PM નરેન્દ્ર મોદીએ આજે (20 એપ્રિલ) નવી દિલ્હીમાં દક્ષિણ કોરિયાના પ્રમુખ લી જે મ્યુંગ સાથે દ્વિપક્ષીય બેઠક યોજીને ભારત-દક્ષિણ કોરિયા વચ્ચે અત્યાધુનિક ટૅક્નોલૉજીથી લઈને કે-પોપમાં નવા યુગની શરૂઆત કરી છે. આ ઉપરાંત બંને દેશો વચ્ચે દ્વિપક્ષીય વેપાર વધારવાની પણ જાહેરાત કરવામાં આવી છે. બંને દેશના નેતાઓ વચ્ચે MOU કરાયા છે. આ ઉપરાંત વેપાર, સંસ્કૃતિ અને ટૅક્નોલૉજી ક્ષેત્રે ભાગીદારી વધારવા પર પણ ભાર અપાયો છે. દ્વિપક્ષીય બેઠક બાદ વડાપ્રધાન મોદી અને દ. કોરિયાના પ્રમુખ મ્યુંગે સંબોધન પણ કર્યું હતું.

રાજસ્થાનના બાલોતરા જિલ્લામાં આવેલી દેશની સૌથી મોટી તેલ રિફાઇનરી, પચપદરામાં આજે મોટી દુર્ઘટના સર્જાઈ છે. PM નરેન્દ્ર મોદી આવતીકાલે એટલે કે 21 એપ્રિલે આ રિફાઇનરીનું ઉદ્ઘાટન કરવાના છે, તેના બરાબર એક દિવસ પહેલા જ રિફાઇનરીના એક યુનિટમાં અચાનક ભીષણ આગ ફાટી નીકળી છે. સુરક્ષાના ભાગરૂપે તાત્કાલિક અસરચક્ર ગતિમાન કરવામાં આવ્યું છે. હાલમાં આ આગ કયા કારણોસર લાગી છે તેનું સત્તાવાર કારણ બહાર આવ્યું નથી. ઉદ્ઘાટન પહેલા જ બનેલી આ ઘટનાને પગલે સુરક્ષા એજન્સીઓ પણ સતર્ક થઈ ગઈ છે.

પશ્ચિમ બંગાળ વિધાનસભા ચૂંટણી 2026ને લઈને પરપ્રાંતમાં રહેતા બંગાળી મતદારોમાં ભારે ઉત્સાહ અને સાથે જ એક પ્રકારનો ડર પણ જોવા મળી રહ્યો છે. દિલ્હી, મુંબઈ, કેરળ, ચેન્નાઈ અને સુરત જેવા મોટા શહેરોમાંથી હજારોની સંખ્યામાં લોકો પોતાના વતન પરત ફરી રહ્યા છે. ખાસ કરીને માલદા અને મુર્શિદાબાદ જેવા મુસ્લિમ બહુમતી ધરાવતા જિલ્લાઓમાં જનારાઓની સંખ્યા ઘણી મોટી છે. રેલવે સ્ટેશનો પર મુસાફરોની ભારે ભીડને કારણે સ્થિતિ પરપ્રાંતિયોના પલાયન જેવી જોવા મળી રહી છે. રેલવે દ્વારા વિશેષ ટ્રેનો દોડાવવામાં આવી રહી છે હોવા છતાં સ્ટેશનો ખચાખચ ભરેલા જોવા મળે છે.

