સુરતમાં ભારતીય જનતા પાર્ટી (BJP) ના ધારાસભ્ય, કોર્પોરેટર દંપતી અને ટીપી કમિટીના અધ્યક્ષ વચ્ચે થયેલા જાહેર વિવાદ અને મારામારી બાદ પક્ષે કડક કાર્યવાહી કરવાને બદલે સમાધાનનો માર્ગ અપનાવ્યો છે. ધારાસભ્યની ઓફિસમાં થયેલી આ ઘટના બાદ બંને પક્ષો દ્વારા સોશિયલ મીડિયા પર ગંભીર આક્ષેપો કરવામાં આવ્યા હતા. શિસ્તબદ્ધ પક્ષ તરીકે જાણીતી BJP દ્વારા આવા ગંભીર મામલે કોઈ કાર્યવાહી ન થતાં રાજકીય વર્તુળોમાં અને લોકોમાં પણ અનેક સવાલો ઊભા થયા છે. સમાધાનની જાહેરાત બાદ સોશિયલ મીડિયા પર પણ પ્રતિક્રિયાઓ જોવા મળી હતી, જેમાં પક્ષની શિસ્ત સામે પ્રશ્નો ઉઠાવવામાં આવ્યા હતા.