અમદાવાદના માધુપુરામાં ફૂડ વિભાગે દરોડા પાડી ડાઈ કલર ભેળસેળવાળા મરચું, હળદર અને ધાણાજીરું પાઉડરનો 12.5 લાખ રૂપિયાથી વધુનો 2 હજાર કિલોથી વધુનો જથ્થો જપ્ત કર્યો છે. આ મસાલા 'કેસરીનંદન સ્પાઈસીસ' નામથી વેચાતા હતા. રખિયાલ વિસ્તારમાં જય અંબે ભોજનાલયમાંથી ગ્રેવીના 'અનસેફ' નમૂના બાદ તપાસ શરૂ થઈ હતી. જય માતાજી ટ્રેડર્સમાં દરોડા બાદ ભેળસેળનો ખુલાસો થયો. વડોદરામાં પણ મહાનગરપાલિકાએ શંકાસ્પદ ખાદ્ય તેલ અને અન્ય ખાદ્યપદાર્થો સામે કાર્યવાહી કરી 976 કિલો પામોલીન તેલ સીઝ કર્યું છે.

ગુજરાતમાં ચાંદીપુરા વાયરસનો પ્રકોપ વધી રહ્યો છે, જેમાં સૌરાષ્ટ્રના રાજકોટ અને સુરેન્દ્રનગર જિલ્લામાં બે બાળકોમાં શંકાસ્પદ લક્ષણો જોવા મળ્યા છે. કચ્છના ગળપાદર ગામમાં પણ 10 વર્ષના બાળકમાં આવા લક્ષણો જણાયા છે. ત્રણેય બાળકોના સેમ્પલ ગાંધીનગર લેબોરેટરીમાં તપાસ માટે મોકલવામાં આવ્યા છે. આરોગ્ય વિભાગે અસરગ્રસ્ત વિસ્તારોમાં સર્વેલન્સ અને જાગૃતિ અભિયાન તેજ બનાવ્યું છે, લોકોને મચ્છરોથી બચવા અને સ્વચ્છતા જાળવવા અપીલ કરી છે. અત્યાર સુધી રાજ્યમાં 32 શંકાસ્પદ કેસ નોંધાયા છે, જેમાંથી 7 ની પુષ્ટિ થઈ છે અને 3 મોત થયા છે.

અમદાવાદમાં 149મી જગન્નાથજી રથયાત્રા યોજાવાની છે. 146 વર્ષથી ચાલતી આ પરંપરા હવે ઘણા લોકો માટે પ્રશ્નાર્થ બની છે. પશ્ચિમ અમદાવાદમાં સ્થળાંતરિત થયેલા લાખો પરિવારો માટે જૂના રૂટ પર દર્શન કરવા મુશ્કેલ બન્યા છે. ઘણા લોકો રથયાત્રાને 'મતયાત્રા'માં પરિવર્તિત કરવામાં આવી હોવાનું માની રહ્યા છે. પરંપરાગત રૂટમાં ફેરફાર કરીને તેને પશ્ચિમ અમદાવાદ સુધી લઈ જવાની માંગણી થઈ રહી છે. આયોજનમાં મોટી સંખ્યામાં પોલીસ બંદોબસ્ત ગોઠવાય છે, પરંતુ સામાન્ય નાગરિકોની સુવિધા અને લાગણીઓને અવગણવામાં આવી રહી છે.

