કેન્દ્ર સરકારે દવાઓની સુરક્ષાને ધ્યાનમાં રાખીને એક મોટો નિર્ણય લીધો છે. આરોગ્ય મંત્રાલયે નવા નોટિફિકેશન મુજબ, હવેથી ખાંસી સહિતના તમામ પ્રકારના સિરપ ડૉક્ટરની પ્રિસ્ક્રિપ્શન વિના નહીં મળે. આ Drugs (5th Amendment) Rules, 2026 અંતર્ગત લાગુ કરવામાં આવ્યું છે. આ નિર્ણય દવાઓના ખોટા અને અતિશય દુરુપયોગને રોકવા, ઓવરડોઝનું જોખમ ઘટાડવા અને દર્દીઓની સુરક્ષા સુનિશ્ચિત કરવા માટે લેવાયો છે. નવા નિયમ 1 જાન્યુઆરી 2027થી લાગુ થશે.

વડોદરાની વિશ્વામિત્રી નદીમાં 8 ફૂટનો મગર મૃત હાલતમાં મળી આવતાં ચિંતા પ્રસરી છે. એક અઠવાડિયા પહેલા ગુપ્તાંગની ગંભીર ઇજાની સારવાર બાદ સ્વસ્થ જાહેર કરી નદીમાં છોડાયેલો આ મગર ટૂંકા ગાળામાં મૃત મળ્યો. પોસ્ટમોર્ટમમાં આંતરિક અંગોમાં હેમરેજ અને લોહી વહી જવાનું મોતનું કારણ સામે આવ્યું. મોટાભાગે ‘મેલ મગર ફાઇટિંગ'ના કારણે શરીર પર ઈજાઓ થાય છે, જેના પગલે સેપ્ટિસેમિયા થવાથી મગરોના મૃત્યુ થાય છે.

શહેરોમાં ચાલવાની કસરત ખૂબ લોકપ્રિય છે, અને "રોજ 10,000 પગલાં" ચાલવાની માન્યતા દાયકાઓથી પ્રચલિત છે. આ માન્યતા 1960ના દાયકામાં જાપાનમાં એક ઓડોમીટર વેચતી કંપનીના માર્કેટિંગ સ્ટન્ટમાંથી ઉદ્ભવી હતી. જોકે, તાજેતરના સંશોધનો દર્શાવે છે કે 10,000 પગલાંનું લક્ષ્ય હાંસલ કરવું ઘણા લોકો માટે મુશ્કેલ છે. અમેરિકા જેવી સરકારો કસરત માટે સમય પર વધુ ધ્યાન કેન્દ્રિત કરે છે. ફિટનેસ નિષ્ણાતો ચાલવાને સંપૂર્ણ કસરત ગણતા નથી, પરંતુ જો અન્ય કસરત શક્ય ન હોય તો રોજ 7,000-8,000 પગલાં પણ ફાયદાકારક છે.

અનેક વખત યોગ્ય આહાર લેવા છતાં અચાનક વજન વધતું હોય તેવું લાગે છે. કપડાં પણ ફિટ ન થાય તેવી સ્થિતિ સર્જાય છે. આનું મુખ્ય કારણ છે સ્ટ્રેસ, જે શરીરને પાણી રોકવા માટે પ્રેરે છે. સ્ટ્રેસ દરમિયાન શરીરમાં કોર્ટિસોલ (Cortisol) હોર્મોન વધે છે, જે સોડિયમ અને પાણીના સંતુલનને અસર કરે છે. વધારાના કોર્ટિસોલને કારણે શરીર વધુ સોડિયમ જાળવી રાખે છે, જેના પરિણામે વોટર રીટેન્શન થાય છે. આનાથી ચહેરા પર સોજા, પેટની આસપાસ ચરબી, આંગળીઓ જકડાઈ જવી જેવી સમસ્યાઓ થઈ શકે છે.