દક્ષિણ કોરિયાના પ્રમુખ લી જે-મ્યુન્ગે ભારત અને દક્ષિણ કોરિયા વચ્ચેના વ્યૂહાત્મક સંબંધોને વધુ મજબૂત કરવા પર ભાર મૂક્યો છે. એક ખાનગી અખબારને આપેલા ઈન્ટરવ્યૂમાં તેમણે જણાવ્યું હતું કે, હોર્મુઝ સ્ટ્રેટ જેવા મહત્ત્વના દરિયાઈ માર્ગોની સુરક્ષા સુનિશ્ચિત કરવા માટે બંને દેશોએ સાથે મળીને કામ કરવું અત્યંત જરૂરી છે. તેમણે ચિંતા વ્યક્ત કરી હતી કે અમેરિકા અને ઈરાન વચ્ચેના લાંબા સમયના વિવાદને કારણે જો આ શિપિંગ રૂટ બંધ થાય, તો વિશ્વભરમાં તેલની કિંમતો વધી શકે છે અને વૈશ્વિક સપ્લાય ચેઈન ખોરવાઈ શકે છે.

ભારતના રાષ્ટ્રીય સુરક્ષા સલાહકાર(NSA) અજીત ડોભાલ અચાનક સાઉદી અરેબિયાના પ્રવાસે પહોંચ્યા છે, જ્યાં તેમણે સાઉદીના ટોચના નેતૃત્વ સાથે ઉચ્ચ સ્તરીય બેઠકો યોજી છે. રિયાદમાં ભારતીય દૂતાવાસ દ્વારા આપવામાં આવેલી માહિતી મુજબ, 19 એપ્રિલના રોજ આ પ્રવાસ દરમિયાન અજીત ડોભાલે સાઉદીના ઉર્જા મંત્રી, વિદેશ મંત્રી અને ત્યાંના રાષ્ટ્રીય સુરક્ષા સલાહકાર સાથે મુલાકાત કરી હતી. આ બેઠકોમાં દ્વિપક્ષીય વ્યૂહનીતિ અને પરસ્પર હિતો સાથે જોડાયેલા પ્રાદેશિક મુદ્દાઓ પર ઊંડાણપૂર્વક ચર્ચા કરવામાં આવી હતી. અજીત ડોભાલનો આ પ્રવાસ એવા સમયે થઈ રહ્યો છે જ્યારે ખાડી દેશોમાં ઈરાનને લઈને તણાવ ચરમસીમા પર છે.

PM મોદીએ ગાડી રોકાવીને દુકાનેથી ઝાલમુરી ખરીદીને ખાધી. આ વીડિયો સોશિયલ મીડિયામાં વાયરલ થયો છે. ઝાલમુરી ભેળપુરી કરતા સ્વાદમાં પણ અલગ હોય છે. તેમાં ચટણીને બદલે સરસવના તેલ અને ખાસ શેકેલા મસાલાનો ઉપયોગ થાય છે. તેમાં કાચી કેરી, આદુ અને ફણગાવેલા ચણા ઉમેરીને તેને વધુ ચટાકેદાર બનાવવામાં આવે છે. 'ઝાલ' એટલે તીખું અને 'મુરી' એટલે મમરા.

આસામમાં ભારે વરસાદના કારણે શહેરના અનેક માર્ગો અને નીચાણવાળા વિસ્તારોમાં ઘૂંટણ સુધી પાણી ભરાયું છે, જેના લીધે ટ્રાફિક જામની સમસ્યા સર્જાઈ છે અને જનજીવનને અસર થઈ છે. IMD એ આગામી દિવસોમાં પણ ભારે વરસાદની આગાહી કરી છે.

અમદાવાદમાં 149મી રથયાત્રાની તૈયારીઓ 20 એપ્રિલથી શરૂ થઈ. જમાલપુરના જગન્નાથજી મંદિરમાં ચંદનયાત્રા અને અક્ષય તૃતીયાના દિવસે રથ પૂજન વિધિ યોજાઈ. સવારે 9:15 વાગ્યે વૈદિક મંત્રોચ્ચારથી કાર્યક્રમની શરૂઆત થઈ, જેમાં ભક્તોએ ભગવાન જગન્નાથજીને ચંદન અર્પણ કર્યું. રથયાત્રાની સફળતા માટે વિશેષ પ્રાર્થનાઓ કરવામાં આવી. આ પવિત્ર પ્રસંગને લઈને શહેરમાં ધાર્મિક માહોલ છવાયો છે અને સત્તાવાર રીતે રથયાત્રાની તૈયારીઓ શરૂ થઈ ગઈ છે.

