અનિલ અંબાણીની મુશ્કેલીઓમાં વધારો થયો છે કારણ કે Enforcement Directorate એ તેમને 5 ઓગસ્ટે 17,000 કરોડની બેન્ક છેતરપિંડી કેસમાં પૂછપરછ માટે સમન્સ પાઠવ્યું છે. EDએ ગઈ અઠવાડિયે PMLA હેઠળ મુંબઈમાં રિલાયન્સ ગ્રુપના 35 સ્થળોએ દરોડા પાડ્યા હતા. આરોપ છે કે લોનની રકમનો ઉપયોગ નિર્ધારિત હેતુ સિવાય અન્ય હેતુ માટે કરવામાં આવ્યો હતો. યસ બેન્ક દ્વારા 2017-2019 દરમિયાન 3,000 કરોડની લોન ગેરરીતિથી આપવામાં આવી હોવાનું માનવામાં આવે છે. તપાસમાં શેલ કંપનીઓ, સમાન ડિરેક્ટરો, નબળા દસ્તાવેજો જેવી અનેક ગેરરીતિઓ સામે આવી છે. અનિલ અંબાણીની કંપનીઓએ તપાસમાં સહકાર આપવાની જાહેરાત કરી છે.

તમિલનાડુના ભૂતપૂર્વ મુખ્યમંત્રી ઓ.પન્નીરસેલ્વમ એ ભાજપની આગેવાની હેઠળના NDA ગઠબંધનમાંથી અલગ થવાની જાહેરાત કરી. પૂર્વ મુખ્યમંત્રીએ વડાપ્રધાનને મળવા માટેનો સમય માંગ્યો હતો. પરંતુ તેમને મુલાકાતનો સમય આપવામાં આવ્યો નહતો, આ અવગણના પછી NDA એ છોડવાનો નિર્ણય લીધો.

સુરેન્દ્રનગરના સાયલા તાલુકામાં "આકાંક્ષી તાલુકા કાર્યક્રમ" અંતર્ગત આશીર્વાદ વિકલાંગ ગૃહ ખાતે "સંપૂર્ણતા અભિયાન સન્માન સમારોહ" યોજાયો. DDO કે.એસ. યાજ્ઞિકે તાલુકાને આકાંક્ષી તાલુકાના દાયરામાંથી બહાર લાવવાની કામગીરીને સરાહનીય ગણાવી. બે વર્ષમાં સંપૂર્ણતા અભિયાન અંતર્ગત મુખ્ય છ લક્ષ્યાંકોમાં 100% સિદ્ધિ બદલ સાયલા તાલુકાને ગોલ્ડ મેડલ પ્રાપ્ત થયો છે. 'આકાંક્ષા હાટ'નું પણ આયોજન કરવામાં આવ્યું છે, જે ભારત સરકારના "આકાંક્ષી તાલુકા કાર્યક્રમ" હેઠળ છે.

શ્રાવણ શુક્લ સપ્તમીએ સોમનાથ મહાદેવ પીળા પુષ્પોથી અલંકૃત, ગર્ભગૃહ દિવ્ય બન્યું. પીળો રંગ પ્રકાશ, જ્ઞાન અને આધ્યાત્મિક ઉન્નતિનો સૂચક છે. શિવ ભક્તિ અંધકાર દૂર કરે છે. શ્રદ્ધાથી પુષ્પ અર્પણ કરવાથી પુણ્યફળ મળે છે, બુદ્ધિ શુદ્ધ થાય છે અને સંકટો દૂર થાય છે. શિવ સૃષ્ટિ, જીવન અને ચેતનાના આધાર છે. શ્રાવણમાં શિવ આરાધનાનું વિશેષ મહત્વ છે. દરરોજ મંદિરમાં વિશેષ શણગાર થાય છે.

સાબરકાંઠાના હિંમતનગરના રાજગઢ ગામે વૈજનાથ દાદાના મંદિરે શ્રાવણ માસના સાતમા દિવસે વિશેષ શણગાર કરાયો. શિવજીને રંગોળીના રંગોથી રામ શબ્દ લખી, કપુરી પાન, કમળ અને ગુલાબ ફૂલોથી શણગાર કરાયો. ભક્તોએ દર્શન કરી ધન્યતા અનુભવી. હિંમતનગરના ભોળેશ્વર મહાદેવ મંદિરે પણ દાદાને બીલીપત્રો અને ફૂલોથી શણગારવામાં આવ્યા.

