હોર્મુઝ સ્ટ્રેટમાં ઈરાની જળસીમા પાસે ત્રણ અલગ-અલગ વેપારી જહાજો પર ગોળીબારની ઘટના સામે આવી છે. રોયટર્સના રિપોર્ટમાં કરવામાં આવેલા દાવા મુજબ આ હુમલાઓ છતાં ક્રૂના કોઈપણ સભ્યને ઈજા થઈ હોવાના સમાચાર નથી અને તમામ સુરક્ષિત છે. રાહતની વાત એ છે કે જહાજોમાં આગ લાગવાની કે કોઈપણ પ્રકારના પર્યાવરણીય નુકસાનના અહેવાલ મળ્યા નથી. એક જહાજે રિપોર્ટ આપ્યો છે કે ફાયરિંગ પહેલા એક IRGC (ઈરાની રિવોલ્યુશનરી ગાર્ડ કોર્પ્સ) ગનબોટ તેની ખૂબ નજીક આવી ગઈ હતી.

નેપાળના રાજકારણમાં એક મોટો ઉલટફેર જોવા મળ્યો છે. નેપાળના ગૃહ મંત્રી સુધન ગુરુંગે ભારે વિવાદો અને ભ્રષ્ટાચારના આરોપો વચ્ચે બુધવારે પોતાના પદ પરથી રાજીનામું આપી દીધું છે. આશ્ચર્યની વાત એ છે કે તેઓ માત્ર 26 દિવસ પહેલા જ મંત્રી પદ પર નિયુક્ત થયા હતા. ટૂંકા ગાળામાં જ તેમને ગંભીર આરોપોને કારણે સત્તા છોડવાની ફરજ પડી છે, જેને વડાપ્રધાન બાલેન શાહની સરકાર માટે મોટો આંચકો માનવામાં આવે છે. સુધન ગુરુંગ પર વિવાદાસ્પદ ઉદ્યોગપતિ દીપક ભટ્ટ સાથે વ્યાપારી ભાગીદારી હોવાના અને માઈક્રો ઈન્સ્યોરન્સ કંપનીઓમાં શંકાસ્પદ રોકાણ કરવાના ગંભીર આરોપો લાગ્યા હતા.

અમેરિકા અને ઈરાન વચ્ચેના વધતા તણાવ વચ્ચે પેન્ટાગોનના એક ન્યૂઝ રિપોર્ટે આંતરરાષ્ટ્રીય સ્તરે નવો વિવાદ છેડ્યો છે. અમેરિકન રક્ષા વિભાગ(પેન્ટાગોન)ની ગુપ્તચર શાખાના અહેવાલ મુજબ, ઈરાનની સૈન્ય ક્ષમતા હજુ પણ મજબૂત છે. આ રિપોર્ટ અમેરિકન પ્રમુખ ડોનાલ્ડ ટ્રમ્પ અને સંરક્ષણમંત્રી પીટ હેગસેથના એ દાવાઓથી તદ્દન વિપરીત છે, જેમાં કહેવામાં આવ્યું હતું કે તાજેતરના સંઘર્ષોમાં ઈરાની સેનાને ભારે નુકસાન થયું છે અને તેની તાકાત નબળી પડી છે. આ આંતરિક આકલન બહાર આવ્યા બાદ ટ્રમ્પ અને હેગસેથના નિવેદનો પર સવાલો ઉભા થઈ રહ્યા છે.

NASA દ્વારા સંચાલિત International Space Station (ISS) પર કાર્યરત Expedition 74ના ક્રૂ માટે હવે નવી ટેક્નોલોજી સાથેનું મોટું અપગ્રેડ કરવામાં આવી રહ્યું છે. ગયા અઠવાડિયે નાસાએ જાહેરાત કરી હતી કે તેમણે ISS માટેની અપગ્રેડ પ્રક્રિયા શરૂ કરી દીધી છે. પ્રથમ તબક્કામાં નેટવર્ક સર્વર્સને બદલવામાં આવી રહ્યા છે અને ત્યારબાદ નવા તથા વધુ શક્તિશાળી લેપટોપ્સને સક્રિય કરવામાં આવશે. ISS પ્રોગ્રામે આગામી લેપટોપ તરીકે HP ZBook G9 Mobile Workstation પસંદ કર્યું છે.

