ઉમરગામના સંજાણ-ઊધવા માર્ગ પર મેગા ડિમોલિશન અભિયાન ચલાવી ગેરકાયદે દબાણો દૂર કરાયા. લારી-ગલ્લા અને ગેરકાયદે કબજેદારોના દબાણોથી ટ્રાફિક ખોરવાઈ જતો હતો. ઐતિહાસિક સ્થળના માર્ગે સ્થાનિકો અને પ્રવાસીઓને મુશ્કેલી પડતી હતી, જે હવે દૂર થશે. જાહેર માર્ગો પરના દબાણો સહન નહીં થાય, તંત્ર દ્વારા નિયમિત ચકાસણી કરવામાં આવશે. ટ્રાફિક હવે સરળ બનશે.

ગિરનાર લીલી પરિક્રમાની પૂર્વ તૈયારી માટે જિલ્લા વહીવટી તંત્ર સક્રિય છે. 2 નવેમ્બરથી શરૂ થનારી પરિક્રમા માટે કલેક્ટર અનિલકુમાર રાણાવસિયાના અધ્યક્ષ સ્થાને બેઠક યોજાઈ હતી. જેમાં લાખો શ્રદ્ધાળુઓની સુવિધા માટે વીજળી, પાણી, આરોગ્ય જેવી સુવિધાઓની ચર્ચા કરાઈ. કલેક્ટરે પ્લાસ્ટિક પર પ્રતિબંધ અને ધાર્મિક નિયમોનું પાલન કરવા જણાવ્યું. Traffic અને parking વ્યવસ્થા પર ભાર મુકાયો. PGVCL સહિતના અધિકારીઓ હાજર રહ્યા.

વલસાડ APMC માર્કેટમાં પાર્કિંગ બાબતે અનાજના વેપારી પર કેરીના વેપારીએ હુમલો કર્યો. ઇજાગ્રસ્ત વેપારીને હોસ્પિટલમાં દાખલ કરાયા. વેપારીએ ટેમ્પો ચાલકને યોગ્ય પાર્કિંગ કરવાનું કહેતા મામલો ગરમાયો. ત્યારબાદ કેરીના વેપારીએ થપ્પડ મારી. APMC માર્કેટના વેપારીઓમાં રોષ ફેલાયો, હુમલાખોર સામે કડક કાર્યવાહીની માંગ સાથે ફરિયાદ નોંધાવાઈ અને દુકાનો બંધ કરી ન્યાયની માગણી કરાઈ. પોલીસે તપાસ હાથ ધરી.

સરસ્વતી તાલુકાના શિક્ષકો માટે આયોજિત તાલીમમાં નિલેશ શ્રીમાળીએ પોતાની અંગ્રેજી રાઈમ રજૂ કરી. જેમાં Learning Outcomes સમાવિષ્ટ હતા. BRC સરસ્વતી દ્વારા શ્રેષ્ઠ માસ્ટર ટ્રેનર તરીકે તેમને સન્માનિત કરવામાં આવ્યા. આ તાલીમનો હેતુ શિક્ષકોને પેડાગોજી આધારિત શૈક્ષણિક પ્રવૃત્તિઓ અને શિક્ષક આવૃત્તિ અંતર્ગત માર્ગદર્શન આપવાનો હતો. માસ્ટર ટ્રેનર્સે અસરકારક શિક્ષણ પદ્ધતિઓ વિશે જાણકારી આપી.

વડોદરા ક્રાઇમ બ્રાન્ચે આર્મ્સ એક્ટ કેસમાં રિમાન્ડ પરના આરોપીની પૂછપરછમાં ચેઇન સ્નેચિંગ અને બાઇક ચોરીના ગુનાઓ ઉકેલ્યા. પિસ્તોલ આપનાર આરોપીની સુરેન્દ્રનગરથી ધરપકડ કરાઈ. આરોપી પાસેથી પિસ્તોલ, ચેઇન અને મોબાઇલ જપ્ત કરાયા. પૂછપરછ દરમિયાન, આરોપીએ સુરત અને જામનગરમાં ગુનાઓની કબૂલાત કરી. આરોપી સામે અગાઉ પણ ખૂન, મારામારી અને PROHIBITION સહિતના ગુનાઓ નોંધાયેલા છે.

