રિઝર્વ બેંક ઓફ ઈન્ડિયા (RBI) એ લોન ડિફોલ્ટરો સામે લાલ આંખ કરી છે. તાજેતરમાં 27મી એપ્રિલે બહાર પાડેલા પરિપત્ર મુજબ, જો કોઈ લોન લેનાર પાસે નાણાં હોવા છતાં ઈરાદાપૂર્વક લોન નહીં ચૂકવે, તો તેને માત્ર છ મહિનામાં જ 'વિલફૂલ ડિફોલ્ટર' જાહેર કરી દેવામાં આવશે. આટલું જ નહીં, આવા કિસ્સામાં રાષ્ટ્રપ્રમુખ દ્વારા નિર્ધારિત બેંકિંગ નિયમો હેઠળ વ્યક્તિના તમામ બેંક એકાઉન્ટ્સ સ્થગિત (ફ્રીઝ) કરી દેવાની પણ જોગવાઈ કરવામાં આવી છે. આ કડક જોગવાઈઓ પહેલી એપ્રિલ 2026થી અમલમાં મૂકવાની સૂચના આપવામાં આવી છે.

પશ્ચિમ બંગાળમાં ભાજપની સરકાર બનવી લગભગ નક્કી થઈ ગઈ છે. બંગાળ ચૂંટણીના પરિણામોમાં ભાજપે મોટી સરસાઈ મેળવી લીધી છે. આ ઉપરાંત આસામમાં ભાજપની એકતરફી જીત થતી દેખાઈ રહી છે. બીજી તરફ પુડુચેરીમાં પણ ભાજપ ગઠબંધનની સરકાર બનવાનો રસ્તો સાફ થઈ ગયો છે. 2014માં જ્યાં NDA માત્ર 8 રાજ્યો સુધી સીમિત હતું, આજે 2026માં આ આંકડો વધીને 22 રાજ્યો અને કેન્દ્રશાસિત પ્રદેશો સુધી પહોંચી ગયો છે. ભાજપના 47મા સ્થાપના દિવસની ઉજવણી વચ્ચે, ચૂંટણીના વલણો દેશના રાજકીય નકશાને એક નવો રંગ આપી રહ્યા છે.

પશ્ચિમ બંગાળ, આસામ, કેરલમ, તમિલનાડુ, પુડુચેરીના પરિણામ સામે આવી ચૂક્યા છે. બંગાળમાં 190થી વધુ બેઠકો પર કેસરીયો લહેરાયો છે જ્યારે અસમમાં 100થી વધુ બેઠક પર તો પુડુચેરીમાં 17 બેઠક પર કમળ ખીલ્યું છે. ત્યારે દેશભરમાં ભાજપ શાસિત રાજ્યોમાં ઉજવણીનો માહોલ છે. દિલ્હીમાં પણ વડા પ્રધાન મોદી ભાજપના મુખ્ય કાર્યાલય પર થોડી વારમાં પહોંચશે. જ્યાં ત્રણેય રાજ્યોમાં વિધાનસભા ચૂંટણીમાં જીત બાદ કાર્યકરોને સંબોધન કરશે.

પશ્ચિમ બંગાળના ચૂંટણી પરિણામોમાં ભારતીય જનતા પાર્ટી જીત થતાં ગુજરાત ભાજપ પ્રદેશ કાર્યાલય 'કમલમ' ખાતે ભારે ઉત્સાહ અને જશ્નનો માહોલ જોવા મળ્યો હતો. ભાજપના નેતાઓએ પશ્ચિમ બંગાળની પ્રખ્યાત વાનગી 'ઝાલમુરી' અને મીઠાઈમાં 'રસગુલ્લા' ખાઈને આ જીતની અનોખી રીતે ઉજવણી કરી હતી. આ ખાસ પ્રસંગે અમદાવાદના સીજી રોડ પરના ઝાલમુરી બનાવનાર કારીગરને ખાસ ગાંધીનગર તેડાવવામાં આવ્યો હતો. મુખ્યમંત્રી ભૂપેન્દ્ર પટેલે પોતે લાઈનમાં ઉભા રહીને ઝાલમુરીનો સ્વાદ માણ્યો હતો અને પશ્ચિમ બંગાળની આ ભવ્ય જીત બદલ વડાપ્રધાન નરેન્દ્ર મોદીનો આભાર માન્યો હતો.

