લીમખેડા તાલુકાના વડેલા ગામના તળાવની પાળનું ધોવાણ થતા ડામર રોડ પર માટીનો થર જામી ગયો છે, જેના લીધે રસ્તો બંધ છે. વાહનવ્યવહાર ઠપ્પ થઈ ગયો છે, અને બાળકોને નિશાળે જવામાં મુશ્કેલી પડી રહી છે. ગ્રામજનોનો આરોપ છે કે વારંવાર રજૂઆત કરવા છતાં તંત્ર કુંભકર્ણની નિંદ્રામાં છે. વડલા કબીર મંદિરથી સ્મશાન સુધીના ડામર રોડ પર દિલ્હી-મુંબઈ કોરિડોર ઓથોરિટી દ્વારા બનાવેલું નાળું પાણીમાં ગરકાવ થતા, ગામ માટે વધુ એક ચિંતા ઉભી થઇ છે. આ સમસ્યા તંત્રની બેદરકારીથી થયેલી માનવસર્જિત આપત્તિ હોવાથી ગ્રામજનો તાત્કાલિક નિરાકરણની માંગ કરી રહ્યા છે.