અમરેલી પાસે વડેરા ગામે અક્ષય તૃતીયા પર શિવ મહાપુરાણ કથાનો આરંભ થયો. પોથીયાત્રામાં ગ્રામજનો ઉમટ્યા, જેમાં સ્થાનિક સ્વરાજ્યની ચૂંટણી વચ્ચે BJP અને Congressના ઉમેદવારો જોડાયા. ભાજપના ડેની પરમાર અને કોંગ્રેસના મનીષાબેન સોહલીયા રાસમાં જોડાયા. આયોજન ગામના પિતૃઓના મોક્ષાર્થે, શાંતિ માટે અને કલ્યાણ માટે કરવામાં આવ્યું છે.

સુરેન્દ્રનગરમાં ઔદિચ્ય બ્રહ્મ સમાજ દ્વારા ભગવાન પરશુરામ જન્મોત્સવ નિમિત્તે ભવ્ય શોભાયાત્રાનું આયોજન થયું. આ યાત્રા ઔદિચ્ય બ્રહ્મ સમાજથી પરશુરામ ચોક પહોંચી, જ્યાં પૂજન થયું. Muslim ભાઈઓએ ભગવાન પરશુરામની પ્રતિમાને ફૂલહાર અર્પણ કરીને કોમી એકતાનો સંદેશ આપ્યો. યાત્રાની પૂર્ણાહુતિ બ્રહ્મ સમાજની વાડી ખાતે મહાઆરતી કરીને કરાઈ. વીરેન્દ્ર આચાર્ય, જીજ્ઞાબેન પંડ્યા, પંકજભાઈ, દીપકભાઈ સહિત કાર્યકરોએ યાત્રા સફળ બનાવી.

પશ્ચિમ બંગાળમાં PM નરેન્દ્ર મોદીએ ઝારગ્રામમાં કાફલો રોકી ઝાલમુરીનો આનંદ માણ્યો. PMએ ઝાલમુરીવાળા સાથે વાતચીતમાં ભાવ પૂછ્યા અને પૈસા આપ્યા. દુકાનદારે ડુંગળી બાબતે પૂછતાં PM Modiએ કહ્યું, "હું ડુંગળી ખાઉં છું, પણ મગજ ખાતો નથી". તેમણે મીઠું નાખવાની પણ ના પાડી કારણ કે તેઓ સ્વાસ્થ્યના કારણોસર મીઠું ટાળે છે.

નેશનલ હેરાલ્ડ કેસમાં દિલ્હી હાઈકોર્ટ EDની અરજી પર સુનાવણી કરશે. EDએ ટ્રાયલ કોર્ટના આદેશને પડકાર્યો છે, જેણે EDની ચાર્જશીટને ધ્યાનમાં લેવાનો ઇનકાર કર્યો હતો. હાઈકોર્ટે સોનિયા ગાંધી, રાહુલ ગાંધી સહિત આરોપીઓને નોટિસ પાઠવી છે. EDએ ગાંધી પરિવાર પર AJLની સંપત્તિઓ પર કબજો કરવાનો આરોપ લગાવ્યો છે. ટ્રાયલ કોર્ટે કહ્યું EDએ પ્રક્રિયા ઉલટાવી. રાહુલ ગાંધીની 50 કલાક સુધી પૂછપરછ થઈ હતી. ભાજપના નેતા સુબ્રમણ્યમ સ્વામીએ છેતરપિંડીનો આરોપ લગાવ્યો હતો.

