લુધિયાણામાં પાકિસ્તાનની ISI માટે જાસૂસી કરનાર 22 વર્ષીય દુકાનદારની ધરપકડ. જૂતાની દુકાનની આડમાં શહેરની ગતિવિધિઓની માહિતી પાકિસ્તાન મોકલતો હતો. દુકાનની બહાર લગાવેલા ચાઈનીઝ CCTV કેમેરાથી પાકિસ્તાનને લાઈવ ફીડ પહોંચાડવામાં આવી રહ્યું હતું. પોલીસને મળેલી બાતમીના આધારે તેને ઝડપી પાડવામાં આવ્યો. તપાસમાં 40 હજારના ભાડે દુકાન રાખી અને 3 લાખ રૂપિયા મેળવ્યા હોવાનું સામે આવ્યું. આ નેટવર્ક દ્વારા સૈન્ય ગતિવિધિઓની પણ જાસૂસી થતી હોવાની આશંકા છે.

લખનઉમાં હિન્દુવાદી નેતા ધીરેન્દ્ર પ્રતાપ સિંહની ગોળી મારી હત્યાનો સનસનીખેજ મામલો સામે આવ્યો છે. દુબગ્ગા પોલીસ સ્ટેશન વિસ્તાર પાસે આવેલી નહેરમાંથી તેમનો મૃતદેહ મળી આવ્યો હતો. પ્રાથમિક માહિતી અનુસાર, આ હત્યાકાંડને તેમની જ ફોર્ચ્યુનર કારમાં અંજામ આપવામાં આવ્યો હતો. મૃતદેહને તે જ ગાડીમાં લઈ જઈને નહેરમાં ફેંકી દેવાયો હતો. પોલીસને જમીનની અદાવતમાં હત્યા કરવામાં આવી હોવાની આશંકા છે, જેમાં ડ્રાઈવરની ભૂમિકા પણ તપાસ હેઠળ છે.

છોટા ઉદેપુરના નસવાડી તાલુકામાં કાંધા ગામ પાસે ચોમાસામાં પુલની કામગીરી શરૂ થતાં સ્થાનિકોમાં રોષ છે. છેલ્લા 10 દિવસથી પુલ તોડી પાઇપ નાખવાની કામગીરી ચાલી રહી છે, પરંતુ યોગ્ય ડાયવર્ઝનના અભાવે મુશ્કેલી સર્જાઈ છે. જર્જરિત પુલના રિપેરિંગના અભાવે ખેડૂતોને ખેતરો સુધી પહોંચવામાં તકલીફ પડે છે. 30થી વધુ ગામોના લોકોને અવરજવરમાં મુશ્કેલીનો સામનો કરવો પડી રહ્યો છે. સ્થાનિકોના જણાવ્યા મુજબ, કામગીરી ચોમાસા પહેલાં અથવા પછી થવી જોઈતી હતી. કોન્ટ્રાક્ટર દ્વારા ડાયવર્ઝન રોડની યોગ્ય વ્યવસ્થા ન હોવાથી મુશ્કેલી વધી છે. અધિકારીઓ સ્થળ નિરીક્ષણ માટે આવતા નથી, જેથી આવી સ્થિતિ સર્જાઈ છે.

અમરેલી જિલ્લામાં ધોરણ-12 સાયન્સ બાદ ઉચ્ચ ટેક્નિકલ શિક્ષણ મેળવવા ઇચ્છતા વિદ્યાર્થીઓ માટે ચિંતાનો વિષય બન્યો છે. હાલ જિલ્લામાં બે ખાનગી ડિગ્રી Engineering કોલેજોમાં પ્રવેશ પ્રક્રિયા બંધ છે, અને કોઈ સરકારી ડિગ્રી Engineering કોલેજ ઉપલબ્ધ નથી. આ કારણે વિદ્યાર્થીઓએ રાજકોટ, ભાવનગર, અને અમદાવાદ જેવા શહેરોમાં અભ્યાસ કરવા જવું પડી રહ્યું છે, જેનાથી ખર્ચમાં પણ વધારો થાય છે. આ સ્થિતિમાં, વિદ્યાર્થીઓને સ્થાનિક સ્તરે Engineering અને આધુનિક ટેકનોલોજી આધારિત અભ્યાસક્રમોની સુવિધા મળે તેવી માંગ ઉઠી રહી છે.

