તેલંગાણા પોસ્ટલ સર્કલ દ્વારા હૈદરાબાદ ખાતે આયોજિત બીજી ઓલ ઇન્ડિયા પોસ્ટલ પેરા બેડમિન્ટન અને ટેબલ ટેનિસ ટુર્નામેન્ટ 2026-27માં ગુજરાત પોસ્ટલ સર્કલના ચારેય પેરા ખેલાડીઓએ ઉત્કૃષ્ટ પ્રદર્શન કર્યું. આ રાષ્ટ્રીય સ્પર્ધામાં ગુજરાતના ખેલાડીઓએ વિવિધ વર્ગોમાં કુલ ચાર મેડલ હાંસલ કરીને ગુજરાત પોસ્ટલ સર્કલનું ગૌરવ વધાર્યું છે. તેમની આ સફળતા દિવ્યાંગ ખેલાડીઓની અદમ્ય ઇચ્છાશક્તિ અને દૃઢ સંકલ્પનું ઉદાહરણ છે. ઉચ્ચ અધિકારીઓએ તેમના સન્માનની સાથે ભવિષ્યમાં વધુ તાલીમ અને સુવિધાઓ આપવાની તૈયારી દર્શાવી.

નર્મદા જિલ્લાના હલગામપાડી ગામે જંગલ જમીનનો વિવાદ વકર્યો છે, જ્યાં ખેડૂતો અને ફોરેસ્ટ અધિકારીઓ વચ્ચે ઘર્ષણ થયું. ગ્રામજનો ખેડાણ માટે પહોંચતા અધિકારીઓએ રોક્યા, જેના કારણે તણાવ સર્જાયો. કોંગ્રેસ નેતા સંદીપ માંગરોલાએ ગ્રામજનો અને ACF ગૌરવ લોઢા સાથે બેઠક યોજી. ગ્રામ આગેવાને ખેડૂતોને રોકવા પાછળ કલમ અને કારણ પૂછ્યું. 608 ખેડૂતોના પેન્ડિંગ દાવા અને સોમવાર સુધી કામચલાઉ વિરામની માંગ કરાઈ, જેના પર સૌની નજર રહેશે.

અમદાવાદના રામોલ-હાથીજણ અર્બન હેલ્થ સેન્ટરની દયનીય સ્થિતિ સામે આવી છે. અહીં શૌચાલયમાં ભારે ગંદકી અને દારૂની પોટલીઓ મળી હોવાનો આરોપ છે. પીવાના પાણીના વોટર કૂલર પણ બિનઉપયોગી અને ધૂળ ખાતી હાલતમાં છે. હેલ્થ સેન્ટરની બિલ્ડિંગ પણ જર્જરિત બનતી જાય છે. AMCના 18,000 કરોડ રૂપિયાના બજેટ છતાં પ્રાથમિક સુવિધાઓનો અભાવ દેખાય છે. આ બાબતે કોંગ્રેસે તંત્રની કામગીરી પર સવાલો ઉઠાવ્યા છે.

જન્માષ્ટમીના પવિત્ર પર્વ નિમિત્તે દ્વારકા દર્શન કરવા આવેલા 3 યુવાનો ઓખા-મઢી ટોલનાકા નજીક ગંભીર અકસ્માતનો ભોગ બન્યા. પુર્વવત બંધ પડેલી એક Kia કારમાં પૂરઝડપે આવી રહેલું બાઈક પાછળથી અથડાઈને ઘૂસી ગયું. આ ભીષણ ટક્કરમાં ત્રણેય યુવાનોને ગંભીર ઇજાઓ પહોંચી, જેમાં 2ની હાલત નાજુક છે. ઓખામઢી ટોલ ટીમની સત્વરે કામગીરી અને એમ્બ્યુલન્સની વ્યવસ્થાથી ઈજાગ્રસ્તોને દ્વારકા સિવિલ હોસ્પિટલ ખસેડાયા. પોલીસે અકસ્માતના કારણોની તપાસ હાથ ધરી છે.

