2018 માં, હસીન જહાંએ મોહમ્મદ શમી પર ઘરેલુ હિંસા, દહેજ ઉત્પીડન અને મેચ ફિક્સિંગનો આરોપ લગાવ્યો હતો. કોલકાતા હાઈકોર્ટે ભારતીય ફાસ્ટ બોલર મોહમ્મદ શમીને તેની અલગ રહેતી પત્ની હસીન જહાં અને પુત્રીને દર મહિને ₹4 લાખ ચૂકવવાનો આદેશ આપ્યો છે. જસ્ટિસ અજોય કુમાર મુખર્જીની બેન્ચે હસીન જહાં દ્વારા દાખલ કરવામાં આવેલી અરજી પર આ આદેશ આપ્યો હતો અને ભારતીય ક્રિકેટરને તેની પત્નીને ₹1.5 લાખ અને તેની પુત્રીને ₹2.5 લાખ માસિક ચૂકવવાનો નિર્દેશ આપ્યો છે.

IPL 2025માં રોયલ ચેલેન્જર્સ બેંગલુરુની જીતની ઉજવણી દરમિયાન બેંગલુરુમાં થયેલી નાસભાગમાં 11 લોકોના મોત થયા હતા. આ મામલે સેન્ટ્રલ એડમિનિસ્ટ્રેટિવ ટ્રિબ્યુનલે (CAT) RCB ને જવાબદાર ઠેરવ્યું છે. CATએ કહ્યું કે, ‘આરસીબીએ પોલીસની મંજૂરી વિના સોશિયલ મીડિયા પર વિક્ટ્રી પરેડ માટે આમંત્રણ પોસ્ટ કર્યું હતું. જેના કારણે મોટી ભીડ એકઠી થઈ ગઈ હતી અને પોલીસ પાસે સુરક્ષા વ્યવસ્થા કરવા માટે પૂરતો સમય નહોતો. પોલીસ માત્ર 12 કલાકમાં સંપૂર્ણ વ્યવસ્થા કરે તેવી અપેક્ષા રાખી શકાય નહીં. પોલીસકર્મીઓ પણ માણસ છે, તે ભગવાન કે જાદુગર નથી કે, એક જ વારમાં બધી વ્યવસ્થા કરી શકે.

બુલાવાયો ટેસ્ટમાં સાઉથ આફ્રિકાએ ઝિમ્બાબ્વેને 328 રનથી હરાવ્યું, અને 2 ટેસ્ટ મેચની સિરીઝમાં 1-0થી લીડ મેળવી. ડેબ્યૂટન્ટ લુહાન ડી પ્રિટોરિયસ 'પ્લેયર ઓફ ધ મેચ' બન્યો. સાઉથ આફ્રિકાના કોર્બિન બોશે સદી ફટકારી અને 5 વિકેટ લીધી, જ્યારે વિઆન મુલ્ડરે પણ સદી ફટકારી અને 4 વિકેટ લીધી. ઝિમ્બાબ્વે તરફથી સીન વિલિયમ્સે સદી ફટકારી. સાઉથ આફ્રિકાએ પ્રથમ દાવ 418/9 પર જાહેર કર્યો, જેના જવાબમાં ઝિમ્બાબ્વે 251 રનમાં ઓલઆઉટ થઈ ગયું. બીજા દાવમાં સાઉથ આફ્રિકાએ 369 રન બનાવ્યા અને ઝિમ્બાબ્વેને 537 રનનો ટાર્ગેટ આપ્યો. ઝિમ્બાબ્વેની ટીમ 208 રનમાં ઓલઆઉટ થઈ ગઈ. આગામી ટેસ્ટ 6 જુલાઈથી શરૂ થશે.

કર્ણાટક સ્ટેટ ક્રિકેટ એસોસિએશન (KSCA) દ્વારા ફાયર સેફ્ટીના નિયમોનું પાલન ન કરવા બદલ બેંગ્લોર ઇલેક્ટ્રિસિટી સપ્લાય કંપની લિમિટેડ (BESCOM)એ એમ. ચિન્નાસ્વામી સ્ટેડિયમનો વીજ પુરવઠો કાપી નાખ્યો છે. ફાયર વિભાગે BESCOMને પત્ર લખીને આ બાબતે જાણ કરી હતી. અગાઉ, KSCAને ફાયર સેફ્ટીના પગલાં લેવા માટે કહેવામાં આવ્યું હતું, પરંતુ તેમણે કોઈ સુધારા કર્યા ન હતા. આ વર્ષે IPL મેચ દરમિયાન પણ ફાયર સેફ્ટી ગાઇડલાઇન્સનું પાલન કરવામાં આવ્યું ન હતું. RCBની વિનિંગ પરેડ દરમિયાન ભાગદોડમાં 11 લોકોના મોત થયા હતા. જ્યાં સુધી સ્ટેડિયમને સેફ્ટી સર્ટિફિકેટ નહીં મળે ત્યાં સુધી વીજ પુરવઠો બંધ રહેશે.

