Pharmacy council of india(PCI) ના અધ્યક્ષ મોન્ટુ પટેલના દિલ્હી અને અમદાવાદ સ્થિત ઝુંડાલ બંગલોમાં CBIના દરોડા પાડ્યા. ૫૦૦૦ હજાર કરોડ રૂપિયાનો ભ્રષ્ટાચાર કરીને મોન્ટુ પટેલ ફરાર. મોન્ટુ પટેલના અંડરમાં દેશની ૧૨૦૦૦ ફાર્મસી કોલેજો આવે છે. મોન્ટુ પટેલ ચાર વર્ષ પહેલા જ આ કાઉન્સિલના અધ્યક્ષ બન્યા હતા. તપાસકર્તાઓએ ખુલાસો કર્યો કે ગુજરાત પબ્લિક સર્વિસ કમિશન (GPSC) સિસ્ટમમાં નકલી ઇનવર્ડ નંબરો, જૂની તારીખની એન્ટ્રીઓ અને ચેડાં કરેલી ફાઇલોનો ઉપયોગ મોન્ટુ પટેલ અને તેમના સહયોગીઓને PCI માં વરિષ્ઠ હોદ્દાઓ પર બઢતી આપવા માટે કરવામાં આવ્યો હતો. નોંધનીય વાત એ છે કે મોન્ટુ પટેલ ભાજપના યુવા મોરચા સાથે સંકળાયેલા છે.

2018 માં, હસીન જહાંએ મોહમ્મદ શમી પર ઘરેલુ હિંસા, દહેજ ઉત્પીડન અને મેચ ફિક્સિંગનો આરોપ લગાવ્યો હતો. કોલકાતા હાઈકોર્ટે ભારતીય ફાસ્ટ બોલર મોહમ્મદ શમીને તેની અલગ રહેતી પત્ની હસીન જહાં અને પુત્રીને દર મહિને ₹4 લાખ ચૂકવવાનો આદેશ આપ્યો છે. જસ્ટિસ અજોય કુમાર મુખર્જીની બેન્ચે હસીન જહાં દ્વારા દાખલ કરવામાં આવેલી અરજી પર આ આદેશ આપ્યો હતો અને ભારતીય ક્રિકેટરને તેની પત્નીને ₹1.5 લાખ અને તેની પુત્રીને ₹2.5 લાખ માસિક ચૂકવવાનો નિર્દેશ આપ્યો છે.

IPL 2025માં રોયલ ચેલેન્જર્સ બેંગલુરુની જીતની ઉજવણી દરમિયાન બેંગલુરુમાં થયેલી નાસભાગમાં 11 લોકોના મોત થયા હતા. આ મામલે સેન્ટ્રલ એડમિનિસ્ટ્રેટિવ ટ્રિબ્યુનલે (CAT) RCB ને જવાબદાર ઠેરવ્યું છે. CATએ કહ્યું કે, ‘આરસીબીએ પોલીસની મંજૂરી વિના સોશિયલ મીડિયા પર વિક્ટ્રી પરેડ માટે આમંત્રણ પોસ્ટ કર્યું હતું. જેના કારણે મોટી ભીડ એકઠી થઈ ગઈ હતી અને પોલીસ પાસે સુરક્ષા વ્યવસ્થા કરવા માટે પૂરતો સમય નહોતો. પોલીસ માત્ર 12 કલાકમાં સંપૂર્ણ વ્યવસ્થા કરે તેવી અપેક્ષા રાખી શકાય નહીં. પોલીસકર્મીઓ પણ માણસ છે, તે ભગવાન કે જાદુગર નથી કે, એક જ વારમાં બધી વ્યવસ્થા કરી શકે.

