NEET પરીક્ષા પેપર લીક લઈને દેશભરમાં વિદ્યાર્થીઓમાં ભારે રોષની લાગણી ફેલાઈ છે. ત્યારે કેન્દ્રીય શિક્ષણમંત્રી ધર્મેન્દ્ર પ્રધાનની અમદાવાદની મુલાકાત દરમિયાન વિરોધના દ્રશ્યો જોવા મળ્યા હતા. NSUI દ્વારા વિરોધ પ્રદર્શનની ચીમકી મળતા કેન્દ્રીય શિક્ષણમંત્રીની આ મુલાકાતને ગુપ્ત રાખવામાં આવી હતી તેમ છતાં પણ મંત્રીના કાફલા સામે પ્રદર્શન કરવા કાર્યકરોની પહોંચ્યા હતા. જેમની પોલીસે દ્વારા અટકાયત કરવામાં આવી હતી. ગુજરાત સહિત દેશભરમાં કોંગ્રેસની NSUI પાંખ NEETની પરીક્ષાનું પેપર લીક થતાં કેન્દ્ર સરકાર અને શિક્ષણ મંત્રી સામે વિરોધ કરી રહી છે.

વડાપ્રધાન નરેન્દ્ર મોદીની ૧૫ મેના રોજ ખાડી રાષ્ટ્રની મુલાકાત દરમિયાન ભારત અને UAE, LPG અને વ્યૂહાત્મક પેટ્રોલિયમ અનામતના ક્ષેત્રોમાં સહયોગ વધારવા માટે બે મહત્વપૂર્ણ કરારો કરે તેવી અપેક્ષા છે, એમ સત્તાવાર સૂત્રોએ બુધવારે જણાવ્યું હતું. તેમણે જણાવ્યું હતું કે મોદીના UAE પ્રવાસનો મુખ્ય ઉદ્દેશ્ય ભારતની ઉર્જા સુરક્ષાને વધારવાનો રહેશે. યુરોપના પાંચ દિવસના ચાર દેશોના પ્રવાસ પર નીકળતા પહેલા વડાપ્રધાન લગભગ ચાર કલાક માટે ગલ્ફ રાષ્ટ્રમાં રહેશે. UAEએ વિશ્વના ટોચના તેલ નિકાસકારોના મુખ્ય જૂથ, ઓર્ગેનાઇઝેશન ઓફ ધ પેટ્રોલિયમ એક્સપોર્ટિંગ કન્ટ્રીઝ(OPEC) છોડવાની જાહેરાત કર્યાના થોડા દિવસો પછી આ મુલાકાત આવી છે.

વડોદરા મ્યુનિસિપલ કોર્પોરેશનના વોર્ડ નંબર 15ના કોંગ્રેસના કોર્પોરેટર આશિષ જોશીની અમદાવાદની રામોલ પોલીસે ધરપકડ કરી છે. સ્થાનિક સ્વરાજ્યની ચૂંટણી સમયના દારૂના એક જૂના કેસમાં સંખેડા પોલીસ મથકે નોંધાયેલા ગુના સંદર્ભે આ કાર્યવાહી કરવામાં આવી છે. આ ધરપકડને પગલે વડોદરા અને અમદાવાદના રાજકીય વર્તુળોમાં ભારે ગરમાવો જોવા મળી રહ્યો છે. આ ધરપકડ મામલે ગુજરાત પ્રદેશ કોંગ્રેસ સમિતિના મીડિયા કોર્ડીનેટર અને પ્રવક્તા હેમાંગ રાવલે ભાજપ સરકાર અને પોલીસ તંત્ર પર આકરા પ્રહારો કર્યા છે. તેમણે આ કાર્યવાહીને રાજકીય ષડયંત્ર ગણાવ્યું છે.