કાર્લોસ અલ્કારેઝે વિમ્બલ્ડનના પહેલા રાઉન્ડમાં ફોગ્નીનીને હરાવ્યો, જ્યારે ઓલિવર ટાર્વેટ પણ આગળ વધ્યો. અલ્કારેઝનો આ સતત 19મો વિજય છે, જેણે ફ્રેન્ચ ઓપન અને ક્વીન્સનો ખિતાબ જીત્યો છે. તેણે મેચ દરમિયાન એક બીમાર દર્શકને પાણીની બોટલ આપી મદદ કરી. મહિલા વિભાગમાં, આરીના સબાલેન્કાએ જીત સાથે શરૂઆત કરી, અને વર્લ્ડ નંબર-1 તરીકે WTAમાં આ તેમની 50મી જીત હતી. જો કે, મેદવેદેવ અને હોલ્ગર રુનને પહેલા રાઉન્ડમાં અપસેટનો સામનો કરવો પડ્યો.

રેલ મુસાફરી મોંઘી છે: AC માં 1000 કિમીની મુસાફરી માટે તમારે ₹20 વધુ ચૂકવવા પડશે. તત્કાલ ટિકિટ બુકિંગ: આધાર IRCTC એકાઉન્ટ સાથે લિંક થયેલ હોવો જરૂરી. પાન કાર્ડના નિયમો: જો તમારી પાસે આધાર નથી, તો તમે પાન કાર્ડ મેળવી શકશો નહીં. MGની કાર મોંઘી: કંપનીએ કિંમતોમાં 1.5% સુધીનો વધારો કર્યો. UPI ટ્રાન્ઝેક્શન: હવે પેમેન્ટ કરતી સમયે અસલી રિસીવરનું નામ દેખાશે.ગેસ સિલિન્ડર સસ્તો: કોમર્શિયલ સિલિન્ડરના ભાવમાં ₹58.50નો ઘટાડો.

ભારતીય ક્રિકેટ ટીમ ના પૂર્વ કેપ્ટન મહેન્દ્ર સિંહ ધોનીએ ‘કેપ્ટન કૂલ’ નામે ટ્રેડમાર્ક રજીસ્ટર કરાવવા માટે રજિસ્ટ્રી પોર્ટલ પર અરજી કરી છે. ધોનીએ આ ટ્રેડમાર્ક ખાસ કરીને રમતગમત તાલીમ, તાલીમ માટેની સુવિધાઓ અને રમતગમત કોચિંગ સેવાઓ માટે નોંધાવ્યો છે. ધોનીને દુનિયાભરમાં તેમના શાંત સ્વભાવ અને કુશળ નેતૃત્વ માટે ઓળખવામાં આવે છે, અને ‘કેપ્ટન કૂલ’ નામ તે માટે ખૂબ લોકપ્રિય છે. હવે આ નામધારી સેવાઓ ધોનીના બ્રાન્ડ સાથે સાંકળાયેલી રહેશે. રમતગમત ક્ષેત્રે તેમના અનુભવ અને લોકપ્રિયતાને ધ્યાનમાં રાખીને આ ટ્રેડમાર્ક વ્યવસાયિક રીતે મહત્વપૂર્ણ બની રહેશે. આનાથી તેમની બ્રાન્ડ વેલ્યુમાં પણ વધારો થશે.