છેલ્લા કેટલાક વર્ષોમાં, ખાસ કરીને 2025-2026માં, લ્યુપસના મૂળ કારણો સમજવા અને અસરકારક સારવાર શોધવામાં તબીબી વિજ્ઞાન અને વૈજ્ઞાનિક સંશોધનોએ નોંધપાત્ર પ્રગતિ કરી છે. કેન્સરની સારવારમાં સફળ CAR-T થેરપીનો પ્રયોગ લ્યુપસ દર્દીઓ પર આશ્ચર્યજનક પરિણામો આપી રહ્યો છે. વૈજ્ઞાનિકોએ TLR7 જીનની ખામીને લ્યુપસનું કારણ શોધી કાઢ્યું છે, જેનાથી નવી ટાર્ગેટેડ દવાઓ બનશે. AI સંચાલિત મોડલ્સથી નિદાન સરળ થયું છે, અને નવા બાયોમાર્કરથી કિડનીની સમસ્યાઓનું વહેલું નિદાન શક્ય બન્યું છે, જેથી સ્ટીરોઈડ-મુક્ત અને વ્યક્તિગત સારવાર પર ભાર મૂકવામાં આવી રહ્યો છે.

કિશોરાવસ્થામાં બાળકોના સ્વભાવમાં બદલાવ, મૂંઝવણ અને અસુરક્ષા સામાન્ય છે. દરેક વ્યક્તિ ‘જુદી’ હોય છે, અને તેમાં કંઇ અસામાન્ય નથી. માતા-પિતાએ પોતાના સંતાનોની અલગ પસંદગીઓને શરમ કે ડરથી છુપાવવાને બદલે, ખુલ્લા મને સ્વીકારીને તેમની સાથે વાતચીત કરવી જોઈએ. સ્વીકૃતિ, પ્રેમ અને હૂંફ બાળકના વિકાસ માટે અત્યંત જરૂરી છે. સમાજની ચિંતા કરવાને બદલે, સંતાનને સમજવા અને તેમને પ્રેમ કરવો એ માતા-પિતાની પ્રાથમિક જવાબદારી છે.

ટાઇપ 1 ડાયાબિટીસથી પીડાતા જરૂરિયાતમંદ બાળકોની મદદ માટે ‘પ્રોજેક્ટ સૂર્યા’ હેઠળ દિવા પંડ્યાએ ₹20 લાખથી વધુ ભંડોળ એકત્ર કર્યું. આ ભંડોળથી 3,190 થી વધુ ગરીબ બાળકોને ઇન્સ્યુલિન, ગ્લુકોઝ મોનિટરિંગ સ્ટ્રીપ્સ અને સિરીંજ જેવી આવશ્યક સામગ્રી પૂરી પાડવામાં આવી. તેમણે 200 થી વધુ આશા વર્કરોને તાલીમ આપી હજારો ગામડાઓમાં સ્વાસ્થ્ય જાગૃતિ ફેલાવી. તેમની આ નિઃસ્વાર્થ સેવા બદલ તેમને પ્રતિષ્ઠિત ‘ફોર્બ્સ 30 અંડર 30 એશિયા 2025’ યાદીમાં ‘સોશિયલ ઇમ્પેક્ટ’ કેટેગરીમાં સૌથી નાની વયની યુવતી તરીકે સન્માનિત કરાયા છે.

સ્વૈચ્છિક રક્તદાન કેમ્પમાં મોટી સંખ્યામાં લોકોએ ભાગ લઈ સમાજસેવાનું ઉત્તમ ઉદાહરણ પૂરું પાડ્યું. સંતરામપુર જનરલ હોસ્પિટલ ખાતે બ્લોક હેલ્થ સંતરામપુરના ઉપક્રમે રક્તદાન કેમ્પ યોજાયો હતો. જેમાં અંદાજિત 500 જેટલા લોકોએ સ્વૈચ્છિક રક્તદાન કરીને સમાજસેવાનું એક ઉત્તમ ઉદાહરણ પૂરું પાડયું હતું. કાર્યક્રમમાં મુખ્ય મહેમાન તરીકે રાજ્યના પૂર્વ શિક્ષણ મંત્રી ડો. કુબેરભાઈ ડિંડોર ઉપસ્થિત રહ્યા હતા. રક્તદાતાઓને સર્ટિફ્કિેટ આપીને સન્માનિત કરાયા હતા.

