કલ્યાણ- ડોમ્બિવલીમાં પ્રશાંત આંગણે અને અન્ય કંપનીઓ દ્વારા ચલાવવામાં આવેલ ૧૦૦૦ કરોડ રૂપિયાની પોન્ઝી સ્કીમમાં હજારો રોકાણકારોની જીવનભરની મૂડી ડૂબી ગઈ છે. આ છેતરપિંડી બાદ ૧૦૦ થી વધુ રોકાણકારોએ પોલીસનો સંપર્ક કર્યો છે. ઘણા વૃદ્ધોએ પોતાના ઘર ગીરવે મૂકીને અને રોકડ જમા કરાવીને વિશ્વાસઘાતનો ભોગ બન્યા છે. આ કૌભાંડમાં કોંકણ સ્માર્ટ, પ્રોગેન રેન્ટલ સર્વિસીસ જેવી કંપનીઓ પણ સંડોવાયેલી હોવાનું કહેવાય છે. રોકાણકારોને ઊંચા વળતરના લાલચ આપીને છેતરવામાં આવ્યા છે, જેના કારણે અનેક પરિવારો ગંભીર આર્થિક સંકટનો સામનો કરી રહ્યા છે. પોલીસે તપાસ શરૂ કરી છે.