અમેરિકા અને ઈરાન વચ્ચે ચાલી રહેલા સંઘર્ષમાં શાંતિની આશા પર ફરી એકવાર પાણી ફરી વળ્યું છે. તાજેતરના અહેવાલો અનુસાર, અમેરિકાનું એક પ્રતિનિધિમંડળ સોમવારે પાકિસ્તાનના નૂર ખાન એરબેઝ પર લેન્ડ થયું છે, પરંતુ ઈરાને આ બીજા તબક્કાની મંત્રણામાં જોડાવાનો સ્પષ્ટ ઈન્કાર કરી દીધો છે. અલજઝીરાના રિપોર્ટ અને ઈરાનના વિદેશ મંત્રાલયના પ્રવક્તા ઈસ્માઇલ બઘઈના નિવેદન મુજબ, હાલમાં અમેરિકા સાથે વાતચીતનો કોઈ પ્લાન નથી અને ભવિષ્યમાં પણ ક્યારે વાત થશે તે અંગે અનિશ્ચિતતા પ્રવર્તી રહી છે.

PM નરેન્દ્ર મોદીએ આજે (20 એપ્રિલ) નવી દિલ્હીમાં દક્ષિણ કોરિયાના પ્રમુખ લી જે મ્યુંગ સાથે દ્વિપક્ષીય બેઠક યોજીને ભારત-દક્ષિણ કોરિયા વચ્ચે અત્યાધુનિક ટૅક્નોલૉજીથી લઈને કે-પોપમાં નવા યુગની શરૂઆત કરી છે. આ ઉપરાંત બંને દેશો વચ્ચે દ્વિપક્ષીય વેપાર વધારવાની પણ જાહેરાત કરવામાં આવી છે. બંને દેશના નેતાઓ વચ્ચે MOU કરાયા છે. આ ઉપરાંત વેપાર, સંસ્કૃતિ અને ટૅક્નોલૉજી ક્ષેત્રે ભાગીદારી વધારવા પર પણ ભાર અપાયો છે. દ્વિપક્ષીય બેઠક બાદ વડાપ્રધાન મોદી અને દ. કોરિયાના પ્રમુખ મ્યુંગે સંબોધન પણ કર્યું હતું.

અમદાવાદ જિલ્લાના ધંધુકા પંથકમાં ગત શનિવારે (18 એપ્રિલ) ધર્મેશ ગમારા નામના યુવકની કરપીણ હત્યા થઈ હતી. આ મામલે તાત્કાલિક મુખ્ય બે આરોપી રિઝવાન અને સમીરની ધરપકડ કરાઈ હતી. ત્યારબાદ હવે આજે(20 એપ્રિલ) પોલીસ દ્વારા આરોપીઓને કોર્ટમાં રજૂ કરવામાં આવ્યા હતા. આ મામલો સંવેદનશીલ હોવાથી અને શહેરમાં તણાવભરી સ્થિતિને જોતા કોર્ટ પરિસરમાં ચુસ્ત પોલીસ બંદોબસ્ત ગોઠવી દેવામાં આવ્યો હતો. કોઈ અનિચ્છનીય બનાવ ન બને તે માટે પોલીસ પ્રશાસન દ્વારા કડક સુરક્ષા વ્યવસ્થા હેઠળ આરોપીઓની સુનાવણી હાથ ધરવામાં આવી હતી.

જાપાનના ઉત્તર-પૂર્વ તટ પર સોમવારે 7.5ની તીવ્રતાનો અત્યંત શક્તિશાળી ભૂકંપ આવતા સમગ્ર દેશ ધ્રૂજી ઉઠ્યો છે. ભૂકંપના આંચકા એટલા પ્રચંડ હતા કે તંત્ર દ્વારા તાત્કાલિક સુનામીની ચેતવણી જાહેર કરવામાં આવી છે અને તટીય વિસ્તારોમાં રહેતા હજારો લોકોને સુરક્ષિત સ્થળે ખસી જવા આદેશ અપાયા છે. જાપાન હવામાન વિજ્ઞાન એજન્સીના જણાવ્યા અનુસાર, ભૂકંપનું કેન્દ્ર બિંદુ પ્રશાંત મહાસાગરમાં 10 કિલોમીટરની ઊંડાઈએ હતું. ઇવાતે, આઓમોરી અને હોકાઈડોમાં 3 મીટર સુધી ઊંચી સુનામી લહેરો આવવાની આશંકા છે.

