અનિલ અંબાણીની મુશ્કેલીઓમાં વધારો થયો છે કારણ કે Enforcement Directorate એ તેમને 5 ઓગસ્ટે 17,000 કરોડની બેન્ક છેતરપિંડી કેસમાં પૂછપરછ માટે સમન્સ પાઠવ્યું છે. EDએ ગઈ અઠવાડિયે PMLA હેઠળ મુંબઈમાં રિલાયન્સ ગ્રુપના 35 સ્થળોએ દરોડા પાડ્યા હતા. આરોપ છે કે લોનની રકમનો ઉપયોગ નિર્ધારિત હેતુ સિવાય અન્ય હેતુ માટે કરવામાં આવ્યો હતો. યસ બેન્ક દ્વારા 2017-2019 દરમિયાન 3,000 કરોડની લોન ગેરરીતિથી આપવામાં આવી હોવાનું માનવામાં આવે છે. તપાસમાં શેલ કંપનીઓ, સમાન ડિરેક્ટરો, નબળા દસ્તાવેજો જેવી અનેક ગેરરીતિઓ સામે આવી છે. અનિલ અંબાણીની કંપનીઓએ તપાસમાં સહકાર આપવાની જાહેરાત કરી છે.

તમિલનાડુના ભૂતપૂર્વ મુખ્યમંત્રી ઓ.પન્નીરસેલ્વમ એ ભાજપની આગેવાની હેઠળના NDA ગઠબંધનમાંથી અલગ થવાની જાહેરાત કરી. પૂર્વ મુખ્યમંત્રીએ વડાપ્રધાનને મળવા માટેનો સમય માંગ્યો હતો. પરંતુ તેમને મુલાકાતનો સમય આપવામાં આવ્યો નહતો, આ અવગણના પછી NDA એ છોડવાનો નિર્ણય લીધો.

પંચમહાલના શહેરા તાલુકામાં પ્રેમ સંબંધના કારણે બે યુવકોને ઝાડ સાથે બાંધી માર મારવામાં આવ્યો. Video વાયરલ થતાં શહેરા પોલીસે તાત્કાલિક કાર્યવાહી કરી 10 આરોપીઓની અટકાયત કરી. યુવકો શહેરાની યુવતીઓ સાથે ભાગી ગયા હતા. યુવતીઓના સગા-સંબંધીઓએ તેમને મહેમદાવાદથી તાડવા ગામે લાવી ઝાડ સાથે બાંધી માર માર્યો. પોલીસે IPC કલમો હેઠળ ગુનો નોંધી કાયદેસરની કાર્યવાહી હાથ ધરી છે, અને ઈકો ગાડી (GJ-23 BL 3150) પણ જપ્ત કરી છે.

કચ્છના ગાંધીધામ-કંડલા હાઇવે પર ડમ્પરમાં અચાનક આગ લાગતાં ભય ફેલાયો. દીનદયાળ બંદરના મુખ્ય હાઇવે પર આગ લાગવાથી ટ્રાફિકને અસર થઈ. ફાયર ફાઇટરોએ આગને કાબૂમાં લેવા માટે તાત્કાલિક ઘટનાસ્થળે પહોંચીને કામગીરી હાથ ધરી. પોલીસ દ્વારા ટ્રાફિક નિયંત્રણની કામગીરી કરવામાં આવી રહી છે. અધિકારીઓ આગ લાગવાના કારણોની તપાસ કરી રહ્યા છે.

સુરેન્દ્રનગરના સાયલા તાલુકામાં "આકાંક્ષી તાલુકા કાર્યક્રમ" અંતર્ગત આશીર્વાદ વિકલાંગ ગૃહ ખાતે "સંપૂર્ણતા અભિયાન સન્માન સમારોહ" યોજાયો. DDO કે.એસ. યાજ્ઞિકે તાલુકાને આકાંક્ષી તાલુકાના દાયરામાંથી બહાર લાવવાની કામગીરીને સરાહનીય ગણાવી. બે વર્ષમાં સંપૂર્ણતા અભિયાન અંતર્ગત મુખ્ય છ લક્ષ્યાંકોમાં 100% સિદ્ધિ બદલ સાયલા તાલુકાને ગોલ્ડ મેડલ પ્રાપ્ત થયો છે. 'આકાંક્ષા હાટ'નું પણ આયોજન કરવામાં આવ્યું છે, જે ભારત સરકારના "આકાંક્ષી તાલુકા કાર્યક્રમ" હેઠળ છે.