મોરબીના જેતપર ગામે વીજલાઇન વળતર મુદ્દે ખેડૂતોના સત્યાગ્રહ પાર્ટ-3નો પ્રારંભ થયો છે. ગુજરાત સરકારના ઉર્જા અને પેટ્રોકેમિકલ્સ વિભાગ દ્વારા જાહેર કરાયેલા નવા પરિપત્રનો ખેડૂતો ઉગ્ર વિરોધ કરી રહ્યા છે. ખેડૂતોના હિતમાં ન હોવાના આક્ષેપ સાથે મોરબીમાં હજારો ખેડૂતો અને મહિલાઓએ વિશાળ પદયાત્રા યોજી હતી. રાજ્યના 365 ગામોની ગ્રામ પંચાયતોના લેટરપેડ સાથે ખેડૂતોએ કલેક્ટર કચેરીએ પહોંચી આવેદનપત્ર પાઠવી ઠરાવમાં સુધારા કરવાની માગ કરી છે, જેમાં ટેલીગ્રાફ એક્ટની કલમ 10 (ડી) મુજબ પૂરેપૂરું વળતર મળવાની ખાતરી માંગી છે.

અમદાવાદ શહેરની વધતી વસ્તી અને વિસ્તારને ધ્યાનમાં રાખીને, આગામી 30 વર્ષ (2057 સુધી) માટે ડ્રેનેજ અને સ્ટોર્મ વોટર ડ્રેનેજ લાઈનના નેટવર્કનો માસ્ટર પ્લાન તૈયાર કરવાની કવાયત શરૂ કરાઈ છે. આ મહત્વપૂર્ણ કામગીરી IIT Gandhinagar જેવી પ્રતિષ્ઠિત સંસ્થાઓને સોંપવામાં આવશે, જેના માટે કુલ રૂ. 8 કરોડ ફી તરીકે ચૂકવવામાં આવશે. આ પ્લાન તૈયાર કરવા માટે શહેરના હાલના માળખાનું મૂલ્યાંકન, GIS આધારિત ડેટાબેઝ, ભવિષ્યની વસ્તી અને વેસ્ટ વોટરના વધારા, ફ્લડિંગ હોટસ્પોટ અને ઈન્ફ્રાસ્ટ્રક્ચર સ્ટ્રેટેજિસ જેવા પાસાઓને ધ્યાનમાં લેવાશે.

અમદાવાદમાં 16મી જુલાઈના રોજ યોજાનારી 149મી રથયાત્રાની તૈયારીઓ અંતિમ તબક્કામાં છે. આજે 15મી જુલાઈના રોજ ભગવાન જગન્નાથજી, બહેન સુભદ્રાજી અને ભાઈ બળભદ્રજીના ત્રણેય પવિત્ર રથોનું વિધિવત પૂજન કરવામાં આવશે. ત્યારબાદ 200થી વધુ ખલાસીઓ દ્વારા રથોને ઉત્સાહભેર ખેંચીને મંદિર પરિસરમાં લાવવામાં આવશે. રથયાત્રા શાંતિપૂર્ણ અને સુનિયોજિત રીતે સંપન્ન થાય તે માટે સુરક્ષા વ્યવસ્થા અને ભક્તોની સુવિધા માટે તંત્ર દ્વારા તમામ તૈયારીઓ પૂર્ણ કરવામાં આવી છે.

ગુજરાતી પત્રકારત્વના ભીષ્મપિતામહ સમા કાન્તિ ભટ્ટ, જેમણે 95 વર્ષની વયે વિદાય લીધી, તેઓ આજે પણ તેમના શબ્દો થકી વાચકોનાં હૃદયમાં જીવંત છે. તેમણે ‘નેવાનાં પાણી મોઢે ચડાવવાં’ જેવું પત્રકારત્વ કર્યું, જ્યાં અંગ્રેજી અખબારોમાંથી ઉતારા થતા ત્યારે તેઓ સમાચારો જાતે શોધીને લાવતા. અમિતાભ બચ્ચનના 'કુલી' ફિલ્મના શૂટિંગ દરમિયાન ઈજા અને દાઉદ ઇબ્રાહીમ સંબંધિત હાઇ-પ્રોફાઇલ સ્ટોરીઝ સહિત અનેક બ્રેકિંગ ન્યૂઝ તેમણે આપ્યા. અનેક ઉપનામો હેઠળ લખતા, તેમણે 'ચિત્રલેખા'નો આખો અંક પણ લખ્યો હતો.