કેરલામાં વિધાનસભા ચૂંટણીના પરિણામોએ સ્પષ્ટ કરી દીધું છે કે, જનતાએ ફરી એકવાર યુનાઈટેડ ડેમોક્રેટિક ફ્રન્ટ (UDF) પર વિશ્વાસ મૂક્યો છે. જોકે, ગઠબંધને હજુ સુધી મુખ્યમંત્રીના ચહેરાની સત્તાવાર જાહેરાત કરી નથી. કોંગ્રેસ સાંસદ કે. સુરેશે જણાવ્યું છે કે, ચૂંટાયેલા ધારાસભ્યોની બેઠક અને ગઠબંધન પક્ષો સાથેની ચર્ચા બાદ અંતિમ નિર્ણય કોંગ્રેસ હાઈકમાન્ડ દ્વારા લેવામાં આવશે. વી.ડી. સતીશ કેરલા વિધાનસભામાં વિરોધ પક્ષના નેતા છે. કે.સી. વેણુગોપાલ કોંગ્રેસના સંગઠન મહાસચિવ અને આલપ્પુઝાના સાંસદ છે. શશી થરૂર હાલમાં તિરુવનંતપુરમના સાંસદ છે.

ISRO અને મોસ્કોમાં રશિયાની અંતરિક્ષ એજન્સી Roscosmos વચ્ચે હાલમાં ટેક્નોલોજી વિશેની ચર્ચાઓ ચાલી રહી છે. આ ચર્ચાનો મુખ્ય ટોપિક સેમી-ક્રાયોજેનિક એન્જિનોની સપ્લાય છે, જે ભારતના ભવિષ્યના હેવી-લિફ્ટ લોન્ચ વાહનો માટે અત્યંત મહત્ત્વપૂર્ણ છે. આ એન્જિનો માટેનો ડ્રાફ્ટ કોન્ટ્રેક્ટ હાલમાં ISROની વાર્ષિક અહેવાલ 2025-26 મુજબ મંજૂરી માટે પ્રક્રિયામાં છે. સેમી-ક્રાયોજેનિક એન્જિન ભારતના આગામી હેવી-લિફ્ટ લોન્ચ વાહનો માટે એક મહત્ત્વપૂર્ણ ટેક્નોલોજી છે. તે શુદ્ધ કેરોસિન અને લિક્વિડ ઓક્સિજનના મિશ્રણ પર ચાલે છે. હાલની સિસ્ટમ કરતાં તે વધુ કાર્યક્ષમતા અને થ્રસ્ટ ઉત્પન્ન કરે છે.

હુગલીની લહેરોથી લઈને દાર્જિલિંગની પહાડીઓ સુધી 'જય શ્રી રામ'ના નારા ગુંજી રહ્યા છે, જે દર્શાવે છે કે બંગાળનો રાજકીય મિજાજ બદલાઈ ગયો છે. આ દિવસની રાહ ભાજપના નેતાઓ અને કાર્યકરો દાયકાઓથી જોઈ રહ્યા હતા. ભાજપ માટે બંગાળ વિધાનસભા ચૂંટણીની જીત માત્ર એક જીત નથી, પરંતુ તે 'પિતૃઋણ'ની ચુકવણી પણ છે, જે ભારતીય જનસંઘના સ્થાપક ડૉ. શ્યામા પ્રસાદ મુખર્જી પ્રત્યે આ વિચારધારાના દરેક કાર્યકર પર ઉધાર હતી તેમ કહેવામાં પણ અતિશયોક્તિ નથી. ભાજપના 'પિતામહ' ગણાતા શ્યામા પ્રસાદ મુખર્જીની જન્મભૂમિ પર પ્રથમ વખત પૂર્ણ બહુમતી સાથે 'કમળ' ખીલ્યું છે.

સાઉથ ફિલ્મ ઇન્ડસ્ટ્રીમાં એવા કેટલાય કલાકારો છે જેમણે પોતાની શિસ્તબદ્ધતાથી ફેન્સના દિલ જીત્યા છે અને અનેક રેકોર્ડ્સ પણ પોતાના નામે કર્યા છે. આજે આપણે વાત કરી રહ્યા છીએ બ્રહ્માનંદમ વિશે. તેઓ 70 વર્ષના થઈ ગયા છે અને હજુ પણ ફિલ્મોમાં સક્રિય છે. તેમણે પોતાની કારકિર્દીની શરૂઆત વર્ષ 1986ની ફિલ્મ ચાંટબબાઈથી કરી હતી, જેનો અર્થ છે કે આ અભિનેતાએ ઇન્ડસ્ટ્રીમાં 40 વર્ષ પૂર્ણ કર્યા છે. તેમના નામે અનેક રેકોર્ડ્સ નોંધાયેલા છે. તેઓ 1050 ફિલ્મો કરી ચૂક્યા છે અને તેમનું નામ 'મોસ્ટ સ્ક્રીન ક્રેડિટ બાય લિવિંગ એક્ટર' ની કેટેગરીમાં ગિનીઝ બુક ઓફ વર્લ્ડ રેકોર્ડમાં સામેલ કરવામાં આવ્યું છે.