પશ્ચિમ બંગાળ વિધાનસભા ચૂંટણી 2026ને લઈને પરપ્રાંતમાં રહેતા બંગાળી મતદારોમાં ભારે ઉત્સાહ અને સાથે જ એક પ્રકારનો ડર પણ જોવા મળી રહ્યો છે. દિલ્હી, મુંબઈ, કેરળ, ચેન્નાઈ અને સુરત જેવા મોટા શહેરોમાંથી હજારોની સંખ્યામાં લોકો પોતાના વતન પરત ફરી રહ્યા છે. ખાસ કરીને માલદા અને મુર્શિદાબાદ જેવા મુસ્લિમ બહુમતી ધરાવતા જિલ્લાઓમાં જનારાઓની સંખ્યા ઘણી મોટી છે. રેલવે સ્ટેશનો પર મુસાફરોની ભારે ભીડને કારણે સ્થિતિ પરપ્રાંતિયોના પલાયન જેવી જોવા મળી રહી છે. રેલવે દ્વારા વિશેષ ટ્રેનો દોડાવવામાં આવી રહી છે હોવા છતાં સ્ટેશનો ખચાખચ ભરેલા જોવા મળે છે.

દક્ષિણ કોરિયાના પ્રમુખ લી જે-મ્યુન્ગે ભારત અને દક્ષિણ કોરિયા વચ્ચેના વ્યૂહાત્મક સંબંધોને વધુ મજબૂત કરવા પર ભાર મૂક્યો છે. એક ખાનગી અખબારને આપેલા ઈન્ટરવ્યૂમાં તેમણે જણાવ્યું હતું કે, હોર્મુઝ સ્ટ્રેટ જેવા મહત્ત્વના દરિયાઈ માર્ગોની સુરક્ષા સુનિશ્ચિત કરવા માટે બંને દેશોએ સાથે મળીને કામ કરવું અત્યંત જરૂરી છે. તેમણે ચિંતા વ્યક્ત કરી હતી કે અમેરિકા અને ઈરાન વચ્ચેના લાંબા સમયના વિવાદને કારણે જો આ શિપિંગ રૂટ બંધ થાય, તો વિશ્વભરમાં તેલની કિંમતો વધી શકે છે અને વૈશ્વિક સપ્લાય ચેઈન ખોરવાઈ શકે છે.

ભારતના રાષ્ટ્રીય સુરક્ષા સલાહકાર(NSA) અજીત ડોભાલ અચાનક સાઉદી અરેબિયાના પ્રવાસે પહોંચ્યા છે, જ્યાં તેમણે સાઉદીના ટોચના નેતૃત્વ સાથે ઉચ્ચ સ્તરીય બેઠકો યોજી છે. રિયાદમાં ભારતીય દૂતાવાસ દ્વારા આપવામાં આવેલી માહિતી મુજબ, 19 એપ્રિલના રોજ આ પ્રવાસ દરમિયાન અજીત ડોભાલે સાઉદીના ઉર્જા મંત્રી, વિદેશ મંત્રી અને ત્યાંના રાષ્ટ્રીય સુરક્ષા સલાહકાર સાથે મુલાકાત કરી હતી. આ બેઠકોમાં દ્વિપક્ષીય વ્યૂહનીતિ અને પરસ્પર હિતો સાથે જોડાયેલા પ્રાદેશિક મુદ્દાઓ પર ઊંડાણપૂર્વક ચર્ચા કરવામાં આવી હતી. અજીત ડોભાલનો આ પ્રવાસ એવા સમયે થઈ રહ્યો છે જ્યારે ખાડી દેશોમાં ઈરાનને લઈને તણાવ ચરમસીમા પર છે.

સ્ટેટ ઓફ હોર્મુઝમાં ઈરાનના કાર્ગો જહાજ પર અમેરિકાએ કરેલા હુમલાએ બળતામાં ઘી હોમવાનું કામ કર્યું છે. આ હુમલા બાદ ઈરાનની અંદર કૂટનીતિક ટીમોને સાઈડલાઈન કરી દેવામાં આવી છે અને IRGCના કટ્ટરપંથી કમાન્ડરોએ દેશના મહત્વના નિર્ણયો લેવાના શરૂ કરી દીધા છે. ધ ન્યૂયોર્ક પોસ્ટના રિપોર્ટ અનુસાર, IRGCના કમાન્ડર મેજર જનરલ અહમદ વાહિદી હવે ઈરાનના મુખ્ય નિર્ણયકર્તા બની ગયા છે. અત્યાર સુધી અમેરિકા સાથે નરમ વલણ અપનાવતા વિદેશ મંત્રી અબ્બાસ અરાઘચીને કિનારે કરી દેવાયા છે. વાહિદી અને તેમની ટીમે સ્પષ્ટતા કરી છે કે, US સાથેની કોઈપણ શાંતિ વાટાઘાટો હાલમાં મુલતવી રાખવામાં આવી છે.