નેલ્સન મંડેલા ડે નિમિત્તે, બાળકોના સિનેમા ક્ષેત્રે યોગદાન બદલ પ્રતિષ્ઠિત ‘નેલ્સન મંડેલા લાઇફટાઇમ અચીવમેન્ટ એવોર્ડ’ મેળવનાર પ્રથમ ભારતીય ફિલ્મ સર્જક વિનોદ ગણાત્રાની અનોખી સિદ્ધિ નોંધનીય છે. તેમણે અમેરિકાનો ‘લિવ ઉલમન પીસ પ્રાઇઝ’ પણ મેળવ્યો છે. 40થી વધુ પુરસ્કારો મેળવી ચૂકેલા ગણાત્રા, 111થી વધુ ફિલ્મ મહોત્સવોમાં જ્યુરી સભ્ય તરીકે સેવા આપનાર એકમાત્ર ભારતીય ફિલ્મ સર્જક છે. તેમની ગુજરાતી ફિલ્મો ‘હેડા-હોડા’ અને ‘હારુન–અરૂણ’એ આંતરરાષ્ટ્રીય સ્તરે પ્રશંસા મેળવી છે.

ગુજરાત વિદ્યાપીઠની સ્થાપના અને વિકાસમાં ડૉ. પ્રાણજીવન મહેતાનું યોગદાન અમૂલ્ય છે, જેમણે તેના ભવન નિર્માણ માટે સૌથી મોટું દાન આપ્યું. લંડનમાં અભ્યાસ દરમિયાન તેઓ ઇન્ડિયા હાઉસના ક્રાંતિકારીઓના સંપર્કમાં આવ્યા અને 'હિન્દ સ્વરાજ' પુસ્તકના પ્રશ્નકર્તા બન્યા. તેમના જીવનનો બીજો મહત્વપૂર્ણ પડાવ મ્યાનમારમાં નેતાજી સુભાષચંદ્ર બોઝની આઝાદ હિન્દ ફોજમાં તેમનું સક્રિય યોગદાન હતું. તેમના પરિવારના સભ્યો પણ આઝાદી સંગ્રામમાં જોડાયા હતા, જે ગુજરાતીઓના અસામાન્ય યોગદાનનું પ્રતીક છે.

રાજકોટ શહેરમાં 19 વર્ષની પરંપરા જાળવીને, ભગવાન જગન્નાથ, ભાઈ બલભદ્ર અને બહેન સુભદ્રા સાથે 26 કિમી લાંબી ભવ્ય રથયાત્રાએ નીકળશે. આવતીકાલે, 16મી જુલાઈના રોજ સવારે 8 વાગ્યે મંદિરેથી પ્રારંભ થનાર આ યાત્રામાં વૃંદાવનની રાસમંડળી અને અઘોરી મંડળી મુખ્ય આકર્ષણ રહેશે. 1800થી વધુ પોલીસ જવાનો સુરક્ષા માટે તૈનાત રહેશે, જ્યારે વિવિધ સંસ્થાઓ દ્વારા પ્રસાદ અને સ્વાગતની તૈયારીઓ કરવામાં આવી છે. આ ઐતિહાસિક રથયાત્રા શહેરના અનેક વિસ્તારોમાંથી પસાર થશે.

સુરતના નાસીરનગર ડિમોલિશન કેસમાં સસ્પેન્ડ કરાયેલા એક્ઝિક્યુટિવ એન્જિનિયર સુજલ પ્રજાપતિએ મ્યુનિસિપલ કમિશનર એમ. નાગરાજન પર ગેરકાયદે ડિમોલિશનના સીધા આદેશ આપ્યાનો આરોપ મૂક્યો છે. હાઈકોર્ટમાં ફાઈલ કરેલા એફિડેવિટમાં, પ્રજાપતિએ 21 મેના રોજ થયેલી વાતચીત અને 'Complete this ASAP' જેવા મેસેજ રજૂ કર્યા છે. કમિશનર દ્વારા સુજલને મોકલાયેલો ફોરવર્ડેડ મેસેજ કોણે મોકલ્યો તે મુખ્ય પ્રશ્ન છે. આ ચેટ દર્શાવે છે કે કમિશનર સતત સંપર્કમાં હતા અને કામગીરી પર નજર રાખી રહ્યા હતા.