દેશના ઉત્તર-પશ્ચિમ અને મધ્ય ભાગોમાં મે મહિના પહેલા જ કાળઝાળ ગરમીનો પ્રકોપ શરૂ થયો છે. છત્તીસગઢ અને મહારાષ્ટ્રમાં પારો ૪૫°C એ પહોંચતા હવામાન વિભાગે અનેક રાજ્યોમાં હીટવેવનું એલર્ટ જાહેર કર્યું છે. ઓડિશામાં ગરમીને કારણે શાળાઓ બંધ કરાઈ છે, જ્યારે ઝારખંડમાં પ્રાણીઓના રક્ષણ માટે કુલર લગાવાયા છે. બીજી તરફ, પૂર્વોત્તર રાજ્યોમાં વરસાદ અને જમ્મુ-કાશ્મીરના પહાડી વિસ્તારોમાં હિમવર્ષાને કારણે રસ્તાઓ બંધ થયા છે. આગામી દિવસોમાં તાપમાનમાં હજુ ૨ થી ૩ ડિગ્રી વધારાની શક્યતા છે.

નર્મદા મૈયાની પંચકોશી પરિક્રમા પૂર્ણ થતા 21 કિમીના રૂટ પર કચરો જોવા મળ્યો. 9 લાખથી વધુ શ્રદ્ધાળુઓએ પરિક્રમા કરી. તંત્રએ 20 કરોડ ફાળવ્યા, સુવિધાજનક માર્ગ બનાવ્યો, પણ સફાઈ ભૂલી ગયા. સ્થાનિકોએ સફાઈ ઝુંબેશ અને District Collectorને meeting બોલાવી સૂચના આપવાની માગણી કરી છે. NGO અને ગ્રામ પંચાયતો સફાઈ કરે તેવી અપીલ.

ભુજ સ્વામિનારાયણ મંદિરમાં નરનારાયણદેવનાં પાટોત્સવની ઉજવણીમાં શ્રીહરિસ્મૃતિ પંચાહ્નપારાયણ જ્ઞાન યજ્ઞ ચાલી રહ્યો છે. કથામાં ઘનશ્યામ જન્મની ધામધૂમથી ઉજવણી થઈ, જેમાં ભગવાનને સોનાના પારણામાં ઝુલાવવામાં આવ્યા. રાત્રે નિશાદભાઈ સોની એન્ડ ગ્રૂપ દ્વારા મહારાસોત્સવ યોજાયો જેમાં ઘણા હરિભક્તો જોડાયા. 20મી તારીખે ફૂલડોત્સવમાં આચાર્ય કૌશલેન્દ્રપ્રસાદજી મહારાજ હાજર રહેશે અને 21 એપ્રિલે ઠાકોરજીનો અભિષેક અને અન્નકૂટ ઉત્સવ આરતી થશે.

ભુજના જીગ્નેશભાઈ પીઠડીયા છેલ્લા અઢી વર્ષથી દરરોજ રાત્રે ૨૮ કિલોમીટરનો પ્રવાસ ખેડી જીવદયાનું અનોખું ઉદાહરણ પૂરું પાડી રહ્યા છે. પિતા અને પાલતુ શ્વાનના અવસાન બાદ સેવાકાર્યમાં જોડાયેલા જીગ્નેશભાઈ મ્યુઝિક સિસ્ટમવાળા બાઇક પર નીકળી ૧૨૦થી વધુ શ્વાન અને ૬૦ ગાયોને સ્વખર્ચે ભોજન કરાવે છે. ખાનગી નોકરીના થાક છતાં સામાજિક પ્રસંગો ત્યજીને તેઓ મધરાત સુધી અવિરત સેવા આપે છે. મૂંગા પશુઓની આંખોમાં મળતો સંતોષ જ તેમના માટે જીવનની સાચી મૂડી અને પ્રેરણા સ્ત્રોત બન્યો છે.