વડાપ્રધાન નરેન્દ્ર મોદી 2થી 10 જુલાઈ દરમિયાન ઘાણા, ત્રિનિદાદ-ટોબૈગો, આર્જેન્ટિના, બ્રાઝિલ અને નામિબિયાની મુલાકાત લેશે. આ પ્રવાસ દરમ્યાન પીએમ મોદી દ્વિપક્ષીય સંબંધો મજબૂત કરવા, આર્થિક સહયોગ વધારવા અને વ્યૂહનૈતિક સહભાગિતાના નવા માર્ગો શોધવા પર ભાર આપશે. ઘાણા અને ત્રિનિદાદમાં ભારતીય મૂળના લોકોના સંસ્કૃતિક જોડાણોને મજબૂત કરવામાં આવશે, જયારે આર્જેન્ટિના અને બ્રાઝિલમાં મુખ્યત્વે લિથિયમ, કૃષિ, ઊર્જા અને ટેકનોલોજી ક્ષેત્રે ભાગીદારીની ચર્ચા થશે. બ્રાઝિલમાં BRICS સમિટમાં વૈશ્વિક મુદ્દાઓ પર નેતાઓ સાથે બેઠક થશે. નામિબિયા સાથેના સંબંધો પણ વેપાર અને ઐતિહાસિક દ્રષ્ટિએ મહત્વ ધરાવે છે.

પ્રધાનમંત્રી શ્રી નરેન્દ્ર મોદીએ આજે ડોક્ટર્સ ડે અને ચાર્ટર્ડ એકાઉન્ટન્ટ્સ ડે નિમિત્તે શુભેચ્છાઓ પાઠવી. તેમણે ડોક્ટરોને “સ્વાસ્થ્યના રક્ષક અને માનવતાના સ્તંભ” તરીકે વખાણ્યા અને તેમની કરુણા, કુશળતા તથા મહેનતની પ્રશંસા કરી. સીએ દિવસ પર મોદીએ જણાવ્યું કે તેમના દ્વારા અપાતી ચોકસાઈ અને પારદર્શિતા દેશના અર્થતંત્ર માટે મહત્વપૂર્ણ છે. સાથે જ પીએમએ ડિજિટલ ઈન્ડિયાના 10 વર્ષ પૂર્ણ થવા પર સફળતાની પ્રશંસા કરી અને કહ્યું કે ડિજિટલ ટેક્નોલોજીથી કરોડો લોકોના જીવનમાં સકારાત્મક પરિવર્તન આવ્યું છે અને ભારત ડિજિટલ પેમેન્ટમાં આગવું સ્થાન ધરાવે છે.

તેલંગાણાના સંગારેડ્ડી જિલ્લાના ફેક્ટરી દુર્ઘટનામાં થયેલા જાનહાનિ પર પ્રધાનમંત્રીએ દુઃખ વ્યક્ત કર્યું છે. PM નરેન્દ્ર મોદીએ મૃતકના પરિવારને પીએમ રાહત કોષમાંથી ₹2 લાખ અને ઘાયલ મજૂરોને ₹50,000 સહાય જાહેર કરી છે. PMએ X પર લખ્યું કે તેઓ દુઃખી છે અને ઘાયલોના જલ્દી સ્વસ્થ થવાની કામના કરે છે. તેલંગાણાના રાજ્યપાલ જિષ્ણુ દેવ વર્માએ પણ દિલ્હી ખાતે પીએમની મુલાકાત લીધી હતી.

અભિનેત્રી શેફાલી જરીવાલાનું 42 વર્ષની ઉંમરે અચાનક નિધન થયું હતું, જેમાં કાર્ડિયાક અરેસ્ટ કારણ હોવાનું માનવામાં આવે છે. તેની મિત્ર પૂજા ઘાઈએ ખુલાસો કર્યો કે મૃત્યુની રાત્રે શેફાલીએ નિયમિત રીતે ભોજન કર્યું અને પતિ પરાગને ડોગ વૉક પર મોકલ્યો. તે દરમિયાન તબિયત લથડી ગઈ અને હોસ્પિટલ લઈ જતી વખતે તેનું અવસાન થયું. મૃત્યુના એક દિવસ પહેલાં ઘરમાં સત્યનારાયણની પૂજા પણ રાખવામાં આવી હતી. પોસ્ટમોર્ટમ રિપોર્ટમાં કશું શંકાસ્પદ ન મળતાં પરાગ વિરુદ્ધ કોઈ કાર્યવાહી કરવામાં આવી નથી. ડોક્ટરે પોસ્ટમોર્ટમ બે વાર કર્યો હતો અને રેકોર્ડિંગ પણ કરાયું હતું.