ભારત સરકાર મધ્ય પૂર્વમાંથી ગેસ પુરવઠો જાળવવા બે મોટા પ્રોજેક્ટ પર કામ કરી રહી છે. ભારત હવે ઓમાનથી સીધી દરિયાઈ પાઈપલાઈન બિછાવવાની તૈયારી કરી રહ્યું છે, જેને મિડલ ઈસ્ટ-ઈન્ડિયા ડીપ-વોટર પાઈપલાઈન નામ આપવામાં આવ્યું છે. અંદાજે 40,000 કરોડ રૂપિયાના ખર્ચે તૈયાર થનારો આ પ્રોજેક્ટ અરબ સાગરના તળિયે 2,000 કિલોમીટર લાંબો હશે. આ પાઈપલાઈન સમુદ્રમાં 3450 મીટરની ઊંડાઈએ સ્થાપિત કરવામાં આવશે. આ વિશ્વની સૌથી ઊંડી દરિયાઈ પાઈપલાઈન પૈકીની એક હશે. આ માધ્યમથી દરરોજ 31 મિલિયન સ્ટાન્ડર્ડ ક્યુબિક મીટર કુદરતી ગેસની સપ્લાય થઈ શકશે.

ઓઈલના ધંધામાં ડખો થતાં ભાગીદારને ફસાવવા તેની કારમાં એમ.ડી.ડ્રગ્સ મૂકનાર ચિરાગ ગોટીના બે સાગરીતોની પોલીસે ધરપકડ કરી એક દિવસના રિમાન્ડ મેળવ્યા. પોલીસે ડ્રગ્સ ક્યાંથી અપાવ્યું અને કોણે પ્લાન્ટ કર્યું તેની કડી મેળવી લીધી. મુખ્ય સૂત્રધાર ચિરાગ ગોટી નેપાળથી પરત આવી શરણે થયો હતો.

ફ્લોરિડાના દરિયાકિનારે એક બીકક્રાફ્ટ 300 કિંગ એર ટર્બોપ્રોપ વિમાન ક્રેશ થયું. એન્જિન ફેઇલ થતાં પાયલોટે Water Landing (Ditching) કરાવ્યું. 11 મુસાફરોએ 5 કલાક સુધી 3 થી 5 ફૂટ ઊંચા મોજાં અને તોફાની હવામાન વચ્ચે સંઘર્ષ કર્યો. યુએસ કોસ્ટ ગાર્ડ અને એરફોર્સની ટીમે ચમત્કારિક રીતે તમામને બચાવી લીધા. હાલ તમામ મુસાફરોની હાલત સ્થિર છે.

PGVCL એ સ્થાનિક સ્વરાજ્યની ચૂંટણી દરમિયાન સ્માર્ટ મીટર લગાવવાની કામગીરી ધીમી પાડી દીધી હતી. સૌરાષ્ટ્ર - કચ્છમાં ૫૬.૯૨ લાખમાંથી માત્ર ૬.૧૪ લાખ ગ્રાહકોને ત્યાં સ્માર્ટ મીટર લાગ્યા છે, દોઢ વર્ષમાં ૧૦% જ કામગીરી થઈ. હવે કામગીરી ઝડપી બનાવાઈ છે, દૈનિક ૧૦,૦૦૦ મીટર લગાવવાનું આયોજન છે. PGVCL MD કેતન જોશી જણાવે છે કે સ્માર્ટ મીટરથી ગ્રાહકોને ફાયદો છે, વોલ્ટેજ ફ્લકચુએશન, લોડ બેલેન્સિંગ અને ફોલ્ટની ફરિયાદ જાતે કરવાની જરૂર નથી. પિક અવર્સમાં યુનિટ દીઠ ૬૦ પૈસા રિબેટ પણ મળે છે.

ગુજરાતમાં ૧,૧૪૧ વ્યાયામ શિક્ષકોની સીધી ભરતી માટે મુખ્યમંત્રીની લીલીઝંડી. SAT મેરીટના આધારે પસંદગી, પારદર્શક પ્રક્રિયા. વયમર્યાદામાં વધારો - સામાન્ય માટે ૩૮, અનામત માટે ૪૩, અને અનામત મહિલાઓ માટે ૪૮ વર્ષ. રમતગમત અને રોજગારીની તકો વધશે.