વિમ્બલ્ડન, સૌથી જૂની ટેનિસ ટુર્નામેન્ટ, લંડનના ઓલ ઈંગ્લેન્ડ ક્લબમાં શરૂ થઈ રહી છે. 148 વર્ષ જૂની આ ગ્રાન્ડ સ્લેમની આ 138મી આવૃત્તિ છે. આ ટુર્નામેન્ટ વિશ્વ યુદ્ધ અને COVID-19 દરમિયાન જ બંધ રહી હતી. ટેનિસના ચાર ગ્રાન્ડ સ્લેમમાં વિમ્બલ્ડન સૌથી પ્રતિષ્ઠિત છે. આ વર્ષની ત્રીજી ગ્રાન્ડ સ્લેમ છે, જે જુલાઈમાં યોજાય છે. સર્બિયન ખેલાડી નોવાક યોકોવિચ 25મો ખિતાબ જીતવા માટે પ્રયત્ન કરશે, પરંતુ તેનો સામનો કાર્લોસ અલ્કારાઝ કરશે. ગયા વર્ષે અલ્કારાઝે યોકોવિચને હરાવ્યો હતો. આ ટુર્નામેન્ટનું આયોજન ઓલ ઈંગ્લેન્ડ ક્લબ દ્વારા કરવામાં આવે છે, જેની સ્થાપના 1868માં થઈ હતી. વેલ્સની રાજકુમારી કેથરિન એલિઝાબેથ મિડલટન આ ક્લબની માલિક છે.

ViewSonic, હોમ એન્ટરટેઈનમેન્ટ ડિવાઇસ કંપનીએ ભારતમાં M1 સિરીઝના બે પોર્ટેબલ પ્રોજેક્ટર M1 Max અને M1X લોન્ચ કર્યા. આ પ્રોજેક્ટરથી રૂમને મિની સિનેમા હોલમાં ફેરવી શકાય છે. તેમાં 360° સ્માર્ટ સ્ટેન્ડ છે. M1 Max માં Google TV ઇન્સ્ટોલ કરેલું છે. તેનું વજન 1 કિલોથી ઓછું છે અને તેની શરૂઆતની કિંમત 90,000 રૂપિયા છે. M1 Max માં ફુલ HD 1080p અને ToF ઓટોફોકસ છે, કિંમત ₹1,35,000 છે. M1X માં ક્રોમકાસ્ટ, ફાયર સ્ટીક જેવા ડિવાઇસ કનેક્ટ કરી શકાય છે, કિંમત ₹ 90,000 છે. બંનેમાં હરમન કાર્ડનના સ્પીકર્સ, સિનેમા સુપરકલર + ટેકનોલોજી, ઇનબિલ્ટ બેટરી અને વાયરલેસ સ્ક્રીન મિરરિંગ છે. ViewSonic ની સ્થાપના 1987 માં થઈ હતી.

ભારતની પ્રથમ ઈ-વોટિંગ એપ બિહારમાં લોન્ચ થઈ. ઈ-વોટિંગમાં વોટ કરનાર પ્રથમ મહિલા વોટર વિભાકુમારી બન્યા. જ્યારે ઈ- વોટિંગ કરનાર પ્રથમ પુરુષ મુન્નાકુમાર બન્યા. નવી ઈ-વોટિંગ સેવા લોકશાહી પ્રક્રિયાને વધુ સુરક્ષિત રાખવા મદદરૂપ થશે. Blockchain ટેકનોલોજી ની મદદથી મતો એક સુરક્ષિત, અપરિવર્તનશીલ સિસ્ટમમાં રેકોર્ડ અને સંગ્રહિત થાય છે. ડિજિટલ સ્કેનિંગ અને OCR (ઓપ્ટિકલ કેરેક્ટર રેકગ્નિશન) મતોની સચોટ ગણતરી કરવામાં મદદ કરે છે.

પ્રધાનમંત્રી નરેન્દ્ર મોદીએ ભારતીય અવકાશયાત્રી શુભાંશુ શુક્લા સાથે કરવામાં આવેલી વાતચીત દરમિયાન અનેક રોચક પ્રશ્નો કર્યા અને તેમને ભારતની નવી પેઢી માટે પ્રેરણાસ્રોત ગણાવ્યા. શુક્લાએ જણાવ્યું કે અવકાશમાંથી ભારત ભવ્ય દેખાય છે અને તેને જોવા એક અનોખો અનુભવ છે. પીએમએ ગાજરના હલવા વિશે પૂછતાં શુક્લાએ હસતાં જવાબ આપ્યો કે તેઓ મગ અને ગાજરનો હલવો સાથે લાવ્યા છે અને તમામ સાથીઓ સાથે શેર કર્યો છે. પૃથ્વીની 400 કિમી ઉંચાઈએ પૃથ્વી પરિભ્રમણ કરતી આ યાત્રાને તેઓ ફક્ત પોતાનું નહીં, પણ સમગ્ર ભારતનું ગૌરવ ગણાવે છે. તેમણે જણાવ્યું કે તેઓ પ્રતિ કલાકે લગભગ 28,000 કિમીની ઝડપે આગળ વધી રહ્યા છે અને દિવસે 16 વખત સૂર્યોદય-સૂર્યાસ્તનો અનુભવ કરે છે. પીએમએ આ યાત્રાને "ધરતી માતાની પરિક્રમા" ગણાવી અને શુભાંશુને અભિનંદન પાઠવ્યા.

