અમદાવાદના પાલડી વિસ્તારમાં લાલ દરવાજાથી બાવળા જતી AMTS (રૂટ ૩૫) ની બસમાં અચાનક આગ લાગવાની ઘટના બની હતી. મહાલક્ષ્મી ચાર રસ્તા પાસે બસના એન્જિનમાંથી ધુમાડો નીકળતા ડ્રાઈવર અને કંડક્ટરે સમયસૂચકતા વાપરી તમામ મુસાફરોને સુરક્ષિત નીચે ઉતારી દીધા હતા, જેના કારણે મોટી જાનહાનિ ટળી હતી. ફાયર બ્રિગેડે પાણીનો મારો ચલાવી આગ બુઝાવી હતી, જોકે બસનું એન્જિન અને આગળની ૪ સીટો બળીને ખાખ થઈ ગઈ હતી. આ ઉપરાંત, નરોડા GIDCમાં એક ટેલરના શેડમાં પણ આગ લાગી હતી, જે સુરક્ષિત રીતે કાબૂમાં લેવાઈ છે.