Pharmacy council of india(PCI) ના અધ્યક્ષ મોન્ટુ પટેલના દિલ્હી અને અમદાવાદ સ્થિત ઝુંડાલ બંગલોમાં CBIના દરોડા પાડ્યા. ૫૦૦૦ હજાર કરોડ રૂપિયાનો ભ્રષ્ટાચાર કરીને મોન્ટુ પટેલ ફરાર. મોન્ટુ પટેલના અંડરમાં દેશની ૧૨૦૦૦ ફાર્મસી કોલેજો આવે છે. મોન્ટુ પટેલ ચાર વર્ષ પહેલા જ આ કાઉન્સિલના અધ્યક્ષ બન્યા હતા. તપાસકર્તાઓએ ખુલાસો કર્યો કે ગુજરાત પબ્લિક સર્વિસ કમિશન (GPSC) સિસ્ટમમાં નકલી ઇનવર્ડ નંબરો, જૂની તારીખની એન્ટ્રીઓ અને ચેડાં કરેલી ફાઇલોનો ઉપયોગ મોન્ટુ પટેલ અને તેમના સહયોગીઓને PCI માં વરિષ્ઠ હોદ્દાઓ પર બઢતી આપવા માટે કરવામાં આવ્યો હતો. નોંધનીય વાત એ છે કે મોન્ટુ પટેલ ભાજપના યુવા મોરચા સાથે સંકળાયેલા છે.

TRP ગેમઝોન અગ્નિકાંડના આરોપી, RMCના તત્કાલીન TPO મનસુખ સાગઠિયાની મુશ્કેલી વધશે, કારણ કે EDએ RMC પાસે ગુનો દાખલ કરવાની મંજૂરી માંગી છે. સાગઠિયા વર્ગ 1ના કર્મચારી હોવાથી, મંજૂરી માટે સ્ટેન્ડિંગ કમિટી અને જનરલ બોર્ડમાં મુકાશે. EDએ મની લોન્ડરિંગ હેઠળ તપાસ હાથ ધરી છે, જેમાં સાગઠિયાની રૂ. 21 કરોડની મિલકતો જપ્ત કરાઈ છે. ACB તપાસમાં સાગઠિયાની આવક કરતા 628.42% વધુ અપ્રમાણસર મિલકત હોવાનું જણાયું છે. આ કેસમાં તેમની સામે ત્રણ ફોજદારી કેસ નોંધાયા છે અને તેઓ હાલમાં રાજકોટ જેલમાં બંધ છે.

મુંબઈમાં ચોમાસું વહેલું શરૂ થયું હોવા છતાં વરસાદની ચિંતા હતી, પરંતુ છેલ્લા કેટલાક દિવસોમાં ભારે વરસાદ થયો છે, જેના કારણે વરસાદનો આંકડો વધ્યો છે. મુંબઈમાં જૂન મહિનાની એવરેજ ઓળંગાઈ છે. શહેરમાં એવરેજ કરતા 49.7 mm વધારે વરસાદ નોંધાયો છે. અમુક દિવસોમાં પડેલા વરસાદે જૂનની એવરેજ વટાવી દીધી છે. આગામી દિવસોમાં હળવોથી મધ્યમ વરસાદની શક્યતા છે. આ વર્ષે મુંબઈમાં ઉનાળો તીવ્ર હતો અને તાપમાન 39 ડિગ્રી સેલ્સિયસ સુધી પહોંચ્યું હતું. 15 જૂન પછી વરસાદે જોર પકડ્યું, અને ડેમના વિસ્તારોમાં પણ વરસાદ થયો. જૂનમાં અનિયમિત વરસાદ છતાં એવરેજ આંકડો પાર થયો છે.