વડોદરાના તાંદળજા વિસ્તારમાં પાણીની લાઈનમાં ભંગાણ થતાં હજારો લિટર શુદ્ધ પાણીનો વેડફાટ થયો છે. જે.પી. રોડ પોલીસ મથક પાસે થયેલા આ ભંગાણ બાદ પાણી રસ્તા પર ફરી વળ્યું અને ગટરમાં વહી ગયું. તાંદળજામાં પાણીની સમસ્યા હોવા છતાં આવા વેડફાટ અંગે મ્યુનિસિપલ કોર્પોરેશનની કામગીરી સામે સવાલો ઉઠ્યા છે. સામાજિક કાર્યકરોએ જણાવ્યું કે, એક જ સ્થળે વારંવાર ભંગાણ પડતું હોવા છતાં કાયમી સમારકામ થતું નથી અને બિલો ચૂકવાય છે, જેની તપાસ થવી જોઈએ.

ભાવનગર ST બસ સ્ટેન્ડ પર પ્રેમિકા કોમલની હત્યા કરનાર આરોપી ફૈઝલને પોલીસે ઝડપી લીધો. નિલમબાગ પોલીસે ગુનાની ગંભીરતાને ધ્યાનમાં રાખી, આરોપીને ઘટનાસ્થળે લાવીને સમગ્ર બનાવનું રી-કન્સ્ટ્રક્શન કરાવ્યું. આરોપીએ 7 મિનિટ સુધી કોમલને બેરહેમીથી માર માર્યો હતો, જેના કારણે તેનું ઘટનાસ્થળે જ મોત નીપજ્યું હતું. પોલીસે આરોપીને એ જ સ્થળે લઈ જઈને કડક કાર્યવાહી કરી, જેને કારણે લોકોમાં સંતોષ જોવા મળ્યો.

વડાપ્રધાન નરેન્દ્ર મોદી 8 સપ્ટેમ્બરે વડોદરા ખાતે ₹30,766 કરોડના રેલવે પ્રોજેક્ટ્સનું લોકાર્પણ અને શિલાન્યાસ કરશે. આ કાર્યક્રમમાં ગુજરાત અને મધ્યપ્રદેશને જોડતા પ્રોજેક્ટ્સ, ડેડિકેટેડ ફ્રેઇટ કોરિડોર (DFC) ના નવા ખંડો, વડોદરા-રતલામ ત્રીજી/ચોથી લાઇન, વિશ્વામિત્રી-ડભોઇ ડબલિંગ, મિયાગામ કરજણ-ચોરંદા-માલસર ગેજ પરિવર્તનનો સમાવેશ થાય છે. જોબટ-ટાણ્ડા રોડ રેલ સેક્શનનું લોકાર્પણ અને નવી ટ્રેન સેવા પણ શરૂ થશે. DFC ના નવા સેક્શનો ગુજરાતના ઔદ્યોગિક વિસ્તારો અને બંદરો વચ્ચે કનેક્ટિવિટી ઝડપી બનાવશે.

વડોદરા શહેરના વોર્ડ નંબર-4માં સિદ્ધેશ્વર હિલ સ્ક્વેરના રહીશોએ રસ્તાની સમસ્યાને લઈને વિરોધ પ્રદર્શન કર્યું. કોંગ્રેસ કાર્યકરની આગેવાનીમાં એકત્ર થયેલા રહીશોએ તંત્ર સામે રોષ વ્યક્ત કર્યો. કાર્યકરે આક્ષેપ કર્યો કે પ્રધાનમંત્રી આવે ત્યારે જ રસ્તાઓ સુધારવામાં આવે છે, જ્યારે સામાન્ય નાગરિકોની સમસ્યાઓ અવગણવામાં આવે છે. છેલ્લા છ વર્ષથી સોસાયટી તરફ જતો માત્ર 200 મીટર રસ્તો ઉબડખાબડ હોવાથી વાહનચાલકો અને રહીશોને ભારે હાલાકીનો સામનો કરવો પડી રહ્યો છે. 8 સપ્ટેમ્બરે પ્રધાનમંત્રીની મુલાકાત સમયે રસ્તાની સમસ્યા અંગે રજૂઆત કરવાની ચીમકી ઉચ્ચારવામાં આવી છે.

પાણીની લાઈન ભંગાણની ઘટનાઓ વડોદરા શહેરમાં અટકવાનું નામ નથી લઈ રહી. પોલીસ ભવન પાસે ફરી એકવાર પાણીની લાઈનમાં ભંગાણ પડતાં હજારો લીટર શુદ્ધ પાણી રસ્તા પર વહી ગયું હતું. આ મહત્વના વિસ્તારમાં વારંવાર લાઈનમાં ભંગાણ પડતું હોવા છતાં કાયમી ઉકેલ ન આવતાં તંત્રની કામગીરી સામે સવાલો ઉઠી રહ્યા છે. તાજેતરમાં સમારકામ થયેલા સ્થળે ફરી ભંગાણ થતાં સમારકામની ગુણવત્તા પર પણ પ્રશ્નાર્થ સર્જાયો છે. આનાથી વાહનચાલકોને હાલાકીનો સામનો કરવો પડે છે અને રસ્તાની સ્થિતિ પણ કથળી રહી છે.

