ગુજરાતની એક અને મહારાષ્ટ્રની બે બેઠકો માટે આજે(23મી એપ્રિલ) યોજાયેલી પેટાચૂંટણી માટેનું મતદાન પૂર્ણ થઈ ચૂક્યું છે. વહેલી સવારથી જ મતદારોમાં અનેરો ઉત્સાહ જોવા મળ્યો હતો. અગાઉના ધારાસભ્યના નિધન બાદ ખાલી પડેલી આ બેઠક પર આજે શાંતિપૂર્ણ માહોલમાં મતદાન યોજાયું છે. સવારે 7 વાગ્યાથી શરૂ થયેલું મતદાન સાંજે 6 વાગ્યા સુધી ચાલ્યું હતું. ત્યારે વિધાનસભાની પેટાચૂંટણીમાં સાંજે 05:00 વાગ્યા સુધીના મતદાનના આંકડા જાહેર કરવામાં આવ્યા છે.

પશ્ચિમ બંગાળ વિધાનસભા ચૂંટણીમાં પ્રથમ તબક્કાની 152 બેઠકો પર બમ્પર વોટિંગ થયું છે. બાકીની 142 બેઠકો પર 29 એપ્રિલે મતદાન થશે. પ્રથમ તબક્કામાં જનતા 1478 ઉમેદવારોનું ભાગ્ય નક્કી કરશે. બીજી તરફ તમિલનાડુની તમામ 234 બેઠકો પર સવારે સાત વાગ્યાથી જ મતદાન માટે લાંબી લાઈનો લાગી હતી. પશ્ચિમ બંગાળ અને તમિલનાડુમાં રેકોર્ડબ્રેક મતદાન થયું છે. સાંજે પાંચ વાગ્યા સુધીમાં તમિલનાડુમાં અંદાજે 82.24% મતદાન થયું છે. બંગાળમાં અંદાજે 89.93% મતદાન થયું છે.

પશ્ચિમ બંગાળમાં વિધાનસભા ચૂંટણીના પ્રથમ તબક્કાના મતદાન વચ્ચે પીએમ નરેન્દ્ર મોદીએ કૃષ્ણનગરમાં એક વિશાળ જનસભાને સંબોધિત કરી હતી. આ દરમિયાન તેમણે સત્તાધારી TMC પર આકરા પ્રહારો કરતા રાજ્યમાં 'પરિવર્તન'નો વિશ્વાસ વ્યક્ત કર્યો હતો. પીએમ મોદીએ તેમના સંબોધનમાં 'ઝાલમુરી'ના કિસ્સાનો ઉલ્લેખ કરતા કટાક્ષમાં કહ્યું કે, 'મેં બંગાળમાં ઝાલમુરી ખાધી હતી, પરંતુ એવું લાગે છે કે તેના મરચાંનો તીખો સ્વાદ ટીએમસીના નેતાઓને લાગ્યો છે.' તેમણે દાવો કર્યો હતો કે 4 મેના રોજ ભાજપની જીત નક્કી છે અને તે દિવસે બંગાળમાં મીઠાઈની સાથે ઝાલમુરી પણ વહેંચવામાં આવશે.

સ્થાનિક ચૂંટણીમાં મતદાનની તારીખ જેમ જેમ નજીક આવી રહી છે તેમ તેમ ધોમધખતા તાપની જેમ રાજકારણમાં પણ ગરમાવો આવી રહ્યો છે. ડેડીયાપાડા ધારાસભ્ય ચૈતર વસાવાની પત્ની વર્ષા વસાવાએ એક સંબોધનમાં સાંસદ મનસુખ વસાવાનું નામ લઈને દાવો કર્યો હતો કે ભાજપના નિલભાઈ રાવે સાંસદને બેઠકમાં લાફો મારી દીધો છે. જેના જવાબમાં મનસુખ વસાવાએ કહ્યું કે AAP ખૂબ જ નિમ્ન કક્ષાનું રાજકારણ કરી રહી છે, સામાન્ય બોલાચાલી થઈ હતી પણ મારામારી થઈ ન હતી.