જૂનાગઢ સરકારી મેડિકલ કોલેજ અને હોસ્પિટલ ગરીબ તથા મધ્યમવર્ગીય પરિવારો માટે ખૂબ જ લાભદાયી સાબિત થઈ રહી છે. ખાનગી હોસ્પિટલોમાં મોંઘી સારવાર બાદ પણ ફાયદો ન થતાં દર્દીઓને અહીં વિનામૂલ્યે નવું જીવન મળ્યું છે. વડાપ્રધાન મોદીની કલ્યાણકારી નીતિઓ અને આયુષ્માન ભારત યોજના હેઠળ ગુજરાતનું હેલ્થ મોડલ દેશમાં શ્રેષ્ઠ છે. બ્રેઈન સ્ટ્રોક જેવા ગંભીર રોગોથી પીડિત દર્દીઓના સગાઓએ સંવેદનશીલ સ્ટાફ અને ડૉક્ટરોનો આભાર માન્યો. 37 એકરના કેમ્પસમાં 200 વિદ્યાર્થીઓ માટે ઈ-લાયબ્રેરી, આધુનિક લેબ્સ અને એન્ટી-રેગિંગ વાતાવરણ સાથે સુરક્ષિત કેમ્પસ ઉપલબ્ધ છે.

જૂનાગઢ સરદાર બાગમાં આંતરરાષ્ટ્રીય યોગ દિવસ-2026ની પૂર્વ તૈયારી રૂપે ભવ્ય યોગ પ્રોટોકોલ શિબિરનું આયોજન કરાયું. વહેલી સવારે 5:30 વાગ્યાથી શરૂ થયેલ આ શિબિરમાં 1400થી વધુ યોગસાધકો જોડાયા હતા. કાર્યક્રમના અંતે થયેલા હળવા વરસાદે આ પવિત્ર કાર્યક્રમમાં પ્રકૃતિના સહકારનો સંકેત આપ્યો. ગુજરાત રાજ્ય યોગ બોર્ડના અધિકારીઓ, ધારાસભ્ય, પતંજલિ પરિવારના સભ્યો, યુવા અધિકારી અને અન્ય મહાનુભાવોની ઉપસ્થિતિમાં આ ઐતિહાસિક કાર્યક્રમ સંપન્ન થયો.

યુકેના વડાપ્રધાન કીર સ્ટાર્મરે જાહેરાત કરી છે કે ૧૬ વર્ષથી ઓછી ઉંમરના બાળકો માટે સોશિયલ મીડિયાના ઉપયોગ પર પ્રતિબંધ મૂકવામાં આવશે. બાળકોના માનસિક સ્વાસ્થ્ય, ઊંઘ, રમત અને પારિવારિક જીવન પર સોશિયલ મીડિયાના વ્યસનની ગંભીર અસરને ધ્યાનમાં રાખીને આ નિર્ણય લેવાયો છે. હજારો માતા-પિતા સાથેની વાતચીત અને પરામર્શ બાદ સરકારે આ પગલું ભર્યું છે. આ નિર્ણય નિષ્ણાતોના અભિપ્રાય, વૈજ્ઞાનિક અભ્યાસો અને અન્ય દેશોના અનુભવોને ધ્યાનમાં રાખીને લેવામાં આવ્યો છે. ઓસ્ટ્રેલિયા, ફ્રાન્સ, જાપાન, સ્પેન અને ડેનમાર્ક જેવા દેશો પણ સગીરો માટે સોશિયલ મીડિયાના ઉપયોગને નિયંત્રિત કરવા પગલાં લઈ રહ્યા છે.