વડોદરા શહેરમાં રસ્તાના સમારકામની કામગીરી ફરી શંકાના દાયરામાં આવી છે. જેલ રોડથી ભીમનાથ બ્રિજ જતા માર્ગ પર વરસાદી કાંસ માટે ખોદકામ બાદ થયેલું પેચવર્ક નબળી ગુણવત્તાનું હોવાથી રસ્તો ફરી ઉબડખાબડ બન્યો છે. ઠેર-ઠેર ખાડા અને બહાર આવેલી કપચીથી વાહનચાલકો મુશ્કેલીમાં મુકાયા છે, ખાસ કરીને રાત્રે અકસ્માતનો ભય રહે છે. મ્યુનિસિપલ કમિશનરની સૂચનાઓ છતાં પણ કામગીરીમાં ગુણવત્તા જાળવવામાં બેદરકારી જોવા મળી રહી છે. સામાજિક કાર્યકરે આક્ષેપ કર્યો છે કે કામગીરી માત્ર બિલો પાસ કરાવવા માટે થાય છે અને પ્રતિમા યાત્રા દરમિયાન નુકસાન થાય તો જવાબદારી કોની રહેશે તેવો સવાલ ઉઠાવ્યો છે.

વડોદરા શહેરમાં બોગસ ફાયર NOC ના મામલે ગંભીર સવાલો ઉઠી રહ્યા છે. કરણી સેનાના આગેવાન મહેન્દ્રસિંહ રાઠોડે જણાવ્યું કે, શહેરમાં અનેક બોગસ NOC ફરી રહી છે, છતાં પોલીસ અસરકારક કાર્યવાહી કરતી નથી. ફાયર વિભાગે રાવપુરા પોલીસમાં ફરિયાદ કરી હોવા છતાં એક વર્ષ બાદ પણ નક્કર પરિણામ મળ્યું નથી. ખુદ ફાયર વિભાગે NOC બોગસ હોવાનું જણાવ્યું હોવા છતાં પોલીસ તપાસની સ્પષ્ટતા નથી. આ મામલે રાજ્યના ગૃહમંત્રીને રજૂઆત કરવામાં આવશે અને જવાબદારો સામે ગુનો દાખલ કરી નિષ્પક્ષ તપાસની માંગ કરાશે.

અમદાવાદ શહેરની વાસણા પોલીસે ‘ઓપરેશન હોક આઈ’ હેઠળ 7 વર્ષથી નાસતા-ફરતા અને અનેક ગુનાઓમાં વોન્ટેડ આરોપી નિલેશ ધીરુભાઈ પટેલને મધ્યપ્રદેશના બૈતુલથી ઝડપી પાડ્યો છે. આ આરોપીએ બેંક અધિકારીઓની મિલીભગતથી પ્રોપર્ટી પર બોગસ લોન મેળવી અને 20 જેટલી શેલ કંપનીઓ ઊભી કરીને રોકાણકારો સાથે આશરે રૂપિયા 14.5 કરોડની ઠગાઈ આચરી હતી. પોલીસે તેના સાથીદાર દીપક આહુજાને પણ ઝડપી પાડ્યો છે. તેમની પાસેથી કાર, લેપટોપ અને મોબાઈલ સહિત રૂપિયા 35 લાખનો મુદ્દામાલ જપ્ત કરાયો છે અને 65 બેંક એકાઉન્ટ ફ્રીઝ કરાયા છે.

રાજ્યના કર્મચારીઓને તબીબી પ્રમાણપત્ર મેળવવામાં સુવિધા આપવા માટે, રાજ્ય સરકારે અમદાવાદની GMERS હૉસ્પિટલ, સોલા ખાતે ત્રણ સભ્યોનું નવું સ્થાયી તબીબી મંડળ રચવાની મંજૂરી આપી છે. શિક્ષણ વિભાગના 8 જિલ્લાના શિક્ષકો, વિદ્યાસહાયક અને મદદનીશ શિક્ષકોને ગંભીર બીમારીના કિસ્સામાં આંતરિક અથવા જિલ્લા ફેરબદલી માટે સોલા GMERS ખાતે તબીબી પ્રમાણપત્ર મળશે. GSRTC (એસ.ટી. નિગમ) ના કર્મચારીઓ માટે પણ મોટી સવલત છે.