ગુજરાતમાં ચાંદીપુરા વાયરસ ફરી હાહાકાર મચાવી રહ્યો છે. આ વાયરસના કારણે અત્યાર સુધીમાં 12 બાળકોના મોત થયા છે, જે ચિંતાનો વિષય છે. આ ખતરનાક વાયરસ શરીરમાં સેન્ડ ફ્લાય (ભૂરા રંગની જીણી માખી) દ્વારા પ્રવેશે છે. શું આ માખી માત્ર ગામડાઓમાં જ જોવા મળે છે કે શહેરોમાં પણ તેનો ફેલાવો થઈ શકે છે? આ અંગે ચાર નિષ્ણાતોના મત અલગ-અલગ છે, જે ચર્ચાનો મુખ્ય મુદ્દો બન્યો છે.

પોરબંદરની કંચન ગુમ થયા બાદ પાડોશી ત્રિકમ પણ ગાયબ હતો. બાદમાં ત્રિકમ ચોટીલામાં ગળું કપાયેલી હાલતમાં મળ્યો. પોલીસ ત્રિકમના ઘરે પહોંચી તો ત્યાં ગળું કપાયેલી હાલતમાં કંચનની લાશ મળી. CCTVમાં ત્રિકમ લોહીથી ખરડાયેલી છરી સાફ કરતો દેખાયો, જેના પરથી પોલીસને કંચનની હત્યાનો ખુલાસો થયો. ત્રિકમે આયોજનપૂર્વક કંચનને મોતને ઘાટ ઉતારી પોતાના પરિવારને બોટાદ મોકલી દીધો હતો. કંચન ગર્ભવતી હોવાનું નાટક કરતી હતી. ત્રિકમની પત્નીના જણાવ્યા મુજબ, ત્રિકમ અને કંચન પ્રેમમાં હતા. ત્રિકમે હત્યા બાદ આત્મહત્યા કરી હતી.

અમદાવાદમાં શિક્ષણ વહીવટને વધુ સુવ્યવસ્થિત બનાવવા માટે જિલ્લા શિક્ષણાધિકારી કચેરી (DEO)નું પૂર્વ અને પશ્ચિમ એમ બે ભાગમાં વિભાજન કરાયું છે. સાબરમતી નદીને આધારે શાળાઓની ફાળવણી કરાઈ છે, જેમાં પૂર્વ વિસ્તારમાં 1,484 અને પશ્ચિમમાં 831 શાળાઓ આવશે. આ નવા વિભાજનથી શાળાઓને મંજૂરી, નિરીક્ષણ, માન્યતા અને અન્ય વહીવટી પ્રશ્નો ઝડપી બનશે. AMC હદ બહારની શાળાઓ ગ્રામ્ય DEO હેઠળ રહેશે.

ભારત અને યુનાઇટેડ કિંગડમ (UK) વચ્ચે ઐતિહાસિક કોમ્પ્રિહેન્સિવ ઇકોનોમિક એન્ડ ટ્રેડ એગ્રીમેન્ટ (CETA) અમલમાં આવતાં સૌરાષ્ટ્રના નિકાસ ક્ષેત્રે નવો અધ્યાય શરૂ થયો છે. આ કરાર હેઠળ, રાજકોટ સ્થિત અન્નપૂર્ણા યુનિવર્સલ ફૂડ્સ પ્રા. લિ. દ્વારા રૂ. 25 લાખના ડ્રાય સ્નેક્સનું 40 ટનનું પ્રથમ કન્ટેનર યુકે જવા રવાના થયું છે. ડીજીએફટી (DGFT)ના સંયુક્ત નિયામક રોહિત સોનીએ આ પ્રસંગે લીલી ઝંડી આપી કન્ટેનરને પ્રસ્થાન કરાવ્યું. આ CETA કરાર હેઠળ યુકેમાં ભારતમાંથી નિકાસ થતી 99 ટકા પ્રોડક્ટ્સ પર આયાત જકાત નાબૂદ કરવામાં આવી છે.