સુરત રેલવે સ્ટેશનના રિ-ડેવલપમેન્ટ કામને કારણે યાત્રીઓની હાલાકી વધી છે. ટ્રાફિક બ્લોક 30 મે સુધી લંબાવવામાં આવ્યો છે, જેના કારણે અનેક ટ્રેનોના schedule પર અસર થશે. કેટલીક ટ્રેનોને નવસારી સુધી જ ચલાવવામાં આવશે. રેલવે તંત્રએ 8 GSRTC બસો સ્ટેન્ડબાય રાખીને મુસાફરોને સુરત પહોંચાડવાની વ્યવસ્થા કરી છે.

વિશ્વના રાજકારણ અને અર્થતંત્રને બદલી શકે તેવી બેઇજિંગમાં ટ્રમ્પ અને શી જિનપિંગ વચ્ચેની હાઈ-વોલ્ટેજ મીટિંગ પર દુનિયાની નજર છે. બંને નેતાઓએ મૈત્રી અને મક્કમતા સાથે વાર્તાલાપ કર્યો, પરસ્પર સફળતા અને મજબૂત સંબંધોની આશા વ્યક્ત કરી. વેપાર, ભૂ-રાજકીય તણાવ અને તકનીકી સ્પર્ધા જેવા વિવાદાસ્પદ મુદ્દાઓ ચર્ચામાં રહેશે.

રાજ્યમાં 1,141 વ્યાયામ શિક્ષકોની સીધી ભરતી માટે CMની મંજૂરી. SAT પરીક્ષાના મેરીટ આધારે પસંદગી. શારીરિક શિક્ષણ મજબૂત બનાવવા અને રમતગમતને વેગ આપવા આયોજન. સ્નાતક સાથે C.P.Ed/B.P.Ed/D.P.Ed અને SAT (Physical Education) પાસ ફરજિયાત. 35 વર્ષ (3 વર્ષ છૂટ) મહત્તમ વયમર્યાદા. પ્રથમ 5 વર્ષ ફિક્સ પગાર, પછી નિયમિત.

ભાવનગર નારી ચોકડી વિસ્તારમાં તસ્કરોએ એકસાથે ત્રણ મકાનોના તાળા તોડી ₹3.12 લાખની ચોરી કરી. વીજ પુરવઠો ખોરવાતા પરિવાર અગાશી પર સૂતો હતો, જેનો લાભ ઉઠાવી તસ્કરો ઘરમાં ઘુસ્યા. પોલીસે અજાણ્યા શખ્સો વિરુદ્ધ ગુનો નોંધી તપાસ શરૂ કરી છે.

અમદાવાદ મ્યુનિસિપલ કોર્પોરેશન (AMC) ટ્રાફિક અને પાર્કિંગની સમસ્યા હળવી કરવા વિવિધ ઝોનમાં ખાલી પ્લોટ કોમર્શિયલ એકમોને પાર્કિંગ માટે ભાડે આપી રહ્યું છે. સાઉથ વેસ્ટ ઝોનના મકરબા, વેજલપુર, બોડકદેવ અને સરખેજ જેવા વિસ્તારોમાં જ્યાં પાર્કિંગની અછત છે, ત્યાં આ વ્યવસ્થા કરાઈ છે. આનાથી ગેરકાયદે પાર્કિંગ ઘટશે અને વાહનચાલકોને સુરક્ષિત પાર્કિંગની સુવિધા મળશે. આ પહેલથી AMCને આવક પણ થઈ રહી છે.