સુરતના અશ્વિનીકુમાર-ઉત્રાણને જોડતા તાપી રિવર બ્રિજને લઈને ભાજપમાં મતભેદ બહાર આવ્યા છે. બ્રિજની ફીજીબિલિટી રિપોર્ટ આવ્યા પહેલાં જ બ્રિજ બનાવવો કે નહીં તે મુદ્દે રાજકીય ખેંચતાણ શરૂ થઈ છે. એક તરફ ભાજપના કોર્પોરેટરે બ્રિજની જરૂરિયાત અને ખર્ચ અંગે સવાલો ઉઠાવ્યા છે, તો બીજી તરફ વરાછાના ધારાસભ્યએ બ્રિજનું કામ તાત્કાલિક શરૂ કરવાની માંગ કરી છે. ધારાસભ્યએ વિરોધ પાછળ કોર્પોરેટરના અંગત સ્વાર્થ હોવાની શંકા વ્યક્ત કરી છે, જેનાથી વિવાદ વધુ વકર્યો છે. હવે સવાલ એ છે કે બ્રિજ બનાવવો કે નહીં બનાવવો તે કોના અંગત સ્વાર્થ પર આધાર રાખે છે - કોર્પોરેટરનો કે ધારાસભ્યનો?

વ્હાઇટ હાઉસના ભૂતપૂર્વ ટેલિપ્રોમ્પ્ટર ઓપરેટર ગેબ્રિયલ પેરેઝ પર 'કોમોડિટી ફ્યૂચર ટ્રેડિંગ કમિશન' (CFTC) દ્વારા 1,72,000 યુએસ ડોલર (₹1.64 કરોડ) નો દંડ ફટકારવામાં આવ્યો છે. ગેબ્રિયલ ટ્રમ્પના ભાષણોની ગોપનીય માહિતીનો ઉપયોગ કરીને 'કાલશી' (Kalshi) નામના પ્રેડિક્શન પ્લેટફોર્મ પર ગેરકાયદે સટ્ટો લગાવતો હતો. આ દંડમાં સટ્ટાથી કમાયેલો નફો અને પેનલ્ટી સામેલ છે. તેને ત્રણ વર્ષ માટે ટ્રેડિંગમાંથી પ્રતિબંધિત પણ કરવામાં આવ્યો છે.

પંચમહાલ જિલ્લાના મોરવા હડફ તાલુકાના નાગણોદ ગામમાં દીપડાના દેખાવાથી ગ્રામજનોમાં ભારે ભયનો માહોલ છે. છેલ્લા બે-ત્રણ દિવસથી દીપડો ગામમાં આંટાફેરા મારી રહ્યો છે, જેની તસવીરો અને વીડિયો હાલ સોશિયલ મીડિયા પર વાઈરલ થઈ રહ્યા છે. એક કારચાલકે દીપડાને રસ્તા પર જોયો હતો અને તેના ઘરના ધાબા પર પણ દીપડો જોવા મળ્યો હતો. ગામમાં પશુઓના મારણના બનાવો પણ સામે આવ્યા છે. ગ્રામજનોએ વન વિભાગને જાણ કરી દીપડાને પકડવાની માંગ કરી છે, અને વન વિભાગની ટીમ સ્થળ પર પહોંચી ગઈ છે.

વડોદરામાં માતા-પુત્રને સાયબર ક્રાઇમ મુંબઇના અધિકારી તરીકે ઓળખ આપી, મનિ લોન્ડરિંગ કેસમાં ફસાવી ડિજિટલી એરેસ્ટ કરી 19 દિવસ સુધી ધમકાવવામાં આવ્યા. આરોપીઓએ ફરિયાદી પાસેથી કુલ 1.53 કરોડ રૂપિયા પડાવી લીધા. તેમને વીડિયો કોલ દ્વારા સતત સંપર્કમાં રાખી, વિશ્વાસમાં લઈને તેમની વિવિધ બેન્ક એકાઉન્ટ, એસેટની વિગતો મેળવી પૈસા ટ્રાન્સફર કરાવ્યા હતા. જ્યારે આ સાયબર ફ્રોડ હોવાનું સમજાયું ત્યારે તેમણે પોલીસ ફરિયાદ નોંધાવી.