ઉત્તર પ્રદેશમાં આગામી વર્ષોમાં યોજાનારી વિધાનસભા ચૂંટણી માટે ભાજપે અત્યારથી જ કમર કસી લીધી છે. ભાજપના રાષ્ટ્રીય અધ્યક્ષ નીતિન નવીને સ્પષ્ટ કરી દીધું છે કે, વર્ષ 2027ની ચૂંટણી કોના નેતૃત્વમાં લડવામાં આવશે. એક ખાનગી ન્યૂઝ ચેનલને આપેલા ઇન્ટરવ્યુમાં નીતિન નવીને મુખ્યમંત્રી યોગી આદિત્યનાથના નામ પર મહોર મારતા ઉત્તર પ્રદેશમાં 'સત્તાની હેટ્રિક' લગાવવાનો દાવો કર્યો છે. ચૂંટણીમાં મુખ્યમંત્રીના ચહેરા અંગે પૂછવામાં આવેલા સવાલના જવાબમાં નીતિન નવીને જણાવ્યું હતું કે, યોગી આદિત્યનાથ હાલમાં મુખ્યમંત્રી છે અને તેમના નેતૃત્વમાં જ સરકાર ચાલી રહી છે. તેથી નિશ્ચિતપણે તેઓ જ અમારો ચહેરો હશે.

ગોલ્ડ સ્મગલિંગ કેસમાં ધરપકડ કરાયેલી કન્નડ ફિલ્મ અભિનેત્રી રાન્યા રાવ ઉર્ફે હર્ષવર્ધિની રાવ એક વર્ષ બાદ બેંગલુરુ સેન્ટ્રલ જેલમાંથી બહાર આવશે. DRI(ડિરેક્ટોરેટ ઓફ રેવન્યૂ ઇન્ટેલિજન્સ)ના સૂત્રોના જણાવ્યા અનુસાર, તેની અટકાયતની મુદત 22 એપ્રિલના રોજ પૂર્ણ થતા હવે તેની જેલમુક્તિનો માર્ગ મોકળો થયો છે. ઉલ્લેખનીય છે કે રાન્યા રાવ સસ્પેન્ડેડ DGP રેન્કના પોલીસ અધિકારી રામચંદ્ર રાવની સાવકી દીકરી છે. તપાસ દરમિયાન તેની પાસેથી વિશેષ રીતે તૈયાર કરેલા બોડી જેકેટમાં છુપાવેલું 14.213 કિલો સોનું મળી આવ્યું હતું, જેની કિંમત આશરે 12.56 કરોડ રૂપિયા હતી.

અમેરિકાના રાષ્ટ્રપ્રમુખ ડોનાલ્ડ ટ્રમ્પે સોશિયલ મીડિયા પર એક લાંબો અને આક્રમક પત્ર પોસ્ટ કરીને અમેરિકામાં વસતા ઇમિગ્રન્ટ્સ અને ભારત-ચીન જેવા દેશો પર આકરા પ્રહારો કર્યા છે. ટ્રમ્પે અમેરિકાની બર્થરાઈટ સિટિઝનશિપ (જન્મના આધારે નાગરિકતા) ની નીતિની આકરી ટીકા કરતા ભારત અને ચીન માટે હેલહોલ જેવા શબ્દો વાપર્યા છે. ટ્રમ્પે પોતાના પત્રમાં લખ્યું છે કે, "અહીં જન્મેલું બાળક તરત જ અમેરિકાનું નાગરિક બની જાય છે અને પછી તેઓ ચીન, ભારત કે પૃથ્વી પરના અન્ય કોઈ 'નરક' માંથી તેમના આખા પરિવારને અહીં બોલાવી લે છે."

પશ્ચિમ બંગાળ વિધાનસભા ચૂંટણી 2026ના પ્રથમ તબક્કાના મતદાન દરમિયાન રાજ્યના વિવિધ ભાગોમાંથી હિંસા અને તણાવના સમાચાર સામે આવી રહ્યા છે. સિલીગુડીમાં ભાજપ અને તૃણમૂલ કોંગ્રેસના કાર્યકરો સામસામે આવી ગયા છે, તો બીજી તરફ મુર્શિદાબાદમાં દેશી બોમ્બ ફેંકવાની ઘટના બાદ ભારેલા અગ્નિ જેવી સ્થિતિ પ્રવર્તી રહી છે. મુર્શિદાબાદના નૌદા વિસ્તારમાં આમ જનતા ઉન્નયન પાર્ટીના સ્થાપક અને ઉમેદવાર હુમાયુ કબીરની મુલાકાત દરમિયાન હિંસક દ્રશ્યો સર્જાયા હતા. અહીં TMC કાર્યકરોએ હુમાયુ કબીર વિરુદ્ધ સૂત્રોચ્ચાર કર્યા અને પોલીસ સાથે પણ તેમની ઉગ્ર બોલાચાલી થઈ હતી.