ભુજ નજીક માધાપરના ઐશ્વર્યા નગર વિસ્તારમાં અધિક માસની પૂર્ણાહુતિ નિમિત્તે આયોજિત બટુક ભોજનમાં પીરસવામાં આવેલી છાશ બાળકો માટે હાનિકારક સાબિત થઈ. છાશ પીધા બાદ 45 થી વધુ બાળકોને ફૂડ પોઇઝનિંગ થતાં પેટમાં દુ:ખાવો, ચક્કર અને ઉલ્ટી-ઝાડા જેવી તકલીફો શરૂ થઈ. તાત્કાલિક તમામને ભુજની જી.કે. જનરલ હોસ્પિટલમાં સારવાર અર્થે ખસેડવામાં આવ્યા, જ્યાં તેમની સ્થિતિ હાલ સ્થિર છે.

અંકલેશ્વર: સાથી ફઉન્ડેશન અને ઝાયડસ લાઈફ્ સાયન્સ યુનિટ-2 દ્વારા દેડિયાપાડા ખાતે આવેલ આદિવાસી જન સેવા તીર્થ છાત્રાલયની જરૂરિયાતમંદ દીકરીઓના સ્વાસ્થ્ય અને સ્વચ્છતાને પ્રોત્સાહન આપવા માટે એક ઉમદા કાર્ય કરવામાં આવ્યું છે. છાત્રાલયમાં સેનિટરી પેડ વેન્ડિંગ મશીન અર્પણ કરાયું છે. સાથી ફઉન્ડેશનના ચેરપર્સન ફલ્ગુનીબેન પટેલ વિદેશમાં હોવા છતાં, તેમણે ટેકનોલોજીના માધ્યમથી સંપર્કમાં રહીને આ સામાજિક જવાબદારી નિભાવી હતી.

નર્મદા જિલ્લાના રાજપીપળા ખાતે તા. 14 જૂન, 2026ના રોજ વિશ્વ રક્તદાતા દિવસની ઉજવણી અંતર્ગત રક્તદાન અંગે જનજાગૃતિ ફેલાવવા માટે એક પ્રેરણાદાયી રેલીનું આયોજન કરવામાં આવ્યું. આરોગ્ય શાખા અને જિલ્લા પંચાયત, નર્મદા દ્વારા આયોજિત આ કાર્યક્રમને ધારાસભ્ય ડૉ.દર્શનાબેન દેશમુખ, નગરપાલિકા પ્રમુખ શિવાનીબહેન મહેતા અને જિલ્લા આરોગ્ય અધિકારી ડૉ. જનકકુમાર માઢક દ્વારા લીલી ઝંડી આપી પ્રસ્થાન કરાવવામાં આવ્યું. "રક્તદાન કરો, જીવન બચાવો - આશાનો દીવો પ્રગટાવો" જેવા ઉત્સાહપૂર્ણ સૂત્રો સાથે, નર્સિંગ કોલેજના વિદ્યાર્થીઓ, નાગરિકો અને સરકારી કર્મચારીઓએ મોટી સંખ્યામાં ભાગ લીધો.

ભરૂચના ઝાડેશ્વર સ્થિત બ્રહ્માકુમારીઝ અનુભૂતિધામ દ્વારા 'વોક ફેર પીસ એન્ડ યોગ' કાર્યક્રમનું સફળતાપૂર્વક આયોજન કરવામાં આવ્યું. આ કાર્યક્રમમાં ૧૫૦થી વધુ નાગરિકો જોડાયા હતા, જેમણે શાંતિ અને યોગનો સંદેશ ફેલાવવામાં યોગદાન આપ્યું. બી.કે. પ્રભા દીદીના માર્ગદર્શન હેઠળ, બી.કે. નીમા દીદીએ રાજયોગ અને મુરલી ક્લાસ લીધા, ત્યારબાદ ગુજરાત યોગ બોર્ડના બી.કે. સુરેન્દ્રભાઈએ યોગાભ્યાસ કરાવ્યો. વિશેષ અતિથિ પ્રકાશચંદ્ર પટેલે વોક ફેર પીસ એન્ડ યોગા રેલીને ફ્લેગ ઓફ્ આપી પ્રસ્થાન કરાવ્યું.