ઇઝરાયલની સેનાએ દક્ષિણ લેબેનોનમાં 'બફર ઝોન' બનાવવા માટે એક નવો નકશો જાહેર કર્યો છે, જે લેબેનોન સરહદની અંદર કેટલાય કિલોમીટર સુધી ફેલાયેલો છે. આ નકશામાં ભૂમધ્ય સમુદ્રથી લઈને સીરિયાની સરહદ પાસે આવેલા માઉન્ટ હરમોન સુધીની એક લાંબી પટ્ટી દર્શાવવામાં આવી છે. ઇઝરાયલના પીએમ નેતન્યાહૂ અને સંરક્ષણમંત્રી ઇઝરાયલ કોટ્ઝે સ્પષ્ટ કર્યું છે કે કામચલાઉ સીઝફાયર લાગુ હોવા છતાં, ઇઝરાયલી સૈનિકો આ વિસ્તારમાંથી પાછા હટશે નહીં. સંરક્ષણમંત્રીએ વધુમાં ચેતવણી આપી છે કે આ વિસ્તારમાં આવેલા ઘરો અને ઈમારતોને તોડી પાડવામાં આવશે અને જે પણ વ્યક્તિ હિઝબુલ્લાહ સાથે જોડાયેલી જણાશે તેને ઠાર કરવામાં આવશે.

PM મોદીએ ગાડી રોકાવીને દુકાનેથી ઝાલમુરી ખરીદીને ખાધી. આ વીડિયો સોશિયલ મીડિયામાં વાયરલ થયો છે. ઝાલમુરી ભેળપુરી કરતા સ્વાદમાં પણ અલગ હોય છે. તેમાં ચટણીને બદલે સરસવના તેલ અને ખાસ શેકેલા મસાલાનો ઉપયોગ થાય છે. તેમાં કાચી કેરી, આદુ અને ફણગાવેલા ચણા ઉમેરીને તેને વધુ ચટાકેદાર બનાવવામાં આવે છે. 'ઝાલ' એટલે તીખું અને 'મુરી' એટલે મમરા.

રાજકોટની આંગણવાડીઓમાં બાળકો માટે પોષણયુક્ત ભોજનની યોજનામાં ગેરરીતિ સામે આવી છે. 365 આંગણવાડીઓમાં અંદાજે 19,000 બાળકો નોંધાયેલા છે, પણ મેનુ મુજબનું પૂરતું ભોજન મળતું નથી. છેલ્લાં ત્રણ વર્ષથી 'સુખડી'નું વિતરણ બંધ છે. બુધવાર અને ગુરુવારે ભોજન ન આવવાથી ગરીબ બાળકો ભૂખ્યા રહે છે.

સાબરકાંઠાના ખેડબ્રહ્મા-અંબાજી હાઈવે પર ચાડા બસ સ્ટેન્ડ પાસે બાઈક અકસ્માતમાં એક યુવકનું મોત થયું અને બે ઘાયલ થયા. ત્રણેય યુવકો ચાડા ગામના હતા. પોલીસ ઘટના સ્થળે પહોંચી તપાસ હાથ ધરી છે. મૃતદેહને પોસ્ટ મોર્ટમ માટે મોકલાયો છે અને ઘાયલોને સારવાર હેઠળ છે. અકસ્માતનું કારણ હજુ અકબંધ છે, પોલીસ તપાસ ચાલુ છે.

અમદાવાદમાં 149મી રથયાત્રાની તૈયારીઓ 20 એપ્રિલથી શરૂ થઈ. જમાલપુરના જગન્નાથજી મંદિરમાં ચંદનયાત્રા અને અક્ષય તૃતીયાના દિવસે રથ પૂજન વિધિ યોજાઈ. સવારે 9:15 વાગ્યે વૈદિક મંત્રોચ્ચારથી કાર્યક્રમની શરૂઆત થઈ, જેમાં ભક્તોએ ભગવાન જગન્નાથજીને ચંદન અર્પણ કર્યું. રથયાત્રાની સફળતા માટે વિશેષ પ્રાર્થનાઓ કરવામાં આવી. આ પવિત્ર પ્રસંગને લઈને શહેરમાં ધાર્મિક માહોલ છવાયો છે અને સત્તાવાર રીતે રથયાત્રાની તૈયારીઓ શરૂ થઈ ગઈ છે.