વાપી કોર્ટ દ્વારા 12 વર્ષીય કિશોરીને ગર્ભવતી બનાવવાના ગંભીર કેસમાં આરોપી મુન્નાકુમાર સુરેશલાલ શ્રીવાસ્તવને 20 વર્ષની સખત કેદ અને ₹10,000નો દંડ ફટકારવામાં આવ્યો છે. કોર્ટે પીડિતા અને તેના બાળકને ગુજરાત વિકટિમ કોમ્પેન્સેશન સ્કીમ હેઠળ ₹10 લાખ વળતર ચૂકવવાનો આદેશ આપ્યો છે. DNA રિપોર્ટ નેગેટિવ હોવા છતાં, મજબૂત પુરાવાના આધારે આરોપીને દોષિત ઠેરવવામાં આવ્યો હતો. આ ઘટના વાપીના ભડકમોરા વિસ્તારમાં બની હતી, જ્યાં આરોપીએ પીડિતા પર બળાત્કાર કર્યો હતો.

સુરત શહેરમાં જન્માષ્ટમીની મોડી રાત્રે એક અત્યંત દર્દનાક ઘટના બની હતી, જેમાં અલગ-અલગ ઔદ્યોગિક વિસ્તારોમાં વીજકરંટ લાગવાથી માત્ર એક જ રાતમાં 3 યુવકોના કમકમાટીભર્યા મોત નીપજ્યા છે. આ દુર્ઘટનાઓ સચિન જીઆઈડીસી, પાંડેસરા અને લિંબાયત વિસ્તારમાં બની હતી. સચિનમાં સિલાઈ મશીનને અડકતાં એક યુવકનું મોત થયું, જેની ઘટના CCTVમાં કેદ થઈ છે. પાંડેસરામાં મિલમાં અને લિંબાયતમાં મશીનરી પર કામ કરતાં અન્ય બે યુવકોએ પણ જીવ ગુમાવ્યો. આ ઘટનાઓએ ઔદ્યોગિક વિસ્તારોમાં સલામતીના સાધનો અંગે ગંભીર સવાલો ઊભા કર્યા છે.

વડોદરામાં વાઘોડિયા રોડ પર SP Infra નામની ફર્મ દ્વારા સરકારી પરવાનગી વગર શરૂ કરાયેલી સાઇટ પર 10 લાખ રૂપિયા પડાવી દુકાનના દસ્તાવેજ ન કરી આપતાં ગ્રાહકે ફરિયાદ નોંધાવી છે. આકાશભાઈ પટેલે ધંધા માટે દુકાન લેવા 10 લાખ ચૂકવ્યા હતા, પરંતુ નિર્ધારિત સમયમાં દસ્તાવેજ અને કબજો ન મળતાં અને ફર્મ દ્વારા ફોન ઉપાડવાનું બંધ કરતાં છેતરપિંડીની શંકા ગઈ. રેરાની મંજૂરી કે કોર્પોરેશનની રજાચિઠ્ઠી વિના બોર્ડ મારી દગો કર્યો હોવાનો આરોપ છે. પોલીસે ચાર બિલ્ડરો સામે ગુનો દાખલ કર્યો છે.

ગુજરાતમાં ફરી એકવાર બોમ્બની ધમકીથી પોલીસ તંત્રમાં ખળભળાટ મચી ગયો છે. અમદાવાદ અને સુરતની તમામ કોર્ટને બોમ્બથી ઉડાવી દેવાની ધમકીભર્યો મેઈલ મળ્યો છે. આ મેઈલ બાદ અમદાવાદની ઘી કાંટા મેટ્રોપોલિટન કોર્ટ અને લાલ દરવાજા સેશન્સ કોર્ટમાં તાત્કાલિક ચેકિંગ કરાયું. પોલીસ, ફાયર બ્રિગેડ અને બોમ્બ સ્ક્વોડની ટીમો દોડી ગઈ હતી. કોર્ટ પરિસર ખાલી કરાવી BDDS દ્વારા સઘન તપાસ શરૂ કરાઈ. મેઈલમાં RDX બોમ્બ મૂક્યાનો દાવો છે. સુરતમાં પણ પોલીસ એલર્ટ થઈ, ડિસ્ટ્રિક્ટ કોર્ટ પરિસરમાં તપાસ ચાલી રહી છે.