ચૈત્ર અમાસે કાવી કંબોઈ સ્થિત સ્તંભેશ્વર મહાદેવ મંદિરે દર્શનથી વિશેષ કૃપા મળે છે. Padra તાલુકાના ભક્તો 60 કિ.મી દૂર આવેલા આ પ્રાચીન મંદિરે જાય છે. કાર્તિકેય સ્વામીએ સ્થાપેલું આ મંદિર દિવસમાં બે વાર સમુદ્રમાં ડૂબે છે. અમાસે શિવલિંગ પર જલાભિષેક કરવાથી વિશેષ ફળ મળે છે. ભરતીના સમયે મંદિર ડૂબે છે અને પછી ફરી દેખાય છે. જંબૂસર નજીકનું આ મંદિર એક ચમત્કાર સમાન છે.

તમિલનાડુના વિરુધુનગરમાં ફટાકડા ફેક્ટરીમાં વિસ્ફોટ થતા મોટી દુર્ઘટના સર્જાઈ, જેમાં ૨૩ લોકોનાં મોત થયા. હજુ કાટમાળમાં લોકો દટાયાની શક્યતા છે, ઘણાં ઘાયલ થયાં છે. નિયમોનો ભંગ કરી રવિવારે ફેક્ટરી ચાલુ રખાઈ હતી. આરોપીઓને પકડવા માટે ચાર વિશેષ ટીમોની રચના કરવામાં આવી છે.

ભારત અને રશિયા વચ્ચે ફેબ્રુઆરી 2025 માં થયેલી RCLOS સમજૂતી મુજબ, બંને દેશો એકબીજાના વિસ્તારોમાં 3,000 સૈનિકો, નેવી યુદ્ધ જહાજ અને વિમાન તૈનાત કરી શકશે. આ કરાર ભારતના Russian મૂળના સૈન્ય ઉપકરણોના maintenance અને repairing માટે ઉપયોગી થશે. રશિયન સંસદે ડિસેમ્બર 2025 માં આ સમજૂતીને મંજૂરી આપી.

લશ્કર-એ-તોયબાનો આતંકી ઉમર હારીસ ઉર્ફે ખરગોશ ભારતથી ભાગી સાઉદી અરબમાં છુપાયો છે, ધરપકડ કવાયત શરૂ. તે સજ્જાદના નામે ફેક પાસપોર્ટથી ભારત છોડી ભાગ્યો. 2012માં પાક. સરહદેથી કાશ્મીરમાં ઘૂસેલો હતો. અન્ય ઘટનામાં શ્રીનગર એરપોર્ટથી સેટેલાઇટ ફોન સાથે બે અમેરિકન નાગરિકોની અટકાયત, પૂછપરછ શરૂ.

દિલ્હી પોલીસે મોસૈબ ઉર્ફ સોનૂ કલામની ધરપકડ કરી છે, જે ગઝવા-એ-હિન્દથી પ્રભાવિત હતો. મોસૈબે દિલ્હીના સંવેદનશીલ વિસ્તારોની RECCE કરી હતી અને સોશિયલ મીડિયા પર કટ્ટરવાદ ફેલાવતો હતો. આઝમગઢમાં દિલ્હી પોલીસની SPECIAL CELLએ થાણેમાં આ ધરપકડ કરી છે, ત્યારબાદ એજન્સીઓ ALERT થઈ ગઈ છે. આ સંગઠન અયોધ્યાના રામ મંદિર, નવુ સંસદ ભવન અને મુખ્ય સૈન્ય મથકો પર વિસ્ફોટ અથવા આત્મઘાતી હુમલાનું કાવતરુ ઘડી રહ્યું હતું.

પશ્ચિમ બંગાળની વિધાનસભા ચૂંટણીમાં નંદીગ્રામ બેઠક અગત્યની છે. આ વખતે ઉત્તેજના કરતા શાંતિ વધુ છે. સામ્યવાદી શાસનના મૂળિયા ઉખેડનાર આ રણક્ષેત્ર શાંત છે. છેલ્લી ચૂંટણીમાં મમતા વિરુદ્ધ શુભેન્દુનો હાઇપ્રોફાઇલ સંઘર્ષ જોવા મળ્યો હતો. આ વખતે મમતા અને સિનિયર નેતાઓ નથી, શુભેન્દુ સામે કોંગ્રેસે જુગાર રમ્યો છે.