વડોદરાના પૂર્વ અને દક્ષિણ વિસ્તારોમાં પાણીની ગંભીર અછત સર્જાઈ છે. ખોડિયારનગર, બાપોદ, આજવા-વાઘોડિયા રોડ જેવા વિસ્તારોમાં બોરવેલનું પાણી પણ ખારું થઈ ગયું છે, જે 8 હજાર TDS સુધી પહોંચ્યું છે. આ હાઈ TDSવાળા પાણીને કારણે ગીઝર, વોશિંગ મશીન અને RO જેવા ઘરગથ્થુ સાધનો નકામા બની રહ્યા છે, જેનાથી લાખો લોકોની સમસ્યા વધી રહી છે. ઘણા કોમ્પ્લેક્સ હવે રિચાર્જિંગ વેલ કરાવવાનો માર્ગ અપનાવી રહ્યા છે.

૧૪ જૂને વિશ્વ રક્તદાન દિવસની ઉજવણી નિમિત્તે શહેરમાં અનેક બ્લડ ડોનેશન કેમ્પનું આયોજન કરાયું હતું, જેમાં કુલ ૧ હજારથી વધુ યુનિટ રક્ત એકત્ર થયું હતું. SSG Hospital ખાતે યોજાયેલા કેમ્પમાં ૫૦ સિક્યુરિટી ગાર્ડ્સે પણ રક્તદાન કરીને માનવતા મહેકાવી હતી. ઈન્દુ બ્લડ બેંક, જલારામ સેવા ટ્રસ્ટ અને ધ્વનિ બ્લડ બેંક જેવી સંસ્થાઓ દ્વારા પણ અલગ-અલગ સ્થળે કેમ્પ યોજીને રક્ત એકત્ર કરવામાં આવ્યું. આ પ્રયાસો દ્વારા ગરીબ અને મધ્યમ વર્ગના દર્દીઓને સરળતાથી લોહી મળી રહે તે સુનિશ્ચિત કરાયું.

સમયસરનું નિદાન જીવનભરની વિકલાંગતા ટાળી શકેસામાન્યપણે વૃદ્ધોને થતી ડાયાબીટીસની સમસ્યા યુવા વર્ગમાં પણ જોવા મળતા વિશેષજ્ઞાોએ ચિંતા વ્યક્ત કરીનવી દિલ્હી: ભારતમાં વધી રહેલી ડાયાબીટીક કટોકટી હવે એક ચિંતાજનક પરિણામ દર્શાવી રહી છે. ડાયાબીટીસના કારણે યુવા પુખ્તોમાં ઓર્થોપેડિક વિકૃતિઓમાં સતત વધારો થઈ રહ્યો છે. ડોક્ટરોના અહેવાલ મુજબ ડાયાબાટીસ અને પ્રી-ડાયાબીટીસને  કારણે ફ્રોઝન શોલ્ડર, ટ્રિગર ફિન્ગર, ટેન્ડન પીડા અને સાંધા અક્કડ થઈ જવા જેવી વૃદ્ધાવસ્થા સાથે સંકળાયેલી સમસ્યાઓ ચાલીસની વયમાં રહેલા લોકોને પણ પ્રભાવિત કરી રહી છે.

પાટણની જનતા હોસ્પિટલમાં ગંભીર સ્થિતિમાં લવાયેલી એક પ્રસુતા મહિલાએ એક સાથે ત્રણ સ્વસ્થ બાળકોને જન્મ આપ્યો છે. તાત્કાલિક સિઝેરીયન દ્વારા બાળકોનો જન્મ કરાવવામાં આવ્યો હતો. માતા અને ત્રણેય બાળકોની તબિયત અત્યંત સ્વસ્થ હોવાથી તેમને હોસ્પિટલમાંથી રજા આપવામાં આવી છે. ડોક્ટર્સના જણાવ્યા મુજબ, આવા પ્રકારના કેસ ખુબ જ દુર્લભ હોય છે. PMJAY હેઠળ આ સારવાર કરવામાં આવી.

