાન લસ્સીએ PI પર હુમલો કરતા, PI એ સ્વબચાવમાં ફાયરિંગ કર્યું. આરોપીને ગોળી વાગતા હોસ્પિટલ ખસેડાયો. આરોપી સામે 15થી વધુ ગુના નોંધાયેલા છે, ભેસ્તાનમાં કરી હતી હત્યા, ક્રાઇમ બ્રાન્ચે આરોપીને નવસારીના ડાભેલ ગામથી ઝડપી પાડ્યો. PI કિરણ મોદી અને PI પી. કે. સોઢાની ટીમ દ્વારા કાર્યવાહી.

રાજસીતાપુર PGVCL પેટા કચેરીના કર્મચારીએ ભંગારના ડેલામાં સામાન વેચ્યો, જેના CCTV સામે આવ્યા છે. PGVCL અધિકારીએ ફરિયાદ નોંધવા અરજી કરી છે. આ કૌભાંડમાં ડ્રાઇવરની સંડોવણી હોવાની આશંકા છે.

સુરતના ડિંડોલી, લિંબાયત અને ભેસ્તાનમાં આતંક મચાવનાર, ખૂન સહિત 15 ગુનામાં વોન્ટેડ સલમાન લસ્સીને ક્રાઈમ બ્રાન્ચે નવસારીના ડાભેલથી ઝડપ્યો. ધરપકડ ટાળવા તેણે PI પર ચાકુથી હુમલો કરતા સ્વબચાવમાં PI એ ફાયરિંગ કર્યું, જેમાં લસ્સીના પગમાં ગોળી વાગી. હાલમાં આરોપીને સારવારમાં ખસેડી પોલીસે તપાસ શરૂ કરી છે. સવારે 3 વાગ્યે ક્રાઈમ બ્રાંચનું ઓપરેશન ‘લસ્સી’.

Delhi High Court મુજબ, લાંચના નાણા શેરબજારમાં રોકી કમાવેલો નફો અપરાધથી કમાયેલી આવક ગણવામાં આવશે અને આ રકમને Money Laundering માનવામાં આવશે. કોર્ટે જણાવ્યું છે કે લાંચના નાણાંથી રોકાણની કીંમત વધવા પર ધનનો ગેરકાયદે સ્ત્રોત શુદ્ધ થતો નથી, વધેલી રકમ પણ ગેરકાયદે સ્ત્રોતથી જોડાયેલ હોય છે. Money Laundering એક સતત અપરાધ છે.

ઓક્ટોબરમાં Bitcoin સહિત ક્રિપ્ટોકરન્સીઝમાં રેલી પછી ઘટાડો થયો. Bitcoin એ 1,00,000 ડોલરની સપાટી ગુમાવી, જે જૂન પછી પ્રથમવાર આટલો નીચો ભાવ દર્શાવે છે. Ethereumમાં પણ ઘટાડો થયો અને માર્કેટ કેપ ઘટ્યું. ઓક્ટોબરમાં ફરજિયાત લિક્વિડેશનના કારણે સેન્ટિમેન્ટ નબળું પડ્યું અને ઘટાડાની શરૂઆત થઈ.

વૈશ્વિક વેપાર તાણ અને અનિશ્ચિતતા વચ્ચે પણ ચીન-જાપાનને બાદ કરતાં એશિયાનો ઉત્પાદન ક્ષેત્રનો 'Purchasing Managers' Index' (PMI) ઓક્ટોબરમાં 52.70 સાથે 14 મહિનાની ટોચે પહોંચ્યો છે. ભારત, થાઈલેન્ડ અને વિયેતનામ જેવા દેશોની આગેવાની હેઠળ વૈશ્વિક સ્તરે ઉત્પાદન ક્ષેત્રે વધારો થયો છે, જેમાં ભારત મોખરે છે.

ડિજિટલ નોમડ વિઝા તમને ઘરથી દૂર કામ કરવાનો કાયદેસર અધિકાર આપે છે. એસ્ટોનિયાએ 2022માં આ વિઝા રજૂ કર્યા. ભારતીયો માટે સ્પેન, થાઈલેન્ડ, ન્યૂઝીલેન્ડ અને ફિલિપાઈન્સ સહિત 18 દેશોમાં Digital Nomad Visa ઉપલબ્ધ છે. વિઝા માટેની આવશ્યકતાઓ જેવી કે લઘુત્તમ આવક, કામનો અનુભવ અને આરોગ્ય વીમો જરૂરી છે. નિયમો અને આવશ્યકતાઓ ચકાસી લેવી જરૂરી છે.