દાહોદના સંજેલી TPO કચેરીમાં ભ્રષ્ટાચારનો આક્ષેપ મુકેશ રાઠોડે કર્યો છે. તેમના જણાવ્યા મુજબ શિક્ષકો પાસેથી ઉઘરાણી થાય છે, જેમાં રમેશ સેલોત અને દિનેશ ભુરિયા સામેલ છે. TPOએ આ આરોપોને નકાર્યા છે, છતાં શિક્ષકોમાં રોષ છે. રાઠોડે તપાસ અને કાર્યવાહીની માંગ કરી છે. આ ઘટનાથી શિક્ષણ વ્યવસ્થા પર સવાલો ઉભા થયા છે. રમેશ સેલોત અને દિનેશ ભુરિયા શાળામાં ફરજ નથી બજાવતા, TPO કચેરીમાં જ સમય વિતાવે છે, જેનાથી અભ્યાસ પર અસર પડે છે.

રીબડામાં અનિરુદ્ધસિંહ જાડેજાના પેટ્રોલ પંપ પર ફાયરિંગ કરનારા બે શખ્સોને રાજકોટ LCBની ટીમે UPથી પકડ્યા. આરોપીઓએ હાર્દિકસિંહ જાડેજાના કહેવાથી ફાયરિંગ કર્યાની કબૂલાત કરી. ફાયરિંગ બાદ તેઓ બસ અને ટ્રેન દ્વારા યુપી ભાગી ગયા હતા. હાર્દિકસિંહે Instagram પર રીલ મૂકી ફાયરિંગની જવાબદારી લીધી હતી. પોલીસે હાર્દિકસિંહ જાડેજાની શોધખોળ ચાલુ રાખી છે.

અમદાવાદમાં સાબરમતી નદીના પ્રતિબંધિત વિસ્તારમાં રીલ બનાવવાની ઘેલછામાં 5 યુવકો ખાબક્યા. આ ઘટનામાં એક યુવકનું દુઃખદ મોત નીપજ્યું, જેના કારણે પરિવાર પર આભ તૂટી પડ્યું છે. યુવકો રીલ બનાવવાના ચક્કરમાં પોતાની જાનની પરવા કર્યા વગર નદીમાં ઉતર્યા અને અકસ્માતનો ભોગ બન્યા. આ ઘટનાથી સમગ્ર વિસ્તારમાં શોકનું મોજુ ફરી વળ્યું છે.

US ના ટેરિફના દબાણથી Indian oil રિફાઇનરીઓએ રશિયાથી ક્રૂડ ઓઇલની ખરીદી કામચલાઉ બંધ કરી છે. જેમાં Indian Oil Corporation, Hindustan Petroleum Corporation અને Bharat Petroleum Corporation જેવી કંપનીઓનો સમાવેશ થાય છે. આ કંપનીઓ મધ્ય પૂર્વ અને આફ્રિકાથી ઓઇલ ખરીદશે.

જુલાઈમાં દેશભરમાં ભારે વરસાદ, રાજસ્થાનમાં 69 વર્ષનો રેકોર્ડ તૂટ્યો, 285 મીમી વરસાદ નોંધાયો. MPના 10 જિલ્લાઓમાં વરસાદનો ક્વોટા પૂર્ણ, ગુના, શિવપુરીમાં પૂર જેવી સ્થિતિ, 150 લોકોનું રેસ્ક્યૂ અને 2 લોકોના મોત. IMDએ આસામ, મેઘાલય, અરુણાચલમાં ઓરેન્જ એલર્ટ જાહેર કર્યું, ઓગસ્ટ-સપ્ટેમ્બરમાં 6% વધુ વરસાદની શક્યતા.

પંચમહાલના શહેરામાં બે યુવકોને દોરડા વડે ઝાડ સાથે બાંધી તાલિબાની સજા અપાઈ. શહેરા પોલીસે આ મામલે 10 શખ્સોની અટકાયત કરી વધુ તપાસ હાથ ધરી છે. આ ઘટનાથી પંથકમાં ચકચાર મચી જવા પામી છે. પોલીસે કાયદેસરની કાર્યવાહી હાથ ધરી છે.