નવી મુંબઈના ટાટા મેમોરિયલ સેન્ટરના ACTREC વિભાગમાં ન્યુક્લિયર થેરપીની આધુનિક સારવાર દ્વારા 17 વર્ષના કિશોરે ગંભીર પિડિયાટ્રિક કેન્સર "રિલેપ્સ્ડ ન્યુરો બ્લાસ્ટોમા"માંથી સંપૂર્ણ રીતે સાજો થઇને ફરી ઘેર વિજય સાથે પરત ફર્યો છે. આ સારવાર માટે તેને ભારતમાં અત્યારસુધીનો સૌથી વધુ 300 મિલિક્યુરીનો રેડિયોએક્ટિવ MIBG ડોઝ આપવામાં આવ્યો હતો. પૂર્વ આયોજન હેઠળ આ જટિલ થેરપી માટે દેશ-વિદેશના નિષ્ણાતોનો સહયોગ લેવામાં આવ્યો હતો. આ સફળતા દેશ માટે મોટી સિદ્ધિ છે અને ન્યુક્લિયર મેડિસિન ક્ષેત્રે નવી આશાની કિરણ રશે છે. પરમાણુ ચિકિત્સાનો ઉપયોગ કેન્સર, થાયરોઇડ, હૃદય રોગ, હાડકાંની બીમારી, મગજનો રોગ વગેરેની સારવારમાં થાય છે.

ઊર્જા મંત્રી કનુ દેસાઈએ વલસાડના કપરાડામાં 66 કેવી સબ સ્ટેશનનું લોકાર્પણ કર્યું, જે 4900 ચો.મી.માં રૂ. 16.69 કરોડના ખર્ચે બન્યું છે. આથી 15 ગામોના 15,496 લોકોને વીજ પુરવઠો મળશે. દેસાઈએ જણાવ્યું કે પ્રોજેક્ટ નિર્ધારિત સમયથી વહેલો પૂરો થયો અને ગુજરાત ઝીરો કાર્બન ઉત્સર્જન માટે સોલાર અને પવન ઊર્જાથી વીજ ઉત્પાદન કરે છે. ધારાસભ્ય જીતુ ચૌધરીએ નાંદગામમાં નવા સબ સ્ટેશનની જાહેરાત કરી. ગુજરાત એનર્જી ટ્રાન્સમિશન કોર્પોરેશન લિમિટેડ (જેટકો)ના MD ઉપેન્દ્ર પાંડેએ પ્રોજેક્ટની માહિતી આપી. વલસાડમાં હવે 69 સબ સ્ટેશન કાર્યરત છે, જેમાં છેલ્લા પાંચ વર્ષમાં 24 ઉમેરાયા છે અને ભવિષ્યમાં વધુ 12 બનશે.

બિહાર, જે દેશનું સૌથી પછાત રાજ્ય છે, તે ભારતમાં ચૂંટણીના એક નવા યુગની શરૂઆત કરી શકે છે. બિહારમાં છ નગરપાલિકાની ચૂંટણીમાં પ્રથમ વખત ઇ-વોટિંગનો ઉપયોગ કરવામાં આવ્યો છે. આ એક pilot project છે, અને જો તે સફળ થાય, તો તેનો ઉપયોગ આગામી ચૂંટણીઓમાં થઈ શકે છે. ઇલેક્ટ્રોનિક વોટિંગમાં મોબાઇલ અને કમ્પ્યુટરથી મતદાન કરવાની મંજૂરી આપવામાં આવી છે. આ પ્રક્રિયા મતદાનને સુરક્ષિત અને પારદર્શક બનાવે છે.