અમદાવાદના ચંડોળામાં ગેરકાયદે વસાહત ઊભી કરી મીની બાંગ્લાદેશ બનાવનાર લલ્લા બિહારી અને તેના પુત્રને હાઈકોર્ટે શરતી જામીન આપ્યા. કોર્ટે પોલીસ સ્ટેશનમાં હાજરી પુરાવવા અને ભારત નહીં છોડવાની શરતે જામીન આપ્યા છે. અગાઉ પોલીસે લલ્લા બિહારીના 14 દિવસના રિમાન્ડની માગ કરી હતી, જેમાં 6 દિવસ મંજુર કરાયા હતા. લલ્લા બિહારીએ કાળી કમાણીથી ઝુંપડપટ્ટીમાં ફાર્મ હાઉસ બનાવ્યું હતું.

ગોધરા પોલીસ પરેડ ગ્રાઉન્ડમાં નવરાત્રી ગરબા મહોત્સવમાં મહિસાગરના SP સફિન હસન, રાજ્યસભાના સાંસદ ડો. જસવંત પરમાર અને પંચમહાલ જિલ્લા પોલીસ વડા હરેશ દુધાતે હાજરી આપી હતી. મહાનુભાવોએ આરતી ઉતારી અને ગરબામાં ભાગ લીધો. કાર્યક્રમમાં રાજલ બારોટે પરફોર્મ કર્યું. સાંસદ, જિલ્લા પોલીસ વડા અને SP સફિન હસન પણ ગરબે ઘૂમતા જોવા મળ્યા હતા. નાના બાળકોને ભેટ આપવામાં આવી.

ગાંધીનગર મહાનગરપાલિકાને 'નિર્મળ ગુજરાત 2.0' અભિયાન હેઠળ 3થી 10 લાખની વસ્તીમાં પ્રથમ ક્રમાંક મળ્યો છે. મુખ્યમંત્રીના હસ્તે 1.25 કરોડનું ઈનામ એનાયત કરાયું. આ એવોર્ડ સ્વચ્છતાના સામૂહિક પ્રયાસોનું પરિણામ છે. 'મારું શહેર, સ્વચ્છ શહેર' સ્પર્ધામાં સ્વચ્છતાના ધોરણો જાળવવાનો ઉદ્દેશ છે. થર્ડ પાર્ટી એજન્સી દ્વારા ત્રિમાસિક રિપોર્ટ્સના આધારે એવોર્ડની જાહેરાત થઈ. ગાંધીનગર કચરા વ્યવસ્થાપન, ગંદકી નિવારણ અને નાગરિક સહયોગથી સફળ થયું છે. સોલિડ વેસ્ટ મેનેજમેન્ટમાં આધુનિક TECHNOLOGY અપનાવી છે.

સાબરકાંઠાના હિંમતનગર તાલુકાના દેધરોટા ગામે નવીન વન કુટીરનું લોકાર્પણ ધારાસભ્ય V.D. ઝાલાના હસ્તે થયું. વન વિભાગે ગ્રામજનો માટે સુવિધા અને પર્યાવરણ જાગૃતિ માટે આ કુટીર બનાવ્યું. ધારાસભ્યએ પર્યાવરણ જતન માટે સરકારની પ્રતિબદ્ધતા દર્શાવી. "એક પેડ મા કે નામ-2.0" અંતર્ગત દેરોલ વન કવચ ખાતે વૃક્ષારોપણ કરાયું અને ગ્રામજનોને વૃક્ષો ઉછેરવા પ્રેરિત કરાયા.

ભાજપે CR પાટીલને બિહાર ચૂંટણી સહ-પ્રભારી બનાવ્યા. સુરત એરપોર્ટ પર ભવ્ય સ્વાગત થયું. પાટીલે જણાવ્યું કે ગુજરાતના વિકાસ મોડલને લઇને બિહાર જશે અને ત્યાંના લોકોની મદદ કરશે. સુરતમાં બિહારી લોકોનું મોટું કદ છે. ભાજપ પ્રાદેશિક નેતૃત્વથી હિન્દી બેલ્ટના પ્રવાસીઓને સાથે લઇ ચૂંટણી જીતવા માંગે છે. તેઓ NDAની સરકાર બનાવવા માંગે છે, કારણ કે બિહારમાં વિકાસનો અભાવ છે. PM મોદીના વિકાસ મોડેલ પર લોકોને વિશ્વાસ છે.