સુરતના લાલ દરવાજા વિસ્તારમાં એક રહેણાંક મકાનના બાથરૂમમાં વોશબેસિનમાંથી અઢી ફૂટ લાંબો દુર્લભ Glossy-bellied Racer સાપ મળી આવ્યો. પરિવારજનોમાં ગભરાટ ફેલાયો હતો, ત્યારે ગ્રીન ગાર્ડિયન ચેરીટેબલ ટ્રસ્ટના સ્વયંસેવક અનિમેશ પટનાયકે સાપને સુરક્ષિત રીતે રેસ્ક્યુ કર્યો. આ 'ચળકતા પેટાળની ધામણ' મુખ્યત્વે પથરાળ ડુંગરાળ વિસ્તારોમાં જોવા મળે છે અને સુરતમાં દુર્લભ ગણાય છે. અર્ધ ઝેરી આ સાપને કુદરતી વાતાવરણમાં છોડી દેવાશે.

છોટા ઉદેપુર જિલ્લાના નસવાડી અને સંખેડા તાલુકાના અનેક આદિવાસી ખેડૂતો સાથે મોટી ઠગાઈનો કિસ્સો સામે આવ્યો છે. સાયલા ગામના કલ્પેશ સોલંકી નામના યુવાને ખેડૂતો પાસેથી ભાડા કરાર પર લીધેલા આશરે 100 જેટલાં ટ્રેક્ટરો બે વર્ષથી ભાડું ચૂકવ્યા વગર પરત પણ આપ્યા નથી. આ ટ્રેક્ટર ખેડૂતોએ લોન લઈને ખરીદ્યા હતા, જે તેમની આજીવિકાનું મુખ્ય સાધન છે. બેંકના હપ્તા ભરવા અને પરિવારનું ગુજરાન ચલાવવું મુશ્કેલ બનતાં ખેડૂતોમાં ભારે રોષ છે. આ મામલે પોલીસમાં અરજીઓ કરવા છતાં કાર્યવાહી ન થતાં ખેડૂતોએ જિલ્લા પંચાયતના ઉપપ્રમુખ સમક્ષ રજૂઆત કરી છે.

શ્રાવણ માસના અંતિમ તબક્કામાં સુરત અને આસપાસના વિસ્તારોમાં શિવભક્તિનો માહોલ છવાયો છે. રવિવારે સાંજથી જ સુરતના જહાંગીરપુરા કુરુક્ષેત્ર ઓવારા ખાતે કાવડિયાઓનો પ્રવાહ શરૂ થયો હતો. હજારો શિવભક્તો તાપી માતાનું પવિત્ર જળ કાવડમાં ભરી ‘હર હર મહાદેવ’ અને ‘બોલ બમ’ના જયઘોષ સાથે સરસ ગામ નજીક આવેલા સિદ્ધનાથ મહાદેવ મંદિર તરફ પગપાળા નીકળી પડ્યા હતા. આ પદયાત્રામાં મહિલાઓ, યુવાનો અને પરિવારજનો સહિત મોટી સંખ્યામાં શ્રદ્ધાળુઓ જોડાયા હતા, જેણે તાપી કિનારેથી સિદ્ધનાથ સુધીના માર્ગને ભક્તિના માર્ગમાં ફેરવી દીધો હતો.

પંજાબી ઈન્ફ્લુએન્સર મનજીત કૌર Murder Case માં ચોંકાવનારી વિગતો સામે આવી છે, જ્યાં 7 અઠવાડિયાની ગર્ભવતી મનજીત કૌરને અપહરણ કરીને જંગલમાં ઝાડ સાથે બાંધી જીવતી સળગાવી દેવાનો તેની માતાનો આરોપ છે. માતાના જણાવ્યા મુજબ, Rinku નામનો યુવક લગ્ન કરવા તૈયાર ન હોવાથી ગર્ભપાત માટે દબાણ કરતો હતો. પોલીસે અપહરણ અને હત્યાનો કેસ નોંધી તપાસ હાથ ધરી છે, જેમાં Shubhie અને Pinda નામની વ્યક્તિઓની ભૂમિકાની તપાસ થઈ રહી છે.

અમદાવાદમાં મહારાષ્ટ્રની લક્ઝરી બસમાંથી 10.70 લાખના 14 iPhoneની ચોરીનો ભેદ પોલીસે ઉકેલી કાઢ્યો છે. મૂળ રાજસ્થાનના ફાર્મસી ગ્રેજ્યુએટ આરોપી ગજેન્દ્રસિંહ રાજપૂતને રાજસ્થાનના જંગલ વિસ્તારમાંથી ઝડપી લેવાયો છે. ચોરાયેલા iPhone દુબઈ મોકલાયાનો ઘટસ્ફોટ થયો છે. આરોપીએ ચોરીના ફોનમાંથી એક iPhone તેની ગર્લફ્રેન્ડને ભેટ આપ્યો હતો. પોલીસે તેની ધરપકડ કરી વધુ તપાસ હાથ ધરી છે.