વડાપ્રધાન નરેન્દ્ર મોદી 2થી 10 જુલાઈ દરમિયાન ઘાણા, ત્રિનિદાદ-ટોબૈગો, આર્જેન્ટિના, બ્રાઝિલ અને નામિબિયાની મુલાકાત લેશે. આ પ્રવાસ દરમ્યાન પીએમ મોદી દ્વિપક્ષીય સંબંધો મજબૂત કરવા, આર્થિક સહયોગ વધારવા અને વ્યૂહનૈતિક સહભાગિતાના નવા માર્ગો શોધવા પર ભાર આપશે. ઘાણા અને ત્રિનિદાદમાં ભારતીય મૂળના લોકોના સંસ્કૃતિક જોડાણોને મજબૂત કરવામાં આવશે, જયારે આર્જેન્ટિના અને બ્રાઝિલમાં મુખ્યત્વે લિથિયમ, કૃષિ, ઊર્જા અને ટેકનોલોજી ક્ષેત્રે ભાગીદારીની ચર્ચા થશે. બ્રાઝિલમાં BRICS સમિટમાં વૈશ્વિક મુદ્દાઓ પર નેતાઓ સાથે બેઠક થશે. નામિબિયા સાથેના સંબંધો પણ વેપાર અને ઐતિહાસિક દ્રષ્ટિએ મહત્વ ધરાવે છે.

પ્રધાનમંત્રી શ્રી નરેન્દ્ર મોદીએ આજે ડોક્ટર્સ ડે અને ચાર્ટર્ડ એકાઉન્ટન્ટ્સ ડે નિમિત્તે શુભેચ્છાઓ પાઠવી. તેમણે ડોક્ટરોને “સ્વાસ્થ્યના રક્ષક અને માનવતાના સ્તંભ” તરીકે વખાણ્યા અને તેમની કરુણા, કુશળતા તથા મહેનતની પ્રશંસા કરી. સીએ દિવસ પર મોદીએ જણાવ્યું કે તેમના દ્વારા અપાતી ચોકસાઈ અને પારદર્શિતા દેશના અર્થતંત્ર માટે મહત્વપૂર્ણ છે. સાથે જ પીએમએ ડિજિટલ ઈન્ડિયાના 10 વર્ષ પૂર્ણ થવા પર સફળતાની પ્રશંસા કરી અને કહ્યું કે ડિજિટલ ટેક્નોલોજીથી કરોડો લોકોના જીવનમાં સકારાત્મક પરિવર્તન આવ્યું છે અને ભારત ડિજિટલ પેમેન્ટમાં આગવું સ્થાન ધરાવે છે.

તેલંગાણાના સંગારેડ્ડી જિલ્લાના ફેક્ટરી દુર્ઘટનામાં થયેલા જાનહાનિ પર પ્રધાનમંત્રીએ દુઃખ વ્યક્ત કર્યું છે. PM નરેન્દ્ર મોદીએ મૃતકના પરિવારને પીએમ રાહત કોષમાંથી ₹2 લાખ અને ઘાયલ મજૂરોને ₹50,000 સહાય જાહેર કરી છે. PMએ X પર લખ્યું કે તેઓ દુઃખી છે અને ઘાયલોના જલ્દી સ્વસ્થ થવાની કામના કરે છે. તેલંગાણાના રાજ્યપાલ જિષ્ણુ દેવ વર્માએ પણ દિલ્હી ખાતે પીએમની મુલાકાત લીધી હતી.

ભારતની પ્રથમ ઈ-વોટિંગ એપ બિહારમાં લોન્ચ થઈ. ઈ-વોટિંગમાં વોટ કરનાર પ્રથમ મહિલા વોટર વિભાકુમારી બન્યા. જ્યારે ઈ- વોટિંગ કરનાર પ્રથમ પુરુષ મુન્નાકુમાર બન્યા. નવી ઈ-વોટિંગ સેવા લોકશાહી પ્રક્રિયાને વધુ સુરક્ષિત રાખવા મદદરૂપ થશે. Blockchain ટેકનોલોજી ની મદદથી મતો એક સુરક્ષિત, અપરિવર્તનશીલ સિસ્ટમમાં રેકોર્ડ અને સંગ્રહિત થાય છે. ડિજિટલ સ્કેનિંગ અને OCR (ઓપ્ટિકલ કેરેક્ટર રેકગ્નિશન) મતોની સચોટ ગણતરી કરવામાં મદદ કરે છે.