IPL માં RCBના ફાસ્ટ બોલર યશ દયાલ પર જાતીય સતામણીનો આરોપ છે. ગાઝિયાબાદની એક યુવતીએ online પોર્ટલ પર ફરિયાદ કરી છે, જેમાં લગ્નના બહાને શારીરિક અને માનસિક સતામણીનો આરોપ લગાવ્યો છે. પોલીસ તપાસ કરી રહી છે અને ટૂંક સમયમાં યશ દયાલનું નિવેદન લેવાશે. યશ દયાલના પિતાએ આ સમાચારને ખોટા ગણાવ્યા છે. પીડિતાએ X પર CM યોગીને મદદ માટે અપીલ કરી છે અને ચેટ, સ્ક્રીનશોટ જેવા પુરાવા રજૂ કર્યા છે. યશ દયાલ 2022માં KKRના રિંકુ સિંહે તેની ઓવરમાં 5 છગ્ગા ફટકાર્યા ત્યારે ચર્ચામાં આવ્યો હતો.

વડાપ્રધાન નરેન્દ્ર મોદીએ ગ્રૂપ કૅપ્ટન શુભાંશુ શુક્લા સાથે વાતચીત કરી, જેઓ ઇન્ટરનેશનલ સ્પેસ સ્ટેશન (ISS)માં પ્રવેશ કરનાર પ્રથમ ભારતીય બન્યા છે. આ એક ઐતિહાસિક ક્ષણ હતી અને Axiom-4 Missionના ભાગરૂપે ગ્લોબલ સ્પેસ એક્સપ્લોરેશનમાં ભારત માટે એક મુખ્ય લક્ષ્યાંક ગણાય છે. 14 દિવસની અંતરિક્ષ યાત્રા પર ગયેલા શુભાંશુ શુક્લા સાથે PM મોદીએ વાત કરી હતી. શુભાંશુ શુક્લા ભારતીય વાયુસેના (IAF)ના અધિકારી છે.

પૃથ્વી શૉ (Prithvi Shaw) અને ઉન્મુક્ત ચંદ (Unmukt Chand) એ ભારતીય ટીમને અંડર-19 વર્લ્ડ કપ (Under-19 World Cup) જીતાડ્યો. બંનેની શરૂઆત શાનદાર રહી, પણ તેમનું પ્રદર્શન કથળતું ગયું. પૃથ્વી શૉએ (Prithvi Shaw) ઈન્ટરનેશનલ ડેબ્યૂ (International Debut) કર્યું, પણ વધુ મેચ રમી શક્યો નહીં. ઉન્મુક્ત ચંદને (Unmukt Chand) તક ન મળતા બીજા દેશ માટે રમવાનું પસંદ કર્યું. સમય જતા બંને ક્રિકેટરોનું કરિયર (Career) ધાર્યા પ્રમાણે આગળ વધી શક્યું નહીં.

શ્રીલંકા અને બાંગ્લાદેશ વચ્ચેની બે ટેસ્ટ મેચની સિરીઝ પૂરી થઈ. પહેલી TEST match ડ્રો રહી, જ્યારે છેલ્લી match માં બાંગ્લાદેશની ટીમને એક innings અને 78 રનથી હાર મળી.

રિષભ પંત વધુ એક સદી સાથે ડોન બ્રેડમેન, રાહુલ દ્રવિડ, અને બ્રાયન લારા જેવા દિગ્ગજોની યાદીમાં જોડાઈ શકે છે. ઈંગ્લેંડ સામેની બીજી ટેસ્ટ એજબેસ્ટન ખાતે શરૂ થશે. લીડ્સ ટેસ્ટ માં પંતે બંને ઇનિંગ્સમાં સદી ફટકારી હતી, જેમાં 134 અને 118 રન બનાવ્યા હતા. દ્રવિડ આ સિદ્ધિ મેળવનાર એકમાત્ર ભારતીય છે. જોફ્રા આર્ચર બીજી ટેસ્ટ પહેલાં ઈંગ્લેંડ ટીમમાં જોડાયો છે. બેન સ્ટોક્સ કેપ્ટન છે. હેડિંગ્લી ટેસ્ટમાં પાંચ સદી છતાં ભારત હાર્યું.ટેસ્ટ ઇતિહાસમાં આ પહેલી વાર બન્યું છે કે કોઈ ટીમ પાંચ સદી ફટકારવા છતાં મેચ હારી ગઈ હોય.