વૈશ્વિક પડકારો વચ્ચે પણ નાણાકીય વર્ષ ૨૦૨૫-૨૬માં ભારતની દરિયાઈ ખાદ્ય નિકાસ ₹૭૨,૩૨૫.૮૨ કરોડની ઐતિહાસિક સપાટીએ પહોંચી છે. અમેરિકામાં ટેરિફ સમસ્યાઓને કારણે નિકાસ ઘટવા છતાં ચીન અને અન્ય દેશોની વધતી માંગે આ ખોટ સરભર કરી છે. કુલ ૧૯.૩૨ લાખ મેટ્રિક ટન નિકાસમાં ‘ફ્રોઝન ઝીંગા’ મુખ્ય હિસ્સો ધરાવે છે, જેણે ₹૪૭,૯૭૩.૧૩ કરોડની કમાણી કરાવી છે. ભારતનું સી-ફૂડ માર્કેટ નવા દેશોમાં વિસ્તરતા નિકાસના જથ્થામાં નોંધપાત્ર વધારો થયો છે, જે દેશની આર્થિક પ્રગતિમાં મહત્વનું યોગદાન આપી રહ્યો છે.

ઈરાન સાથેના યુદ્ધના પ્રારંભ બાદ જેટ ફ્યુઅલ એટલે કે વિમાનના ઇંધણના ભાવમાં બમણો વધારો થતાં યુરોપના સૌથી મોટા એરલાઇન ગ્રુપ લુફ્થાન્સાએ મોટો કાપ મૂકવાની જાહેરાત કરી છે. કંપનીએ તેના ઉનાળુ શિડ્યુલમાંથી આશરે 20,000 જેટલી ટૂંકા અંતરની ફ્લાઇટ્સ રદ કરવાનો નિર્ણય લીધો છે. કંપનીના જણાવ્યા અનુસાર, આ આર્થિક રીતે નુકસાનકારક ફ્લાઇટ્સ બંધ કરવાથી લગભગ 40,000 ટન ઇંધણની બચત થશે.

પાટણ નગરપાલિકા ચૂંટણીમાં વોર્ડ 7 માં Congressનો છત્રીઓ સાથે પ્રચાર શરૂ થયો. ભાજપના શાસનમાં ગંદા પાણી અને ભ્રષ્ટાચાર મુદ્દે Congressએ ઘરે-ઘરે ફરી વિજયી બનાવવા અપીલ કરી. 26 એપ્રિલે ચૂંટણી છે, પ્રચાર વેગવાન બન્યો છે. Congressના નેતાઓ અને કાર્યકરો આકરા તડકાથી બચવા છત્રીઓ સાથે પ્રચારમાં ઉતર્યા અને સ્થાનિક રહીશો સાથે સંવાદ સાધ્યો.

સુરત પોલીસ હેડક્વાર્ટરમાં POSTAL BALLETથી મતદાનનું આયોજન થયું. ચૂંટણી ફરજ પરના પોલીસકર્મીઓ અને સરકારી અધિકારીઓ માટે આ વ્યવસ્થા છે. અંદાજે 5 હજાર જેટલા કર્મચારીઓ POSTAL BALLETથી મતદાન કરશે, જેમાં પોલીસ, હોમગાર્ડ જવાનો અને અન્ય સરકારી કર્મચારીઓનો સમાવેશ થાય છે. દરેક મતદારની એન્ટ્રીથી બેલેટ પેપર જમા કરાવવા સુધીની તમામ પ્રક્રિયા કેમેરામાં કેદ કરવામાં આવી રહી છે. POSTAL BALLETથી થયેલ મતદાનની ગણતરી સૌથી પહેલા કરવામાં આવશે.