હાલમાં ગુજરાત હાઇકોર્ટ સહિત અમદાવાદ અને સુરતની તમામ કોર્ટમાં બોમ્બથી ઉડાવી દેવાની ધમકી આપતો ઈમેલ આવતા સમગ્ર તંત્રમાં દોડધામ મચી ગઈ હતી. આ ધમકીઓને પગલે કોર્ટ પરિસરો ખાલી કરાવીને સુરક્ષા ચકાસણી હાથ ધરવામાં આવી હતી. ખાસ કરીને ઘી કાંટા સ્થિત મેટ્રોપોલિટન કોર્ટ અને લાલ દરવાજા સેશન્સ કોર્ટને પણ નિશાન બનાવવાની ધમકી મળી હતી. બોમ્બ સ્કવૉડ, પોલીસ અને ફાયર બ્રિગેડની ટીમો ઘટનાસ્થળે પહોંચીને તપાસ શરૂ કરી હતી, પરંતુ હજુ સુધી કોઈ શંકાસ્પદ વસ્તુ મળી આવી નથી.

મહેસાણા જિલ્લાના કડી તાલુકાના સુરજ ગામમાં અત્યંત દર્દનાક ઘટના બની છે, જ્યાં નાહવા પડેલા ત્રણ યુવાનોના તળાવના ઊંડા પાણીમાં ડૂબી જવાથી મોત થયા છે. ચાર મિત્રો તળાવ કિનારે ગયા હતા, જેમાંથી ત્રણ નાહવા પડ્યા અને ઊંડાણનો અંદાજ ન આવતા એક પછી એક ડૂબી ગયા. આ ઘટનાથી સમગ્ર પંથકમાં શોક છવાયો છે. ફાયર બ્રિગેડે મૃતદેહોને બહાર કાઢી, પોલીસે પોસ્ટમોર્ટમ અર્થે ખસેડી અકસ્માત મોતનો ગુનો નોંધી વધુ તપાસ હાથ ધરી છે.

સમગ્ર રાજ્યમાં જન્માષ્ટમીના પાવન પર્વની ભારે હર્ષોલ્લાસ અને ઉત્સાહભેર ઉજવણી કરવામાં આવી રહી છે. મધરાતે 12 વાગતા જ કૃષ્ણ જન્મોત્સવના નાદ સાથે મંદિરો ‘નંદ ઘેર આનંદ ભયો, જય કનૈયાલાલ કી’ના જયઘોષથી ગુંજી ઉઠ્યા હતા. અમરેલીના લાઠી શહેરમાં રંગબેરંગી રોશની, આતશબાજી અને દાંડિયા રાસ સાથે ઉજવણી થઈ. ગોધરાના રણછોડજી મંદિર ચોકમાં ભવ્ય મટકી ફોડ કાર્યક્રમ યોજાયો. છોટાઉદેપુરના નસવાડીમાં 30 વર્ષ જૂની પરંપરા જાળવી મટકી ફોડ, ગરબા અને પ્રસાદીનું આયોજન થયું.

વડોદરાની M S Universityમાં સપ્ટેમ્બરના રોજ વડાપ્રધાન નરેન્દ્ર મોદીનો કાર્યક્રમ પેવેલિયન મેદાન પર યોજાનાર છે. આ નિર્ણય સામે યુનિવર્સિટીના પૂર્વ સેનેટ સભ્ય કપિલ જોષીએ વડાપ્રધાનને સંબોધીને ખુલ્લો પત્ર લખી વિરોધ નોંધાવ્યો છે. તેમણે આક્ષેપ કર્યો છે કે, કાર્યક્રમના કારણે વિદ્યાર્થીઓની પ્રેક્ટિસ બંધ કરાઈ છે અને પરીક્ષાની તારીખો પણ બદલવી પડી છે. વડોદરામાં અન્ય મેદાનો ઉપલબ્ધ હોવા છતાં પેવેલિયન મેદાનની પસંદગી ભૂલભરેલી છે, અને રમતના મેદાનને રાજરમતનું મેદાન બનાવવામાં આવ્યું છે.