બાર્બાડોસમાં રમાયેલી પહેલી ટેસ્ટ મેચમાં ઓસ્ટ્રેલિયાએ વેસ્ટ ઇન્ડીઝને 159 રનથી હરાવ્યું. જોશ હેઝલવુડની 5 વિકેટે વેસ્ટ ઇન્ડીઝને 141 રનમાં ઓલઆઉટ કર્યું. ઓસ્ટ્રેલિયાએ બીજી ઇનિંગમાં 310 રન બનાવ્યા. ટ્રેવિસ હેડે બંને દાવમાં અડધી સદી ફટકારી અને તે 'પ્લેયર ઓફ ધ મેચ' જાહેર થયો. વેસ્ટ ઇન્ડીઝના શમર જોસેફે બીજી ઇનિંગમાં 5 વિકેટ લીધી. વેસ્ટ ઇન્ડીઝે પ્રથમ ઇનિંગમાં 190 રન બનાવ્યા હતા. ઓસ્ટ્રેલિયાએ કેરેબિયન ટીમને 301 રનનો ટાર્ગેટ આપ્યો હતો, પરંતુ વેસ્ટ ઇન્ડીઝ 141 રનમાં ઓલઆઉટ થઈ ગયું.

આઈસીસીએ 2025-27 વર્લ્ડ ટેસ્ટ ચેમ્પિયનશિપ માટે અને 2 જુલાઈ 2025થી ODI તથા T20 માટે નવા નિયમો લાગુ કર્યા છે. હવે ટેસ્ટમાં સ્ટોપ ક્લોકનો નિયમ લાગુ થશે, જેમાં જો ફિલ્ડિંગ ટીમ ઓવર શરૂ કરવામાં 60 સેકન્ડથી વધુ સમય લેશે તો દંડ રૂપે 5 રન કપાશે. શોર્ટ રનના નિયમમાં ફેરફાર કરીને હવે અમ્પાયર ફીલ્ડિંગ ટીમને પૂછશે કે કયો બેટર સ્ટ્રાઈક પર રહે. બોલ પર લાળ લાગવી હાલ પણ મનાઈ છે, પણ ભૂલથી લાગે તો બોલ બદલવો ફરજિયાત નહીં હોય. કેચ રિવ્યૂ ખોટો નીકળે છતાં LBW હોય તો બેટર આઉટ ગણાશે. નો બોલ પર કેચ હોવા છતાં રન મળશે અને કેચની તપાસ પણ થશે. T20 માટે પાવરપ્લેના નવા નિયમ મુજબ ઓવરો ઓછી થાય તો પાવરપ્લે ઓવર પણ તેના પ્રમાણમાં ઓછી થશે. ODIમાં હવે 35 ઓવર બાદ એક જ નવા બોલનો ઉપયોગ થશે. બાઉન્ડરી નજીક કેચ પકડવાના નિયમમાં પણ ફેરફાર મંજૂર થયો છે, જે ઓક્ટોબર 2026થી લાગુ થશે.

ભારતનો ઈંગ્લેન્ડ પ્રવાસની શરૂઆત હારથી થઈ છે. લીડ્સમાં પહેલી ટેસ્ટમાં 5 સદી ફટકાર્યા છતાં ભારતને હારનો સામનો કરવો પડ્યો છે. બીજી ટેસ્ટ બર્મિંગહામમાં એજબેસ્ટન મેદાન પર રમાશે. પ્રથમ મેચમાં નબળી ફિલ્ડિંગ અને બોલિંગ ભારત માટે પરાજયનુ કારણ બનયા હતા. ભારતીય ટીમના મુખ્ય કોચ ગૌતમ ગંભીર અને શુભમન ગિલ પ્લેઈંગ ઈલેવનમાં ફેરફાર કરી શકે છે. જસપ્રીત બુમરાહને તેની વર્કલોડને ધ્યાનમાં રાખીને બીજી ટેસ્ટમાંથી આરામ આપવામાં આવી શકે છે.

ISS પૃથ્વીથી 400 કિ.મી. ઉપર આવેલું છે અને સૌર ઊર્જાથી સામાન્ય કામ કરી શકે છે. તેનું ઇંધણ અને વીજળી પૃથ્વી પરથી સપ્લાય થાય છે. ISS 27,600 કિ.મી./કલાકની ઝડપે પૃથ્વીની આસપાસ ફરતું હોવાથી 90 મિનિટમાં એક ચક્કર પૂરું કરે છે. આ માટે પૂરતું ઇંધણ આપવા માટે સૌર ઊર્જા પૂરતી નથી. ISSમાં 6થી વધુ અંતરિક્ષયાત્રી રહી શકતાં નથી. હવા, પાણી, ખોરાક બધું રિસાયકલ કરીને લેવાય છે. ભારતીય અવકાશયાત્રી શુભાંશુ શુક્લા સહિત કુલ ચાર અવકાશયાત્રીઓ અહીં પહોંચ્યા છે.