વડોદરામાં ચૂંટણી પહેલાં પોલીસે બે પરપ્રાંતીય શખ્સોને ગેરકાયદેસર હથિયારો સાથે ઝડપી પાડ્યા. SOG ટીમે બાતમીના આધારે કુરાલી ગામની સીમમાં વોચ ગોઠવી હતી. જેમાં તેઓ ગેરકાયદેસર અગ્નિશસ્ત્ર (રિવોલ્વર) સાથે કુરાલીથી ગણપતપુરા તરફ જતા હતા. આ શખ્સોની ધરપકડ કરી કાયદેસરની કાર્યવાહી હાથ ધરવામાં આવી છે.

અમેરિકી પ્રમુખ ડોનાલ્ડ ટ્રમ્પે દાવો કર્યો છે કે કડક આર્થિક પ્રતિબંધો અને દરિયાઈ નાકાબંધીને કારણે ઈરાન કંગાળ થવાના આરે છે, તેની પાસે સૈન્યને પગાર ચૂકવવાના પણ નાણાં નથી. પ્રતિબંધોને લીધે ઈરાનને રોજના 500 મિલિયન ડોલરનું નુકસાન થઈ રહ્યું છે, ખાસ કરીને ખાર્ગ ટાપુ પરથી થતી તેલ નિકાસ ઠપ્પ થઈ છે. જોકે, પાકિસ્તાનની મધ્યસ્થી અને વાટાઘાટોને તક આપવા ટ્રમ્પે અસ્થાયી યુદ્ધવિરામ લંબાવ્યો છે. અમેરિકા હવે આર્થિક ઘેરાબંધી મજબૂત કરી ઈરાન પર દબાણ વધારી રહ્યું છે.

દિલ્હી અને સુરત વચ્ચે AAPના પોલિટિકલ ફંડિંગ પ્રકરણમાં સુરત પોલીસે તપાસનો ધમધમાટ તેજ કર્યો છે. દિલ્હીથી મોકલવામાં આવતા ફંડના વિતરણની જવાબદારી સંભાળતા 8-10 વ્યક્તિઓ ફરતે પોલીસે તપાસ કેન્દ્રીત કરી છે. સ્થાનિક સ્વરાજની ચૂંટણી પહેલા જ AAP પર સકંજો કસવાનું શરૂ કર્યું છે. દિલ્હીથી આંગડિયા મારફતે આવતું ફંડ રિસીવ કરનાર પીપલોદનો આકાશ મિશ્રા સુરત પોલીસને હાથતાળી આપીને દિલ્હી ફરાર થઈ ગયો હોવાનું સામે આવ્યું છે. પ્રાથમિક તપાસમાં છેલ્લા પાંચ-છ મહિનામાં આંગડિયા મારફતે આશરે રૂ.1.25 કરોડ મોકલવામાં આવ્યા હોવાની વિગતો બહાર આવી છે.

ગુજરાતમાં ઉનાળો આકરો બની રહ્યો છે, જેમાં ૨૧ એપ્રિલે અમરેલી ૪૧.૧ ડિગ્રી સાથે રાજ્યનું સૌથી ગરમ શહેર નોંધાયું હતું. રાજસ્થાનના સૂકા અને ગરમ પવનોને કારણે આગામી દિવસોમાં તાપમાનમાં હજુ ૨ થી ૩ ડિગ્રીનો વધારો થવાની અને પારો ૪૩ ડિગ્રીને પાર પહોંચવાની આગાહી છે. ખાસ કરીને ૨૬ એપ્રિલે ચૂંટણીના દિવસે ગરમીનો પ્રકોપ વધુ રહેવાની શક્યતા છે. હવામાન વિભાગે વધતા તાપમાન અને હીટવેવની સ્થિતિને ધ્યાને રાખી નાગરિકોને બપોરના સમયે બિનજરૂરી બહાર ન નીકળવા સલાહ આપી છે.