વડોદરામાં દશામાની 35,000 મૂર્તિઓની સ્થાપના બાદ, 2 ઓગસ્ટે વિસર્જન યાત્રા નીકળશે. પોલીસ કમિશનરે ટ્રાફિક વ્યવસ્થા માટે જાહેરનામું બહાર પાડ્યું, જેમાં No-Entry, ડાયવર્ઝન અને વૈકલ્પિક રસ્તાઓ જાહેર કરાયા છે. D.J. વાહનો, એસ.ટી. બસો અને ભારદારી વાહનો માટે પ્રતિબંધિત રૂટ અને 6 કૃત્રિમ તળાવોમાં મૂર્તિ વિસર્જન કરી શકાશે. આ જાહેરનામું ઇમરજન્સી સેવાઓ સિવાય 2 ઓગસ્ટ સુધી અમલમાં રહેશે.

US ના ટેરિફના દબાણથી Indian oil રિફાઇનરીઓએ રશિયાથી ક્રૂડ ઓઇલની ખરીદી કામચલાઉ બંધ કરી છે. જેમાં Indian Oil Corporation, Hindustan Petroleum Corporation અને Bharat Petroleum Corporation જેવી કંપનીઓનો સમાવેશ થાય છે. આ કંપનીઓ મધ્ય પૂર્વ અને આફ્રિકાથી ઓઇલ ખરીદશે.

જુલાઈમાં દેશભરમાં ભારે વરસાદ, રાજસ્થાનમાં 69 વર્ષનો રેકોર્ડ તૂટ્યો, 285 મીમી વરસાદ નોંધાયો. MPના 10 જિલ્લાઓમાં વરસાદનો ક્વોટા પૂર્ણ, ગુના, શિવપુરીમાં પૂર જેવી સ્થિતિ, 150 લોકોનું રેસ્ક્યૂ અને 2 લોકોના મોત. IMDએ આસામ, મેઘાલય, અરુણાચલમાં ઓરેન્જ એલર્ટ જાહેર કર્યું, ઓગસ્ટ-સપ્ટેમ્બરમાં 6% વધુ વરસાદની શક્યતા.

બ્રિટનની સંસદીય સમિતિના રિપોર્ટમાં ભારતને 12 દમનકારી દેશોમાં દર્શાવાયું, જે 'Transnational Repression in the UK' છે. આ રિપોર્ટમાં બ્રિટનમાં રહેતા લોકોના અવાજને દબાવવાનો પ્રયાસ કરતી વિદેશી સરકારોનો ઉલ્લેખ છે. બ્રિટન માં વિદેશી સરકારોની ગતિવિધિઓને માનવાધિકારો માટે જોખમી ગણાવાઈ છે અને કાર્યવાહીની માંગ કરાઈ છે.

England vs India ટેસ્ટ મેચમાં કરુણ નાયરે 3146 દિવસ પછી ફિફ્ટી ફટકારી! શુભમન ગિલ અને કે.એલ. રાહુલ ફ્લોપ રહ્યા હતા, ત્યારે નાયરે ઇનિંગ્સ સંભાળી હતી. તેણે છેલ્લે 2016માં ઇંગ્લેન્ડ સામે ત્રેવડી સદી ફટકારી હતી, પછી ટીમમાંથી બહાર થયો હતો.

આસામની અભિનેત્રી નંદીની કશ્યપની હિટ એન્ડ રનમાં હત્યાના કેસમાં ધરપકડ થઈ છે. અભિનેત્રીએ કારથી 21 વર્ષના બાઈક ચાલક યુવાનને ટક્કર મારી હતી અને પછી નાસી ગઈ હતી. એ યુવાનનું સારવાર દરમિયાન મોત થયું હતું. પોલીસ તપાસ ચાલુ છે. નંદીની કશ્યપ પર કાયદેસરની કાર્યવાહી કરવામાં આવશે.