રેલ મુસાફરી મોંઘી છે: AC માં 1000 કિમીની મુસાફરી માટે તમારે ₹20 વધુ ચૂકવવા પડશે. તત્કાલ ટિકિટ બુકિંગ: આધાર IRCTC એકાઉન્ટ સાથે લિંક થયેલ હોવો જરૂરી. પાન કાર્ડના નિયમો: જો તમારી પાસે આધાર નથી, તો તમે પાન કાર્ડ મેળવી શકશો નહીં. MGની કાર મોંઘી: કંપનીએ કિંમતોમાં 1.5% સુધીનો વધારો કર્યો. UPI ટ્રાન્ઝેક્શન: હવે પેમેન્ટ કરતી સમયે અસલી રિસીવરનું નામ દેખાશે.ગેસ સિલિન્ડર સસ્તો: કોમર્શિયલ સિલિન્ડરના ભાવમાં ₹58.50નો ઘટાડો.

ભારતીય ક્રિકેટ ટીમ ના પૂર્વ કેપ્ટન મહેન્દ્ર સિંહ ધોનીએ ‘કેપ્ટન કૂલ’ નામે ટ્રેડમાર્ક રજીસ્ટર કરાવવા માટે રજિસ્ટ્રી પોર્ટલ પર અરજી કરી છે. ધોનીએ આ ટ્રેડમાર્ક ખાસ કરીને રમતગમત તાલીમ, તાલીમ માટેની સુવિધાઓ અને રમતગમત કોચિંગ સેવાઓ માટે નોંધાવ્યો છે. ધોનીને દુનિયાભરમાં તેમના શાંત સ્વભાવ અને કુશળ નેતૃત્વ માટે ઓળખવામાં આવે છે, અને ‘કેપ્ટન કૂલ’ નામ તે માટે ખૂબ લોકપ્રિય છે. હવે આ નામધારી સેવાઓ ધોનીના બ્રાન્ડ સાથે સાંકળાયેલી રહેશે. રમતગમત ક્ષેત્રે તેમના અનુભવ અને લોકપ્રિયતાને ધ્યાનમાં રાખીને આ ટ્રેડમાર્ક વ્યવસાયિક રીતે મહત્વપૂર્ણ બની રહેશે. આનાથી તેમની બ્રાન્ડ વેલ્યુમાં પણ વધારો થશે.

ભારતની પ્રથમ ઈ-વોટિંગ એપ બિહારમાં લોન્ચ થઈ. ઈ-વોટિંગમાં વોટ કરનાર પ્રથમ મહિલા વોટર વિભાકુમારી બન્યા. જ્યારે ઈ- વોટિંગ કરનાર પ્રથમ પુરુષ મુન્નાકુમાર બન્યા. નવી ઈ-વોટિંગ સેવા લોકશાહી પ્રક્રિયાને વધુ સુરક્ષિત રાખવા મદદરૂપ થશે. Blockchain ટેકનોલોજી ની મદદથી મતો એક સુરક્ષિત, અપરિવર્તનશીલ સિસ્ટમમાં રેકોર્ડ અને સંગ્રહિત થાય છે. ડિજિટલ સ્કેનિંગ અને OCR (ઓપ્ટિકલ કેરેક્ટર રેકગ્નિશન) મતોની સચોટ ગણતરી કરવામાં મદદ કરે છે.