વડોદરાના તરસાલી બાયપાસ પાસે આવેલા પેટ્રોલ પંપના મેનેજરે ઓનલાઈન પેમેન્ટની રકમ વધુ દર્શાવી, રોજની આવતી રોકડમાંથી ઉચાપત કરી, અલગ-અલગ ટ્રાન્સપોર્ટ અને રોડવેઝના નામે બોગસ ઇન્વૉઇસ ઉભા કરી તેમજ ખોટા હિસાબો રજૂ કરી રૂ.6.05 કરોડની ઉચાપત કર્યાનો મામલો પ્રકાશમાં આવ્યો છે. આ મામલે પેટ્રોલ પંપના માલિકે મેનેજર સામે ફરિયાદ નોંધાવતા કપુરાઈ પોલીસે વિશ્વાસઘાત અને છેતરપિંડીનો ગુનો નોંધી તપાસ હાથ ધરી છે. 27 વર્ષથી ફરજ બજાવતા મેનેજરે પોતાના આર્થિક ફાયદા માટે આ કૃત્ય આચર્યું હોવાનું સામે આવ્યું છે.

ચેન્નઈમાં સગીરા સાથે કથિત યૌન શોષણના ગંભીર કેસમાં જાણીતા ઉદ્યોગપતિ વીરમણી, તેમની સહયોગી શાંતિ અને શાંતિના પતિ મહેન્દ્રની પોલીસે ધરપકડ કરી છે. એક અજાણી પેન ડ્રાઈવ દ્વારા આ સમગ્ર મામલો સામે આવ્યો હતો, જેમાં વૃદ્ધ વ્યક્તિ સગીરા સાથે દુષ્કર્મ આચરતો દેખાયો હતો. તપાસમાં આ વૃદ્ધ વ્યક્તિ ઉદ્યોગપતિ વીરમણી હોવાનું બહાર આવ્યું. પોલીસે teyanampet વિસ્તારમાંથી ભાડે રાખેલા મકાન પર દરોડો પાડ્યો, જ્યાં સગીરાઓને લાવવામાં આવતી હતી. પોલીસે આરોપીઓને Judicial custody માં મોકલી આપ્યા છે અને વધુ તપાસ ચાલી રહી છે.

જામનગરના લઘુ અને મધ્યમ ઉદ્યોગો GST વિભાગ દ્વારા અકારણ નોટિસોથી ત્રસ્ત છે, જેના પગલે ઉદ્યોગકારોએ આક્રમક વલણ અપનાવ્યું છે. કાયદાની ગૂંચવણો દૂર નહીં થાય તો ઉદ્યોગકારો લડી લેવાના મૂડમાં છે. એક વેપારીએ કાયદેસર વેચાણ અને પૂરો ટેક્સ ભરવા છતાં, ખરીદનાર પેઢી બોગસ હોવાનું કહી શો-કોઝ નોટિસ ફટકારાતા રોષ ફેલાયો છે. આ મુદ્દે મળેલી બેઠકમાં ઉદ્યોગકારોએ વેધક સવાલો ઉઠાવ્યા હતા, જેનાથી ધારાસભ્યને પણ ઉદ્યોગકારોને શાંત પાડવા ભારે જહેમત ઉઠાવવી પડી હતી.

દમણના નાની દમણ બીચ પર એક મોટો અકસ્માત ટળ્યો છે, જ્યાં દરિયાના જોરદાર મોજાંમાં તણાઈ રહેલી વાપીની 7 વર્ષની બાળકીને એક જાંબાઝ લાઇફગાર્ડે પોતાની સમયસૂચકતા અને બહાદુરીથી ઉગારી લીધી. આ સમગ્ર ઘટનાનો વીડિયો પણ સોશિયલ મીડિયા પર વાઇરલ થયો છે, જેના પગલે લાઇફગાર્ડ સુજલ માંગેલાની કામગીરીના ચોમેર વખાણ થઈ રહ્યા છે. બાળકીને ડૂબતી જોઈને પરિવારે બૂમાબૂમ કરી હતી, ત્યારે જ સુજલે પોતાની જાનના જોખમે બાળકીનો જીવ બચાવ્યો.