જમ્મુ-કાશ્મીરના CM ઓમર અબ્દુલ્લાએ ગુજરાત પ્રવાસમાં સ્ટેચ્યૂ ઓફ યુનિટીની મુલાકાત લીધી અને તેને સરદાર સાહેબને સાચી શ્રદ્ધાંજલિ ગણાવી. તેમણે સરદાર વલ્લભભાઈ પટેલના એકીકરણના દ્રષ્ટિકોણને યુવા પેઢી માટે પ્રેરણારૂપ ગણાવ્યો. CM એ સરદાર સરોવર ડેમની મુલાકાત લીધી અને નર્મદા યોજનાને પાણી વ્યવસ્થાપનનું ઉત્તમ ઉદાહરણ ગણાવ્યું.

અમદાવાદ-મુંબઈ NH-48 પર ખખડધજ રસ્તા, 11 બ્રિજ પર 5 થી 20 ફૂટના ખાડા જોવા મળ્યા. વાહનચાલકોને કમર તૂટી જાય તેવી સ્થિતિ. ટોલ ટેક્સ ભર્યા પછી પણ ખાડામાં વાહન ચલાવવાનો વારો. જાંબુવાના સાંકડા બ્રિજ પર 15 km ટ્રાફિકજામ, ખાડાના કારણે વાહનો ધીમે ચાલે છે. પોરના બ્રિજની હાલત ખરાબ, તંત્ર ઉંઘતું હોવાનો આક્ષેપ. ઓફિસ જવા માટે પણ ટ્રાફિકના કારણે મોડું થાય છે.

હાઇકોર્ટે જાહેર આરોગ્ય માટે જોખમ હોવાથી મંજૂરી આપી છે. મનાઈ છતાં લોકો કબૂતરખાનામાં કબૂતરોને દાણા ખવડાવી રહ્યા હોવાની નોંધ લેવાઈ છે. બોમ્બે હાઇકોર્ટે ચણ નાખવાનું જાહેર ઉપદ્રવ સમાન અને લોકોના આરોગ્ય માટે જોખમી ગણાવ્યું છે. કબૂતરોને ચણ નાખતા લોકો સામે FIR નોંધવા બોમ્બે હાઇકોર્ટે BMCને નિર્દેશ આપ્યા છે.

મુંબઈ: વસઈમાં 15 દિવસમાં 3 ખ્રિસ્તી યુવાનોની આત્મહત્યા. ઉચ્ચ શિક્ષિત યુવાનોમાં બે એન્જિનિયરિંગના વિદ્યાર્થી હતા. આત્મહત્યાનું કારણ રહસ્યમય હોવાથી, સામૂહિક આત્મહત્યાની ચર્ચા ચાલી રહી છે, પરંતુ પોલીસે કોઈ નિષ્કર્ષ જાહેર કર્યો નથી. 16 જુલાઈથી 28 જુલાઈ દરમિયાન આ ઘટનાઓ બની.

ડોનાલ્ડ ટ્રમ્પે અમેરિકાની આર્થિક સુરક્ષાને મજબૂત કરવા 70 દેશો પર 10% થી 41% સુધીના નવા પારસ્પરિક ટેરિફ લાદવાનો આદેશ જારી કર્યો છે. વ્હાઇટ હાઉસ દ્વારા જારી કરાયેલ ફેક્ટશીટ અનુસાર, આ ટેરિફ ઓર્ડર જારી થયાના 7 દિવસ પછી અમલમાં આવશે અને વેપાર અસંતુલનને દૂર કરશે.

મોરબીમાં જુના ઘૂટું રોડ પર આવેલ સિરામિક કારખાનાના લેબર ક્વાર્ટરમાં રૂપલબેન ડામોરે અગમ્ય કારણોસર suicide કર્યું. જાંબુડિયા ગામે રતનસિંહ ડામોરે પણ ગળેફાંસો ખાઈ જીવન ટૂંકાવ્યું. પોલીસે બંને આપઘાતની નોંધ કરી તપાસ હાથ ધરી છે અને PM માટે મૃતદેહને સિવિલ હોસ્પિટલમાં ખસેડાયો. આ suicide પાછળનું કારણ અજ્ઞાત છે.

કર્ણાટકની 38 વર્ષની મહિલામાં એક નવું બ્લડ ગ્રૂપ મળ્યું છે જે દુનિયામાં ક્યાંય જોવા મળ્યું નથી. આ મહિલા કાર્ડિયાક સર્જરી માટે હોસ્પિટલમાં દાખલ થઈ ત્યારે તેના લોહીના અસામાન્ય ગ્રુપની જાણ થઇ. તેનું બ્લડ ગ્રુપ O RH positive છે પણ O positive બ્લડ ગ્રુપનું એક પણ યુનિટ તેને match થતું નહોતું. CIRBએ આને આંતરરાષ્ટ્રીય સ્તરે માન્યતા આપી.