ગુજરાતમાં ગરમીનો પ્રકોપ વધી રહ્યો છે, જેમાં અમદાવાદ, અમરેલી અને કંડલામાં પારો ૪૧ ડિગ્રીએ પહોંચવાની શક્યતા છે. રાજકોટમાં ઓરેન્જ એલર્ટ વચ્ચે હીટ સ્ટ્રોકના અનેક કેસો નોંધાયા છે, જ્યારે વડોદરામાં ગરમીને કારણે ગભરામણ થતાં એક કલાકમાં બે લોકોના હાર્ટ એટેકથી મોત નિપજ્યા છે. હવામાન વિભાગે ૧૪૯ વર્ષ બાદ દેશમાં સૌથી ભયાનક ગરમીની આગાહી કરી છે, જેમાં તાપમાન ૪૮ થી ૫૦ ડિગ્રી સુધી જઈ શકે છે. ખાસ કરીને ઉત્તર અને પશ્ચિમ ભારતમાં ગરમીની ગંભીર અસર વર્તાશે.

માળીયામાં ધૈર્ય હોટલ પાસે યુવાન અનિલ કંડિયાની હત્યા થઈ. મિત્ર વિવેક સાથે નાસ્તો કરવા ગયેલા અનિલ પર રૂપિયાની લેતીદેતી બાબતે હુમલો થયો. સારવાર દરમિયાન રાજકોટમાં અનિલનું મોત થયું. વિવેકને પણ ઈજા થઈ છે. હત્યા પાછળ ફાયનાન્સ પેઢીની સંડોવણીની શક્યતા છે, પોલીસે તપાસ શરૂ કરી.

અમદાવાદના નવા નરોડામાં હોન્ડા ટુ-વ્હીલરના ગોડાઉનમાંથી ૨૩.૨૫ લાખની કિંમતના ૩૧ નવા વાહનોની ચોરી થઈ છે. ૧ એપ્રિલે સ્ટોક ગણતરી દરમિયાન ૩૦ એક્ટિવા અને ૧ બાઈક ઓછા જણાતા આ છેતરપિંડીનો ખુલાસો થયો હતો. ગોડાઉનમાં સીસીટીવી કેમેરા ન હોવાથી અને ૧૦૦થી વધુ કર્મચારીઓ કાર્યરત હોવાથી ચોરી કરનાર અંગે રહસ્ય ઘેરાયું છે. નિકોલ પોલીસે ગુનો નોંધી તપાસ હાથ ધરી છે કે વાહનો ગોડાઉનમાંથી ચોરાયા છે કે શો-રૂમમાંથી, જે દિશામાં શોધખોળ તેજ કરી છે.

અમદાવાદના મેમનગર વિસ્તારમાં આવેલા સામ્રાજ્ય ફ્લેટમાં એક વૃદ્ધ વ્યક્તિનો લોહીલુહાણ મૃતદેહ મળી આવ્યો છે, જેના કારણે સમગ્ર વિસ્તારમાં સનસનાટી ફેલાઈ ગઈ છે. પોલીસને આ હત્યા હોવાની આશંકા છે અને તેઓએ તપાસ શરૂ કરી દીધી છે. આ ઘટનાને પગલે સ્થાનિક લોકોમાં ભયનો માહોલ છે.

હિંમતનગર નજીક અમદાવાદ-ઉદેપુર નેશનલ હાઈવે પર બે અકસ્માતમાં ચાર ટ્રક અથડાઈ, એક ચાલકને ઈજા થઈ. સવારે 4:30 વાગ્યે નેશનલ હાઈવે 48 પર ડમ્પરની ટક્કરથી એક ટ્રકનું ટાયર પંચર થયું. ટાયર બદલવા ઉભેલા બીજા ટ્રકને અન્ય ટ્રકે ટક્કર મારી. ઈજાગ્રસ્ત ચાલકને હોસ્પિટલમાં ખસેડાયો, હાઈવે પેટ્રોલિંગ ટીમે કાર્યવાહી કરી અને પોલીસે તપાસ હાથ ધરી.