ગુજરાતમાં સ્થાનિક સ્વરાજ્ય ચૂંટણી જાહેર થઈ છે. પાટણ જિલ્લા પંચાયતમાં ભાજપ, કોંગ્રેસ અને AAP વચ્ચે જંગ જામશે. જિલ્લા અને તાલુકા પંચાયતની તમામ બેઠકોના ઉમેદવારો નક્કી થઈ ગયા છે. 26મી એપ્રિલે મતદાન થશે અને 28મી એપ્રિલે મત ગણતરી થશે.

દિલ્હીમાં પ્રદૂષણ વધતા સરકારે કડક નિર્ણય લીધો છે. હવે PUC વગર પેટ્રોલ, ડીઝલ નહીં મળે. 'No PUC, No Fuel' નિયમ હેઠળ પંપ પર PUC બતાવવું પડશે. નિયમનું ઉલ્લંઘન કરનારને દંડ થશે. સરકાર કોઈ બાંધછોડ કરવાના મૂડમાં નથી. નિયમનો અમલ શરૂ થતા પંપો પર લાઈનો લાગી છે. જનતાએ હવાની ગુણવત્તા સુધારવા માટે આ મુશ્કેલી સહન કરવી પડશે.

તમિલનાડુમાં મતદાન મથકો પર લોકો પોતાના અધિકારનો ઉપયોગ કરવા ઉમટ્યા. Kollywood ના સેલિબ્રિટીઓએ પણ voting કર્યું, જેનાથી ચાહકો અને મીડિયા માટે દિવસ વધુ નોંધપાત્ર બન્યો. TVKના વડા અને તિરુચિરાપલ્લી પૂર્વ અને પેરામ્બુર મતવિસ્તારના ઉમેદવાર વિજય, ચેન્નાઈના એક મતદાન મથક પર મતદાન કરવા પહોંચ્યા. દક્ષિણના સુપરસ્ટાર રજનીકાંતે પણ મતદાન કર્યું. તેમણે ચેન્નાઈની સ્ટેલા મેરિસ સ્કૂલના મતદાન મથકની મુલાકાત લીધી. અભિનેતા અને રાજકારણી કમલ હાસન, તેમની પુત્રી શ્રુતિ હાસન સાથે, એલ્ડેમ્સ રોડ પર કામરાજ સલાઈ મ્યુનિસિપલ સ્કૂલમાં મતદાન કરવા પહોંચ્યા.

દિલ્હીના કૈલાશ હિલ્સમાં IRS અધિકારીની 22 વર્ષીય પુત્રીની ઘરમાં હત્યા થઈ, આરોપી રાહુલ મીણાએ દુષ્કર્મ આચર્યું અને MOBILE PHONE CHARGING CABLEથી ગળું દબાવી દીધું. રાહુલને પૈસાની લેવડ-દેવડના મામલે કામ પરથી કાઢી મૂકવામાં આવ્યો હતો અને તે ડુપ્લિકેટ ચાવીથી ઘરમાં ઘૂસ્યો. તે ONLINE ગેમમાં દેવામાં ડૂબી ગયો હતો. પોલીસે લૂંટનો મુદ્દામાલ જપ્ત કર્યો અને રાહુલની ધરપકડ કરી, જેણે કપડાં બદલીને ભાગવાનો પ્રયાસ કર્યો હતો. આ પહેલા અલવરમાં પણ દુષ્કર્મ કર્યું હતું.

રાજસ્થાનના વાઈસ કેપ્ટન હોર્મુઝ સ્ટ્રેટમાં ફસાયા, IRGC દ્વારા ભારત આવતું લાઇબેરિયાનું જહાજ કબજે. ઈરાનનો આરોપ- જહાજ પરવાનગી વગર હોર્મુઝમાંથી પસાર થતું હતું. ગુજરાતના મુંદ્રા પોર્ટ આવતા કન્ટેનર શિપ પર ફાયરિંગ થયું. 21 ક્રૂ મેમ્બર ફસાયા, જેમાં એક ભારતીય છે. IRGC એ જહાજને કિનારા તરફ લઇ ગઈ. ઇઝરાયેલ સાથે સંકળાયેલા ફ્રાન્સેસ્કા જહાજને પણ જપ્ત કરાયું. યુફોરિયા જહાજ પર પણ હુમલો કરવામાં આવ્યો.