ભરૂચમાં આયોજન અધિકારી તરીકે પ્રમોશન મેળવી આવેલાં પિયુશકુમાર ઉકાણીએ તેમના ભાડાના મકાનમાં ગળેફાંસો ખાઈ આત્મહત્યા કરી લીધી. આંત્યેતિ3 ચિઠ્ઠી મુજબ, ક્રેડિટ કાર્ડની લોનના હપ્તાના ટેન્શનમાં તેમણે આ પગલું ભર્યું હોવાનું અનુમાન છે. વિશ્વસનિય સુત્રો અનુસાર, પિયુશકુમાર ઉકાણી છોટાઉદેપુરમાં ફરજ પર હતાં ત્યારે પણ લોનના હપ્તાઓને લઈને ચિંતિત રહેતાં હતાં. તેમની આર્થિક સંકડામણ સિવાય અન્ય કોઈ કારણ છે કે કેમ તે અંગે પોલીસ તપાસ કરી રહી છે.

ભરૂચમાં ૧૬મી જુલાઈએ યોજાનારી ભગવાન જગન્નાથજીની ઐતિહાસિક રથયાત્રા શાંતિપૂર્ણ રીતે સંપન્ન થાય તે માટે જિલ્લા પોલીસ તંત્ર દ્વારા તૈયારીઓ શરૂ કરવામાં આવી છે. આ સંદર્ભે જિલ્લા પોલીસવડા અક્ષયરાજ મકવાણાની અધ્યક્ષતામાં શાંતિ સમિતિની બેઠક યોજાઈ હતી, જેમાં બંને સમાજના આગેવાનો અને સંસ્થાઓના પ્રતિનિધિઓ હાજર રહ્યા હતા. રથયાત્રાના રૂટ, ટ્રાફિક, સુરક્ષા અને કોમી એકતા જેવા મુદ્દાઓ પર વિસ્તૃત ચર્ચા થઈ. મુસ્લિમ સમાજ દ્વારા રથયાત્રાનું સ્વાગત કરાશે. સુરક્ષા માટે વિશેષ ટીમો તૈનાત રહેશે અને ફ્લેગ માર્ચ યોજાશે.

ડભોઇ શહેરમાં 16 તારીખે કે બદ્રીનારાયણ મંદિરેથી ભગવાન જગન્નાથજીની ભવ્ય શોભાયાત્રા નીકળશે. આ યાત્રા સૌહાર્દપૂર્ણ વાતાવરણમાં યોજાય તે માટે ડભોઇ તાલુકા સેવા સદન ખાતે શાંતિ સમિતિની એક મહત્વપૂર્ણ બેઠક યોજાઇ હતી. જેમાં ધારાસભ્ય અધ્યક્ષ સ્થાને હતા. બેઠકમાં DySp, PI, ચીફ ઓફ્સર, નગરપાલિકા પ્રમુખ, વિવિધ ધર્મોના આગેવાનો અને મંદિરના ટ્રસ્ટીઓ ઉપસ્થિત રહ્યા હતા.

આગામી 9 ઓગસ્ટ અને વિશ્વ આદિવાસી દિવસની ઉજવણીના ભાગરૂપે ટીસી કાપડિયા કોલેજ ખાતે આદિવાસી આગેવાનોની બેઠ3 યોજાઇ હતી. જેમાં ઉજવણીને ભવ્ય અને સફ્ળ બનાવવા માટે વિવિધ મુદ્દા પર વિસ્તૃત ચર્ચા કરાઇ હતી. જેના આયોજન માટે સોસાયટીવાઇઝ ફળો એકત્રિત કરવાની, ગત વર્ષનો ખર્ચ વધેલ ફળો તેમજ આ વર્ષનું આયોજન કરાયું હતું. આદિવાસી સમાજના વિવિધ આગેવાનો કાર્યકરો તેમજ યુવાનોને કાર્યક્રમ સંબંધિત જવાબદારી સોંપાઇ હતી.