પ્રધાનમંત્રી નરેન્દ્ર મોદીએ ભારતીય અવકાશયાત્રી શુભાંશુ શુક્લા સાથે કરવામાં આવેલી વાતચીત દરમિયાન અનેક રોચક પ્રશ્નો કર્યા અને તેમને ભારતની નવી પેઢી માટે પ્રેરણાસ્રોત ગણાવ્યા. શુક્લાએ જણાવ્યું કે અવકાશમાંથી ભારત ભવ્ય દેખાય છે અને તેને જોવા એક અનોખો અનુભવ છે. પીએમએ ગાજરના હલવા વિશે પૂછતાં શુક્લાએ હસતાં જવાબ આપ્યો કે તેઓ મગ અને ગાજરનો હલવો સાથે લાવ્યા છે અને તમામ સાથીઓ સાથે શેર કર્યો છે. પૃથ્વીની 400 કિમી ઉંચાઈએ પૃથ્વી પરિભ્રમણ કરતી આ યાત્રાને તેઓ ફક્ત પોતાનું નહીં, પણ સમગ્ર ભારતનું ગૌરવ ગણાવે છે. તેમણે જણાવ્યું કે તેઓ પ્રતિ કલાકે લગભગ 28,000 કિમીની ઝડપે આગળ વધી રહ્યા છે અને દિવસે 16 વખત સૂર્યોદય-સૂર્યાસ્તનો અનુભવ કરે છે. પીએમએ આ યાત્રાને "ધરતી માતાની પરિક્રમા" ગણાવી અને શુભાંશુને અભિનંદન પાઠવ્યા.

દક્ષિણ ગુજરાતના લાઇફલાઇન સમાન ઉકાઈ ડેમમાં ચોમાસાના કારણે પાણીની આવક વધી છે. હાલમાં 33,466 ક્યુસેક પાણીની આવક થઇ રહી છે. ડેમની સપાટી 317.46 ફૂટે પહોંચી છે, જ્યારે ઉકાઈ ડેમની ભયજનક સપાટી 345 ફૂટ છે. નીચાણવાળા વિસ્તારોમાં 800 ક્યુસેક પાણી છોડવામાં આવી રહ્યું છે. ચોમાસુ સક્રિય થતા પાણીની આવકમાં વધારો થયો છે. પરિસ્થિતિ પર નજર રાખવામાં આવી રહી છે અને જરૂર મુજબ water management કરવામાં આવી રહ્યું છે.

વલસાડ જિલ્લામાં છેલ્લા 24 કલાકમાં સૌથી વધુ વરસાદ વલસાડ તાલુકામાં 82 mm નોંધાયો, સરેરાશ 59 mm વરસાદ પડ્યો. કપરાડામાં 62 mm, ધરમપુરમાં 47 mm વરસાદ નોંધાયો. 1લી જૂનથી અત્યાર સુધીમાં સરેરાશ 812.67 mm વરસાદ થયો છે, જેમાં કપરાડામાં સૌથી વધુ 1007 mm વરસાદ નોંધાયો છે. ભારે વરસાદને લીધે 9 લો-લેવલ રસ્તાઓ પર પાણી ફરી વળ્યાં છે અને વાહન વ્યવહાર માટે કેટલાક રસ્તાઓ બંધ કરાયા છે. હવામાન વિભાગે વલસાડ જિલ્લા સહિત દક્ષિણ ગુજરાતમાં ભારે પવન સાથે વરસાદની આગાહી કરી છે. વહીવટી તંત્રએ લો-લેવલ બ્રિજ પરથી પસાર ન થવા અનુરોધ કર્યો છે.

બોટાદ શહેરમાં ગેરકાયદે બાંધકામના મુદ્દે વિશ્વકર્મા મંદિરમાં સામાન્ય સભા યોજાઈ, જેમાં મારામારી થઈ. વિજયભાઈ ધીરુભાઈના કોમર્શિયલ બાંધકામ સામે સ્થાનિકોએ સભા બોલાવી હતી. ચર્ચા ઉગ્ર થતા વિજયભાઈ અને ધીરુભાઈએ સભાસદો સાથે મારામારી કરી, જેમાં ગુણવંતરાય રામાનુજને ઈજા થતા હોસ્પિટલ ખસેડાયા. સભાસદોએ ગેરકાયદે બાંધકામ કરનારા સામે કડક કાર્યવાહીની માંગ કરી છે.