સુરતના કાપોદ્રામાં ફૂટપાથ પરથી 3 વર્ષની બાળકીનું અપહરણ થયું. CCTVમાં આરોપી દેખાયો, જે ટ્રેન દ્વારા MP તરફ ભાગી ગયો. પોલીસે 20 જવાનની ટીમ રવાના કરી છે. માતા સાથે ઝઘડો થતાં યુવતી સુરત આવી હતી. રાત્રે ઊંઘ ઉડતાં ખબર પડી કે બાળકી ગાયબ છે. પોલીસે તપાસ હાથ ધરી છે, પૂર્વનિયોજિત કાવતરું હોવાની શંકા છે. પીડિત માતા પોતાની બાળકી શોધી આપવા વિનવણી કરી રહી છે.

બુધવાર, ૨૨ એપ્રિલના રોજ ઘરેલુ વાયદા બજાર (MCX)માં સોના અને ચાંદીના ભાવમાં ઉછાળો જોવા મળ્યો છે. સોનાનો વાયદો પ્રતિ ૧૦ ગ્રામ ₹૧,૫૩,૦૦૦ ને પાર પહોંચ્યો છે, જ્યારે ગુજરાતના મુખ્ય શહેરોમાં ૨૪ કેરેટ સોનાનો ભાવ ₹૧,૫૪,૮૦૦ અને ૨૨ કેરેટનો ભાવ ₹૧,૪૧,૯૦૦ રહ્યો છે. ચાંદીના ભાવમાં પણ તેજી જોવા મળી છે, જેમાં મુંબઈ અને દિલ્હીમાં ૧૦ ગ્રામ ચાંદી ₹૨,૬૫૦ માં વેચાઈ રહી છે. વૈશ્વિક સ્થિતિ અને માર્કેટ સેન્ટિમેન્ટને કારણે કિંમતી ધાતુઓના ભાવમાં સતત વધારો નોંધાઈ રહ્યો છે.

જામનગર મહાનગરપાલિકાની ચૂંટણી માટે વહીવટી તંત્ર સક્રિય; મતદાન સુચારુ કરવા તૈયારી તેજ. શહેરમાં મતદાન મથકો ઊભાં કરવાની સાથે 100 મીટર વિસ્તારનું મેપિંગ અને ગ્રાઉન્ડ માર્કિંગ શરૂ. 16 વોર્ડ માટે ચાર ટીમો બની, જે 100 મીટર સુધી માપણી કરી સફેદ રંગથી MARKING કરી રહી છે. District Collector પી.બી. પંડ્યાના માર્ગદર્શન હેઠળ કામગીરી ચાલી રહી છે.

ભરૂચ પોલીસ હેડક્વોર્ટર્સ ખાતે, સ્થાનિક સ્વરાજ્યની ચૂંટણી-2026 માટે પોસ્ટલ બેલેટથી મતદાન થયું. Election duty પરના Police, Home Guard અને GRD જવાનો પોતાના મતાધિકારનો ઉપયોગ કરી શકે તે માટે આ વ્યવસ્થા કરાઈ હતી. મોટી સંખ્યામાં અધિકારીઓ અને જવાનોએ શાંતિપૂર્ણ રીતે મતદાન કર્યું. પોસ્ટલ બેલેટની સુવિધા ચૂંટણી ફરજને કારણે મતદાન કેન્દ્ર પર હાજર ન રહી શકતા સુરક્ષા કર્મચારીઓ માટે ઉપલબ્ધ કરાવાઈ હતી.