ગુજરાતમાં હવામાન વિભાગ દ્વારા 21 એપ્રિલ સુધી વરસાદની આગાહી કરવામાં આવી છે, વેસ્ટર્ન ડિસ્ટર્બન્સ અને સાયક્લોનિક સર્ક્યુલેશન સક્રિય છે. હીટવેવની આગાહીને પગલે આરોગ્ય વિભાગે તૈયારી કરી છે, હોસ્પિટલોમાં સ્પેશિયલ હીટ વોર્ડ અને હીટ સ્ટ્રોકના દર્દીઓ માટે બેડ રિઝર્વ રખાયા છે, ICU અને SNCUમાં ખાસ તકેદારી રાખવામાં આવી રહી છે.

સુરેન્દ્રનગરના ધ્રાંગધ્રામાં તાંત્રિક વિધિ માટે ચાર વર્ષના માસૂમની હત્યાથી ચકચાર મચી ગઈ છે. બાળકનો મૃતદેહ કુંડીમાંથી મળ્યો, પોસ્ટ મોર્ટમમાં હત્યાનો ખુલાસો થયો છે. પાડોશી રેહાનાબેને અંધશ્રદ્ધામાં તાંત્રિક વિધિ કરી હત્યા કરી, મૃતદેહને કુંડીમાં ફેંકી દીધો હતો.

અમરેલી પાસે વડેરા ગામે અક્ષય તૃતીયા પર શિવ મહાપુરાણ કથાનો આરંભ થયો. પોથીયાત્રામાં ગ્રામજનો ઉમટ્યા, જેમાં સ્થાનિક સ્વરાજ્યની ચૂંટણી વચ્ચે BJP અને Congressના ઉમેદવારો જોડાયા. ભાજપના ડેની પરમાર અને કોંગ્રેસના મનીષાબેન સોહલીયા રાસમાં જોડાયા. આયોજન ગામના પિતૃઓના મોક્ષાર્થે, શાંતિ માટે અને કલ્યાણ માટે કરવામાં આવ્યું છે.

અમરેલી ફાયર ઇમરજન્સી સર્વિસ દ્વારા "એક શામ શહીદ કે નામ" કાર્યક્રમ અંતર્ગત ફાયર એક્ઝિબિશનનું આયોજન કરાયું હતું, જેમાં આગ નિવારણ, બચાવ કામગીરી અને આધુનિક સાધનો વિશે માહિતી અપાઈ. કલેક્ટર વિકલ્પ ભારદ્વાજ અને SP સંજય ખરાત સહિતના અધિકારીઓએ હાજરી આપી ફાયર વિભાગની કામગીરીને બિરદાવી હતી. આ કાર્યક્રમનો હેતુ જાગૃત સમાજનું નિર્માણ કરવાનો છે અને આગ જેવી આપત્તિઓ સામે લોકોને જાગૃત કરવાનો છે.

ગુજરાત સ્થાનિક સ્વરાજ્યની ચૂંટણીમાં અમિત ઠાકરે જુહાપુરાને જોધપુર બનાવવા ભાજપને મત આપવા કહ્યું. સરખેજ વોર્ડમાં મહિલા રેલી દરમિયાન તેમણે કોંગ્રેસ અને AIMIM પર પ્રહાર કર્યા, જુહાપુરાને ચંડોળા બનાવવા માટે જવાબદાર ગણાવ્યા. તેમણે લઘુમતી મતદારોને સુવિધાઓ આપવાની વાત કરી અને પાલડીમાં કોંગ્રેસ દ્વારા લઘુમતી ઉમેદવારને ટિકિટ આપવા મુદ્દે અશાંત ધારાનો ઉલ્લેખ કર્યો.

સુરતના ઉધના રેલ્વે સ્ટેશન પર શ્રમિકોની કફોડી હાલત, ભીડમાં ઘટાડો થયો છે, પણ સ્થિતિ સામાન્ય નથી. શ્રમિકો સરકારથી નારાજ છે, ગેસની અછત અને વ્યવસ્થાના અભાવે તેઓ વતન જવા મજબુર છે. ઘણા શ્રમિકોએ જણાવ્યું કે તેઓ ક્યારેય સુરત પાછા નહીં આવે. ગતરોજ લગભગ 25,000થી વધુ મુસાફરો UP અને બિહાર તરફ રવાના થયા હતા.