હિંમતનગરમાં કલેક્ટર લલિત નારાયણ સિંઘ સાંદુની અધ્યક્ષતામાં જિલ્લા સ્વાગત કાર્યક્રમ યોજાયો. જેમાં નાગરિકોએ પ્રશ્નો રજૂ કર્યા. ગુજરાત સરકારનો સ્વાગત ઓનલાઈન ફરિયાદ નિવારણ કાર્યક્રમ છેલ્લા 20 વર્ષથી લોકશાહીને ધબકતી રાખી પ્રજાના કલ્યાણ માટે કાર્યરત છે. અરજદારો દ્વારા 17 જેટલા પ્રશ્નો રજૂ કરવામાં આવ્યા, કલેક્ટરે અરજદારોને યોગ્ય માર્ગદર્શન પૂરું પાડ્યું અને સંબંધિત અધિકારીઓને ઝડપી નિકાલ માટે અનુરોધ કર્યો. જિલ્લા વિકાસ અધિકારી હર્ષદ વોરા સહિત અન્ય અધિકારીઓ ઉપસ્થિત રહ્યા.

તાપી જિલ્લામાં ઉકાઈને નવો તાલુકો જાહેર કરાયો છે. સોનગઢ તાલુકામાંથી અલગ કરી ઉકાઈ નવો તાલુકો બનતા હવે જિલ્લામાં આઠ તાલુકા થયા છે. રાજ્ય સરકારે આ નિર્ણયને સ્થાનિક લોકોએ આવકાર્યો છે. મંત્રી કુંવરજી હળપતિની ઉપસ્થિતિમાં ફટાકડા ફોડી ખુશી વ્યક્ત કરાઈ હતી. નવા ઉકાઈ તાલુકામાં સોનગઢ તાલુકાના 68 ગામોનો સમાવેશ કરાયો છે. વહીવટી સરળતા માટે આ પગલું લેવાયું છે. જેનાથી વિકાસ કાર્યોને વેગ મળશે.

જામનગરમાં ભૂમાફિયા જયેશ પટેલના ભાઈ ધર્મેશ સહિત પાંચ સામે ફરિયાદ નોંધાઈ; જેમાં હત્યાની ધમકી અને પઠાણી ઉઘરાણીનો આરોપ છે. લાલજીભાઈએ વ્યાજે રૂપિયા લીધા બાદ ધર્મેશ રાણપરિયાએ ત્રાસ આપતાં આત્મહત્યાનો પ્રયાસ કર્યો. આરોપીઓએ વ્યાજ અને મુદ્દલ માટે કારખાનેદારનું અપહરણ કરી 20 દિવસ ગોંધી રાખ્યા અને માર માર્યો. પોલીસ તપાસ ચાલુ છે. આ પહેલાં પણ FIR નોંધાઈ હતી.

મુખ્યમંત્રી ભુપેન્દ્ર પટેલ દ્વારા સુરતને નિર્મળ ગુજરાત 2.0 માં પ્રથમ ક્રમાંક મળવા બદલ પુરસ્કાર મળ્યો, સાથે ₹1.5 કરોડનો ચેક મળ્યો. સુરતે સ્વચ્છ સર્વેક્ષણ 2024 માં સુપર સ્વચ્છ લીગ સિટીમાં પણ પ્રથમ સ્થાન મેળવ્યું હતું. ગાંધીનગર ખાતે મહાત્મા મંદિરમાં એવોર્ડ સમારોહ યોજાયો હતો. જેમાં IAS દિનેશ ગુરવ દ્વારા સુરત શહેરની બેસ્ટ પ્રેક્ટિસીસનું પ્રેઝન્ટેશન રજૂ કરવામાં આવ્યું હતું.