તીવ્ર ગરમીથી જોખમ વધ્યું, 2021માં 374 અને 2023માં 800 મોત થયા. તાપમાન 45 ડિગ્રીને પાર, સરેરાશ 40 ડિગ્રી આસપાસ રહ્યું. રિપોર્ટ મુજબ, દર ચારમાંથી ત્રણ ભારતીય પર ગરમીનો પ્રકોપ છે. ગયા વર્ષે જમીની સ્તર પર તાપમાન 0.28 ડિગ્રી વધ્યું, 2024 સૌથી ગરમ વર્ષ રહ્યું.

ટાટા જૂથ ટ્રસ્ટે ‘બાઈ હીરાબાઈ જમશેદજી ટાટા નવસારી ચેરિટેબલ ઈન્સ્ટિટ્યુશન’ના ટ્રસ્ટી બનવાના વર્તમાન વિવાદાસ્પદ નિયમોમાં ફેરફાર કરવા માટે કાયદાકીય પ્રક્રિયા શરૂ કરવાની જાહેરાત કરી છે. વર્તમાન નિયમ મુજબ માત્ર પારસીઓને જ ટ્રસ્ટી બનાવાતા હતા, જોકે નવા નિયમ મુજબ હવે બિન-પારસી વ્યક્તિઓને ટ્રસ્ટી બનાવી શકાય તે માટે ટ્રસ્ટે કાયદાકીય પ્રક્રિયા શરૂ કરી દીધી છે. થોડા દિવસો પહેલા ટ્રસ્ટના પૂર્વ ટ્રસ્ટી મેહલી મિસ્ત્રીએ ટ્રસ્ટના બોર્ડમાં દિગ્ગજ ઉદ્યોગપતિ વેણુ શ્રીનિવાસન અને પૂર્વ સંરક્ષણ સચિવ વિજય સિંહને સામેલ કરાતા મહારાષ્ટ્ર ચેરિટી કમિશનરને ફરિયાદ નોંધાવી હતી.

તમિલનાડુના વિરુધુનગર જિલ્લામાં આવેલી એક ફટાકડા બનાવવાની યુનિટમાં જોરદાર વિસ્ફોટ થતા મોટી દુર્ઘટના સર્જાઈ છે. પ્રાથમિક માહિતી પ્રમાણે આ અકસ્માતમાં અત્યાર સુધીમાં 10થી વધુ લોકોના કંપારીભર્યા મોત થયા છે, જ્યારે અન્ય ઘણા લોકો કાટમાળ નીચે દટાયા હોવાની આશંકા સેવાઈ રહી છે. અગાઉ 9 લોકોના મોતની આશંકા હતી, પરંતુ કાટમાળ હટાવતી વખતે મૃતકોની સંખ્યા 10થી વધારે થઈ ગઈ છે. બીજી બાજુ ઓછામાં ઓછા 6 લોકો ઈજાગ્રસ્ત હોવાનું માલૂમ પડ્યું છે, જેમને સારવાર માટે નજીકની હોસ્પિટલમાં દાખલ કરવામાં આવ્યા છે.

ભારત સરકારે દિનેશ ત્રિવેદીને બાંગ્લાદેશમાં પોતાના નવા હાઈકમિશનર તરીકે નિયુક્ત કર્યા છે. આ નિર્ણય એવા સમયે લેવામાં આવ્યો છે જ્યારે ભારત અને બાંગ્લાદેશ વચ્ચે અનેક મહત્વના મુદ્દાઓ પર વાતચીત ચાલી રહી છે અને બંને દેશો પોતાના સંબંધોને સંતુલિત અને મજબૂત જાળવી રાખવાનો પ્રયાસ કરી રહ્યા છે. પૂર્વ કેન્દ્રીય રેલ મંત્રી અને વરિષ્ઠ ભાજપ નેતા દિનેશ ત્રિવેદીની આ નિમણૂક રાજકીય રીતે પણ મહત્વની માનવામાં આવી રહી છે. ખાસ કરીને પશ્ચિમ બંગાળના રાજકારણને ધ્યાનમાં રાખતા તેને ભાજપનું એક વ્યૂહાત્મક પગલું માનવામાં આવે છે, જે આગામી ચૂંટણીના સમીકરણો પર અસર કરી શકે છે.