સાબરકાંઠા જિલ્લામાં છેલ્લા 24 કલાકમાં વરસાદી માહોલ રહ્યો. પ્રાંતિજમાં સૌથી વધુ 58 mm અને વડાલીમાં સૌથી ઓછો 5 mm વરસાદ નોંધાયો. ખેડબ્રહ્મા, વિજયનગર, ઇડર, હિંમતનગર, તલોદ અને પોશીનામાં પણ વરસાદ નોંધાયો. ભારે વરસાદને લીધે પ્રાંતિજના નીચાણવાળા વિસ્તારોમાં પાણી ભરાયા. જિલ્લાના જળાશયોમાં સારી આવક થઈ, જેમ કે હાથમતી, જવાનપુરા અને હરણાવ જળાશયમાં. ખેડવા જળાશયમાં 450 क्यूसेक આવક સામે જાવક રહી અને ધરોઈ જળાશયમાં 868 cusec પાણીની આવક થઈ.

હવામાન વિભાગની આગાહી અનુસાર ભાવનગર જિલ્લામાં વરસાદી માહોલ છે. જિલ્લાના 10 તાલુકામાંથી 8 તાલુકામાં વરસાદ નોંધાયો છે, જેમાં ભાવનગરમાં સૌથી વધુ 12 mm અને મહુવામાં 11 mm વરસાદ પડ્યો છે. છેલ્લા પાંચ દિવસનું તાપમાન જોઈએ તો 25 જૂને મહત્તમ 32.8 અને લઘુત્તમ 27.3 ડિગ્રી સેલ્સિયસ નોંધાયું હતું. હવામાં ભેજનું પ્રમાણ 80થી 91 ટકા રહ્યું છે, અને પવનની ગતિ 6થી 16 kmph નોંધાઈ છે. હવામાન વિભાગે છૂટાછવાયા વિસ્તારોમાં ભારે વરસાદની આગાહી કરી છે.

ગાંધીનગર જિલ્લામાં છેલ્લા 24 કલાકમાં સરેરાશ 10.3 mm વરસાદ નોંધાયો છે, જેમાં દહેગામમાં સૌથી વધુ 17 mm વરસાદ થયો છે. હવામાન વિભાગના આંકડા પ્રમાણે સિઝનમાં અત્યાર સુધી 262 mm વરસાદ નોંધાયો છે. આગામી 48 કલાકમાં વધુ વરસાદની આગાહી છે. દક્ષિણ ગુજરાત અને સૌરાષ્ટ્રમાં ભારેથી અતિભારે વરસાદની શક્યતા છે. ઉત્તર અને મધ્ય ગુજરાતમાં હળવાથી મધ્યમ વરસાદ ચાલુ રહેશે. વરસાદથી જમીનમાં ભેજનું પ્રમાણ વધ્યું છે, જે ખેડૂતો માટે લાભદાયક છે અને ભૂગર્ભ જળ રિચાર્જ થવામાં મદદ મળશે. તંત્ર જરૂરી સાવચેતીના પગલાં લઈ રહ્યું છે.

મધ્યપ્રદેશમાં સારા વરસાદને લીધે નર્મદા ડેમની જળસપાટી 119 મીટરે પહોંચી છે અને 2723 મિલિયન ક્યુબિક મીટર પાણીનો live storage જથ્થો નોંધાયો છે. ઉપરવાસમાંથી 20,870 ક્યુસેક પાણીની આવક થઈ રહી છે, જ્યારે પાવરહાઉસ દ્વારા 37,097 ક્યુસેક પાણી નર્મદા નદીમાં છોડવામાં આવી રહ્યું છે. આથી સ્ટેચ્યૂ ઓફ યુનિટી નજીક ગરૂડેશ્વરનો વિયર ડેમ ઓવરફ્લો થયો છે. 35 મીટર ઊંચો અને 1500 મીટર લાંબો આ ડેમ આહ્લાદક દૃશ્યો સર્જી રહ્યો છે અને પ્રવાસીઓ માટે આકર્ષણનું કેન્દ્ર બન્યો છે. નર્મદા દર્શન કરી પ્રવાસીઓ ખુશ છે.