બુલેટ ટ્રેન પ્રોજેક્ટના કારણે 24 એપ્રિલે બ્લોક લેવાતા ટ્રેન સેવાઓ પર અસર થશે. ચાર ટ્રેન રદ થશે અને પાંચ ટ્રેનો બે કલાક સુધી મોડી પડશે. ગાંધીનગર કેપિટલ મુંબઈ સેન્ટ્રલ વંદે ભારત ટ્રેન અમદાવાદથી ઉપડશે અને ગાંધીનગર કેપિટલથી અમદાવાદ વચ્ચે આંશિક રદ રહેશે. મુંબઈ સેન્ટ્રલ ગાંધીનગર કેપિટલ વંદે ભારત વટવા સુધી ચાલશે. મુંબઇ સેન્ટ્રલ-અમદાવાદ શતાબ્દી ટ્રેન મોડી ઉપડશે વલસાડ-અમદાવાદ ગુજરાત ક્વીન ટ્રેન વડોદરા-અમદાવાદ વચ્ચે આંશિક રદ રહેશે.

મિર્ઝાપુરના ડ્રમમંડગંજમાં બ્રેક ફેલ થતા ટ્રકે ત્રણ વાહનોને ટક્કર મારતા 11 લોકોના કરુણ મોત થયા. Bolero ગાડીમાં આગ લાગતા 9 લોકો જીવતા ભુંજાઈ ગયા. મધ્યપ્રદેશથી આવી રહેલા ટ્રકની બ્રેક ફેલ થતા Alto કાર અને Boleroને ટક્કર મારી. પોલીસે ઘટના સ્થળે પહોંચીને કાર્યવાહી હાથ ધરી, જેમાં મૃતકોની ઓળખ કરવામાં આવી.

બંગાળની નંદીગ્રામ અને હાવડા જેવી હાઈ-પ્રોફાઈલ બેઠકો પર નજર, 44,378 મતદાન મથકો પર CCTV કેમેરા લગાવાયા. TMC અને BJP વચ્ચે સીધો મુકાબલો છે. મમતા બેનર્જીએ 226થી વધુ બેઠકો જીતવાનો દાવો કર્યો છે, લોકોમાં ભારે ઉત્સાહ જોવા મળી રહ્યો છે.

સુરેન્દ્રનગરના લખતરના રહીશોએ 25 વર્ષથી સુવિધાઓથી વંચિત હોવાથી Local body election 2026નો બહિષ્કાર કર્યો. રોડ, ગટર, પાણી જેવી સમસ્યાઓથી પરેશાન લોકોએ રાજકીય પક્ષોને પ્રચાર માટે આવવાની મનાઈ ફરમાવી. 'વિકાસ નહીં તો વોટ નહીં'ના નારા સાથે રાજકારણમાં ગરમાવો આવ્યો છે, પક્ષોના સમીકરણો બદલાયા.

ઉમરેઠ વિધાનસભા બેઠક પર પેટા ચૂંટણી માટે મતદાન શરૂ, પૂર્વ ધારાસભ્ય ગોવિંદભાઈ પરમારના નિધન બાદ આ બેઠક ખાલી પડી હતી. આ પેટા ચૂંટણી 2026માં યોજાશે. લોકો શાંતિપૂર્ણ રીતે મતદાન કરી રહ્યા છે.

દેશમાં હીટવેવ ચાલુ; તાપમાન 40°C-45°C. ઓડિશાનું ઝારસુગુડા સૌથી ગરમ. સરકારે બપોરે વસ્તી ગણતરી અટકાવી, શાળાઓ બંધ. દિલ્હીની શાળાઓમાં ડિહાઇડ્રેશનથી બચવા વોટર બેલ સિસ્ટમ લાગુ. IMD મુજબ, આગામી 4-5 દિવસ હીટવેવ યથાવત. પંજાબ, હરિયાણા, ચંદીગઢ, દિલ્હીમાં 24-25 એપ્રિલે હીટવેવની સંભાવના. ઉત્તર પ્રદેશમાં 25 એપ્રિલે અને મધ્ય પ્રદેશમાં 26 એપ્રિલે હીટવેવની સ્થિતિ રહેશે. મહારાષ્ટ્ર અને છત્તીસગઢમાં 24-27 એપ્રિલ સુધી આશંકા.