ભારતના 9 વર્ષીય આરિત કપિલે નોર્વેજિયન મહા ફ્લેયર મેગ્નસ કાર્લસન સાથે ઓનલાઈન ટુર્નામેન્ટ 'અર્લી ટાઇટલ્ડ ટ્યુઝડે'માં ડ્રો રમ્યો. પાંચ વખતના વિશ્વ ચેમ્પિયન કાર્લસનની દરેક ચાલને આરિતે શાનદાર જવાબ આપ્યો, પણ સમાપનમાં સમય ઓછો હોવાના કારણે જીત મેળવી શક્યો નહિ. કાર્લસનના ગુસ્સાનાં પ્રસંગો પણ હતાં, ખાસ કરીને ગત ટુર્નામેન્ટમાં ગુકેશ સામે હારવાથી તે નારાજ જોવા મળ્યો. આ સાથે, 16 વર્ષીય આર પ્રજ્ઞાનંદે પણ કાર્લસનને હરાવ્યો છે. ટુર્નામેન્ટમાં 11માંથી 10 પોઈન્ટ સાથે ભારતીય વી. પ્રણવ વિજેતા થયા.

જાહ્નવી ડાંગેતી, 23 વર્ષીય યુવતી આંધ્રપ્રદેશના ગોદાવરી જિલ્લાના રહેવાસી છે, જેને વર્ષ 2029માં અમેરિકાના ટાઇટન્સ સ્પેસ મિશન માટે પસંદ કરવામાં આવી છે. આ મિશનમાં તે પૃથ્વીની બે વાર પરિક્રમા કરશે અને ત્રણ કલાક શૂન્ય ગુરુત્વાકર્ષણનો અનુભવ કરશે. તેણે પંજાબની લવલી પ્રોફેશનલ યુનિવર્સિટીમાંથી ઈલેક્ટ્રોનિક્સ અને કોમ્યુનિકેશન એન્જિનિયરિંગનો અભ્યાસ કર્યો છે અને નાસાના વિવિધ કાર્યક્રમોમાં પણ ભાગ લીધો છે. તેને નાસા અને ISRO તરફથી અનેક પુરસ્કારો મળ્યા છે. 2026માં તે અવકાશ યાત્રા માટે તાલીમ લેશે. બાળપણથી જ અવકાશવિજ્ઞાન પ્રત્યે તેની જિજ્ઞાસા હતી, જે હવે સાકાર થવા જઈ રહી છે.

ભારતના ગોલ્ડન બોય Neeraj Chopra એ Ostrava Golden Spike 2025માં શાનદાર પ્રદર્શન કરીને ગોલ્ડ મેડલ જીત્યો હતો. પેરિસ ડાયમંડ લીગ જીત્યાના માત્ર ચાર દિવસ પછી, નીરજે 24 જૂને યોજાયેલી આ સ્પર્ધામાં 85.29 મીટર દૂર ભાલો ફેંકીને એક નવો સીમાચિહ્ન હાંસલ કર્યો. આ સ્પર્ધા વર્લ્ડ એથ્લેટિક્સ સબકોન્ટિનેન્ટલ ટૂરની ગોલ્ડ લેવલ ટુર્નામેન્ટ હતી, જેમાં 9 ખેલાડીઓએ ભાગ લીધો હતો. ખાસ વાત તો એ છે કે નીરજે પહેલીવાર આ સ્પર્ધામાં ભાગ લીધો અને સીધો ખિતાબ જીત્યો.

ઈંગ્લેન્ડે ભારત સામેની પહેલી ટેસ્ટ પાંચ વિકેટથી જીતી લીધી હતી. લીડ્સમાં યજમાન ટીમે 371 રનનુ લક્ષ્ય સરળતાથી મેળવ્યું હતુ. ઓપનિંગ બેટ્સમેન યશસ્વી જયસ્વાલે ઇંગ્લેન્ડ સામેની પહેલી ટેસ્ટમાં સદી ફટકારી હતી પરંતુ તેના ફિલ્ડિંગ પ્રદર્શનથી ઘણી નિરાશા થઈ હતી. તેણે મેચમાં ચાર કેચ છોડ્યા હતા. ઇંગ્લેન્ડની બીજી ઇનિંગમાં યશસ્વીએ બેન ડકેટનો છોડેલો કેચ ભારતને મોંઘો પડ્યો. બોલર મોહમ્મદ સિરાજ મેચમાં અસરકારક દેખાતો ન હતો. સિરાજે પહેલી ઇનિંગમાં 27 ઓવરમાં 122 રન આપ્યા બાદ બે વિકેટ લીધી હતી. તે જ સમયે, સિરાજ બીજા ઇનિંગમાં 14 ઓવરમાં 51 રન આપીને કોઈ વિકેટ લઈ શક્યો ન હતો. બેટ્સમેન કરુણ નાયર વાપસી ટેસ્ટમાં નિષ્ફળ ગયો.