ભરૂચ-જંબુસર નેશનલ હાઈવે નં. 64ની હાલત ખરાબ છે, ખાસ કરીને આમોદ મેઈન ચોકડીથી સમાં ચોકડી સુધીનો રસ્તો બિસ્માર છે. વાહનો ફસાય છે અને ટ્રાફિકજામ થાય છે. ખરાબ રસ્તાના કારણે એક સર્ગભા સમયસર હોસ્પિટલ પહોંચી ન શકતા રસ્તા પર જ બાળકને જન્મ આપ્યો હતો. રસ્તાની આવી હાલતથી લોકો પરેશાન છે. પેચવર્કની કામગીરી નબળી સાબિત થઈ છે. તંત્રની બેદરકારીના લીધે રસ્તો જોખમી બન્યો છે. સ્થાનિકો રસ્તાનું સમારકામ કરવાની માગ કરી રહ્યા છે. આ રોડની ખરાબ હાલત લોકોના જીવન માટે જોખમ રૂપ છે.

અમદાવાદના વસ્ત્રાલ વિસ્તારમાં ભારે વરસાદથી વસ્ત્રાલ તળાવ ઓવરફ્લો થયું છે. તળાવના ગાર્ડન અને વોક-વેમાં પાણી ભરાયા છે. પાંચ દિવસ પછી પણ AMC અધિકારીઓએ ધ્યાન આપ્યું નથી. સોસાયટીઓમાં જીવજંતુઓ આવવા લાગ્યા છે. સ્થાનિક કોર્પોરેટરોએ તળાવ ખાલી કરવાની સૂચના આપી છે, પરંતુ પાણીનો નિકાલ થયો નથી. અન્ય વિસ્તારોમાં પણ પાણી ભરાયા છે. મધુમાલતી આવાસ યોજનામાં ગટરના પાણી બેક મારે છે, જેના કારણે કેમિકલની દુર્ગંધ આવે છે. AMC દ્વારા કોઈ નિરાકરણ આવ્યું નથી.

ઉત્તરાખંડમાં ભારે વરસાદની આગાહીને કારણે ચારધામ યાત્રા 24 કલાક માટે સ્થગિત કરાઈ છે. Police અને વહીવટીતંત્રને યાત્રાળુઓને અમુક સ્થળોએ રોકવાની સૂચના અપાઈ છે. ઉત્તરકાશીમાં વાદળ ફાટવાથી નિર્માણાધીન hotelને નુકસાન થયું છે અને કેટલાક મજૂરો ગુમ છે. બાગેશ્વરમાં નદીઓ ભયજનક સ્તરે વહી રહી છે. દેશભરમાં વરસાદની આગાહી છે, Monsoon 35 રાજ્યોમાં પહોંચી ગયું છે અને આજે દિલ્હી પહોંચવાની ધારણા છે. રાજસ્થાનમાં પણ વરસાદની ચેતવણી અપાઈ છે. રુદ્રપ્રયાગમાં શિવ પ્રતિમા પાણીમાં ડૂબી ગઈ છે. હવામાન વિભાગે ઉત્તરાખંડ, હિમાચલ પ્રદેશમાં ભારે વરસાદની ચેતવણી આપી છે અને રાજસ્થાનમાં યલો-ઓરેન્જ એલર્ટ જાહેર કરાયું છે. ગુજરાતમાં પણ ભારે વરસાદની આગાહી છે અને પોરબંદરમાં 5 માછીમારો ગુમ થયા છે.

લીમખેડા તાલુકાના વડેલા ગામના તળાવની પાળનું ધોવાણ થતા ડામર રોડ પર માટીનો થર જામી ગયો છે, જેના લીધે રસ્તો બંધ છે. વાહનવ્યવહાર ઠપ્પ થઈ ગયો છે, અને બાળકોને નિશાળે જવામાં મુશ્કેલી પડી રહી છે. ગ્રામજનોનો આરોપ છે કે વારંવાર રજૂઆત કરવા છતાં તંત્ર કુંભકર્ણની નિંદ્રામાં છે. વડલા કબીર મંદિરથી સ્મશાન સુધીના ડામર રોડ પર દિલ્હી-મુંબઈ કોરિડોર ઓથોરિટી દ્વારા બનાવેલું નાળું પાણીમાં ગરકાવ થતા, ગામ માટે વધુ એક ચિંતા ઉભી થઇ છે. આ સમસ્યા તંત્રની બેદરકારીથી થયેલી માનવસર્જિત આપત્તિ હોવાથી ગ્રામજનો તાત્કાલિક નિરાકરણની માંગ કરી રહ્યા છે.