કરજણ શહેરમાં ભગવાન જગન્નાથજીની રથયાત્રા શાંતિપૂર્ણ અને સુરક્ષિત રીતે સંપન્ન થાય તે માટે કરજણ પોલીસ દ્વારા નગરના મુખ્ય માર્ગો પર સઘન ફૂટ પેટ્રોલિંગ હાથ ધરવામાં આવ્યું. PI બી. એમ. પટેલના નેતૃત્વ હેઠળ પોલીસ ટીમે વિવિધ વિસ્તારોમાં પેટ્રોલિંગ કરીને સુરક્ષા વ્યવસ્થાની સમીક્ષા કરી. પોલીસે વેપારીઓ અને નાગરિકો સાથે સંવાદ સાધી કાયદો-વ્યવસ્થા જાળવવા અને શંકાસ્પદ પ્રવૃત્તિ અંગે તાત્કાલિક જાણ કરવા અપીલ કરી. સમગ્ર યાત્રામાર્ગ પર પોલીસ બંદોબસ્ત જાળવવામાં આવશે.

બોડેલી ખાતે સફયર પબ્લિક સ્કૂલમાં 13માં ઈન્ડિયન ટેલેન્ટ ઓલિમ્પિયાડના વિજેતા વિદ્યાર્થીઓનું સન્માન સમારોહ યોજાયો હતો. પ્રાયમરી સેકશનની વિદ્યાર્થિની પ્રગ્યા રણાએ સ્ટેટ લેવલ 3માં સ્ટેટ ટોપર સ્કોર કરી ઉત્કૃષ્ટ સિદ્ધિ હાંસલ કરી હતી. તેને એકસેલેન્ટ એવોર્ડ, સ્કોલરશીપ, ચેક અને પ્રમાણપત્ર આપી સન્માનિત કરાઈ. શાળાના ટ્રસ્ટી રાહુલ ઈસરાની, હેડ મિનિસ્ટ્રેસ સ્મિતા સેન અને જજ ધાસુરા સાહેબે પુરસ્કાર અર્પણ કર્યા. છોટાઉદેપુર જિલ્લા રાજપૂત સમાજ દ્વારા પણ પ્રગ્યાને અભિનંદન પાઠવાયા.

છોટાઉદેપુરના નસવાડી તાલુકાના કડવાં ગામ પાસે કેનાલના માર્ગ પર રાત્રિના સમયે એક વિશાળ મગર દેખાતાં વાહનચાલકો અને રાહદારીઓમાં ભયનો માહોલ સર્જાયો હતો. પોલીસ પેટ્રોલિંગ દરમિયાન આ ઘટના બની હતી, જેનો વીડિયો પોલીસે જનસુરક્ષાના ભાગરૂપે સોશિયલ મીડિયામાં વાઇરલ કર્યો હતો. મગર થોડીવારમાં કેનાલ તરફ જતો રહ્યો હતો. ચોમાસામાં જળાશયોમાં પાણી વધતાં મગરો બહાર નીકળે છે. પોલીસે રાત્રિના સમયે આ માર્ગ પરથી પસાર થતા લોકોને સાવચેતી રાખવા અને મગર દેખાય તો વન વિભાગને જાણ કરવા અપીલ કરી છે.