પાટણના ખેડૂતોએ અખાત્રીજે કૃષિ વર્ષનો પ્રારંભ કર્યો, આધુનિક ખેતી અપનાવી. પરંપરાગત બળદને બદલે tractorનું પૂજન કરી ધરતી પૂજન કર્યું. ખેડૂતો ઓજારો અને tractorની પૂજા કરે છે. દીકરીઓના હસ્તે પૂજા કરાવી ખેતીનો પ્રારંભ કરે છે. તેઓ ધરતીને માતા માની સારો પાક માટે પ્રાર્થના કરે છે. ખેડૂતો tractorને કંકુ-તિલક કરી, ગોળ-ધાણા વહેંચી, આવનારું વર્ષ સારું રહે તેવી પ્રાર્થના કરે છે.

સુરેન્દ્રનગરમાં ઔદિચ્ય બ્રહ્મ સમાજ દ્વારા ભગવાન પરશુરામ જન્મોત્સવ નિમિત્તે ભવ્ય શોભાયાત્રાનું આયોજન થયું. આ યાત્રા ઔદિચ્ય બ્રહ્મ સમાજથી પરશુરામ ચોક પહોંચી, જ્યાં પૂજન થયું. Muslim ભાઈઓએ ભગવાન પરશુરામની પ્રતિમાને ફૂલહાર અર્પણ કરીને કોમી એકતાનો સંદેશ આપ્યો. યાત્રાની પૂર્ણાહુતિ બ્રહ્મ સમાજની વાડી ખાતે મહાઆરતી કરીને કરાઈ. વીરેન્દ્ર આચાર્ય, જીજ્ઞાબેન પંડ્યા, પંકજભાઈ, દીપકભાઈ સહિત કાર્યકરોએ યાત્રા સફળ બનાવી.

સોમનાથ સ્વાભિમાન પર્વમાં શિક્ષકોને કન્ડક્ટરની કામગીરી સોંપાતા વિવાદ થયો છે, જ્યારે શાળાઓમાં પરીક્ષાઓ ચાલી રહી છે. શિક્ષકોને યાત્રાળુઓને લેવા-મુક્વા, બસમાં બેસાડવા જેવા કામ સોંપાતા શિક્ષકોમાં રોષ ફેલાયો છે. વાર્ષિક પરીક્ષાઓ અને ઉત્તરવહી મૂલ્યાંકન વચ્ચે આ કામગીરીથી શિક્ષણની ગુણવત્તા પર અસર થશે. શૈક્ષિક સંઘે આ કામગીરીને શિક્ષકોનું અપમાન ગણાવી આદેશો પાછા ખેંચવાની માંગ કરી છે. આ બાબત વહીવટીતંત્રની પ્રાથમિકતાઓ પર સવાલ ઉભા કરે છે.

પશ્ચિમ બંગાળમાં PM નરેન્દ્ર મોદીએ ઝારગ્રામમાં કાફલો રોકી ઝાલમુરીનો આનંદ માણ્યો. PMએ ઝાલમુરીવાળા સાથે વાતચીતમાં ભાવ પૂછ્યા અને પૈસા આપ્યા. દુકાનદારે ડુંગળી બાબતે પૂછતાં PM Modiએ કહ્યું, "હું ડુંગળી ખાઉં છું, પણ મગજ ખાતો નથી". તેમણે મીઠું નાખવાની પણ ના પાડી કારણ કે તેઓ સ્વાસ્થ્યના કારણોસર મીઠું ટાળે છે.

ગુજરાતમાં ચૂંટણી વચ્ચે અરવલ્લીના મેઘરજમાં કોંગ્રેસને ફટકો પડ્યો. પંચાલ જિલ્લા પંચાયતના 25થી વધુ કાર્યકરો ભાજપમાં જોડાયા. Kanubhai Patelની હાજરીમાં કાર્યકરોએ ભાજપમાં પ્રવેશ કર્યો. ભાજપના આગેવાનો હાજર રહ્યા. કોંગ્રેસના ગઢમાં ગાબડું પડતા રાજકારણમાં ગરમાવો, કાર્યકરો ભાજપની નીતિથી પ્રભાવિત થયા. 25થી વધુ કાર્યકરોનો પક્ષ પલટો કોંગ્રેસ માટે કપરો સાબિત થઈ શકે.