ગોધરાના વિંઝોલમાં Govind Guru University ખાતે 65 કરોડના પ્રકલ્પોનું લોકાર્પણ અને ભૂમિપૂજન સમારોહ યોજાયો. Central Home Minister ખરાબ હવામાનને લીધે ઉપસ્થિત ન રહ્યા, પરંતુ વર્ચ્યુઅલી શુભેચ્છા સંદેશ પાઠવ્યો. વિધાનસભાના ઉપાધ્યક્ષની હાજરીમાં સમારોહ યોજાયો. 148 એકરમાં ફેલાયેલ Universityના Administrative Buildingનું ઉદ્ઘાટન વડાપ્રધાન નરેન્દ્ર મોદીએ 1 જાન્યુઆરી, 2022ના રોજ કર્યું હતું. મંત્રીઓએ આદિવાસીઓના વિકાસ માટે સરકારની યોજનાઓનો ઉલ્લેખ કર્યો અને 'ભીલ પ્રદેશ'ની માંગણી કરનારાઓ પર પ્રહાર કર્યા, યુવાનોને ગેરમાર્ગે દોરવા બદલ તેમની ટીકા કરી.

દાહોદ જિલ્લામાં લુખાવાડાથી મછેલાઈ ચોકડી સુધીનો 2.90 KMનો રોડ બે મહિનામાં જ તૂટી ગયો છે. રસ્તા પરના ત્રણેય નાળાં વરસાદમાં તૂટી ગયા છે, જેમાં મજબૂતાઈનો અભાવ છે. રોડ પર ગાબડાં પડ્યા છે. કોન્ટ્રાક્ટર દ્વારા હલકી ગુણવત્તાનું કામ કરાયું છે અને સરકારી કર્મચારીઓએ યોગ્ય દેખરેખ રાખી નથી. જેના કારણે લોકોના જીવ જોખમમાં મુકાયા છે. સરકારે કરેલા કરોડો રૂપિયાના ખર્ચનો દુરુપયોગ થયો છે. કોન્ટ્રાક્ટર અને સરકારી કર્મચારીઓના ભ્રષ્ટાચારને કારણે લોકોને હાલાકી ભોગવવી પડે છે અને અકસ્માતો થવાની સંભાવના છે. આથી આવા કોન્ટ્રાક્ટરોને BLACKLIST કરી રિકવરી કરવી જોઈએ.

દમણમાં બે યુવકોએ જાહેર માર્ગ પર ખતરનાક સ્ટંટ કર્યા જેનો વીડિયો વાયરલ થયો છે. યુવકો સ્કેટ્સ પહેરી રિક્ષાની બંને બાજુ લટકીને સ્ટંટ કરતા હતા. આ ઘટનાનો વીડિયો ભાજપ મીડિયા સંયોજક માજીદ લાઘાણીએ બનાવ્યો હતો. આવા સ્ટંટથી લોકોની સલામતી જોખમાય છે. દમણ પોલીસે CCTV કેમેરા લગાવ્યા હોવા છતાં આ સ્ટંટ થયો. પોલીસે તપાસ શરૂ કરી છે અને સ્ટંટ કરનાર યુવકોને શોધવાની કાર્યવાહી હાથ ધરી છે. પોલીસે એડવાઇઝરી પણ બહાર પાડીને પર્યટક સ્થળો પર જોખમી સ્ટંટ ન કરવા સૂચના આપી છે.

ડાંગ જિલ્લાના આહવાના રાની ફળિયામાં ભારે વરસાદને કારણે એક જૂનું મકાન બેસી ગયું. સંતોષભાઈ અમૃતભાઈ કાડવા નામના ઘરમાલિક બહાર હોવાથી જાનહાનિ ટળી હતી. ઘટનાની જાણ થતાં ઉપસરપંચ હરિરામ સાવંત તરત જ પહોંચી ગયા અને તલાટીને જાણ કરી રોજકામ કરવા સૂચના આપી. સાવંતે રહીશની આર્થિક પરિસ્થિતિ સારી ન હોવાથી તાત્કાલિક આર્થિક મદદ કરી માનવતા દર્શાવી.