સુરતમાં શિક્ષકે બે પુત્રોને ઝેર આપી આપઘાત કર્યો. પતિએ બાળકોના મૃતદેહ પાસે તસવીરો ગોઠવી. પારિવારિક ક્લેશની શક્યતા છે, પોલીસ તપાસ ચાલુ. પિતા-પુત્રોના POSTMORTEM થશે. અલ્પેશભાઈ શિક્ષક અને પત્ની ફાલ્ગુનીબેન શિક્ષણ વિભાગમાં કાર્યરત હતા. તેમણે લવ મેરેજ કર્યા હતા. તેઓ નવા ઘરમાં SHIFT થવાના હતા, પણ આ કરુણ ઘટના બની.

અમદાવાદ શહેરના માણેકબાગ, શ્રેયસ ટેકરા અને આંબાવાડી વિસ્તારમાં બાઈક પર આવેલા અજાણ્યા શખ્સોએ 26 જેટલી ફોર-વ્હીલ ગાડીઓના ટાયર છરા વડે ફાડી નાખ્યા. આ ઘટના CCTVમાં કેદ થઈ છે, જેમાં એક શખસ ટાયરમાં હથિયાર મારી રહ્યો છે. ઘટનાના 24 કલાક બાદ પણ પોલીસ આરોપી સુધી પહોંચી શકી નથી. સ્થાનિકોમાં ભય અને રોષનો માહોલ છે અને પોલીસ પેટ્રોલિંગ વધારવાની માંગ કરી છે. Toyota, Brezza, Creta, અને Swift જેવી અનેક ગાડીઓને નુકસાન થયું છે.

બ્રિટનની સંસદીય સમિતિના રિપોર્ટમાં ભારતને 12 દમનકારી દેશોમાં દર્શાવાયું, જે 'Transnational Repression in the UK' છે. આ રિપોર્ટમાં બ્રિટનમાં રહેતા લોકોના અવાજને દબાવવાનો પ્રયાસ કરતી વિદેશી સરકારોનો ઉલ્લેખ છે. બ્રિટન માં વિદેશી સરકારોની ગતિવિધિઓને માનવાધિકારો માટે જોખમી ગણાવાઈ છે અને કાર્યવાહીની માંગ કરાઈ છે.

અમરેલી જિલ્લામાં સિંહબાળના મોત અંગે MLA હીરા સોલંકીએ વનમંત્રીને પત્ર લખી વનવિભાગના અધિકારીઓની નિષ્કાળજીથી સિંહોના મોત થયાનો આરોપ લગાવ્યો છે. તેમણે પાલીતાણા શેત્રુંજી ડીવીઝન અને ધારી ગીર પૂર્વ ડીવીઝનમાં પણ સિંહોના મૃત્યુ થયાનું જણાવ્યું છે. દીપડાના હુમલાથી થયેલા અપમૃત્યુ બાબતે પણ તેમણે રજૂઆત કરી, નિષ્કાળજી બદલ કાયદેસરની કાર્યવાહી કરવા જણાવ્યું છે. 'આ બાબત અતિ ગંભીર છે'.

England vs India ટેસ્ટ મેચમાં કરુણ નાયરે 3146 દિવસ પછી ફિફ્ટી ફટકારી! શુભમન ગિલ અને કે.એલ. રાહુલ ફ્લોપ રહ્યા હતા, ત્યારે નાયરે ઇનિંગ્સ સંભાળી હતી. તેણે છેલ્લે 2016માં ઇંગ્લેન્ડ સામે ત્રેવડી સદી ફટકારી હતી, પછી ટીમમાંથી બહાર થયો હતો.

ભરૂચ "એ" ડિવીઝન પોલીસે "તેરા તુજકો અર્પણ" અભિયાન હેઠળ ચોરાયેલા દાગીના અને CEIR પોર્ટલથી શોધાયેલા મોબાઇલ તેમના માલિકોને આપ્યા. SP અજયકુમાર મીણાના માર્ગદર્શન હેઠળ ઇન્સ્પેક્ટર એમ.એમ.રાઠોડની ટીમે ₹3,92,770નો મુદ્દામાલ પરત કર્યો, જેમાં સોનાની ચેઇન, વીંટી, પેન્ડલ અને રોકડ રકમનો સમાવેશ થાય છે. આ અભિયાનથી નાગરિકોને ન્યાય મળ્યો છે અને પોલીસ પરનો વિશ્વાસ વધ્યો છે.