જામનગરના ધ્રોલ તાલુકાના સણોસરા ગામ નજીક રાજકોટ-જામનગર હાઇવે પર બે મોટરસાયકલો સામસામે અથડાતાં 58 વર્ષીય આધેડને માથા, પાંસળી અને ડાબા પગમાં ગંભીર ઇજાઓ થઈ હતી. આ બનાવ અંગે ધ્રોલ પોલીસે અજાણ્યા બાઇકચાલક વિરુદ્ધ ગુનો નોંધી વધુ તપાસ હાથ ધરી છે. ફરિયાદીના પિતા જ્યારે પરત ફરી રહ્યા હતા ત્યારે સામેથી આવતી બાઈકના ચાલકે રોંગ સાઈડમાં પુરઝડપે બાઈક હંકારી ટક્કર મારતા અકસ્માત સર્જાયો હતો. રાહદારીઓએ પણ રોંગ સાઈડમાં આવતી બાઈકને કારણે અકસ્માત થયાનું જણાવ્યું હતું.

જામનગરના ધરારનગર વિસ્તારમાં વીજળીના તૂટેલા વાયરનું સમારકામ કરવા ગયેલા પીજીવીસીએલના લાઇનમેન દીનેશભાઈ રુગનાથભાઈ બારૈયાને ખીમાજી જાડેજાએ ગાળો આપી, લાફો માર્યો અને હાથ મરડી નાખ્યો. આ ઘટના 29 ઓગસ્ટના રોજ બની હતી. કર્મચારીઓ જ્યારે કામ કરી રહ્યા હતા ત્યારે ખીમાજી ત્યાં પહોંચ્યા અને કામમાં વિલંબ અંગે ગુસ્સે થઈને હુમલો કર્યો. આ મામલે પોલીસ ફરિયાદ નોંધાઈ છે.

મનગરના સેતાવાડ વિસ્તારમાં બાળકોને ઘર બહાર રમવા દેવા મુદ્દે થયેલા ઝઘડાએ ગંભીર વળાંક લીધો, જેમાં 64 વર્ષીય ઈબ્રાહીમભાઈ સીદીકભાઈ ચાકીની લાકડાના ધોકા મારી હત્યા કરવામાં આવી. પાડોશી મહિલા હવાબેન અસલમભાઈ ઘાંચીએ તેમના પુત્ર અમન અસલમભાઈ ઘાંચીને ઈબ્રાહીમભાઈને "પતાવી દે" તેમ કહેતાં, અમને લાકડાના ધોકાથી તેમના માથા પર ઘા કર્યો. ગંભીર ઇજાને કારણે ઈબ્રાહીમભાઈનું સારવાર દરમિયાન મૃત્યુ થયું. મૃતકના પુત્રની ફરિયાદ પર પોલીસે માતા-પુત્ર સામે ગુનો નોંધી તપાસ હાથ ધરી છે.

જામનગર શહેરના નવાગામ ધેડ વિસ્તારમાં 17 વર્ષની આનંદીબેન ગોહીલે પોતાના ઘરે ચુંદડી વડે ગળાફાંસો ખાઈ લીધો હતો. ગંભીર હાલતમાં તેને સારવાર માટે હોસ્પિટલમાં ખસેડવામાં આવી હતી, જ્યાં તેનું મૃત્યુ નીપજ્યું. આ બનાવ અંગે સીટી બી. ડિવિઝન પોલીસ મથકમાં અકસ્માતે મોતની નોંધ કરવામાં આવી છે. પિતા મનોજભાઈ ગોહીલની જાણ પરથી પોલીસે બી.એન.એસ.એસ. કલમ 194 મુજબ ગુનો નોંધી વધુ તપાસ હાથ ધરી છે.

છોટા ઉદેપુરમાં શ્રી ગંગેશ્વર મહાદેવ મંદિર નજીકના તળાવમાં અજાણ્યા પુરુષનો મૃતદેહ મળતાં ભારે ચકચાર મચી ગઈ છે. તળાવમાં મૃતદેહ તરતો હોવાની જાણ થતાં સ્થાનિક લોકો ઘટનાસ્થળે એકત્ર થયા હતા. પોલીસ અને ફાયર વિભાગની ટીમે ભારે જહેમત બાદ મૃતદેહને બહાર કાઢી પોસ્ટમોર્ટમ માટે ખસેડ્યો હતો. મૃતકની ઓળખ અને મોતનું ચોક્કસ કારણ જાણવા પોલીસે તપાસ શરૂ કરી છે. આ બનાવ અકસ્માત, આત્મહત્યા કે અન્ય કોઈ કારણસર બન્યો છે તેની દિશામાં વધુ તપાસ ચાલી રહી છે.