જૂની અદાવતમાં શૈલેષકુમાર જશભાઈ પરમાર (Saileshkumar Jashbhai Parmar) અને તેના સાગરીતોએ ફરિયાદીના ઘરે ઘૂસી પરિવાર પર હુમલો કર્યો હતો. આ હુમલામાં, 15 વર્ષના કિશોરને બેટ અને ઈંટ વડે માથામાં ગંભીર ઈજા પહોંચાડી ફ્રેક્ચર કર્યું હતું અને જાનથી મારી નાખવાની ધમકી આપી હતી. Vadodara Sessions Court એ આરોપી શૈલેષકુમારની નિયમિત જામીન અરજી નામંજૂર કરી છે. કોર્ટે નોંધ્યું કે આરોપીની ગુનામાં સક્રિય ભૂમિકા છે અને તે પુરાવા સાથે ચેડાં કરી શકે છે.

આગામી 8 સપ્ટેમ્બરે વડાપ્રધાન નરેન્દ્ર મોદી વડોદરાની મુલાકાત લેશે. આ પ્રસંગે, શહેર અને આસપાસના વિસ્તારોને રેલવે ક્ષેત્રે ₹30,776 કરોડના વિવિધ પ્રોજેક્ટની ભેટ મળશે. વડાપ્રધાન વિવિધ રેલવે પ્રોજેક્ટના શિલાન્યાસ અને લોકાર્પણ કરશે. જેમાં વડોદરા-રતલામ વચ્ચેની ત્રીજી-ચોથી રેલવે લાઇન, વિશ્વામિત્રી-ડભોઇ વચ્ચે ડબલ લાઇન, અને મિયાગામ કરજણ-ચોરંદા-માલસર વચ્ચે ગેજ પરિવર્તનનો સમાવેશ થાય છે. સમર્પિત માલવાહક રેલ કોરિડોરના નવા વિભાગોનું પણ લોકાર્પણ થશે. આ ઉપરાંત, વડોદરા-ટાંડા રોડ વચ્ચે નવી ટ્રેન સેવા અને માલગાડીઓનો પણ શુભારંભ થશે.

વડોદરા સાયબર ફ્રોડ કેસમાં આરોપી મંજુરઅલી સાદીકઅલીની જામીન અરજી કોર્ટે નામંજૂર કરી. આરોપીએ મેક માય ટ્રિપ વોલેટમાં નોંધાયેલ મોબાઇલ નંબર બદલી 51 બુકિંગ દ્વારા રૂ. 7,03,887ના વ્યવહાર કર્યા હતા. કંપનીને રૂ. 5,98,430ની છેતરપિંડી થઈ. કોર્ટે નોંધ્યું કે ટેકનોલોજીનો ઉપયોગ કરીને નાણાં ટ્રાન્સફર કરી શકે છે અને ડિજિટલ પુરાવા સાથે ચેડા થવાનું જોખમ છે. તપાસ હજુ બાકી છે અને અન્ય આરોપીની ધરપકડ પણ બાકી છે.

વડોદરા મ્યુનિસિપલ કોર્પોરેશનના ફાયર વિભાગ પર ફરી ગંભીર સવાલો ઉભા થયા છે. અટલાદરા સ્થિત અક્ષર ગ્રીનના બે ટાવરને આપવામાં આવેલા ફાયર NOCના ચલણ નંબર એક જ હોવાનો આક્ષેપ થયો છે. એક ટાવર માટે એક વર્ષનું અને બીજા માટે ત્રણ વર્ષનું NOC અપાયું છે, છતાં ચલણ નંબર સમાન હોવાથી સમગ્ર પ્રક્રિયા શંકાના દાયરામાં આવી છે. આ ઉપરાંત, પ્રમાણપત્ર પર થયેલી સહીને લઈને પણ વિવાદ છે. ભૂતકાળમાં પણ આવા બોગસ NOCના કિસ્સા સામે આવ્યા છે. ઓક્ટોબર 2024 થી જાન્યુઆરી 2025 દરમિયાન 120 દિવસમાં 350 થી વધુ NOC ફાળવવામાં આવ્યા છે. તમામ NOCની ચકાસણીની માંગ કરાઈ છે.