બગોદરા પોલીસ સ્ટેશન દ્વારા સનડે ઓન સાયકલ પ્રોજેક્ટ અંતર્ગત સાયકલ રેલીનું આયોજન કરવામાં આવ્યું હતું. બગોદરા પોલીસ સ્ટેશનના પીઆઈ એન. એસ. ચૌહાણના નેતૃત્વમાં યોજાયેલી રેલીમાં સમગ્ર સ્ટાફ્ ઉત્સાહભેર જોડાયો હતો. આયોજનને વધુ સફ્ળ બનાવવા માટે પોલીસ સ્ટાફ્ની સાથે હોમગાર્ડ અને જીઆરડીના જવાનો પણ જોડાયા હતા.

તા. 14 જૂને વિશ્વ રક્તદાતા દિવસની ઉજવણી થાય છે, પરંતુ સુરેન્દ્રનગર જિલ્લામાં હાલ ભીષણ ગરમીને કારણે રક્તદાન પર માઠી અસર પડી છે. સામાન્ય દિવસોમાં યોજાતા બ્લડ ડોનેશન કેમ્પમાં ઘટાડો થતાં બ્લડ સેન્ટરોમાં લોહીની ભારે અછત છે. દર મહિને 1600 બોટલની જરૂરિયાત સામે માત્ર 200 બોટલ જ ઉપલબ્ધ છે, જેથી 1400 બોટલની મોટી ઘટ વર્તાઈ રહી છે. ઈમરજન્સી બફર સ્ટોક પણ ખાલી થવાના આરે છે, જે દર્દીઓના જીવ જોખમમાં મૂકી શકે છે.

પોરબંદર જી.એમ.એી.આર.એસ. મેડિકલ કોલેજ ખાતે ‘વિકસિત ભારત યુવા કનેક્ટ’ કાર્યક્રમમાં કેન્દ્રીય મંત્રી ડૉ. મનસુખભાઈ માંડવિયાએ ભાવિ તબીબો સાથે રાષ્ટ્રના સર્વાંગી વિકાસ પર સંવાદ કર્યો. તેમણે ‘અમૃતકાળ’ના 25 વર્ષમાં યુવાશક્તિના મહત્વ પર ભાર મૂક્યો. કોરોના કાળમાં ભારતે વેક્સિન વિકસાવી ગ્લોબલ ‘વેક્સિન હબ’ બન્યું તેનો ઉલ્લેખ કર્યો. ‘MY Bharat’ પોર્ટલ પર 2.20 કરોડ યુવાનો જોડાઈ ચૂક્યા છે અને 1 લાખ યુવા નેતાઓ તૈયાર કરવાનો સરકારનો લક્ષ્યાંક છે. ઓગસ્ટથી યોજાનારી ક્વિઝના વિજેતાઓને PM મોદી સાથે સંવાદની તક મળશે.

બોટાદ શહેરમાં વિશ્વ રક્તદાતા દિવસ નિમિત્તે જાયન્ટ્સ ગ્રુપ અને જિલ્લા આરોગ્ય તંત્ર દ્વારા શ્રીમતી સોનાલીબેન શાહ બ્લડ બેન્કના સહયોગથી એક સફળ બ્લડ ડોનેશન કેમ્પનું આયોજન કરવામાં આવ્યું. આ વિશેષ કાર્યક્રમમાં કુલ ૩૩ બોટલ જેટલું મૂલ્યવાન રક્ત એકત્રિત કરવામાં આવ્યું. કાર્યક્રમમાં આરોગ્ય વિભાગ અને જાયન્ટ્સ સંસ્થાના અનેક અગ્રણીઓ હાજર રહ્યા હતા. તમામ રક્તદાતાઓને જાયન્ટ્સ સંસ્થા દ્વારા સ્મૃતિભેટ આપી સન્માનિત કરાયા. રાજ્યમંત્રી રિવાબા જાડેજા અને નાયબ જિલ્લા વિકાસ અધિકારીએ પણ મુલાકાત લીધી.