પશ્ચિમ બંગાળમાં વલણોમાં ભાજપનો મજબૂત પ્રદર્શન છતાં મમતા બેનરજીએ કહ્યું કે અમે જીતીશું. કાર્યકરો આશા ન છોડે અને તેઓ મત ગણતરી કેન્દ્રો પર અડગ રહે. આ સાથે મમતા બેનરજીએ SIR દ્વારા વૉટ લૂંટવામાં આવી રહ્યા હોવાનો ગંભીર આરોપ મૂક્યો હતો. મમતાએ કહ્યું કે ચૂંટણી પંચ મનમાની કરી રહ્યું છે. છેલ્લા રાઉન્ડ સુધી આપણી જ જીત થશે. તેમાં કોઈ શંકા નથી. બંગાળ વિધાનસભા ચૂંટણીમાં કારમા પરાજય દેખાતા મમતા બેનરજીએ સોશિયલ મીડિયા પોસ્ટમાં કહ્યું કે અમે વેઈટ એન્ડ વોચની સ્થિતિમાં છીએ. અમે ચૂંટણીમાં ટાઇગર ચાઈલ્ડ તરીકે લડ્યા છીએ.

આણંદ જિલ્લાની ઉમરેઠ વિધાનસભા બેઠક પર યોજાયેલી પેટાચૂંટણીના પરિણામો જાહેર થઈ ગયા છે. આ બેઠક પર ભારતીય જનતા પાર્ટીએ પોતાનો ગઢ જાળવી રાખતા ભવ્ય વિજય મેળવ્યો છે. જોકે, બીજી તરફ પરાજિત થયેલા કોંગ્રેસના ઉમેદવારે પોતાની હાર માટે EVM સામે સવાલો ઉઠાવ્યા છે. ઉમરેઠ વિધાનસભા બેઠકની પેટાચૂંટણીમાં ભાજપના ઉમેદવાર હર્ષદભાઈ ગોવિંદભાઈ પરમારે શાનદાર પ્રદર્શન કરતા 30,000થી વધુ મતોના જંગી માર્જિનથી વિજય મેળવ્યો છે. પૂર્વ ધારાસભ્ય સ્વ. ગોવિંદભાઈ પરમારના અવસાન બાદ ખાલી પડેલી આ બેઠક પર ભાજપે તેમના પુત્ર હર્ષદભાઈને ટિકિટ આપી હતી.

નેપાળમાં ભારતથી આવતા સામાન પર લાદવામાં આવેલા નવા કસ્ટમ ટેક્સ અને કડક નિયમોને કારણે મોટો વિવાદ ઊભો થયો છે. નેપાળના મીડિયા રિપોર્ટ્સ અનુસાર, ત્યાંની સરકારના નવા આદેશ બાદ વેપારીઓએ વિરોધ નોંધાવતા છેલ્લા ચાર દિવસથી સામાનની આયાત અટકાવી દીધી છે. આ અચોક્કસતાને કારણે ભારત-નેપાળ બોર્ડર પર હજારો કન્ટેનરો ફસાઈ ગયા છે અને ટ્રકોની લાંબી લાઈનો લાગી છે. જો વેપારીઓ અને સરકાર વચ્ચેનો આ અવરોધ જલ્દી ઉકેલાશે નહીં, તો નેપાળના બજારોમાં જીવનજરૂરી ચીજવસ્તુઓની ભારે અછત સર્જાઈ શકે છે અને સામાન્ય જનતા માટે મોંઘવારીનો મોટો ફટકો પડવાની શક્યતા છે.