વડોદરા રેલવે વિભાગે પ્રતાપનગરથી લાલકુઆં અને મઉ વચ્ચે દોડતી સાપ્તાહિક સ્પેશિયલ ટ્રેનોના ફેરા મુસાફરોની સુવિધા માટે લંબાવ્યા છે. પ્રતાપનગર–લાલકુઆં સ્પેશિયલ ટ્રેનના ફેરા 29 નવેમ્બર, 2026 સુધી અને લાલકુઆં–પ્રતાપનગર સ્પેશિયલ ટ્રેનના ફેરા 30 નવેમ્બર, 2026 સુધી રહેશે. પ્રતાપનગર–મઉ સ્પેશિયલ ટ્રેન 28 નવેમ્બર, 2026 સુધી જ્યારે મઉ–પ્રતાપનગર સ્પેશિયલ ટ્રેનના ફેરા 29 નવેમ્બર, 2026 સુધી લંબાવાયા છે. આ ટ્રેનો માટે 1 સપ્ટેમ્બર, 2026થી PRS કાઉન્ટરો અને IRCTC પર બુકિંગ શરૂ થશે.

પાટણ જિલ્લાના સાંતલપુર તાલુકાના વૌવા ગામમાં મોડી રાત્રે અજાણ્યા વન્યપ્રાણીએ ભારે આતંક મચાવ્યો. ઘરઆંગણે અને રસ્તા પર સૂતેલા વૃદ્ધો, મહિલાઓ સહિત 15થી વધુ ગ્રામજનો પર હુમલો થતાં નાસભાગ મચી ગઈ. પ્રાણીએ મોં, ચહેરા અને જડબા પર ગંભીર બચકાં ભરતાં લોકોમાં ભયનો માહોલ છે. ઈજાગ્રસ્તોને ધારપુર હોસ્પિટલમાં ખસેડાયા છે, જ્યાં તેમની સારવાર ચાલી રહી છે. ગ્રામજનો શિયાળ હોવાની આશંકા વ્યક્ત કરી રહ્યા છે, ત્યારે વન વિભાગે તપાસ શરૂ કરી પ્રાણીને પકડવાની કવાયત તેજ બનાવી છે.

વાપીના એક પરપ્રાંતીય પરિવારની સાત વર્ષીય બાળકી દમણના ભૈયા જેટી કિનારે દરિયામાં રમતી વખતે અચાનક પ્રચંડ મોજા વચ્ચે તણાઈ ગઈ હતી. કિનારે તહેનાત લાઈફગાર્ડ સૂજલ માંગેલાએ સમયસૂચકતા વાપરી પાણીમાં કુદીને બાળકીને મોતના મુખમાંથી બચાવી લીધી. પરિવારજનોએ લાઈફગાર્ડનો આભાર માન્યો. દમણમાં દરિયામાં નાહવા પર પ્રતિબંધ હોવા છતાં લોકોમાં જાગૃતિના અભાવે આ પ્રકારની ઘટનાઓ બની રહી છે, જે જીવલેણ સાબિત થઈ શકે છે.

જામનગર શહેરમાં મિગ કોલોની નજીક જંગલેશ્વર મહાદેવ મંદિર પાસે ઝૂંપડામાં રહેવા બાબતે કાકા-ભત્રીજા સહિતના બે જૂથ વચ્ચે થયેલી તકરાર મારામારીમાં પરિણમી હતી. આ ઘટના બાદ સિટી-એ ડિવિઝન પોલીસ મથકમાં બંને પક્ષે સામસામી ફરિયાદ નોંધાઈ છે. એક ફરિયાદમાં કાકા સહિત ચાર સામે, જ્યારે બીજી ફરિયાદમાં બે ભાઈઓ સામે લોખંડના સળિયા તથા લાકડાના ધોકાથી હુમલો અને ધમકીના ગંભીર આક્ષેપો કરવામાં આવ્યા છે. પોલીસે બંને ગુનાઓમાં કાયદેસર કાર્યવાહી હાથ ધરી છે.