પ્રધાનમંત્રી નરેન્દ્ર મોદીએ ભારતીય અવકાશયાત્રી શુભાંશુ શુક્લા સાથે કરવામાં આવેલી વાતચીત દરમિયાન અનેક રોચક પ્રશ્નો કર્યા અને તેમને ભારતની નવી પેઢી માટે પ્રેરણાસ્રોત ગણાવ્યા. શુક્લાએ જણાવ્યું કે અવકાશમાંથી ભારત ભવ્ય દેખાય છે અને તેને જોવા એક અનોખો અનુભવ છે. પીએમએ ગાજરના હલવા વિશે પૂછતાં શુક્લાએ હસતાં જવાબ આપ્યો કે તેઓ મગ અને ગાજરનો હલવો સાથે લાવ્યા છે અને તમામ સાથીઓ સાથે શેર કર્યો છે. પૃથ્વીની 400 કિમી ઉંચાઈએ પૃથ્વી પરિભ્રમણ કરતી આ યાત્રાને તેઓ ફક્ત પોતાનું નહીં, પણ સમગ્ર ભારતનું ગૌરવ ગણાવે છે. તેમણે જણાવ્યું કે તેઓ પ્રતિ કલાકે લગભગ 28,000 કિમીની ઝડપે આગળ વધી રહ્યા છે અને દિવસે 16 વખત સૂર્યોદય-સૂર્યાસ્તનો અનુભવ કરે છે. પીએમએ આ યાત્રાને "ધરતી માતાની પરિક્રમા" ગણાવી અને શુભાંશુને અભિનંદન પાઠવ્યા.

ભારતીય જનતા પાર્ટી (BJP) ના નવા રાષ્ટ્રીય અધ્યક્ષની નિમણૂકની પ્રક્રિયા ઘણા સમયથી વિલંબ થઈ રહયો છે. આ પ્રકિયા માં હજુ સુધી કોઈ અંતિમ નિર્ણય લેવાયો નથી. BJP માં અધ્યક્ષનું સ્થાન ઘણું મહત્વપૂર્ણ હોય છે, અને સૌ કોઈ આ નામની જાહેરાતની રાહ જોઈ રહ્યા છે. આ વિલંબના કારણો હજુ અસ્પષ્ટ છે.

નવી મુંબઈના ટાટા મેમોરિયલ સેન્ટરના ACTREC વિભાગમાં ન્યુક્લિયર થેરપીની આધુનિક સારવાર દ્વારા 17 વર્ષના કિશોરે ગંભીર પિડિયાટ્રિક કેન્સર "રિલેપ્સ્ડ ન્યુરો બ્લાસ્ટોમા"માંથી સંપૂર્ણ રીતે સાજો થઇને ફરી ઘેર વિજય સાથે પરત ફર્યો છે. આ સારવાર માટે તેને ભારતમાં અત્યારસુધીનો સૌથી વધુ 300 મિલિક્યુરીનો રેડિયોએક્ટિવ MIBG ડોઝ આપવામાં આવ્યો હતો. પૂર્વ આયોજન હેઠળ આ જટિલ થેરપી માટે દેશ-વિદેશના નિષ્ણાતોનો સહયોગ લેવામાં આવ્યો હતો. આ સફળતા દેશ માટે મોટી સિદ્ધિ છે અને ન્યુક્લિયર મેડિસિન ક્ષેત્રે નવી આશાની કિરણ રશે છે. પરમાણુ ચિકિત્સાનો ઉપયોગ કેન્સર, થાયરોઇડ, હૃદય રોગ, હાડકાંની બીમારી, મગજનો રોગ વગેરેની સારવારમાં થાય છે.

બિહાર, જે દેશનું સૌથી પછાત રાજ્ય છે, તે ભારતમાં ચૂંટણીના એક નવા યુગની શરૂઆત કરી શકે છે. બિહારમાં છ નગરપાલિકાની ચૂંટણીમાં પ્રથમ વખત ઇ-વોટિંગનો ઉપયોગ કરવામાં આવ્યો છે. આ એક pilot project છે, અને જો તે સફળ થાય, તો તેનો ઉપયોગ આગામી ચૂંટણીઓમાં થઈ શકે છે. ઇલેક્ટ્રોનિક વોટિંગમાં મોબાઇલ અને કમ્પ્યુટરથી મતદાન કરવાની મંજૂરી આપવામાં આવી છે. આ પ્રક્રિયા મતદાનને સુરક્ષિત અને પારદર્શક બનાવે છે.