નવસારી જિલ્લામાં છેલ્લા ત્રણ દિવસથી વરસાદ વરસી રહ્યો છે. શનિવારે આખો દિવસ વરસાદને કારણે નદી-નાળા છલકાઈ ગયા હતા. જિલ્લામાં સરેરાશ એક ઇંચ વરસાદ નોંધાયો હતો, જેમાં નવસારી અને ખેરગામમાં સૌથી વધુ 30 mm વરસાદ પડ્યો હતો. ભેજને કારણે વાતાવરણમાં ઠંડક પ્રસરી ગઈ છે અને આગામી દિવસોમાં પણ વરસાદની આગાહી કરવામાં આવી છે. રસ્તા પર પણ પાણી ભરાયું હતું.

PM નરેન્દ્ર મોદીએ Axiom Mission 4 પર ગયેલા ભારતીય અવકાશયાત્રી શુભાંશુ શુક્લા સાથે વીડિયો કોલ પર વાત કરી. 41 વર્ષ પછી કોઈ ભારતીય અવકાશમાં ગયો છે. શુભાંશુ 14 દિવસ ISS પર રહેશે અને ભારતીય સંસ્થાઓ દ્વારા તૈયાર 7 પ્રયોગો કરશે. તેઓ NASA સાથે મળીને 5 વધુ પ્રયોગો કરશે. આ મિશન ભારતના ગગનયાન મિશનને મજબૂત બનાવશે. શુભાંશુએ ગાજરનો હલવો ISS પર સાથીદારોને ખવડાવ્યો. તેમણે કહ્યું કે અવકાશથી ભારત ભવ્ય દેખાય છે અને પૃથ્વી પર કોઈ સરહદ દેખાતી નથી. આ મિશન અંતરિક્ષમાં રિસર્ચ કરવાનું અને નવી ટેક્નોલોજીનો ટેસ્ટ કરવાનું છે.

ભારત સરકારે 1989 બેચના IPS પરાગ જૈનને RAWના નવા ચીફ તરીકે નિયુક્ત કર્યા છે. તેઓ રવિ સિંહાનું સ્થાન લેશે અને તેમનો કાર્યકાળ બે વર્ષનો રહેશે. પરાગ લાંબા સમયથી RAW સાથે સંકળાયેલા છે અને ભૂતપૂર્વ RAW ચીફ સામંત ગોયલ સાથે કામ કર્યું છે. તેઓ પાકિસ્તાન ડેસ્ક સંભાળી રહ્યા છે અને કલમ 370 હટાવવા અને બાલાકોટ એરસ્ટ્રાઇક જેવા મહત્વપૂર્ણ મિશન પર કામ કર્યું છે. પરાગ એવિએશન રિસર્ચ સેન્ટર (ARC)ના વડા પણ છે. રવિ સિંહા 30 જૂને નિવૃત્ત થઈ રહ્યા છે. ભારતીય ગુપ્તચર એજન્સી RAWની સ્થાપના 1968માં થઈ હતી અને તેના પહેલા વડા આર.એન. કાવ હતા.

ગુજરાતમાં ચોમાસાની ધમાકેદાર એન્ટ્રી થઈ છે. હવામાન વિભાગે આગાહી કરી છે કે આ વર્ષે ચોમાસું જોરદાર રહેશે. આવતીકાલ માટે 11 જિલ્લામાં Orange અને Yellow alert જાહેર કરાયા છે, જેમાં કચ્છમાં ભારે વરસાદ માટે Orange alert અને અન્ય જિલ્લાઓમાં Yellow alert છે. દ્વારકા અને પોરબંદરનો દરિયો તોફાની બન્યો છે, જ્યાં ઊંચા મોજાં ઉછળી રહ્યા છે. પોરબંદરમાં પાંચ માછીમારો ગુમ થયા છે, જ્યારે નર્મદાનો ચોપડવાવ ચેક ડેમ છલકાયો છે. અમદાવાદ-ગાંધીનગર સહિત રાજ્યના અનેક જિલ્લામાં વરસાદ નોંધાયો છે. નર્મદા જિલ્લાના ઝરવાણી ધોધ અને મકાઈ ધોધ ફરી વહેતા થતાં પ્રકૃતિ ખીલી ઉઠી છે.