બનાસકાંઠામાં સ્થાનિક સ્વરાજની ચૂંટણી પૂર્વે કોંગ્રેસે પાલનપુર શહેર માટે સર્વાંગી વિકાસલક્ષી મેનિફેસ્ટો જાહેર કર્યો છે. જિલ્લા પ્રમુખ ગુલાબસિંહ રાજપૂતે રસ્તા, પાણી અને ગટર જેવી પાયાની સુવિધાઓના કાયમી ઉકેલ સાથે ૧૧ વોર્ડમાં ‘મોહલ્લા ક્લિનિક’ અને વિદ્યાર્થીઓ માટે આધુનિક લાઈબ્રેરી સ્થાપવાનું વચન આપ્યું છે. કોંગ્રેસે ભ્રષ્ટાચાર મુક્ત પારદર્શક વહીવટ, ટેન્ડર પ્રક્રિયામાં પ્રામાણિકતા અને દર ત્રણ મહિને ‘લોકસંવાદ’ યોજી પ્રશ્નોના નિકાલની ખાતરી આપી છે. આ મેનિફેસ્ટોમાં સામાન્ય નાગરિકોની જરૂરિયાતોને કેન્દ્રમાં રાખીને શહેરના વિકાસનો રોડમેપ રજૂ કરવામાં આવ્યો છે.

સુરતના શિવમ મૌર્યએ અનોખી સાયકલ બનાવી, જે ડ્રાઈવર વગર ચાલે છે, લોકો તેને 'Ghost Cycle' કહે છે. 3 મહિનાની મહેનત અને AIથી બનેલી આ સાયકલ જાતે જ બેલેન્સ જાળવે છે અને રસ્તા પર ચાલે છે. તેમાં માણસ જેવા પગ પેડલ મારે છે, જે જોઈને બાળકો ડરી ગયા હતા. આ સાયકલ MOBILE APP, રિમોટ અથવા AI MAPPINGથી ચાલે છે. શિવમે પહેલાં પણ 'Garuda AI Bike' બનાવી હતી. આ ટેક્નોલોજીનો ઉપયોગ CONTACTLESS DELIVERY અને સ્માર્ટ ટ્રાન્સપોર્ટેશન માટે થઈ શકે છે.

જામનગર જિલ્લામાં ચૂંટણીને ધ્યાનમાં રાખી કાયદો અને વ્યવસ્થા માટે પોલીસે સ્પેશિયલ કોમ્બિંગ ડ્રાઈવ કરી. દરેડ અને મસીતિયામાં કાર્યવાહી કરાઈ. MV Act હેઠળ કેસ નોંધાયા. દારૂબંધીના કેસ દાખલ કરાયા. બુટલેગરોના રહેઠાણો ચકાસાયા, ટપોરીઓની તપાસ, હિસ્ટ્રીશીટરોની ચકાસણી અને MCR ચેકિંગ કરાયું. LCB, SOG અને પંચ બી ડિવિઝન પોલીસ સ્ટાફે કામગીરી કરી. આવી ડ્રાઈવ ચાલુ રાખવાની પોલીસે પ્રતિબદ્ધતા દર્શાવી.

અમદાવાદના મેમનગરમાં સામ્રાજ્ય ફ્લેટના પાર્કિંગમાં 55 વર્ષીય કાનજીભાઈની હત્યા થઈ. તેઓ કોમન પાર્કિંગમાં રહેતા હતા અને છૂટક મજૂરી કરતા હતા. CCTV ફૂટેજમાં એક શખ્સ તેમને મારી રહ્યો હોવાનું દેખાય છે. પોલીસે CCTV ફૂટેજ મેળવીને તપાસ શરૂ કરી છે. સોસાયટીના રહીશોની પૂછપરછ ચાલુ છે, સિક્યુરિટી ગાર્ડના નિવેદન મુજબ કોઈ અજાણ્યો શખ્સ આવ્યો નહોતો, જેથી ફ્લેટનો જ કોઈ વ્યક્તિ શંકાના ઘેરામાં છે. પોલીસે તપાસ હાથ ધરી છે.