પશ્ચિમ બંગાળમાં આજે(4 મે) ચાલી રહેલી મતગણતરી દરમિયાન જણાતા વલણો અનુસાર ભાજપ મતુઆ સમુદાયના પ્રભુત્વ ધરાવતી 11 વિધાનસભા બેઠકો પર પાછળ દેખાઈ રહ્યું છે. આમ, વડાપ્રધાન મોદીએ જે સમુદાય પર ફોકસ કર્યો હતો ત્યાં ભાજપને પછડાટ જોવા મળી છે. આજે 9:50 વાગ્યા સુધી 7 બેઠકો પરના વલણો અનુસાર, શાસક તૃણમૂલ કોંગ્રેસ 4 બેઠકો પર આગળ ચાલી રહી છે. જ્યારે ભાજપ 2 બેઠકો પર છે. ગત વર્ષ 2021ની વિધાનસભા ચૂંટણીમાં 11 બેઠકોમાંથી 10 બેઠક પર ભાજપની જીત થઈ હતી.

પશ્ચિમ બંગાળ ચૂંટણીના શરૂઆતી વલણોમાં BJP આગળ છે, જે સત્તા પલટાવાના સંકેત આપે છે. PM મોદી સાંજે 6.30 કલાકે દિલ્હી BJP હેડક્વાર્ટર જશે. ભવાની પુરથી BJP ઉમેદવાર શુભેન્દુ અધિકારીએ પણ જીતનો વિશ્વાસ વ્યક્ત કર્યો. 294 બેઠકોમાંથી 293 બેઠકોના પરિણામ જાહેર થઈ રહ્યા છે, જ્યાં BJP અને TMC વચ્ચે કાંટાની લડાઈ ચાલી રહી છે.

પશ્ચિમ બંગાળ ચૂંટણી પરિણામોએ સોશિયલ મીડિયા પર મીમ્સનો પૂર લાવી દીધો છે. જેમ જેમ મતગણતરી આગળ વધી રહી છે, તેમ તેમ ભાજપ અને TMC વચ્ચેની રસાકસી પર ફની મીમ્સ વાયરલ થઇ રહ્યા છે. ખાસ કરીને મમતા બેનર્જીના હાવભાવ અને "ખેલા હોબે" સ્લોગન પર અનેક મજાક ઉડાવતા મીમ્સ શેર થઇ રહ્યા છે. એક્ઝિટ પોલ અને વાસ્તવિક પરિણામો વચ્ચેના તફાવતને લઈને પણ મીમર્સ એનાલિસ્ટ્સની મજાક ઉડાવી રહ્યા છે.

પાંચ રાજ્યોની વિધાનસભા ચૂંટણીના વલણોમાં ભાજપની આગેકૂચ, ખાસ કરીને પશ્ચિમ બંગાળમાં ૧૧૬ બેઠકો પર લીડ. દિલ્હી સ્થિત ભાજપ કાર્યાલય પર ઉજવણીનો માહોલ, પુરી અને જલેબી બની રહી છે. મમતા બેનર્જી નંદીગ્રામમાં પાછળ. આસામમાં ભાજપ મજબૂત, કેરળમાં પણ હાજરી. શેરબજારમાં પણ હરિયાળી.

મોડાસામાં ભારત વિકાસ પરિષદની વાર્ષિક સભા યોજાઈ, જેમાં ગૌરાંગ સોનીને આગામી વર્ષ માટે પ્રમુખ તરીકે નિયુક્ત કરાયા. તેમની આગેવાની હેઠળની નવી ટીમ સેવાકાર્યો આગળ ધપાવશે. સભામાં સંસ્કાર અને વ્યક્તિ નિર્માણથી રાષ્ટ્ર નિર્માણના મહત્વ પર ભાર મૂકવામાં આવ્યો.

તમિલનાડુ Election Result 2026 માં NEET પરીક્ષા સૌથી મોટો મુદ્દો છે. પ્રાદેશિક પક્ષો NEET નાબૂદ કરવાનું વચન આપે છે. NEET CBSE પેટર્ન પર આધારિત હોવાથી રાજ્ય બોર્ડના વિદ્યાર્થીઓને નુકસાન થાય છે, તેમજ કોચિંગ ફી ગ્રામીણ અને ગરીબ વિદ્યાર્થીઓ માટે અવરોધરૂપ છે. આ મામલો સુપ્રીમ કોર્ટમાં છે, જ્યાં રાષ્ટ્રપતિના નિર્ણયને પડકારાયો છે. નવી સરકાર સુપ્રીમ કોર્ટમાં કેસ લડવા અથવા કેન્દ્ર સરકાર પર દબાણ લાવવા જેવા વિકલ્પો પર વિચાર કરી શકે છે.

