ગુજરાતમાં છેલ્લા કેટલાક દિવસોથી કોન્સ્ટેબલના આપઘાતની ઘટના બની રહી છે. એવામાં વધુ એક કોન્સ્ટેબલે જીવન ટુંકાવ્યું હોવાના સમાચાર સામે આવ્યા છે. વડોદરાના કપુરાઇ પોલીસ મથકમાં ફરજ બજાવતા 27 વર્ષીય હેડ કોન્સ્ટેબલ પ્રિયંકા પ્રજાપતિએ તેના જ ઘરમાં ફાંસો ખાઈ આપઘાત કર્યો છે. મહિલા કોન્સ્ટેબલે થોડા સમય પહેલા જ PSIની શારીરિક કસોટી પાસ કરી હતી. મૃતક મૂળ બનાસકાંઠાના વતની હતા અને આજવા રોડ વિસ્તારમાં રહેતા હતા. બાપોદ પોલીસે સમગ્ર મામલે તપાસ હાથ ધરી છે. વધુ એક મહિલા કોનસ્ટેબલના આપઘાતથી પોલીસ બેડામાં ચકચાર મચી છે.