ધોળકાના કલિકુંડ વિસ્તારમાં આવેલા સ્નેહા કોમ્પ્લેક્ષના વેપારીઓએ નગરપાલિકા સમક્ષ દબાણ અને ટ્રાફિકની સમસ્યાને લઈને કાર્યવાહીની માંગ કરી છે. કોમ્પ્લેક્ષના મુખ્ય પ્રવેશદ્વાર પર શાકભાજીની લારીઓ અને ફેરીયાઓએ દબાણ કરી ટ્રાફિકની સમસ્યા ઉભી કરી છે, પાર્કિંગની વ્યવસ્થા ન હોવાથી ગ્રાહકોને મુશ્કેલી પડે છે. સ્થાનિક દુકાનદારોને ધમકી આપવામાં આવે છે, વેપારીઓને વ્યવસાયમાં વિપરિત અસર થઈ રહી છે. નગરપાલિકા, પોલીસ અને મામલતદાર કચેરીમાં લેખિત રજૂઆત કરાઈ છે.