જમ્મુ-કાશ્મીરના શ્રીનગર આંતરરાષ્ટ્રીય એરપોર્ટ પર સુરક્ષા તપાસ દરમિયાન એક મહત્ત્વની ઘટના સામે આવી છે. સુરક્ષા દળોએ બે અમેરિકન નાગરિકોને તેમની પાસે પ્રતિબંધિત સેટેલાઈટ ફોન હોવા બદલ અટકાયતમાં લીધા છે. એરપોર્ટ પર સ્ક્રિનિંગ દરમિયાન આ સાધન મળી આવતા સુરક્ષા એજન્સીઓ સતર્ક થઈ ગઈ હતી અને તાત્કાલિક કાર્યવાહી હાથ ધરી હતી. મળતી વિગતો અનુસાર, આ બંને અમેરિકન નાગરિકો જ્યારે એરપોર્ટ પરથી રવાના થવાની તૈયારીમાં હતા ત્યારે સુરક્ષા તપાસ દરમિયાન તેમના સામાનમાંથી સેટેલાઈટ ફોન મળી આવ્યો હતો.

ઈરાનની ઈસ્લામિક રિવોલ્યુશનરી ગાર્ડ કોર્પ્સ (IRGC) એ સ્ટ્રેટ ઓફ હોર્મુઝમાંથી પસાર થઈ રહેલા ભારતીય જહાજ 'ભાગ્ય લક્ષ્મી' ને અટકાવ્યું હતું. એક ઓડિયો રેકોર્ડિંગમાં ખુલાસો થયો છે કે, ઈરાની અધિકારીએ જહાજના કેપ્ટનને તાત્કાલિક પરત ફરવા આદેશ આપ્યો હતો. આ ઉપરાંત ઈરાકી તેલ લઈને જઈ રહેલા 'સનમાર હેરાલ્ડ' નામના અન્ય એક ભારતીય જહાજ પર ઈરાની ગનબોટ્સે ગોળીબાર પણ કર્યો હતો. જોકે, આ હુમલામાં કોઈ જાનહાનિ થઈ નથી અને તમામ ક્રૂ મેમ્બર્સ સુરક્ષિત છે

પશ્ચિમ બંગાળના વિષ્ણુપુરમાં PM મોદીની રેલી યોજાઈ, જેમાં બંગાળની જનસભામાં તમામ રેકોર્ડ તૂટ્યા હોવાનો દાવો PM મોદીએ કર્યો. આ અંગેની વધુ માહિતી માટે Twitter પર ANIના ટ્વીટને ટાંકવામાં આવ્યું છે.

હિંમતનગરના ટાવર ચોકમાં પરશુરામ પાર્ક ખાતે બ્રહ્મ સમાજે પરશુરામ જયંતી ઉજવી. જેમાં રામધૂન અને ભગવાન પરશુરામના જયઘોષ સાથે આરતી કરવામાં આવી. ભૌતિક ભટ્ટ અને મનોજભાઈ પુરોહિતના યજમાનપદે પૂજા સંપન્ન થઈ. બ્રહ્મ સમાજના પ્રમુખ સર્વવાનંદ ભટ્ટ સહિત અનેક બ્રહ્મબંધુઓ ઉપસ્થિત રહ્યા. પૌરાણિક કથા અનુસાર, ભગવાન પરશુરામનો જન્મ અક્ષય તૃતીયાના દિવસે થયો હતો.