તમિલનાડુ ચૂંટણીના પરિણામોમાં અભિનેતા વિજયની પાર્ટી TVK 74 બેઠકો પર આગળ છે, DMK 51 અને ADMK 44 બેઠકો પર છે. વિજય થલાપતિ રાજકારણમાં શાનદાર પદાર્પણ કરી રહ્યા છે, જે DMK-AIADMK સમીકરણોને હચમચાવી શકે છે. 234 બેઠકો માટે થયેલા મતદાનના વલણોમાં TVK નોંધપાત્ર રીતે આગળ વધી રહી છે.

તમિલનાડુમાં અભિનેતા વિજયની TVK પાર્ટીના 7 વચનો લોકપ્રિય બન્યા. મહિલાઓ માટે ₹2500 સહાય, મફત બસ મુસાફરી, 6 LPG સિલિન્ડર, લગ્નમાં 8 ગ્રામ સોનું, ₹15,000 શિક્ષણ ગ્રાન્ટ, યુવાનોને ભથ્થું અને ખેડૂતોનું દેવું માફી જેવી યોજનાઓએ લોકોના દિલ જીતી લીધા.

2026 પશ્ચિમ બંગાળ વિધાનસભા ચૂંટણીના પરિણામો રોમાંચક છે. મતગણતરી શરૂ થતાં, રાજ્યમાં સત્તા કોણ સંભાળશે તે સ્પષ્ટ થશે. ભવાનીપુર પર સૌની નજર છે, જ્યાં મુખ્યમંત્રી મમતા બેનર્જી (AITC) સામે ભાજપના શુભેન્દુ અધિકારી છે. શરૂઆતી વલણોમાં અધિકારી આગળ છે. અધિકારીએ જણાવ્યું કે ભાજપ સરકાર બનાવી રહી છે, અને મુસ્લિમ મતોનું વિભાજન થયું છે, જે હિન્દુઓના લોટસ તરફ એક થવાનો સંકેત છે. 2021માં નંદીગ્રામમાં અધિકારીએ મમતાને હરાવ્યા હતા.

5 રાજ્યોની ચૂંટણી મતગણતરી દરમિયાનની ક્ષણો. કોલકાતામાં TMC ઓફિસ પર સન્નાટો, જ્યારે દિલ્હીમાં BJP હેડક્વાર્ટર પર ઉજવણીની તૈયારીઓ શરૂ થઈ. ચેન્નઈમાં DMK ઓફિસ પર કાર્યકરોનો જમાવડો. પ્રચાર દરમિયાન PM મોદી, રાહુલ ગાંધી, મમતા બેનર્જીના પણ યાદગાર દ્રશ્યો.

તમિલનાડુ, દક્ષિણ ભારતના "ઓક્સફર્ડ" ચેન્નઈ, "શિક્ષણ પ્રવેશદ્વાર" IIT મદ્રાસ અને મદ્રાસ યુનિવર્સિટી ધરાવે છે. કોમ્બતુર "માન્ચેસ્ટર" અને "કોચિંગ કેન્દ્ર" છે. મદુરાઈ "એજ્યુકેશન હબ" છે, જ્યારે ત્રિચી NIT અને IIM સાથે મેનેજમેન્ટમાં અગ્રણી છે. અન્નામલાઈ યુનિવર્સિટી પણ મહત્વપૂર્ણ છે. DMK હાલ આગળ છે.

પાંચ રાજ્યોના વિધાનસભા ચૂંટણી પરિણામો જાહેર થઈ રહ્યા છે. મતગણતરી ચાલી રહી છે, અને શેરબજાર પર તેની અસર દેખાઈ રહી છે. પરિણામો પહેલા જ ભારતીય શેરબજારમાં ગ્રીન સિગ્નલ જોવા મળ્યું. સેન્સેક્સ 671 પોઇન્ટ અને નિફ્ટી 205 પોઇન્ટના વધારા સાથે ખુલ્યા. એશિયન શેરબજારોમાં પણ રેલી જોવા મળી રહી છે.