રાજ્યના શહેરી વિકાસ વિભાગ દ્વારા સ્વચ્છતા સર્વેક્ષણ 2024માં આણંદ નગરપાલિકાને 'નિર્મળ ગુજરાત પુરસ્કાર' મળ્યો. અ-વર્ગમાં બીજો ક્રમાંક મેળવી 75 લાખ રૂપિયાનું ઇનામ જીત્યું. CM ભૂપેન્દ્ર પટેલના હસ્તે આણંદ નગરપાલિકાની ટીમને 75 લાખનો ચેક અપાયો. આ પુરસ્કાર સ્વચ્છતા ક્ષેત્રે શ્રેષ્ઠ કામગીરી બદલ મળ્યો છે. 75 લાખના ઇનામનો ઉપયોગ મહાનગરની સ્વચ્છતા વધારવા માટે સફાઈના સાધનોમાં વધારો કરવા માટે કરાશે. આગામી વર્ષોમાં આણંદ મહાનગરપાલિકા રાજ્ય કક્ષાએ પ્રથમ ક્રમાંક મેળવે તે દિશામાં સ્વચ્છતાલક્ષી અભિયાન વધુ સઘન બનાવવામાં આવશે.

મોરબીમાં અપમૃત્યુના બે બનાવ બન્યા: માળિયા નજીક ટ્રકની અડફેટે યુવાનનું ઘટનાસ્થળે જ મોત, જેમાં ફરિયાદ નોંધાઇ. બીજો બનાવ વાંકાનેરના માટેલ નજીક વોંકળામાં અજાણ્યા યુવાનનું ડૂબી જવાથી મૃત્યુ થયું. Police તપાસ ચાલુ છે અને મૃતકની ઓળખ મેળવવા તજવીજ ચાલી રહી છે.

ડેડીયાપાડાના ધારાસભ્ય ચૈતર વસાવાએ નર્મદા જિલ્લા આયોજન બેઠકમાં સાંસદ મનસુખ વસાવા પર આક્ષેપ કર્યો કે તેઓ જેલમાંથી છૂટ્યા એની મનસુખ વસાવાને બળતરા થઈ છે. વધુમાં ચૈતર વસાવાએ આરોપ લગાવ્યો કે મનસુખ વસાવા ખોટી ફરિયાદ કરાવી જેના કારણે એમને 80 દિવસ જેલમાં રહેવું પડ્યું. ચૈતર વસાવાએ જિલ્લા વહીવટી તંત્ર પર પણ આકરા પ્રહારો કર્યા અને લોકઉપયોગી કામો નહીં થાય તો ધરણાં કરવાની ચીમકી આપી. આ નિવેદનથી નર્મદા જિલ્લાના રાજકારણમાં ગરમાવો આવ્યો છે અને બંને આદિવાસી નેતાઓ વચ્ચેનો વિવાદ વકર્યો છે.

દેવભૂમિ દ્વારકા પોલીસે શેરબજારમાં નફાની લાલચ આપીને ₹41.07 લાખની છેતરપિંડીમાં મધ્યપ્રદેશના બે આરોપી પકડ્યા. પોલીસે ₹6.91 લાખ જપ્ત કર્યા. કલ્યાણપુરના એક વ્યક્તિને Facebook પર જાહેરાતથી છેતરવામાં આવ્યો. પોલીસે ગુનો નોંધી તપાસ કરી, જેમાં ટેકનિકલ એનાલિસિસ અને હ્યુમન સોર્સિસના આધારે આરોપી પંકજ ઉર્ફે પિયુષ અને બસંતની ધરપકડ કરી. પોલીસે મુદ્દામાલ જપ્ત કર્યો. જિલ્લા પોલીસ વડાએ આવી જાહેરાતોથી સાવધાન રહેવા જણાવ્યું.

દાહોદના ફતેપુરાની SCHOOLમાં શિક્ષકે ધોરણ 8ના વિદ્યાર્થીને માર મારતા ખળભળાટ. TEACHERનું કૃત્ય નિંદનીય છે. VIDEO VIRAL થતા વાલીઓમાં રોષ જોવા મળ્યો. TEACHER સસ્પેન્ડ કરાયા. આ ઘટનાએ શાળાઓમાં બાળકો સાથેના વ્યવહાર પર સવાલો ઊભા કર્યા છે. શિક્ષકો માટે લાલબત્તી સમાન કિસ્સો. શિક્ષણ વિભાગ દ્વારા કાર્યવાહીની અપેક્ષા.