વૈશ્વિક નાણાકીય બજારમાં ચીનની સોનાની ખરીદી ચર્ચામાં છે. 'પીપલ્સ બેંક ઓફ ચાઇના' (PBOC) એ સતત 18 મહિના સુધી સોનાનો ભંડાર વધારી, આશ્ચર્યચકિત કર્યું છે. એપ્રિલ 2026 ના આંકડા મુજબ, ચીન વૈશ્વિક બજારને પ્રભાવિત કરનાર શક્તિ બન્યું છે. એપ્રિલ 2026 માં 8 ટન સોનાની ખરીદી સાથે, ચીનનો ભંડાર 72.8 મિલિયન ટ્રોય ઔંસ સુધી પહોંચ્યો, જેનું મૂલ્ય $342.6 બિલિયન છે. આ આક્રમક વલણ, ડોલર સામે રક્ષણાત્મક કવચ અને 'યુઆન' ને વૈશ્વિક સ્તરે મજબૂત બનાવવાની વ્યૂહરચના દર્શાવે છે.

રાજુલાના દાતરડી નજીક નેશનલ હાઈવે પર અજાણ્યા વાહને ૧ વર્ષના સિંહબાળને કચડ્યું. આ ઘટનાથી વન્યજીવ પ્રેમીઓમાં ભારે રોષ જોવા મળ્યો છે. અગાઉ પણ આવી ઘટનાઓ બની હોવા છતાં સુરક્ષાના પગલાં અંગે પ્રશ્નો ઉભા થયા છે.

રાજકોટ-ચોટીલા હાઈવે પર સાંગાણી ગામ નજીક અમદાવાદથી રાજકોટ જતી ખાનગી બસ અને ટેન્કર વચ્ચે ભીષણ અકસ્માત થયો. ટક્કર એટલી પ્રચંડ હતી કે બસમાં આગ લાગી ગઈ. આ અકસ્માતમાં 4 લોકો જીવતા બળી ગયા, જ્યારે 10 જેટલા લોકો ઈજાગ્રસ્ત થયા, જેમની હાલત ગંભીર છે.

પાટણ નજીક હારીજ હાઈવે પર મોડી રાત્રે કાર અને ટ્રક વચ્ચે ગમખ્વાર અકસ્માત થયો. ટ્રેક્ટર એજન્સીના ટેરેટરી મેનેજર અભિષેક વર્માનું ઘટનાસ્થળે જ મોત નિપજ્યું. કારના ફુરચા ઉડી ગયા હતા. મૃતદેહને કારમાંથી બહાર કાઢવા ભારે જહેમત કરવી પડી. ફરાર ટ્રક ચાલક વિરુદ્ધ પોલીસ કાર્યવાહી હાથ ધરાઈ.

AMCની પ્રોપર્ટી ટેક્સ રીબેટ સ્કીમનો લાભ લેવા કરદાતાઓમાં ઉત્સાહ. 9 એપ્રિલથી 13 મે દરમિયાન, 13032 કરદાતાઓએ એક દિવસમાં 15.34 કરોડનો એડવાન્સ ટેક્સ ભર્યો. 529324 કરદાતાઓએ કુલ 527.75 કરોડ ભર્યા, 55.95 કરોડનું ડિસ્કાઉન્ટ મળ્યું. 31 મે સુધી સ્કીમનો લાભ લઈ શકાશે.

બાંગ્લાદેશે પદ્મા (ગંગા) નદી પર વિશાળ ડેમ પ્રોજેક્ટને મંજૂરી આપી. આ પ્રોજેક્ટનો હેતુ ભારતના ફરક્કા બેરેજની અસરો ઘટાડવાનો છે. PM તારિક રહેમાનની અધ્યક્ષતા હેઠળ ECNEC એ પ્રથમ તબક્કાને મંજૂરી આપી. આ પ્રોજેક્ટ સંપૂર્ણપણે બાંગ્લાદેશ સરકારના ભંડોળથી નિર્મિત થશે, જે 34,497.25 કરોડ ટકાનો છે.