ઈન્ટરનેટ અને મોબાઇલના વધેલા ઉપયોગથી જીવન સરળ બન્યું છે, પરંતુ સાયબર ક્રાઇમ પણ વધી રહ્યું છે. સાયબરગઠિયાઓ નવા પેંતરા અજમાવે છે, જેને કારણે હજારો લોકો ફ્રોડના ભોગ બની રહ્યા છે. OTP શેર કરવાથી લઈને બેંક એકાઉન્ટ ખાલી થાય છે. ફ્રોડ પછી તરત બેંકને જાણ કરવી, પછી ભારત સરકારની સાયબર ક્રાઇમ હેલ્પલાઇન 1930 પર કૉલ કરવો, સાયબર ક્રાઇમ પોર્ટલ www.cybercrime.gov.in પર ફરિયાદ નોંધાવી, નજીકના સાયબર પોલીસ સ્ટેશન જઈ FIR કરાવવી, અને પૂરાવા સુરક્ષિત રાખવા જોઈએ. ત્વરિત કાર્યવાહિ જરૂરી છે કારણ કે વિલંબથી પૈસા પાછાં મેળવવાની શક્યતા ઘટે છે.

માયા ભદૌરિયાની માહિતી મુજબ, ડો. વસંત રણછોડ ગોવારિકર હવામાનશાસ્ત્ર અને અવકાશ વિજ્ઞાનના પ્રખ્યાત વિજ્ઞાની હતા જેમણે ભારતનમાં સૌપ્રથમ સ્વદેશી મોન્સૂન મૉડલનો વિકાસ કર્યો હતો. તેમના માર્ગદર્શન હેઠળ ભારતના હવામાન વિભાગે દીર્ઘકાલીન ચોમાસાની સચોટ આગાહી કરી. તેઓએ ઇંગ્લેન્ડમાં શિક્ષણ પ્રાપ્ત કરી અને હાર્વેલ પરમાણુ સંશોધન કેન્દ્ર અને સમરફીલ્ડમાં કાર્ય કર્યું. ભારતના અવકાશ કાર્યક્રમમાં ડો. વિક્રમ સારાભાઈ સાથે યોગદાન આપ્યું, અને SLV-3 ના શરૂઆત માટે મહત્વપૂર્ણ ભૂમિકા ભજવી. 1986-1991 દરમિયાન ભારતીય વિજ્ઞાન અને ટેક્નોલોજી વિભાગના સચિવ રહ્યા અને અનેક વિજ્ઞાન સન્માનો પ્રાપ્ત કર્યા. તેઓ સ્કિલ ડેવલપમેન્ટના વિચારધારક પણ હતાં અને 2015માં અવસાન પામ્યા.

ભારત અને ઇંગ્લેન્ડ વચ્ચે રમાઈ રહેલી 5 મેચોની ટેસ્ટ સીરિઝની પહેલી મેચમાં ઇંગ્લેન્ડે ભારતને 5 વિકેટથી હરાવ્યું. ભારતે 371 રનનો ટાર્ગેટ સેટ કર્યો હતો, જચેઝિંગ દરમિયાન ઇંગ્લેન્ડે બેન ડકેટ, ક્રાઉલી અને ખાસ કરીને રૂટની શાનદાર ઇનિંગથી આ ટાર્ગેટ સરળતાથી હાંસલ કર્યો. ભારતની બેટિંગ મજબૂત રહી છતાં બોલર્સ નિષ્ફળ રહ્યા, જેના કારણે પ્રથમ મેચ ગુમાવવી પડી. આ જીતથી ઇંગ્લેન્ડ 5 મેચોની સીરિઝમાં 1-0થી આગળ છે, યજમાન ટીમ તરીકે તેમની સ્થિતિ મજબૂત છે.