શિક્ષણ ક્ષેત્રે અગ્રણી ગ્રુપ દ્વારા નવરાત્રિ પર્વના ત્રીજા દિવસે ગરબા સમારોહનું આયોજન થયું. "નોરતા 2025" માં 3,200 લોકો જોડાયા. મીરાંદે શાહ અને યોગેશ ગઢવીએ કાર્યક્રમમાં રંગત જમાવી. વિદ્યાર્થીઓ, શિક્ષકો અને વાલીઓએ ગરબામાં ઉત્સાહથી ભાગ લીધો. CALOREX ગ્રુપ સાંસ્કૃતિક સમૃદ્ધિ માટે કટિબદ્ધ છે, અને આ સમારોહ CALOREX પરિવારને યાદ રહેશે.

પશ્ચિમ રેલવે દ્વારા યાત્રીઓની સુવિધા માટે વડોદરા મંડળથી પસાર થતી કેટલીક ટ્રેનોના સમયમાં ફેરફાર કરવામાં આવ્યો છે. જેમાં ભુજ - પુણે એક્સપ્રેસ ટ્રેન નં. 11091, બરૌની – બાન્દ્રા ટર્મિનસ એક્સપ્રેસ ટ્રેન નં. 19038, અને જયપુર – બાન્દ્રા ટર્મિનસ હોલિડે સ્પેશિયલ ટ્રેન નં. 09723 નો સમાવેશ થાય છે. મુસાફરોને વિનંતી છે કે www.enquiry.indianrail.gov.in પરથી અપડેટ્સ તપાસી લે.

વાપી નગરપાલિકાને ગાંધીનગરના મહાત્મા મંદિરમાં 'નિર્મળ ગુજરાત એવોર્ડ'થી મુખ્યમંત્રી ભૂપેન્દ્ર પટેલ દ્વારા સન્માનિત કરવામાં આવી. સ્વચ્છ સર્વેક્ષણ 2024માં 'અ' વર્ગની નગરપાલિકાઓમાં પ્રથમ ક્રમાંક મેળવ્યો. આ એવોર્ડ ઘન અને પ્રવાહી કચરાના યોગ્ય નિકાલ અને સ્વચ્છતા જાળવણી માટે આપવામાં આવે છે. વાપી નગરપાલિકાના કમિશનર યોગેશ ચૌધરીને 1 કરોડનો ચેક એનાયત કરવામાં આવ્યો. મુખ્યમંત્રીએ નગરપાલિકાઓની કામગીરીને પ્રેરણાદાયી ગણાવી.

ગુજરાત રાજ્ય બાયોટેકનોલોજી મિશન (GSBTM) દ્વારા આયોજિત કોન્કલેવમાં, બાયો ઇકોનોમીના આંકડા રજૂ થયા; વિશ્વમાં આ આંકડો રૂ. 332 લાખ કરોડ છે, જેમાં ભારતનું યોગદાન 4.25% છે. ગુજરાતની બાયો ઇકોનોમી રૂ. 1.07 લાખ કરોડ છે, જે દેશમાં ચોથા ક્રમે છે. ગુજરાત સરકારની બાયોટેકનોલોજી પોલિસી 2022-2027ના લાભ માટે આયોજન કરાયું હતું. સાંસદ રામ મોકરિયાએ રાજકોટિયનોને બાયો ટેક્નોલોજી ફિલ્ડમાં આગળ આવવા આહવાન કર્યું હતું.

MiG-21 Retired: ભારતીય વાયુસેનાના છેલ્લા છ MiG-21 ફાઇટર વિમાનોએ ચંડીગઢમાં અંતિમ ઉડાન ભરી, એક યુગ પૂરો થયો. 1963થી સેવામાં, 1200થી વધુ MiG-21 વિમાનોએ સરહદોનું રક્ષણ કર્યું. 1965, 1971, 1999 કારગિલ યુદ્ધો અને બાલાકોટ એરસ્ટ્રાઈકમાં સક્રિય ભૂમિકા ભજવી. 1954માં ડિઝાઇન કરાયેલું MiG-21 સુપરસોનિક ફાઇટર વિમાન બની ગયું હતું.