US રાષ્ટ્રપતિ ડોનાલ્ડ ટ્રમ્પે ભારતથી થતી નિકાસ પર ૨૫% આયાત ડ્યૂટીની જાહેરાત કરી છે. સ્માર્ટફોન, દવાઓ, ઓટો પાર્ટ્સ અને જ્વેલરી જેવા મહત્વના ક્ષેત્રોને અસર થશે. ટ્રમ્પ વહીવટીતંત્રનો દાવો છે કે ભારતના બિન-રાજકોષીય વેપાર અવરોધો અને રશિયા સાથેના સંરક્ષણ સંબંધોના કારણે આ પગલું લેવાયું છે. આનાથી દ્વિપક્ષીય વેપારને ફટકો પડવાનો ભય છે.

આટકોટના ચિતલીયા ગામે શિતળા સાતમના શિતળા માતાજીના મંદિરે મેળાનું આયોજન થયું, જસદણ સહિતના ગામના ભક્તો ઉમટ્યા. કેબિનેટ મંત્રી કુંવરજી બાવળીયાએ મેળાને ખુલ્લો મુક્યો, જેમાં સરપંચ સહિત આગેવાનો હાજર રહ્યા. મંત્રીએ શિતળા માતાજી અને રામાપીરનાં દર્શન કરી દેશ દુનિયામાં સુખ, શાંતિની પ્રાર્થના કરી.

ગુજરાત સરકાર દ્વારા આયોજિત 69મી અખીલ ભારતીય શાળાકીય રમતો 2025/26 અંતર્ગત મોરબી જિલ્લા કક્ષાની હેન્ડબોલ સ્પર્ધા હળવદ ખાતે યોજાઇ હતી. વાંકાનેર તાલુકાની SMP હાઈસ્કૂલ સિંધાવદરની બહેનોની ટીમે અંડર 17 ગર્લ્સ કેટેગરીમાં ફાઈનલમાં શાનદાર પ્રદર્શન કરી જિલ્લા ચેમ્પિયન બનીને નામ રોશન કર્યું.

અમેરિકા દ્વારા ભારત પર ૨૫% ટેરિફ લાદવામાં આવતા રૂપિયામાં ત્રણ વર્ષનો સૌથી મોટો ઘટાડો નોંધાયો. Trump Tariff અને રોકાણકારોના દબાણને કારણે જુલાઈમાં રૂપિયો ૨% તૂટ્યો, જે સપ્ટેમ્બર ૨૦૨૨ પછીનો સૌથી મોટો ઘટાડો છે. RBIએ રૂપિયાને ટેકો આપવા હસ્તક્ષેપ કર્યો પણ તે આક્રમક નહોતો.

બિહાર વિધાનસભાની ચૂંટણી પહેલાં ચિરાગ પાસવાનને ફટકો પડ્યો છે. ચિરાગના પક્ષ LJP (રામવિલાસ)ના લગભગ ૧૧ નેતાઓ કાકા પશુપતિ પારસની રાષ્ટ્રીય લોક જનશક્તિ પાર્ટી (RLP) સાથે જોડાઈ ગયા છે. આ નેતાઓએ RLPના કાર્યાલયમાં પક્ષનો ખેસ બાંધ્યો હતો. ભૂતપૂર્વ મંત્રી પશુપતિ કુમાર પારસ પણ હાજર રહ્યા હતા. ગયા અઠવાડિયે શિવરાજ યાદવ સહિત ૩૮ નેતાઓએ ચિરાગ પાસવાનનો સાથ છોડી દીધો હતો.

અમેરિકા દ્વારા ભારતીય માલ પર 25% ટેરિફ અને પેનલ્ટીના નિર્ણયથી ભારતના આર્થિક વિકાસ દરમાં 30થી 60 બેઝિસ પોઈન્ટનો ઘટાડો થઈ શકે છે. જો કે, ભારતમાં માંગ આધારિત અર્થતંત્રને મોટી અસર નહીં થાય. Barclaysના રિપોર્ટમાં 30 બેઝિસ પોઈન્ટનો ઘટાડો થવાની ધારણા વ્યક્ત કરાઈ છે. 1લી ઓગસ્ટથી 25% ટેરિફ લાગુ થતા સરેરાશ ઈફેકટિવ ટેરિફ દર 20.60% રહેશે એવો અંદાજ છે.