PNR સોસાયટી સંચાલિત એન.આર શાહ મેમોરિયલ હોસ્પિટલ, તળાજા ખાતે દિવ્યાંગ બાળકો માટે વિશેષ સ્પીચ થેરાપી નિદાન અને માર્ગદર્શન કેમ્પ યોજાયો. આ કેમ્પમાં ઓટિઝમ, સેરેબ્રલ પાલ્સી અને બૌદ્ધિક અક્ષમતા ધરાવતા ૧૫થી વધુ બાળકો અને તેમના વાલીઓએ લાભ લીધો. સ્પીચ થેરાપિસ્ટ ડૉ. અંબર ગુપ્તાએ બાળકોનું મૂલ્યાંકન કરી વ્યક્તિગત સારવાર યોજના અંગે માર્ગદર્શન આપ્યું. ડૉ. ગુપ્તાએ જણાવ્યું કે સમયસર નિદાન, યોગ્ય સ્પીચ થેરાપી અને વાલીઓના સહયોગથી આ બાળકોમાં નોંધપાત્ર સુધારો લાવી શકાય છે. દર મહિના ના બીજા શનિવારે આવા કેમ્પ યોજાશે.

અમદાવાદ સિવિલ હોસ્પિટલના ડોક્ટરોએ ત્રણ વર્ષના બાળકની જટિલ ગેસ્ટ્રિક પુલ-અપ સર્જરી સફળતાપૂર્વક પાર પાડીને તેને નવું જીવન આપ્યું છે. બાળકે આકસ્મિક રીતે સાબુ બનાવવા માટેનું કેમિકલ પી જતાં તેની અન્નનળી ગંભીર રીતે ક્ષતિગ્રસ્ત થઈ ગઈ હતી. મહિનાઓ સુધી ચાલેલી તૈયારીઓ બાદ, નિષ્ણાત ટીમે નુકસાન પામેલી અન્નનળી કાઢી નાખી અને જઠરનો ઉપયોગ નવી અન્નનળી તરીકે કર્યો. હવે બાળક મોઢા દ્વારા ફરીથી ખાઈ-પી શકે છે. માતા-પિતા માટે આ એક ચેતવણીરૂપ કિસ્સો છે, જે દર્શાવે છે કે ઘરગથ્થુ ઝેરી પદાર્થો બાળકોની પહોંચથી દૂર રાખવા ખૂબ જ જરૂરી છે.

ગુજરાતના સ્ટેટ બોર્ડ ઓફ વાઈલ્ડલાઈફના વર્તમાન અને પૂર્વ સભ્યોએ ગીર વન વિસ્તાર અને એશિયાટિક લાયન લેન્ડસ્કેપને નુકસાન પહોંચાડતી ગંભીર ગેરરીતિઓ અંગે કેન્દ્ર અને રાજ્ય સરકારમાં રજૂઆત કરી છે. બોર્ડના 5 સભ્યોએ ગીર પૂર્વ વન વિભાગમાં ચાલી રહેલી શંકાસ્પદ પ્રવૃત્તિઓ અને નિયમ વિરુદ્ધ અપાયેલી મંજૂરીઓ સામે સખત વાંધો ઉઠાવ્યો છે. તેમાં બાબરીયાકોટ રિઝર્વ ફોરેસ્ટની 75 હેક્ટર જમીનને ખાણકામ માટે ડાયવર્ટ કરવાનો પ્રસ્તાવ, રાજભા ગઢવીને નિયમોની વિરુદ્ધ રહેણાંક મંજૂરી, અને 'લિયોનિયા' રિસોર્ટ દ્વારા જમીનના ગેરકાયદે ઉપયોગનો સમાવેશ થાય છે. સભ્યોએ આ મામલે તાત્કાલિક સુધારાત્મક પગલાં અને ઉચ્ચસ્તરીય તપાસની માંગ કરી છે.