દાહોદમાં ACBએ ચાકલીયા બીટગાર્ડ અને રોજમદારને 11 હજારની લાંચ લેતા પકડ્યા. જંગલ ખાતાની જમીનમાં પશુ ચરાવવા અંગે લાંચ માંગી. બંનેએ દંડના બહાને વ્યક્તિ દીઠ 2 હજાર માંગ્યા, પછી 1000 રૂ નક્કી કર્યા. ફરિયાદી સહિત 10 લોકો જંગલમાં પશુ ચરાવતા હતા. આથી સુરેશસિંહ બારડ અને સુનિલભાઈ પારઘીએ લાંચ માંગી, અને 11 હજાર લેતા રંગેહાથે ઝડપાયા.

આરોગ્ય વિભાગની નર્સિંગ ભરતી પરીક્ષામાં ગેરરીતિની શંકા ઉઠી છે, જેમાં પ્રશ્નોના જવાબ ક્રમિક ABCD હોવાની વાત સામે આવી છે. આથી અરજદારોએ ગુજરાત હાઇકોર્ટમાં અરજી કરી છે, જેમાં પરીક્ષા રદ કરીને નવેસરથી પરીક્ષા લેવાની માંગણી કરી છે. હાઈકોર્ટે આ બાબતે એડવોકેટ જનરલને કેસમાં હાજર રહેવા જણાવ્યું છે. HCએ કહ્યું કે કોઈ ચોક્કસ વ્યક્તિઓને ગોઠવવા માટેની આ ગોઠવણ લાગી રહી છે. વધુ સુનાવણી 30 સપ્ટેમ્બરે થશે.

સંદેશ ન્યૂઝ ડિજિટલ પર દિવસભરના મહત્વના સમાચાર વાંચો. જેમાં Mehsana, Gujarat News, India, Junagadh News, PM Kisan, Surat News, Bharuch, Ahmedabad અને ICC Hearing સહિતના સમાચારો ઉપલબ્ધ છે. આ તમામ સમાચારની માહિતી મેળવવા માટે લિંક પર ક્લિક કરો.

હળવદમાં વ્યાજખોરીના કેસમાં પોલીસે ચારમાંથી ત્રણ આરોપીઓની ધરપકડ કરી છે. આ આરોપીઓએ આધેડ પાસેથી ઊંચા વ્યાજે રૂપિયા આપી બે એક્ટિવા, બાઇક પડાવી, મકાનનો દસ્તાવેજ કરાવ્યો હતો. ફરિયાદીએ 70 હજારના બદલામાં 2.10 લાખ ચૂકવ્યા છતાં ધમકીઓ મળી હતી. પોલીસે પ્રભુ રબારી, હરદીપ ઉર્ફે મુના લાવડીયા અને જયદેવ ગઢવીની ધરપકડ કરી, જ્યારે ભરત રબારીની શોધ ચાલુ છે.

Godhra ન્યૂઝ: ગોધરામાં કિન્નર સમાજ માટે સમાધિ માટે જમીન ફાળવવા આવેદનપત્ર અપાયું. કિન્નર સમાજના ગાદીપતિ નાયક સંગીતાદે હીરાદે નાયકે રજૂઆત કરી કે શહેરમાં અંતિમ સંસ્કાર માટે જગ્યા નથી, જેથી સભ્યના અવસાન વખતે મુશ્કેલી પડે છે. અન્ય સમાજની જેમ સન્માનપૂર્વક અંતિમ વિધિ માટે Godhraમાં જ જગ્યા ફાળવવા અપીલ.

ભરૂચ-અંકલેશ્વર ST લિંક સેવા ધારાસભ્ય રમેશ મિસ્ત્રી દ્વારા શરૂ, વિદ્યાર્થીઓમાં ખુશી. ભોલાવ ડેપોથી GIDC સુધી ચાલશે, પ્રથમ ટ્રિપ 7:15 વાગ્યે. 16 ટ્રિપ્સ અને ₹20 ભાડું વિદ્યાર્થીઓ-કામદારો માટે રાહતરૂપ. નર્મદા મૈયા બ્રિજથી સમય બચશે. રેલિંગથી આપઘાત ઘટશે, રજૂઆતનું નિરાકરણ થશે. આચાર્ય વિજય જોષી અને અન્ય અધિકારીઓ ઉપસ્થિત રહ્યા હતા.