અરવલ્લી જિલ્લામાં વાહન ચોરીના ગુનાઓ પર અંકુશ લાવવા LCB દ્વારા કરાયેલ કાર્યવાહીમાં એક મોટી સફળતા મળી છે. પોલીસે કાલબેલિયા ગેંગના એક સાગરિત અને કાયદાના સંઘર્ષમાં આવેલા એક કિશોરને ઝડપી પાડ્યો છે. તેમની પાસેથી કુલ 9 બાઇક રિકવર કરવામાં આવ્યા છે, જેની અંદાજે કિંમત 3.55 લાખ રૂપિયા છે. આ ગુનાઓમાં મોડાસા, ભિલોડા, સાબરકાંઠાના ગાંભોઈ, મેઘરજ, અમદાવાદના નાના ચિલોડા અને હિંમતનગર જેવા વિસ્તારોમાંથી ચોરી કરવામાં આવી હતી. આ કાર્યવાહીથી મિલકત સંબંધી ગુનાઓ અટકાવવામાં પોલીસને મોટી સફળતા મળી છે.

છોટાઉદેપુર નગરપાલિકા પ્રમુખ મંજુલાબેન કોલીનો જાતિનો દાખલો રદ કરવાના હુકમ પર પુનઃવિચારણા કરી તેને પરત ખેંચવા કલેક્ટરને આવેદનપત્ર અપાયું છે. કોલી, ઢેબરીયા કોલી, રાઠવા કોળી, બારીયા કોલી જાતિઓને બક્ષીપંચની યાદીમાંથી દૂર કરવાની પણ માંગ કરાઈ છે. આ મુદ્દે સમાજમાં ચર્ચા છે, કારણ કે છોટાઉદેપુર જિલ્લામાં 90 ટકા આદિવાસી વસતી છે. આવેદનપત્રમાં 1950 પહેલાંના ગાયકવાડી સરકારના રેકોર્ડ અને 1901-1920ના વહીવટી અહેવાલોનો ઉલ્લેખ કરી કોળી જાતિને આદિવાસી તરીકે ઓળખવામાં આવી હોવાના પુરાવા રજૂ કરાયા છે.

છોટાઉદેપુરના ઓડ ગામમાં MGVCLની બેદરકારીને કારણે એક વીજ થાંભલો જોખમી રીતે નમી પડ્યો છે. ગ્રામજનોએ સ્વ-ખર્ચે તેને લાકડાનો ટેકો આપ્યો છે, પરંતુ ભારે વરસાદ કે પવનથી તે ધરાશાયી થવાનો ભય છે, જેનાથી જાનહાનિ થઈ શકે છે. માત્ર ૨૨ દિવસ પહેલાં આ જ ગામમાં કરંટથી બાળકનું મૃત્યુ થયું હતું, છતાં MGVCL દ્વારા સમારકામ ન થતાં લોકોમાં રોષ છે. ગ્રામજનોએ તાત્કાલિક કાર્યવાહીની માંગ કરી છે.

આગામી તા.16મી જુલાઈએ ઇડરમાં યોજાનારી ભગવાન જગન્નાથજીની 28મી રથયાત્રાના શાંતિપૂર્ણ અને સુરક્ષિત આયોજન માટે જિલ્લા પોલીસ તંત્ર દ્વારા ફૂટ પેટ્રોલિંગ કરવામાં આવ્યું. જિલ્લા પોલીસ વડા ડૉ.પાર્થરાજસિંહ ગોહિલની ઉપસ્થિતિમાં થયેલ આ પેટ્રોલિંગમાં મોટા રામદ્વારા મંદિરથી ટાવર ચોક, તિરંગા સર્કલ, જલારામ મંદિર સુધીના રૂટ પર સુરક્ષા વ્યવસ્થા ગોઠવાઈ. 300 પોલીસ કર્મચારીઓ, 325 હોમગાર્ડ જવાનો, 45 બોડી-વોર્ન કેમેરા અને નેત્રમ કેમેરા દ્વારા રથયાત્રાનું લાઈવ મોનિટરિંગ કરવામાં આવશે.