આસામના મુખ્યમંત્રી હેમંત બિશ્વાસ શર્મા એ બંધારણના આમુખમાંથી સમાજવાદ અને ધર્મનિરપેક્ષ શબ્દો દૂર કરવાની અપીલ કરી છે. ભાજપના નેતાઓ દ્વારા સંઘને કરવામાં આવેલી આ અપીલ વચ્ચે, મુખ્યમંત્રી શર્માએ ઇમરજન્સી દરમિયાન કોંગ્રેસ પર નિશાનો સાધતા આ વાત કરી. તેમણે કહ્યું કે ઇમરજન્સી વખતે બંધારણમાં ઉમેરવામાં આવેલા આ શબ્દોને હટાવી દેવા જોઈએ અને કટોકટીના તમામ વારસાને દૂર કરવાનો આ યોગ્ય સમય છે. 'The Emergency Diaries' પુસ્તકના વિમોચન વખતે તેમણે આ અપીલ કરી હતી.

વડાપ્રધાન નરેન્દ્ર મોદીએ ગ્રૂપ કૅપ્ટન શુભાંશુ શુક્લા સાથે વાતચીત કરી, જેઓ ઇન્ટરનેશનલ સ્પેસ સ્ટેશન (ISS)માં પ્રવેશ કરનાર પ્રથમ ભારતીય બન્યા છે. આ એક ઐતિહાસિક ક્ષણ હતી અને Axiom-4 Missionના ભાગરૂપે ગ્લોબલ સ્પેસ એક્સપ્લોરેશનમાં ભારત માટે એક મુખ્ય લક્ષ્યાંક ગણાય છે. 14 દિવસની અંતરિક્ષ યાત્રા પર ગયેલા શુભાંશુ શુક્લા સાથે PM મોદીએ વાત કરી હતી. શુભાંશુ શુક્લા ભારતીય વાયુસેના (IAF)ના અધિકારી છે.

પૃથ્વી શૉ (Prithvi Shaw) અને ઉન્મુક્ત ચંદ (Unmukt Chand) એ ભારતીય ટીમને અંડર-19 વર્લ્ડ કપ (Under-19 World Cup) જીતાડ્યો. બંનેની શરૂઆત શાનદાર રહી, પણ તેમનું પ્રદર્શન કથળતું ગયું. પૃથ્વી શૉએ (Prithvi Shaw) ઈન્ટરનેશનલ ડેબ્યૂ (International Debut) કર્યું, પણ વધુ મેચ રમી શક્યો નહીં. ઉન્મુક્ત ચંદને (Unmukt Chand) તક ન મળતા બીજા દેશ માટે રમવાનું પસંદ કર્યું. સમય જતા બંને ક્રિકેટરોનું કરિયર (Career) ધાર્યા પ્રમાણે આગળ વધી શક્યું નહીં.

શ્રીલંકા અને બાંગ્લાદેશ વચ્ચેની બે ટેસ્ટ મેચની સિરીઝ પૂરી થઈ. પહેલી TEST match ડ્રો રહી, જ્યારે છેલ્લી match માં બાંગ્લાદેશની ટીમને એક innings અને 78 રનથી હાર મળી.