અમદાવાદમાં DNA Paternity Tests વધ્યા છે. પતિ-પત્ની વચ્ચે અવિશ્વાસ વધતા સંબંધોમાં તિરાડ પડી રહી છે. બાળક ખરેખર કોનું છે એ શંકાથી દર વર્ષે 550 જેટલા બાળકોના DNA ટેસ્ટ થાય છે. પહેલા સંબંધોની પરીક્ષા સમ ખાઈને થતી, હવે વૈજ્ઞાનિક પુરાવા માંગે છે. પત્ની પર શંકા અને પિતૃત્વનો સવાલ સંબંધોમાં નવો ટ્રેન્ડ છે.

હોર્મુઝ જળસંધિ મુદ્દે અસહમતી અને US નાકાબંધીના પ્રયાસોથી ઈરાની જહાજો કબજે કરાઈ રહ્યા છે, જ્યારે ઈરાન દ્વારા US નેવી પર ડ્રોન હુમલાની ખબર છે. યુદ્ધ અને તણાવ વધતા બ્રેન્ટ ક્રૂડ 6% અને WTI ક્રૂડમાં 7%નો વધારો થયો છે. ટ્રમ્પે હોર્મુઝમાં US નાકાબંધી ચાલુ રાખતા તેહરાને ગોળીબારી કરી અને USએ ઈરાની જહાજ જપ્ત કર્યું, જેનાથી વૈશ્વિક સ્તરે ચિંતા વધી છે.

નેશનલ હેરાલ્ડ કેસમાં દિલ્હી હાઈકોર્ટ EDની અરજી પર સુનાવણી કરશે. EDએ ટ્રાયલ કોર્ટના આદેશને પડકાર્યો છે, જેણે EDની ચાર્જશીટને ધ્યાનમાં લેવાનો ઇનકાર કર્યો હતો. હાઈકોર્ટે સોનિયા ગાંધી, રાહુલ ગાંધી સહિત આરોપીઓને નોટિસ પાઠવી છે. EDએ ગાંધી પરિવાર પર AJLની સંપત્તિઓ પર કબજો કરવાનો આરોપ લગાવ્યો છે. ટ્રાયલ કોર્ટે કહ્યું EDએ પ્રક્રિયા ઉલટાવી. રાહુલ ગાંધીની 50 કલાક સુધી પૂછપરછ થઈ હતી. ભાજપના નેતા સુબ્રમણ્યમ સ્વામીએ છેતરપિંડીનો આરોપ લગાવ્યો હતો.

ગુજરાત સ્થાનિક સ્વરાજ્યની ચૂંટણીમાં દિલ્હીના નેતાઓ વગર ગુજરાત ભાજપની કસોટી છે. રાષ્ટ્રીય નેતાઓ પાંચ રાજ્યોની ચૂંટણીમાં વ્યસ્ત હોવાથી ગુજરાતની જવાબદારી પ્રદેશ નેતાઓના ખભે છે. PM નરેન્દ્ર મોદી અને અમિત શાહ મતદાન માટે આવી શકે છે. કેરળ, આસામ, પુડુચેરી, પશ્ચિમ બંગાળ અને તમિલનાડુમાં વિધાનસભાની ચૂંટણી ચાલી રહી છે.

ગુજરાત સ્થાનિક સ્વરાજ્યની ચૂંટણી 2026 નજીક છે, પણ પ્રચારમાં નિરસતા છે. રવિવારે પણ માહોલ જામ્યો નહિ. કાર્યાલયો ખાલીખમ છે અને મતદારોને સ્થાનિક સ્વરાજ્યની ચૂંટણીમાં રસ નથી. આથી મ્યુનિસિપલ કોર્પોરેશનની ચૂંટણીમાં ઓછું મતદાન થવાની ભીતિ સેવાઈ રહી છે.

રાજકોટ જિલ્લાના ધોરાજીમાં ચૂંટણી ટાણે ભાજપના પૂર્વ સાંસદ હરિ પટેલે પંડિત જવાહરલાલ નહેરુને મુસ્લિમ ગણાવી વિવાદ સર્જ્યો. સુપેડી ગામમાં તાલુકા-જિલ્લા પંચાયત ચૂંટણીના કાર્યાલયના ઉદ્ઘાટન પ્રસંગે હરિ પટેલે ગાંધી પરિવાર પર પણ નિશાન સાધ્યું હતું. તેમના આ નિવેદનથી રાજકીય આલમમાં ખળભળાટ મચી ગયો છે અને સોશિયલ મીડિયા પર ટીકા થઈ રહી છે. આ ઘટનાનો વિડીયો viral થયો છે.