અષાઢી બીજના શુભ અવસરે પાદરા શહેરમાં ભગવાન જગન્નાથજી, બલરામજી અને સુભદ્રાજીની ભવ્ય રથયાત્રાનું આયોજન કરવામાં આવ્યું છે. શ્રી રામટેકરી મંદિર અને નગરજનોના સંયુક્ત ઉપક્રમે આ પરંપરાગત રથયાત્રા 16 જુલાઈના રોજ બપોરે 2 વાગ્યે શ્રી રામટેકરી રામજી મંદિરથી પ્રસ્થાન કરશે. સમગ્ર શહેરમાં ભક્તિમય વાતાવરણ સર્જાશે અને મોટી સંખ્યામાં ભાવિકો દર્શનનો લાભ લેશે. રથયાત્રામાં બેન્ડવાજા, ભજન મંડળીઓ, ડીજે, ધાર્મિક ઝાંખીઓ અને પુષ્પવર્ષાનું આયોજન કરાયું છે. ભાવિકો માટે મગ, જાંબુ, શિરો અને કેળાના પ્રસાદની વ્યવસ્થા પણ છે. રથયાત્રા બાદ મહાઆરતી યોજાશે.

અષાઢી બીજની 28મી ભવ્ય ભગવાન જગન્નાથ રથયાત્રા પૂર્વે, ભગવાન ઈડરના ઇન્દ્રનગર સોસાયટીમાં મામાના ઘરે ચાર દિવસ રોકાયા બાદ નિજધામ મોટા રામદ્વારા મંદિર તરફ પરત ફર્યા. આ ભવ્ય શોભાયાત્રામાં મોટી સંખ્યામાં ભક્તો જોડાયા હતા, જેઓએ ઢોલ-નગારા અને જયઘોષ સાથે ભગવાનને વિદાય આપી. ભાવિકો ભક્તિ સંગીત અને ડીજેના તાલે નાચતા-ગાતા જોડાયા હતા, અને માર્ગમાં પુષ્પવર્ષા તથા પ્રસાદ વિતરણનું આયોજન કરાયું હતું.

વડોદરાના પાદરા તાલુકાના રણુ ગામમાં શ્રી માં તુલજાભવાની માતાજીના મંદિરે ૧૫ થી ૨૩ જુલાઈ દરમિયાન અષાઢી ગુપ્ત નવરાત્રિ મહોત્સવ યોજાશે. આ નવ દિવસીય કાર્યક્રમમાં માતાજીની વિશેષ પૂજા, આરાધના અને શક્તિ ઉપાસના થશે. સનાતન ધર્મ અનુસાર, ગુપ્ત નવરાત્રિ દરમિયાન દેવીના ગુપ્ત સ્વરૂપની આરાધના અને શક્તિ સાધના કરવાથી વિશેષ પુણ્યફળ મળે છે. ઘટસ્થાપન સાથે શરૂ થતા આ મહોત્સવમાં દુર્ગાષ્ટમીની ઉજવણી પણ ભક્તિમય વાતાવરણમાં થશે. મહંત કવિન્દ્રગીરીજીએ ભાવિકોને જોડાઈ આશીર્વાદ મેળવવા અપીલ કરી છે.

સાબરકાંઠાના હિંમતનગરમાં આ વર્ષે બે અલગ-અલગ રથયાત્રા નીકળવાની છે, જેના કારણે શહેરીજનોમાં ભારે અવઢવની સ્થિતિ સર્જાઈ છે. પરંપરાગત રીતે અષાઢી બીજ તા. 16મી જુલાઈએ એક રથયાત્રા નીકળશે. જ્યારે, ઇસ્કોન સંસ્થા દ્વારા નિયત દિવસના બદલે બે દિવસ બાદ તા. 18મી જુલાઈએ બીજી રથયાત્રા જાહેર કરાઈ છે. આ કારણે, અનેક હિંદુ સંગઠનો અને શહેરીજનો ઇસ્કોન સંસ્થા પર સંસ્કૃતિ અને પરંપરા સાથે ચેડાં કરવાનો આક્ષેપ કરી રહ્યા છે.