ભરૂચ જિલ્લાના આમોદ, જંબુસર અને હાંસોટ તાલુકાના 56 ગામોમાં રૂ. 7.30 કરોડના મનરેગા કૌભાંડમાં તાજેતરમાં મહત્ત્વપૂર્ણ કાર્યવાહી થઈ છે. 26 જૂને કોંગ્રેસના ઉપપ્રમુખ હીરા જોટવાને ગીર સોમનાથથી અને 27 જૂને તેમના પુત્ર દિગ્વિજય જોટવાને ભરૂચ એલસીબી દ્વારા ધરપકડ કરવામાં આવી છે. આ સાથે હાંસોટ તાલુકા પંચાયતના ઓપરેટર રાજેશ ટેલરની પણ ધરપકડ થઈ છે. પોલીસના જણાવ્યા અનુસાર, હીરા જોટવા અને તેમના પરિવારજનોના ખાતામાં ખોટા જોબકાર્ડ અને મટીરીયલ વિના રકમ ટ્રાન્સફર કરાઈ હતી. હીરા જોટવાના નામે જલારામ અને મુરલીધર એન્ટરપ્રાઇઝ નામની એજન્સીઓ મનરેગાનું કામ સંભાળતી હતી. દિગ્વિજય જોટવા તાજેતરમાં જ સુપાસી ગ્રામ પંચાયતના સરપંચ તરીકે ચૂંટાયા હતા, અને બે દિવસ પહેલાં જ તેઓએ વિજયની ઉજવણી પણ કરી હતી. આરોપીઓ સામે કોર્ટમાં રજૂઆત બાદ છ દિવસના રિમાન્ડ મંજૂર કરાયા છે.

ભારતનો ઈંગ્લેન્ડ પ્રવાસની શરૂઆત હારથી થઈ છે. લીડ્સમાં પહેલી ટેસ્ટમાં 5 સદી ફટકાર્યા છતાં ભારતને હારનો સામનો કરવો પડ્યો છે. બીજી ટેસ્ટ બર્મિંગહામમાં એજબેસ્ટન મેદાન પર રમાશે. પ્રથમ મેચમાં નબળી ફિલ્ડિંગ અને બોલિંગ ભારત માટે પરાજયનુ કારણ બનયા હતા. ભારતીય ટીમના મુખ્ય કોચ ગૌતમ ગંભીર અને શુભમન ગિલ પ્લેઈંગ ઈલેવનમાં ફેરફાર કરી શકે છે. જસપ્રીત બુમરાહને તેની વર્કલોડને ધ્યાનમાં રાખીને બીજી ટેસ્ટમાંથી આરામ આપવામાં આવી શકે છે.

ISS પૃથ્વીથી 400 કિ.મી. ઉપર આવેલું છે અને સૌર ઊર્જાથી સામાન્ય કામ કરી શકે છે. તેનું ઇંધણ અને વીજળી પૃથ્વી પરથી સપ્લાય થાય છે. ISS 27,600 કિ.મી./કલાકની ઝડપે પૃથ્વીની આસપાસ ફરતું હોવાથી 90 મિનિટમાં એક ચક્કર પૂરું કરે છે. આ માટે પૂરતું ઇંધણ આપવા માટે સૌર ઊર્જા પૂરતી નથી. ISSમાં 6થી વધુ અંતરિક્ષયાત્રી રહી શકતાં નથી. હવા, પાણી, ખોરાક બધું રિસાયકલ કરીને લેવાય છે. ભારતીય અવકાશયાત્રી શુભાંશુ શુક્લા સહિત કુલ ચાર અવકાશયાત્રીઓ અહીં પહોંચ્યા છે.

રશ્મિકા મંદાનાએ છેલ્લાં ત્રણ વર્ષમાં 2000થી 3000 કરોડનો બિઝનેસ કર્યો છે. તે કહે છે કે સફળતા માટે પરિશ્રમ કરવો જરૂરી છે, પણ તે હંમેશા ટકી રહેવુ કઠિન છે. તેણે પોતાની સફળતામાં છુપાવવું પસંદ ન કર્યું છે અને તેના પરિવારજનો પણ તેને સમજીને મદદગાર રહ્યા છે. રશ્મિકાની ફિલ્મોદ્યોગમાં આઠ વર્ષની સફર પૂરી થવા જઈ રહી છે અને તાજેતરમાં તેની નવી ફિલ્મ 'કબીરા' રિલીઝ થઈ છે. નવો પ્રોજેક્ટ અને સતત મહેનત સાથે તે પોતાનું સ્થાન મજબૂત કરી રહી છે.

