બુલાવાયો ટેસ્ટમાં સાઉથ આફ્રિકાએ ઝિમ્બાબ્વેને 328 રનથી હરાવ્યું, અને 2 ટેસ્ટ મેચની સિરીઝમાં 1-0થી લીડ મેળવી. ડેબ્યૂટન્ટ લુહાન ડી પ્રિટોરિયસ 'પ્લેયર ઓફ ધ મેચ' બન્યો. સાઉથ આફ્રિકાના કોર્બિન બોશે સદી ફટકારી અને 5 વિકેટ લીધી, જ્યારે વિઆન મુલ્ડરે પણ સદી ફટકારી અને 4 વિકેટ લીધી. ઝિમ્બાબ્વે તરફથી સીન વિલિયમ્સે સદી ફટકારી. સાઉથ આફ્રિકાએ પ્રથમ દાવ 418/9 પર જાહેર કર્યો, જેના જવાબમાં ઝિમ્બાબ્વે 251 રનમાં ઓલઆઉટ થઈ ગયું. બીજા દાવમાં સાઉથ આફ્રિકાએ 369 રન બનાવ્યા અને ઝિમ્બાબ્વેને 537 રનનો ટાર્ગેટ આપ્યો. ઝિમ્બાબ્વેની ટીમ 208 રનમાં ઓલઆઉટ થઈ ગઈ. આગામી ટેસ્ટ 6 જુલાઈથી શરૂ થશે.