ભરૂચ જિલ્લાના આમોદ, જંબુસર અને હાંસોટ તાલુકાના 56 ગામોમાં રૂ. 7.30 કરોડના મનરેગા કૌભાંડમાં તાજેતરમાં મહત્ત્વપૂર્ણ કાર્યવાહી થઈ છે. 26 જૂને કોંગ્રેસના ઉપપ્રમુખ હીરા જોટવાને ગીર સોમનાથથી અને 27 જૂને તેમના પુત્ર દિગ્વિજય જોટવાને ભરૂચ એલસીબી દ્વારા ધરપકડ કરવામાં આવી છે. આ સાથે હાંસોટ તાલુકા પંચાયતના ઓપરેટર રાજેશ ટેલરની પણ ધરપકડ થઈ છે. પોલીસના જણાવ્યા અનુસાર, હીરા જોટવા અને તેમના પરિવારજનોના ખાતામાં ખોટા જોબકાર્ડ અને મટીરીયલ વિના રકમ ટ્રાન્સફર કરાઈ હતી. હીરા જોટવાના નામે જલારામ અને મુરલીધર એન્ટરપ્રાઇઝ નામની એજન્સીઓ મનરેગાનું કામ સંભાળતી હતી. દિગ્વિજય જોટવા તાજેતરમાં જ સુપાસી ગ્રામ પંચાયતના સરપંચ તરીકે ચૂંટાયા હતા, અને બે દિવસ પહેલાં જ તેઓએ વિજયની ઉજવણી પણ કરી હતી. આરોપીઓ સામે કોર્ટમાં રજૂઆત બાદ છ દિવસના રિમાન્ડ મંજૂર કરાયા છે.

ગાંધીનગર જિલ્લાની પુન્દ્રાસણ પ્રાથમિક શાળામાં કન્યા કેળવણી મહોત્સવ અને શાળા પ્રવેશોત્સવ-2025ના બીજા દિવસે મુખ્યમંત્રી ભૂપેન્દ્ર પટેલે આંગણવાડી, બાલવાટિકા, ધોરણ-1 અને ધોરણ-9માં બાળકોનું નામાંકન કર્યું. તેમણે શૈક્ષણિક કિટ આપી બાળકોને શાળામાં આવકાર્યા અને તેજસ્વી વિદ્યાર્થીઓનું સન્માન કર્યું. બે વિદ્યાર્થીઓએ શિક્ષણના મહત્વ વિશે પ્રેરણાદાયી વક્તવ્ય આપ્યું. મુખ્યમંત્રીએ શિક્ષકોને બાળકોને મુક્ત રીતે રમવા દેવાની સલાહ આપી અને માતા-પિતાને આર્થિક મુશ્કેલીઓમાં પણ શિક્ષણ ન અટકાવવા વિનંતી કરી. MLA અલ્પેશ ઠાકોર અને કલેક્ટર મેહુલ દવે સહિત અન્ય અધિકારીઓ હાજર રહ્યા. મુખ્યમંત્રીએ શિક્ષણની ગુણવત્તામાં સુધારો થયો હોવાનું જણાવ્યું અને સરકાર શિક્ષણ સંબંધિત મુશ્કેલીઓ નિવારવા કટિબદ્ધ હોવાનું જણાવ્યું.

ભરૂચ જિલ્લાના મનરેગા કૌભાંડમાં કોંગ્રેસ નેતા હીરા જોટવાની ધરપકડ કરવામાં આવી છે. 430 જેટલાં કામોમાં 7.30 કરોડ રૂપિયાનો ભ્રષ્ટાચાર થયો હોવાનો આરોપ છે. આમોદ, જંબુસર અને હાંસોટ તાલુકાનાં 56 ગામોમાં આ કૌભાંડ આચરવામાં આવ્યું હતું. ફરિયાદ બાદ SITની રચના કરવામાં આવી હતી. SITની તપાસમાં હીરા જોટવાનું નામ ખુલ્યું હતું, ત્યારબાદ તેમની ગીર સોમનાથથી ધરપકડ કરવામાં આવી હતી. હાંસોટના ટીડીઓ કચેરીના આઉટસોર્સિંગ કર્મચારી રાજેશ ટેલરની પણ ધરપકડ થઇ છે. બંને એજન્સીઓએ બે વર્ષમાં ગેરરીતિ આચરી હતી. હીરા જોટવા જલારામ એન્ટરપ્રાઇઝ અને મુરલીધર એન્ટરપ્રાઇઝ સાથે સંકળાયેલા છે.