ગુજરાતમાં આગામી ચૂંટણીઓને ધ્યાનમાં રાખીને રાજકીય પક્ષો ઉમેદવાર પસંદગીની પ્રક્રિયામાં મોટો બદલાવ લાવવાની તૈયારીમાં છે. 'Gen-Z' એટલે કે 18 થી 25 વર્ષના યુવા મતદારોના વધતા પ્રભાવને કારણે ભાજપ, કોંગ્રેસ અને આપ જેવા પક્ષો પ્રયોગાત્મક અભિગમ અપનાવી રહ્યા છે. બે ટર્મથી વધુ ચૂંટાયેલા અને 55 વર્ષથી વધુ વયના ઘણા દિગ્ગજ નેતાઓને સ્વેચ્છાએ અથવા પક્ષના આદેશથી નિવૃત્ત થવું પડી શકે છે. સિનિયરોને સ્થાને મહિલા અને યુવા ચહેરાઓ પર દાવ ખેલવાની યોજના છે, કારણ કે યુવા મતદાર જૂના ચહેરાઓ અને પરંપરાગત રાજકારણથી કંટાળ્યો છે. ટેક-સેવી અને સોશિયલ મીડિયા પર સક્રિય યુવાનોને પ્રાધાન્ય આપવામાં આવશે.