સુરેન્દ્રનગરના શીરવાણીયાની કોમલે રાષ્ટ્રીય સ્તરની કુસ્તી સ્પર્ધામાં ગોલ્ડ મેડલ જીતી ગુજરાતનું નામ રોશન કર્યું છે. હવે થાઈલેન્ડમાં આયોજિત ઈન્ટરનેશનલ સ્પર્ધામાં ભાગ લેશે. છત્તીસગઢના બિલાસપુરમાં જુનિયર કક્ષાની સ્પર્ધામાં કોમલે અંડર-15 કેટેગરીમાં 44થી 48 કિલોગ્રામની ગ્રેપલિંગ સ્પર્ધામાં પ્રથમ ક્રમાંક મેળવ્યો. અગિયારમા ધોરણમાં અભ્યાસ કરતી કોમલે રમતગમત મંત્રાલયે કરેલી પસંદગીને સાર્થક કરી છે. કોચ વિરાજભાઈ ગાગીયાના માર્ગદર્શન હેઠળ કોમલે આ સિદ્ધિ મેળવી છે.