જાણીતા એક્ટર જ્હોન અબ્રાહમ કહે છે કે તેઓ હાલમાં OTTની કોઈ પણ સિરીઝ કે ફિલ્મમાં એક્ટર તરીકે ભાગ લેવાનું ઇચ્છતા નથી, કારણ કે તેઓ ફક્ત બિગ સ્ક્રીન માટે બન્યા છે. તેમ છતાં, તેઓ OTT મીડિયમને આદર આપે છે. જ્હોન અબ્રાહમ સ્ટારર 'ધ ડિપ્લોમેટ' ફિલ્મ હાલ થિયેટ્રીકલ રિલિઝ બાદ આ મહિનાથી OTT પર સ્ટ્રીમ થઈ રહી છે અને આ સત્ય ઘટનાને આધારીત ફિલ્મ દર્શકોને ખૂબ ગમતી દેખાઇ છે.

મણિરત્નમથી લઇને સૈફ અલી ખાન, કાજોલ, અજય દેવગણ સહિત અનેક કલાકારો કહે છે કે દીપિકાની માગ—આઠ કલાકની વર્કશિફ્ટ—અનુચિત નથી. તેઓનું કહેવું છે કે પરિવારને સમય ન આપી શકાય તો સફળતા કઈ કામની? તાજેતરમાં દીપિકા પાદુકોણે 'સ્પિરિટ' ફિલ્મના દિગ્દર્શક સંદીપ રેડ્ડી વાંગા પાસે આઠ કલાકની વર્કશિફ્ટ માગી, પરંતુ તેને ઘસીને નકારાઈ ગઇ હોવાનું જાણવા મળ્યું. ફિલ્મોદ્યોગમાં ઘણા કલાકાર કેટલીકવાર કામના કલાકોને લઇ આંદોલન પણ કર્યો છે. શ્રધ્ધા કપૂરે પણ પૂર્વમાં બે ફિલ્મો માટે ૭૦ કલાક સુધી શૂટિંગ કર્યું હતું.

'પ્રિન્સ ઓફ રોમાન્સ' તરીકે વિશ્વભરમાં જાણીતા પિયાનોવાદક રિચર્ડ ક્લેડરમેને 'તુંસા નહીં દેખા' ગીતમાં રૂપકુમાર રાઠોડને સહયોગ આપ્યો. આ ગીત ફિલ્મ સંગીતના સુવર્ણ યુગનાં સદાબહાર ગીતોમાંનુ એક છે, જે સિનિયર સિટિઝન્સને જીવન સંધ્યા માણવા માટે પ્રેરિત કરે છે. 'તુંસા નહીં દેખા' ગીતમાં શમ્મી કપૂરના ઊછળતા કૂદતા પળો અને ફિલ્મિસ્તાનના જાલાનની શોધ સમાન અભિનેત્રી અમિતા ઓ. પી. ની યાદગાર પરફોર્મન્સ જોવા મળી રહી છે.

નેઇના ગુપ્તા ૬૬ વર્ષોચી અનુભવી એક્ટ્રેસ છે જેણે ચાર દાયકાનો ફિલ્મ ઉદ્યોગનો અનુભવ એકઠો કર્યો છે. તે પોતાના કારકિર્દીમાં હંમેશા પડકારોને પગલે ઉભી રહી છે. નવી પેઢીના એક્ટર્સને જ્યારે સલાહ આપે છે ત્યારે તે ઘણી વાર બે વાર વિચાર કરે છે, કારણ કે તે પહેલાં એક વખત તેણે હળવાશથી કોઈ એક્ટરને તેની ભૂલ દર્શાવી ત્યારે તે વિમર્ષ થયેલો. હાલમાં, 'પંચાયત' વેબ સિરિઝની ચોથી સિઝન દ્વારા નીના ગુપ્તાનો નામ ચર્ચામાં છે, જે ફિલ્મી દુનિયાની એક અજાયબી તરીકે ઓળખાય છે.