MBBS નો મોંઘો અભ્યાસ હવે સસ્તો બનશે! આર્થિક રીતે નબળા અને તેજસ્વી વિદ્યાર્થીઓ માટે કેન્દ્ર અને રાજ્ય સરકારો વિવિધ શિષ્યવૃત્તિ યોજનાઓ ચલાવી રહી છે. આ યોજનાઓ દ્વારા ટ્યુશન ફી, રહેવા-ખાવાના ખર્ચ અને અન્ય શૈક્ષણિક જરૂરિયાતો માટે આર્થિક સહાય મેળવી શકાય છે. PM-USP, Central Sector Scholarship Scheme, Post Matric Scholarship અને Prime Minister's Scholarship Scheme જેવી યોજનાઓ હેઠળ દર વર્ષે 20 હજારથી લઈને 1 લાખ રૂપિયા કે તેથી વધુની સહાય મળી શકે છે.

UKએ 'સ્મોક-ફ્રી જનરેશન' બનાવવાના ઉમદા હેતુથી એક ઐતિહાસિક કાયદો પસાર કર્યો છે, જેના હેઠળ 2008 પછી જન્મેલા લોકો તમાકુ કે સિગારેટ ખરીદી શકશે નહીં. 'ટોબેકો એન્ડ વેપ્સ બિલ' બ્રિટિશ સંસદમાં પસાર થઈ ગયું છે અને કિંગ ચાર્લ્સ તૃતીયની મંજૂરી બાદ કાયદો બનશે. 1 જાન્યુઆરી, 2027થી આ કાયદો સમગ્ર UKમાં અમલી થશે. દર વર્ષે તમાકુ ખરીદવાની લઘુતમ વય મર્યાદા એક વર્ષ વધારવામાં આવશે, જેથી ભવિષ્યની પેઢી ધૂમ્રપાનથી દૂર રહે. નવા કાયદામાં ઈ-સિગારેટ એટલે કે વેપિંગ પર પણ કડક નિયંત્રણો લદાયા છે.

જાણિતા કલાકાર રાજભા ગઢવીને ગીર જંગલમાં માલધારી તરીકે વસવાટની મંજૂરી મળતાં જ વનવિભાગ વિવાદમાં સપડાયો છે. નિવૃત્ત પ્રિન્સિપલ ચીફ કન્ઝર્વેટર ઓફ ફોરેસ્ટ અશોકકુમાર શર્માએ આ નિર્ણયની આકરી ટીકા કરતાં કહ્યું છે કે, "ઓફિસર પાસે પાવર જ નથી તો મંજૂરી કેમ આપી?" તેમણે જણાવ્યું કે ગીરની આસપાસ સતત વધી રહેલા ડેવલપમેન્ટને કારણે સિંહો પોતાની ટેરેટરીમાંથી બહાર આવી રહ્યા છે, જે ગંભીર ચિંતાનો વિષય છે. આ રીતે ગીર ખતમ થઇ જશે તેવી ભીતિ તેમણે વ્યક્ત કરી છે.

નસવાડી તાલુકાના કાંધા ગામમાં એક શંકાસ્પદ દવાખાના પર આરોગ્ય વિભાગે મોટી કાર્યવાહી કરી છે. પ્રદીપ સરકાર નામના વ્યક્તિ દ્વારા ચલાવાતું આ દવાખાનું જરૂરી તબીબી લાયકાત અને કાયદેસર મંજૂરી વિના કાર્યરત હોવાનું ધ્યાનમાં આવતા આરોગ્ય વિભાગની ટીમે તેને સીલ મારી દીધું છે. દવાખાનામાંથી લગભગ રૂા. 57 હજારનો મુદ્દામાલ પણ જપ્ત કરાયો છે. Clinical Establishment Act (CEA) હેઠળ નોંધણી ફરજિયાત હોવા છતાં, આવા ગેરકાયદે તબીબી પ્રેક્ટિસ કરનારાઓ સામે આરોગ્ય વિભાગનું ચકાસણી અભિયાન ચાલુ રહેશે.