વલસાડમાં અજાણ્યા શખ્સે દંપતીના ફોટા મોફ કરી ફેક ID બનાવી, અશ્લીલ ફોટા સોશિયલ મીડિયામાં વાયરલ કર્યા. દંપતીએ ભિલાડ પોલીસ સ્ટેશનમાં ફરિયાદ નોંધાવી, પોલીસે IT Act હેઠળ ગુનો નોંધી તપાસ હાથ ધરી છે. પોલીસે લોકોને ઇન્ટરનેટનો દુરુપયોગ ન કરવા અને સામાજિક જવાબદારીઓનું પાલન કરવા અપીલ કરી છે.

વલસાડના વાપીના છીરી વિસ્તારમાં બે યુવતીઓની જાહેરમાં છેડતી થઈ. અનીલ નામના યુવકે રસ્તો રોકી ગાળો આપી હુમલો કર્યો, તમાચા માર્યા. યુવતીએ પરિવારને જાણ કરી, ડુંગરા પોલીસ સ્ટેશનમાં ફરિયાદ નોંધાવી છે. આરોપીએ આબરૂ લેવાના ઈરાદે ઘટનાને અંજામ આપ્યો. પોલીસે BNS હેઠળ ગુનો નોંધી CCTV ફૂટેજ તપાસી આરોપીને પકડવા તજવીજ હાથ ધરી છે.

આસામની અભિનેત્રી નંદીની કશ્યપની હિટ એન્ડ રનમાં હત્યાના કેસમાં ધરપકડ થઈ છે. અભિનેત્રીએ કારથી 21 વર્ષના બાઈક ચાલક યુવાનને ટક્કર મારી હતી અને પછી નાસી ગઈ હતી. એ યુવાનનું સારવાર દરમિયાન મોત થયું હતું. પોલીસ તપાસ ચાલુ છે. નંદીની કશ્યપ પર કાયદેસરની કાર્યવાહી કરવામાં આવશે.

રાણાકંડોરણામાં લૂંટ કેસના આરોપીઓનું પોલીસે ઘટનાસ્થળે રી-કન્સ્ટ્રકશન કરાવ્યું. કરશનભાઈ નંદાણીયાના ઘરમાં લૂંટ થઈ હતી, જેમાં આરોપીઓએ બાળકોને ધમકી આપી ઘરેણાં અને રોકડની લૂંટ કરી હતી. પોલીસે રાણાવાવ નજીકથી છ આરોપીઓને ઝડપી લીધા હતા. પોલીસે આ લૂંટનું કાવતરું રચનાર બે આરોપીઓને પણ ઝડપી લીધા હતા. લોકોએ "પોરબંદર પોલીસ ઝિંદાબાદ"ના નારા લગાવ્યા.

જમ્મુ-કાશ્મીરના CM ઓમર અબ્દુલ્લાએ ગુજરાત પ્રવાસમાં સ્ટેચ્યૂ ઓફ યુનિટીની મુલાકાત લીધી અને તેને સરદાર સાહેબને સાચી શ્રદ્ધાંજલિ ગણાવી. તેમણે સરદાર વલ્લભભાઈ પટેલના એકીકરણના દ્રષ્ટિકોણને યુવા પેઢી માટે પ્રેરણારૂપ ગણાવ્યો. CM એ સરદાર સરોવર ડેમની મુલાકાત લીધી અને નર્મદા યોજનાને પાણી વ્યવસ્થાપનનું ઉત્તમ ઉદાહરણ ગણાવ્યું.

અમદાવાદ-મુંબઈ NH-48 પર ખખડધજ રસ્તા, 11 બ્રિજ પર 5 થી 20 ફૂટના ખાડા જોવા મળ્યા. વાહનચાલકોને કમર તૂટી જાય તેવી સ્થિતિ. ટોલ ટેક્સ ભર્યા પછી પણ ખાડામાં વાહન ચલાવવાનો વારો. જાંબુવાના સાંકડા બ્રિજ પર 15 km ટ્રાફિકજામ, ખાડાના કારણે વાહનો ધીમે ચાલે છે. પોરના બ્રિજની હાલત ખરાબ, તંત્ર ઉંઘતું હોવાનો આક્ષેપ. ઓફિસ જવા માટે પણ ટ્રાફિકના કારણે મોડું થાય છે.