જામનગર તાલુકાના ઠેબા ગામે બહેનને આરોપીઓના ઘરે મૂકી જવાના મુદ્દે થયેલી તકરારમાં એક યુવાન પર લોખંડના પાઇપથી માથામાં અને ધોકાથી હાથ-પગમાં માર મારવામાં આવ્યો હોવાની ફરિયાદ પંચકોશી ‘એ’ ડિવિઝન પોલીસ મથકમાં નોંધાઈ છે. નાદુરી ગામના ફરિયાદી મેઘાભાઈ વકાતર, જેઓ ઠેબા ગામમાં આરોપીઓના ઘર પાસે હતા, ત્યારે હેમતભાઈ ગમારા, મુનાભાઈ ગમારા અને હેમતભાઈના પુત્ર મચ્છાભાઈએ બોલાચાલી કરી હતી. હેમતભાઈએ પાઇપ વડે અને અન્ય બેએ ધોકા વડે માર માર્યો હતો.

સુરતમાં લગભગ 11,000 હોટ ફિક્સ યુનિટો છે, જેમાં મોટાભાગના રહેણાંક વિસ્તારોમાં આવેલા છે. આ યુનિટોમાંથી નીકળતો કચરો ખુલ્લી જગ્યાઓ, રસ્તાઓ અને ખાલી પ્લોટમાં ઠાલવવામાં આવે છે, જેના કારણે શહેરમાં સ્વચ્છતાનો ગંભીર પ્રશ્ન ઊભો થયો છે. વિપક્ષે મેયરના ઘર સામે કચરો ઠાલવી વિરોધ કરતાં પાલિકાએ 1500થી વધુ યુનિટોને નોટિસ ફટકારી છે. જોકે, યુનિટ સંચાલકો નારાજ છે અને સ્થાનિકો ખુલ્લામાં કચરો ઠાલવવાથી પરેશાન છે. શાસક-વિપક્ષની ખેંચતાણ વચ્ચે શહેરની સ્વચ્છતા સામે મોટો પડકાર ઊભો થયો છે.

બૉલિવૂડ અભિનેતા ચંદ્રચૂડ સિંહે તેમના પરિવારના સભ્યો સામે બનાવટી વસીયતનામું ઊભું કરીને દાદાની પુશ્તૈની જમીન અને સંપત્તિ હડપ કરવાનો આરોપ લગાવી પોલીસ ફરિયાદ (FIR) નોંધાવી છે. ઉત્તર પ્રદેશના અલીગઢ જિલ્લામાં જલાલપુર ગામની જમીનને લઈને આ વિવાદ શરૂ થયો છે. ચંદ્રચૂડ સિંહે તેમની ફોઈ ગાયત્રી દેવી, બે પિતરાઈ ભાઈઓ અને અન્ય ચાર લોકો સામે પોલીસ સ્ટેશનમાં ફરિયાદ નોંધાવી છે. તેમનો આરોપ છે કે 1997માં દાદાની નાજુક તબિયતનો ફાયદો ઉઠાવીને ખોટી સહીઓ કરવામાં આવી હતી અને તેમના પિતાનો વારસાઈ હક છીનવી લેવાયો હતો.

સુરત નગર પ્રાથમિક શિક્ષણ સમિતિના શિક્ષકો પર SIR કામગીરી, પ્રવેશોત્સવ, વસ્તી ગણતરી, અને હવે સિગ્નલ સ્કૂલ કાર્યક્રમ જેવી અનેક નવી જવાબદારીઓનો બોજ વધી રહ્યો છે. શનિવારે સિગ્નલ સ્કૂલના ઉદ્ઘાટન કાર્યક્રમમાં શિક્ષકોને વિદ્યાર્થીઓની જેમ દોઢ કલાક વહેલા બોલાવી ઓડિટોરિયમમાં બેસાડી રાખતાં શિક્ષકોમાં નારાજગી જોવા મળી હતી. બીજી તરફ, અતિવૃષ્ટિની રજાઓની ભરપાઈ માટે વાસી બળેવની રજા પણ રદ કરવામાં આવી છે, જેના કારણે શૈક્ષણિક સમય બચાવવાનો પ્રયાસ છે. જોકે, આ બચાવેલો સમય આવા કાર્યક્રમોમાં વપરાઈ રહ્યો હોવાથી તેની અસરકારકતા પર પ્રશ્નાર્થ સર્જાયો છે.