વડોદરા મહાનગરપાલિકામાં મેયર અને સ્થાયી ચેરમેન પદ માટે ચર્ચાઓ તેજ બની છે. ભાજપ દ્વારા સેન્સ પ્રક્રિયા પૂર્ણ કરાઈ છે, અને હવે નામો પર નિર્ણય લેવાશે. SC અનામત મેયર પદ માટે સમીર વાઘેલા, ચેતન પરમાર, અને અજય ડાભી ચર્ચામાં છે, પણ અણધાર્યું નામ પણ આવી શકે. સ્થાયી ચેરમેન માટે વિવાદિત નામોને બદલે ભણેલા-ગણેલા, નિર્વિવાદ ઉમેદવાર પસંદ કરાશે, જેમ કે આદિત્ય પટેલ. આગામી ચૂંટણીને ધ્યાનમાં રાખીને, સંગઠન સ્થાયી સમિતિ પર મોનિટર પણ મૂકી શકે છે.

સાઉથ સિનેમાના સુપરસ્ટાર થલાપતિ વિજયે કરોડો ફેન્સના દિલો પર રાજ કર્યા બાદ હવે રાજનીતિમાં ઝંપલાવ્યું છે. અભિનયમાંથી વિરામ લઈને તેમણે પોતાની પાર્ટી 'તમિલગા વેટ્ટ્રી કઝગમ'(TVK) દ્વારા રાજકીય ઇનિંગની શરૂઆત કરી છે.

ભવાનીપુર બેઠક પર મતગણતરી પહેલા TMC અને BJP કાર્યકરો વચ્ચે ઉગ્ર બોલાચાલી અને ઘર્ષણ થયું. સખાવત મેમોરિયલ સ્કૂલ મતગણતરી કેન્દ્રની બહાર બંને પક્ષોના એજન્ટો સામસામે આવી ગયા હતા. આ બેઠક પર મમતા બેનર્જી અને સુવેન્દુ અધિકારી વચ્ચે કાંટાની ટક્કર છે.

વડોદરાના વેદ વ્યાસ યુકેની પ્રતિષ્ઠિત 'યુથ પાર્લામેન્ટ'ના સભ્ય બન્યા છે. માત્ર 2.5 મિનિટની પ્રભાવશાળી સ્પીચથી તેમણે આ સ્થાન મેળવ્યું છે. તેઓ હાઉસ ઓફ કોમન્સમાં ભારતીય યુવાનોનું પ્રતિનિધિત્વ કરશે. PM મોદીની કાર્યશૈલી અને આધ્યાત્મિકતાથી પ્રેરિત વેદ, રાજકારણને સેવાનું માધ્યમ બનાવી સમાજસેવા કરવા માંગે છે.

રાજસ્થાનનું ફલોદી સટ્ટા બજાર ચૂંટણીના અંદાજો માટે ચર્ચામાં છે. અહીંના સટોરિયા વિવિધ રાજ્યોની ચૂંટણીઓ પર ભાવ નક્કી કરે છે, જે ઘણીવાર ગ્રાઉન્ડ લેવલની હવાની દિશા સૂચવે છે. આ કોઈ સત્તાવાર સર્વે નથી, પણ અંદાજ અને જોખમ પર આધારિત છે. તાજેતરમાં, સોશિયલ મીડિયા પર આ બજારના તાજા ભાવો, ખાસ કરીને પશ્ચિમ બંગાળ, આસામ, કેરળ, તમિલનાડુ અને પુડુચેરીના પરિણામો અંગે ભારે ચર્ચા ચાલી રહી છે.

તમિલનાડુ વિધાનસભા ચૂંટણી ૨૦૨૬ માં સુપરસ્ટાર વિજયની પાર્ટી 'તમિલગા વેટ્રી કઝગમ' (TVK) ના પ્રવેશથી ત્રિપાંખિયો જંગ સર્જાયો છે. DMK અને AIADMK સામે વિજયની લોકપ્રિયતા મોટા અપસેટ સર્જી શકે છે. મુખ્યમંત્રી એમ.કે. સ્ટાલિન, ડેપ્યુટી સીએમ ઉધયનિધિ સ્ટાલિન, અને ભૂતપૂર્વ મુખ્યમંત્રી એડપ્પડી પલાનીસ્વામીની બેઠકો પર પણ ખરાખરીનો જંગ જામશે. આ ૧૦ હોટ સીટ્સ રાજ્યની સત્તાનો માર્ગ નક્કી કરશે.

ભારત અને નેપાળ વચ્ચે સરહદ મુદ્દે ફરી એકવાર ચર્ચા જાગી છે. નેપાળના વિદેશ મંત્રાલય દ્વારા કરવામાં આવેલી ટિપ્પણીઓ બાદ ભારતીય વિદેશ મંત્રાલયના પ્રવક્તા રણધીર જયસ્વાલે ભારતનું વલણ સ્પષ્ટ કર્યું છે.