વડાપ્રધાન નરેન્દ્ર મોદીના જનસેવા અને સમર્પણના ૨૫ વર્ષ નિમિત્તે વારાણસીથી વડનગર સુધીની સેવા યાત્રાનું સમાપન ઐતિહાસિક વડનગર ખાતે યોજાયું. આ પ્રસંગે મુખ્યમંત્રી ભૂપેન્દ્ર પટેલે જણાવ્યું કે, વિકસિત ભારત-૨૦૪૭ના સંકલ્પને સાકાર કરવા ગુજરાતની યુવા શક્તિ 'We Will Do It'ના બુલંદ સંકલ્પ સાથે આગળ વધશે. કાર્યક્રમમાં કેન્દ્રીય કૃષિમંત્રી શિવરાજસિંહ ચૌહાણ, પશ્ચિમ બંગાળના મુખ્યમંત્રી સુવેન્દુ અધિકારી, નાયબ મુખ્યમંત્રી હર્ષ સંઘવી અને પ્રદેશ ભાજપ પ્રમુખ જગદીશ વિશ્વકર્મા સહિત અનેક મહાનુભાવો ઉપસ્થિત રહ્યા હતા. આ યાત્રામાં ૫૦૦થી વધુ બાઈકર્સે ૧૦ રાજ્યોના સેંકડો ગામો અને શહેરોમાં પ્રવાસ કરી સામાજિક કાર્યો કર્યા હતા.