હોલિવુડ સ્ટાર એડ્રિયન બ્રોડીની ડ્રામા પિરિયડ ફિલ્મ 'ધ બુ્રટલિસ્ટ' એમેઝોન પ્રાઇમ વીડિયો પર રિલીઝ થઇ છે. આ ફિલ્મને ૧૦ ઓસ્કર નોમિનેશન મળ્યાં હતાં, જેમાંથી બેસ્ટ એક્ટર સહિતના ત્રણ ઓસ્કર તેણે જીતી લીધા હતા. મરાઠી સોશિયલ ડ્રામા ફિલ્મ 'આતા થાંબાયચં નાય' ૨૮ જૂને ઝીફાઇવ પર રિલીઝ થઇ છે. આ ફિલ્મમાં આશુતોષ ગોવારીકર, ભરત જાધવ, સિદ્ધાર્થ જાધવ, ઓમ ભુતકર મુખ્ય ભૂમિકામાં છે.

આમ આદમી પાર્ટી (AAP) સરકારમાં મંત્રી રહેલા સત્યેન્દ્ર જૈન અને સૌરભ ભારદ્વાજ સામે ભ્રષ્ટાચાર વિરોધી બ્યુરોએ(ACB) કેસ નોંધ્યો છે. દિલ્હીમાં ૫૫૯૦ કરોડ રૂપિયાના હોસ્પિટલ બાંધકામ કેસમાં આ કાર્યવાહી કરવામાં આવી છે. ભાજપના નેતા અને વિધાનસભા અધ્યક્ષ વિજેન્દ્ર ગુપ્તાની ફરિયાદ બાદ આ તપાસ શરૂ કરવામાં આવી હતી, જેમાં અનિયમિતતાઓ, મંજૂરી વિના બાંધકામ અને પૈસાનો દુરુપયોગ જેવા મુદ્દાઓનો સમાવેશ કરવામા આવ્યો છે. ૨૦૧૮-૧૯માં, દિલ્હી સરકારે ૨૪ હોસ્પિટલ પ્રોજેક્ટ્સ (૧૧ નવી હોસ્પિટલો અને ૧૩ જૂની હોસ્પિટલોનું વિસ્તરણ) માટે ૫૫૯૦ કરોડ રૂપિયા મંજૂર કર્યા હતા.

જાહ્નવી ડાંગેતી, 23 વર્ષીય યુવતી આંધ્રપ્રદેશના ગોદાવરી જિલ્લાના રહેવાસી છે, જેને વર્ષ 2029માં અમેરિકાના ટાઇટન્સ સ્પેસ મિશન માટે પસંદ કરવામાં આવી છે. આ મિશનમાં તે પૃથ્વીની બે વાર પરિક્રમા કરશે અને ત્રણ કલાક શૂન્ય ગુરુત્વાકર્ષણનો અનુભવ કરશે. તેણે પંજાબની લવલી પ્રોફેશનલ યુનિવર્સિટીમાંથી ઈલેક્ટ્રોનિક્સ અને કોમ્યુનિકેશન એન્જિનિયરિંગનો અભ્યાસ કર્યો છે અને નાસાના વિવિધ કાર્યક્રમોમાં પણ ભાગ લીધો છે. તેને નાસા અને ISRO તરફથી અનેક પુરસ્કારો મળ્યા છે. 2026માં તે અવકાશ યાત્રા માટે તાલીમ લેશે. બાળપણથી જ અવકાશવિજ્ઞાન પ્રત્યે તેની જિજ્ઞાસા હતી, જે હવે સાકાર થવા જઈ રહી છે.

આમ આદમી પાર્ટીના ગોપાલ ઇટાલિયાએ ભાજપના કિરીટ પટેલ સામે ભવ્ય જીત મેળવી છે. ગોપાલ ઇટાલિયા ગુજરાત પોલીસ કોન્સ્ટેબલમાંથી ધારાસભ્ય બનનાર પાંચમા નેતા બન્યા છે. તેમની પહેલા સી.આર. પાટિલ 2009માં પ્રથમ વખત ધારાસભ્ય બન્યા હતા, જેઠા ભરવાડ 1998માં, ભવાન ભરવાડ 2002માં અને શ્યામજી ચૌહાણ 2012માં પ્રથમ વખત ધારાસભ્ય બન્યા હતા.