હાઇકોર્ટે જાહેર આરોગ્ય માટે જોખમ હોવાથી મંજૂરી આપી છે. મનાઈ છતાં લોકો કબૂતરખાનામાં કબૂતરોને દાણા ખવડાવી રહ્યા હોવાની નોંધ લેવાઈ છે. બોમ્બે હાઇકોર્ટે ચણ નાખવાનું જાહેર ઉપદ્રવ સમાન અને લોકોના આરોગ્ય માટે જોખમી ગણાવ્યું છે. કબૂતરોને ચણ નાખતા લોકો સામે FIR નોંધવા બોમ્બે હાઇકોર્ટે BMCને નિર્દેશ આપ્યા છે.

મુંબઈ: વસઈમાં 15 દિવસમાં 3 ખ્રિસ્તી યુવાનોની આત્મહત્યા. ઉચ્ચ શિક્ષિત યુવાનોમાં બે એન્જિનિયરિંગના વિદ્યાર્થી હતા. આત્મહત્યાનું કારણ રહસ્યમય હોવાથી, સામૂહિક આત્મહત્યાની ચર્ચા ચાલી રહી છે, પરંતુ પોલીસે કોઈ નિષ્કર્ષ જાહેર કર્યો નથી. 16 જુલાઈથી 28 જુલાઈ દરમિયાન આ ઘટનાઓ બની.

ડોનાલ્ડ ટ્રમ્પે અમેરિકાની આર્થિક સુરક્ષાને મજબૂત કરવા 70 દેશો પર 10% થી 41% સુધીના નવા પારસ્પરિક ટેરિફ લાદવાનો આદેશ જારી કર્યો છે. વ્હાઇટ હાઉસ દ્વારા જારી કરાયેલ ફેક્ટશીટ અનુસાર, આ ટેરિફ ઓર્ડર જારી થયાના 7 દિવસ પછી અમલમાં આવશે અને વેપાર અસંતુલનને દૂર કરશે.

મોરબીના ગરબા ક્લાસીસ સંચાલકોએ કલેકટર અને SP ને રજુઆત કરી હતી કે 29 જુલાઈએ કેટલાક તત્વોએ બળજબરીથી ગરબા ક્લાસીસ બંધ કરાવ્યા. ગરબા શીખવા આવતી બહેન દીકરીઓના ID proof લેવામાં આવે છે. ક્લાસીસ બંધ કરાવવા દબાણ કર્યું અને અમુક ટોળાએ સંસ્કૃતિનો લોપ થતો હોવાનું કહી હોબાળો મચાવ્યો.

મોરબીના રવાપર રોડ પર બોનીપાર્કમાં મારુતિ એપાર્ટમેન્ટની છત પર જુગાર રમાતો હોવાની બાતમી મળતા સીટી એ ડિવિઝન પોલીસે દરોડો પાડ્યો. દરોડા દરમિયાન સંગીતાબેન, ભારતીબેન, સોનલબેન સહિત આઠ મહિલાઓ તીનપતિ રમતા રોકડા રૂપિયા 34,300 સાથે ઝડપાઈ. પોલીસે તમામની ધરપકડ કરી કાયદેસરની કાર્યવાહી હાથ ધરી છે.

જેતપુર પોલીસે બાતમી આધારે નકલંક આશ્રમ રોડ પરથી એક સગીરને ચોરાયેલ મોટરસાયકલ સાથે પકડ્યો. પૂછપરછમાં વીરપુરના અરવિંદ ઉર્ફે ટકો સાથે મળીને જેતપુર અને ગોંડલમાંથી મોટરસાયકલ ચોરી કર્યાની કબૂલાત કરી. પોલીસે ઇદગાહ મેદાનમાંથી ત્રણ મોટરસાયકલ કબજે કર્યા અને આરોપી અરવિંદ ઉર્ફે ટકાની શોધખોળ હાથ ધરી. FIR નોંધાઇ હતી.

કર્ણાટકની 38 વર્ષની મહિલામાં એક નવું બ્લડ ગ્રૂપ મળ્યું છે જે દુનિયામાં ક્યાંય જોવા મળ્યું નથી. આ મહિલા કાર્ડિયાક સર્જરી માટે હોસ્પિટલમાં દાખલ થઈ ત્યારે તેના લોહીના અસામાન્ય ગ્રુપની જાણ થઇ. તેનું બ્લડ ગ્રુપ O RH positive છે પણ O positive બ્લડ ગ્રુપનું એક પણ યુનિટ તેને match થતું નહોતું. CIRBએ આને આંતરરાષ્ટ્રીય સ્તરે માન્યતા આપી.