જામનગરમાં એક સી.આર.સી. કોર્ડીંનેટર સાથે ઓનલાઈન છેતરપિંડીનો બનાવ બન્યો છે. અજાણ્યા વ્યક્તિએ વોટ્સએપ પર ‘એમ.પરિવહન એ.પી.કે.’ ફાઈલ મોકલી ડાઉનલોડ કરાવી, જેના દ્વારા મહેશકુમાર મુરૂભાઈ ખવા નામના વ્યક્તિના બેંક ખાતામાંથી કુલ રૂ.9,85,550 ની રકમ 16 અલગ-અલગ વ્યવહારો મારફતે ઉપાડી લેવામાં આવી. આ ઘટના બાદ મહેશકુમારે સાયબર ક્રાઈમ હેલ્પલાઈન પર ફરિયાદ નોંધાવી છે. પોલીસે આ પ્રકરણમાં વધુ તપાસ હાથ ધરી છે.

જામનગર-ખંભાળિયા હાઇવે પર સરમત પાટિયા પાસે સિક્કા પોલીસની ટીમે મોટરસાઇકલ પર વિદેશી દારૂ લઇ જતા બે શખ્સોને ઝડપી પાડ્યા હતા. પોલીસે તેમની પાસેથી કુલ રૂ. 2,950 ની કિંમતની વિદેશી દારૂની પાંચ બોટલ કબજે કરી પ્રોહિબિશન એક્ટ હેઠળ ગુનો દાખલ કર્યો. પૂછપરછમાં દારૂ જામનગરના વિજયસિંહ જેઠવા પાસેથી લાવ્યાનું જણાવ્યું હતું. પોલીસે કાર્યવાહી હાથ ધરી છે.

જામનગર શહેર અને જામજોધપુર પંથકમાં, નશાની હાલતમાં ઘરે આવી પરિવાર સાથે ઝઘડો કરનારા પાંચ વ્યક્તિઓ સામે પોલીસે કડક કાર્યવાહી કરી છે. આશ્ચર્યજનક રીતે, કેટલાક કિસ્સાઓમાં પત્નીઓએ પોતાના પતિઓને અને ભાઈઓએ પોતાના ભાઈઓને પોલીસને હવાલે કર્યા છે. જનરક્ષક સેવા 112 પર કરાયેલી ફરિયાદો બાદ પોલીસે તાત્કાલિક પગલાં લઈને આ શખ્સોની ધરપકડ કરી છે. તપાસમાં દારૂ પીધેલી હાલત, અસંતુલિત વર્તન અને પરમિટ વિના નશો કરવા બદલ પ્રોહિબિશન એક્ટ હેઠળ ગુનો નોંધી કાયદેસરની કાર્યવાહી કરવામાં આવી છે.

જામનગર શહેર અને જિલ્લામાં જુદા-જુદા પાંચ માર્ગ અકસ્માતમાં કુલ સાત વ્યક્તિઓ ઘાયલ થયા છે, જેમાં બે વૃદ્ધ સહિત ત્રણની સ્થિતિ ગંભીર હોવાનું જાણવા મળ્યું છે. આ અકસ્માતોમાં ચાર ઘટનાઓમાં વાહનચાલકો નાસી છૂટ્યા છે. પોલીસે પ્રાપ્ત ફરિયાદોના આધારે વાહનચાલકોને શોધવા અને કાયદેસરની કાર્યવાહી હાથ ધરી છે. ઘાયલોને સારવાર માટે હોસ્પિટલમાં દાખલ કરવામાં આવ્યા છે, જેમાં કેટલાકને ગંભીર ઇજાઓ થઈ છે.

જામનગરના કાલાવડ નાકા બહાર નેશનલ પાર્ક સોસાયટીમાં રહેતી 24 વર્ષીય પરિણીતા આયશાબેને ઘરમાં સર્જાયેલી આર્થિક તંગીથી કંટાળી ગળાફાંસો ખાઈ લીધો હતો. તેના પતિ સમીરશાને ત્રણ માસ પહેલાં પડી જવાથી કમરમાં ઈજા થતાં તેઓ કામ પર જઈ શકતા ન હતા. જેના કારણે પરિવાર આર્થિક સંકડામણમાં મુકાયો હતો. તા.22 ઓગસ્ટની રાત્રે આયશાબેને આ પગલું ભર્યું, જેને સારવાર માટે જી.જી. હોસ્પિટલ ખસેડાયા બાદ મોત નીપજ્યું. પોલીસે અકસ્માતે મોતની નોંધ કરી તપાસ હાથ ધરી છે.