સુરતમાં 'પટલ ડેરી'ના માલિકને ઘીમાં ભેળસેળ કરવા બદલ સુરત કોર્ટે એક વર્ષની સખત કેદ અને 10,000 રૂપિયાનો દંડ ફટકાર્યો છે. 2011માં ફૂડ ઇન્સ્પેક્ટરના દરોડામાં અખાદ્ય ઘી મળ્યું હતું. આ ચુકાદો ભેળસેળિયા વેપારીઓ માટે એક ચેતવણી છે.

ગુજરાતમાં IAS અધિકારીઓની બદલી, કચ્છ કલેક્ટર આનંદ પટેલને ગાંધીનગર કમિશનર ઓફ સ્કૂલ્સ તરીકે નિમણૂંક. PM પોષણ, GCERT ના પણ હવાલા. ૧૪ માસના કાર્યકાળમાં મહેસૂલ, સુરક્ષા, લોકહિત કાર્યોમાં મોટી સિદ્ધિઓ. તળાવો, રમતગમતના મેદાનો, સરકારી કચેરીઓ માટે જમીન ફાળવણી.

કેન્દ્ર સરકાર દ્વારા દેશમાં ખાંડના ભાવ પર નિયંત્રણ મેળવવા અને સ્થાનિક પુરવઠો જાળવી રાખવા માટે ખાંડના નિકાસ પર પ્રતિબંધ મૂકવાનો મોટો નિર્ણય લેવામાં આવ્યો છે. ભારત સરકાર દ્વારા બુધવારે ખાંડના નિકાસ અંગે એક મહત્ત્વની જાહેરાત કરવામાં આવી છે. દેશમાં ખાંડના વધતા ભાવને અંકુશમાં લેવા અને સ્થાનિક બજારમાં પર્યાપ્ત માત્રામાં ખાંડ ઉપલબ્ધ રહે તે હેતુથી સરકારે ખાંડની નિકાસ પર તાત્કાલિક અસરથી પ્રતિબંધ મૂકી દીધો છે.

NEET પેપર લીક થતાં NSUI એ ભુજમાં કલેક્ટરને આવેદન આપ્યું. નિષ્પક્ષ તપાસ અને દોષિતો પર કડક પગલાંની માંગ કરી. મહેનતુ વિદ્યાર્થીઓના ભવિષ્ય સાથે ચેડાં થતાં શિક્ષણ પ્રણાલી પરથી વિશ્વાસ ઉઠી જશે. પરીક્ષા પ્રક્રિયા મજબૂત બનાવવાની પણ અપીલ.

ભાવનગરમાં આગામી ચોમાસુ પાક માટે ખેડૂતો દ્વારા હાલના સંજોગોમાં ખાતર, બિયારણ, દવાની ખરીદી થતી હોય છે ત્યારે સ્ટાન્ડર્ડ ખરીદી થાય તે હેતુ નાયબ ખેતી નિયામક દ્વારા તકેદારી રાખવા અપીલ કરાઇ છે. જો કે, ગત વર્ષે કુલ ૪૯ સેમ્પલ ફેઇલ થયા હતાં. સુત્રો પાસેથી મળતી વિગતો મુજબ ગત વર્ષે જિલ્લાના વિવિધ એગ્રો સહિતની પેઢીમાંથી લીધેલ સેમ્પલમાં બિયારણના ૧૦, જંતુનાશક દવાના ૧૪ અને ખાતરના ૨૫ નમૂના લેબોરેટરીમાં નાપાસ જાહેર થયેલા છે.

ABVP એ કચ્છ યુનિવર્સિટીમાં MSW, MPA, LLM, IT જેવા સેલ્ફ ફાઇનાન્સ કોર્સની ફી ઘટાડવા, ચોથા વર્ષની ફરજિયાત અમલવારી અને પરીક્ષા પરિણામો તાત્કાલિક જાહેર કરવાની માંગ કરી. 10 દિવસમાં માંગણીઓ નહીં સંતોષાય તો ઉગ્ર આંદોલનની ચીમકી ઉચ્ચારી.