US સૈન્યએ બંગાળની ખાડીમાં ઈરાન સાથે જોડાયેલ ઓઈલ ટેન્કર 'એમ/ટી ટિફાની'ને કબજે કરતા દરિયાઈ વિસ્તારોમાં તણાવ વધ્યો છે. શાંતિ વાટાઘાટો અને યુદ્ધવિરામ વચ્ચે અમેરિકાનું આ બીજું મોટું પગલું છે, જેના કારણે પશ્ચિમ અને દક્ષિણ-પૂર્વ એશિયામાં યુદ્ધના વાદળો ઘેરાયા છે. ઈરાને આ કાર્યવાહીને "રાજ્ય-પ્રાયોજિત ચાંચિયાગીરી" ગણાવી આંતરરાષ્ટ્રીય સ્તરે સખત વિરોધ નોંધાવ્યો છે અને જડબાતોડ જવાબ આપવાની ચેતવણી આપી છે. આ ઘટનાએ વૈશ્વિક શાંતિના પ્રયાસોને ફરી એકવાર જોખમમાં મૂક્યા છે.

અમદાવાદના બાપુનગરમાં સ્થાનિક સ્વરાજ્યની ચૂંટણી પહેલાં ગેરરીતિના આક્ષેપોથી રાજકીય માહોલ ગરમાયો છે. બાપુનગર હોમગાર્ડ ઓફિસમાં ચૂંટણી અધિકારીની ગેરહાજરીમાં બેલેટ પેપર પર સિક્કા મરાતા હોવાનો કોંગ્રેસે વિરોધ કર્યો છે. Homeguard જવાનો માટે બેલેટ પેપરથી મતદાનનું આયોજન કરાયું હતું.

કાર્નેગી એન્ડોમેન્ટના ૨૦૨૬ના સર્વે મુજબ, દર ૧૦માંથી ૪ ભારતીય-અમેરિકનો હવે 'અમેરિકન ડ્રીમ' છોડી ભારત પરત આવવાનું વિચારી રહ્યા છે. રાજકીય અસ્થિરતા, ગ્રીન કાર્ડ માટેની ૭૦ વર્ષ લાંબી પ્રતીક્ષા અને વધતી મોંઘવારી આ પરિવર્તન પાછળના મુખ્ય કારણો છે. ખાસ કરીને ટ્રમ્પ વહીવટીતંત્રની નીતિઓથી ૭૧% ભારતીયો અસંતુષ્ટ છે. બીજી તરફ, ભારતની મજબૂત અર્થવ્યવસ્થા અને ટેક હબ્સ આકર્ષણનું કેન્દ્ર બનતા હવે ‘રિવર્સ માઈગ્રેશન’નો ટ્રેન્ડ તેજ બન્યો છે, જે અમેરિકા માટે ચિંતાનો વિષય છે.

મહેસાણામાં 80 meter રિંગ રોડ અને TP-DP સ્કીમ વિરુદ્ધ 14 ગામના ખેડૂતોનું આંદોલન સફળ થયું છે. CM ભૂપેન્દ્ર પટેલ સાથેની બેઠકમાં 80 meter રોડ રદ કરવાની ખાતરી મળતા ખેડૂતોએ રાહત અનુભવી છે. સરકારે એગ્રીકલ્ચર ઝોન યથાવત રાખવા અને નવી TP સ્કીમમાં ખેડૂતોને સાથે રાખવાની ખાતરી આપી છે. આંદોલન ચાલુ રાખવું કે બંધ કરવું એ અંગે ખેડૂતો વિચારણા કરશે. જરૂર પડ્યે ફરી આંદોલન માટે પણ તૈયારી છે.

ગુજરાતની સ્થાનિક સ્વરાજ્યની ચૂંટણીમાં AAPના MLA ગોપાલ ઈટાલિયાએ જાહેરસભામાં અપશબ્દો બોલ્યા, અને દાવો કર્યો કે ભાવનગરમાં આવું સામાન્ય છે. દિલ્હીથી સુરત હવાલા કૌભાંડ વચ્ચે, ઈટાલિયાના આ વર્તનથી વિવાદ થયો અને તેમની ટીકા થઈ રહી છે. આ ઉપરાંત ટિકિટની વહેંચણીમાં સોદાબાજી અને શરાબ શબાબ જેવા આક્ષેપો પણ થયા છે.