વૈશ્વિક સોનાના ભાવ ઘટતા ઘરઆંગણે સોનાચાંદીમાં ઘટાડો થયો, પણ FEDના વ્યાજ દર જાળવી રાખવાના નિર્ણયથી સોનામાં સુધારો થયો. ચાંદીમાં રૂપિયા 3400થી વધુનો ઘટાડો થયો, કારણ કે ટેરિફને પગલે ઔદ્યોગિક માગ નરમ પડવાની ગણતરી હતી.

અમેરિકી પ્રમુખ ડોનાલ્ડ ટ્રમ્પના પગલાંથી ભારતીય શેરબજારમાં સોંપો પડી ગયો. જોકે, સ્માર્ટફોન, સેમી-કન્ડકટર્સ, લેપટોપ સહિતની ચીજો પર ટેરિફ નહીં લાદવામાં આવતા થોડી રાહત મળી. ટ્રમ્પના વધુ પગલાં અને ભારતના વળતાં પગલાં પર સૌની નજર છે. FMCG શેરોમાં તેજી રહી. નિફ્ટી 50 સ્પોટ 86.70 પોઈન્ટ ઘટીને 24768 પર બંધ રહ્યો. બજાર ટ્રમ્પના કારણે નેગેટીવ બંધ રહ્યું.

ઓપ્પો ઓગસ્ટમાં K13 ટર્બો સિરીઝ લોન્ચ કરશે, જેમાં K13 ટર્બો અને K13 ટર્બો પ્રો મોડેલો હશે. આ ફોનમાં પહેલીવાર ફેક્ટરી-ફિટેડ પંખો હશે, જે પ્રો-લેવલ એરફ્લો અને વેપર ચેમ્બર સાથે ઓવરહિટીંગથી બચાવશે. તેમાં Snapdragon 8s Gen 4/MediaTek Dimensity 8450 ચિપસેટ, 7,000mAh બેટરી, 80W ફાસ્ટ ચાર્જિંગ, 6.8 ઇંચની સ્ક્રીન અને 50MP કેમેરા ઉપલબ્ધ થશે.

ટ્રમ્પે ભારતથી અમેરિકા આવતા માલ પર 25% ટેરિફ જાહેર કરતા મોરબીનો સિરામિક ઉદ્યોગ ચિંતિત છે. કુલ 37% ટેક્સના કારણે દર વર્ષે થતા 1500 કરોડના EXPORTને અસર થશે. અમેરિકાના IMPORTER ઓર્ડર રદ કરી રહ્યા છે, અને શિપમેન્ટ અટકાવી દેવાયા છે. અન્ય દેશોની સરખામણીમાં ભારત પર ટેરિફ વધારે હોવાથી મોરબીના સિરામિક માર્કેટને નુકસાન થઈ શકે છે.

આજના યુગમાં પ્રેમલગ્ન સામાન્ય છે, પરંતુ ઓડિશાના રાયગડામાં સામાજિક ધોરણો વિરુદ્ધ પ્રેમલગ્ન કરનાર નવદંપતીને હળથી ખેતર ખેડાવવામાં આવ્યું. વરરાજા કન્યાની કાકીનો દીકરો હોવાથી વિરોધ થયો. સજા પછી, દંપતીને મંદિરમાં શુદ્ધિકરણ વિધિ કરાઈ.

તમિલનાડુમાં 49 વર્ષીય માતા અને દીકરીએ એકસાથે NEET પરીક્ષા પાસ કરીને સૌને ચોંકાવી દીધા. માતાને PWD કેટેગરી હેઠળ સરકારી મેડિકલ કોલેજમાં એડમિશન મળ્યું, જ્યારે દીકરી કાઉન્સિલિંગની રાહ જોઈ રહી છે. માતાએ 147 અને દીકરીએ 450 માર્ક્સ મેળવ્યા છે. અમુથવલ્લી મણિવન્નનને અભ્યાસક્રમ અઘરો લાગ્યો પણ મક્કમતાથી સફળતા મેળવી.