ભુજ સાયબર ક્રાઇમે ડિજિટલ અરેસ્ટના બહાને વૃદ્ધા પાસેથી પડાવેલા ₹83.44 લાખમાંથી ₹46.95 લાખ સફળતાપૂર્વક ફ્રીઝ કરાવી પરત અપાવ્યા. ઠગોએ ખોટી ઓળખ આપી, નકલી વોરંટ બતાવી, મની લોન્ડરિંગના ગુનાનું કહી ડરાવી પૈસા પડાવ્યા હતા. સાયબર પોલીસ જનતાને 'ડિજિટલ અરેસ્ટ' જેવી કોઈ કાયદાકીય જોગવાઈ ન હોવાનું જણાવી સાવચેત રહેવા અપીલ કરે છે.

અમેરિકામાં OPT વિઝા કાર્યક્રમ હેઠળ 10,000 વિદેશી વિદ્યાર્થીઓ, જેમાં ભારતીયોનો પણ સમાવેશ થાય છે, શેલ કંપનીઓ દ્વારા મોટાપાયે છેતરપિંડીના આરોપસર તપાસ હેઠળ છે. અનેક વિદ્યાર્થીઓ એવી કંપનીઓ સાથે જોડાયેલા મળ્યા છે જ્યાં કોઈ કામગીરી ચાલતી નથી. કેટલીક કંપનીઓનું મેનેજમેન્ટ ભારતમાંથી થતું હોવાનું પણ સામે આવ્યું છે.

ધોલેરા SIRમાં 15 વર્ષ પહેલાં થયેલા જમીન સંપાદનને કારણે હવે 5 વર્ષમાં સેમી-હાઈસ્પીડ ટ્રેન દોડશે. ₹20,667 કરોડનો 134 કિમી પ્રોજેક્ટ 2030-31 સુધીમાં પૂર્ણ થશે, જે અમદાવાદ, મુંબઈ અને ધોલેરા વચ્ચે હાઈ-સ્પીડ નેટવર્ક ઊભું કરશે. PM મોદીની અધ્યક્ષતામાં બુધવારે યોજાયેલી કેબિનેટની બેઠકમાં અમદાવાદના સરખેજથી ધોલેરા વચ્ચે સેમી હાઈ-સ્પીડ ડબલ લાઈન રેલ પ્રોજેક્ટને મંજૂરી આપવામાં આવી છે. 134 કિલોમીટરનો અને રૂ. 20,667 કરોડનો આ પ્રોજેક્ટ વર્ષ 2030-31 સુધીમાં, અર્થાત 2036ની ઓલિમ્પિક પહેલાં પૂર્ણ કરવાનો લક્ષ્યાંક છે.

વડોદરાના વાઘોડિયા રોડ સ્થિત પ્રધાનમંત્રી આવાસ યોજનામાં રહેતી 35 વર્ષીય પરિણીતા ભૂમિકાબહેન પાટીલે 5મા માળેથી કૂદીને જીવન ટૂંકાવ્યું. છેલ્લા ચાર દિવસથી બીમાર અને કોઈની સાથે ઝઘડો કરતી, તેમણે પુત્રને પાર્કિંગમાં મોકલી ઘરનો દરવાજો અંદરથી બંધ કરી આત્મહત્યા કરી. ઘટનાસ્થળે લોહીલુહાણ હાલતમાં મળી આવતા સયાજી હોસ્પિટલ ખસેડાયા. પોલીસે વધુ તપાસ હાથ ધરી.

ચોટીલા રાજકોટ હાઈવે પર ખાનગી બસ અને ડામર ભરેલા ટ્રક વચ્ચે ગમખ્વાર અકસ્માત સર્જાયો. ટ્રકનું ટાયર ફાટતાં બસ અથડાઈ અને આગ લાગી. આ ઘટનામાં 4 લોકોના મોત, 15 ઈજાગ્રસ્ત. ફાયર ટીમે આગ કાબુ મેળવી. પોલીસે તપાસ હાથ ધરી.