આણંદ જિલ્લાની ઉમરેઠ વિધાનસભા બેઠક પર પેટાચૂંટણી યોજાઈ રહી છે, જેમાં 2.45 લાખ મતદારો ભાગ લેશે. ભાજપના ઉમેદવાર હર્ષદ પરમારે તેમના પિતાની પરંપરા જાળવી રાખીને મત આપ્યો અને વિસ્તારના પ્રશ્નો, ખાસ કરીને GIDC માં ઉદ્યોગો લાવવા માટે પ્રયત્ન કરવાની વાત કરી. NCPના જયંત બોસ્કીએ પણ મતદાન કર્યું અને લોકોને અપીલ કરી. Election observer દ્વારા મતદાન મથકોની સમીક્ષા કરવામાં આવી.

પશ્ચિમ બંગાળ અને તમિલનાડુમાં વિધાનસભા ચૂંટણી 2026 માટે મતદાન શરૂ, ચૂંટણી પંચે શાંતિપૂર્ણ મતદાન માટે અભૂતપૂર્વ સુરક્ષા ગોઠવી. પશ્ચિમ બંગાળમાં રસ્તાઓ પર બખ્તરબંધ ગાડીઓ અને જવાનો તૈનાત કરાયા છે. તમિલનાડુની 234 બેઠકો પર પણ સુરક્ષાકર્મીઓ તૈનાત છે. 2021ની હિંસાને ધ્યાનમાં રાખીને મતદાન પછી પણ સુરક્ષા દળો રોકાશે. DMK અને AIADMK વચ્ચે ટક્કર જોવા મળશે અને તમામ મતદાન મથકો પર વેબકાસ્ટિંગની સુવિધા ઉપલબ્ધ કરાવાઈ છે.

અમદાવાદના ઓઢવમાં BJPના અનુસૂચિત જાતિ સંમેલનમાં રસ્તા, ગંદકી અને પાણી જેવા પ્રશ્નો મુદ્દે સ્થાનિકોએ હોબાળો મચાવ્યો. પૂર્વ સાંસદ ડો. કિરીટ સોલંકી સહિતના નેતાઓને અધવચ્ચેથી ભાગવું પડ્યું. સ્થાનિકોએ બેનરો અને પ્લેકાર્ડ સાથે સૂત્રોચ્ચાર કર્યા, મહિલાઓએ નેતાઓને સવાલોથી ઘેર્યા. પોલીસે લોકોને રોકવાનો પ્રયાસ કર્યો, પરંતુ પરિસ્થિતિ કાબૂ બહાર ગઈ. તંત્ર અને પોલીસનું IB નિષ્ફળ ગયું.

પશ્ચિમ બંગાળની 152 બેઠકો અને તમિલનાડુની 234 બેઠકો માટે મતદાન શરૂ થયું છે. તમિલનાડુમાં આશરે 57.3 મિલિયન અને બંગાળમાં લાખો મતદારો ઉમેદવારોનું ભાવિ નક્કી કરશે. આ ચૂંટણી TMC, Congress અને BJP માટે પ્રતિષ્ઠાનો જંગ છે. લોકોમાં ભારે ઉત્સાહ જોવા મળી રહ્યો છે અને શાંતિપૂર્ણ મતદાન માટે કડક સુરક્ષા વ્યવસ્થા ગોઠવવામાં આવી છે. TMC એ લોકોને મતદાન કરવાની અપીલ કરી છે.

સ્થાનિક સ્વરાજની ચૂંટણીમાં AAP માટે દિલ્હીથી સુરત હવાલા મારફતે આવેલ ફંડ અંગે IT વિભાગ દ્વારા આંગડિયા પેઢીના સંચાલકની પૂછપરછ કરવામાં આવી. IT વિભાગ દ્વારા નાણાંનો તાગ મેળવવા, ટેક્સ ચોરીની વિગતો એકત્ર કરવા અને કેસ મજબુત કરવા પ્રયાસો શરુ કરાયા છે. દિલ્હીથી હિમાંશુ પાહુજાએ આંગડિયામાં નાણાં મોકલ્યા હતા. જો હવાલાથી મોકલવામાં આવેલા નાણાં BLACKના હશે તો 65% સુધીનો INCOME TAX ભરવા માટે નોટીસ આપવામાં આવશે.

ગોંડલમાં ચૂંટણી પહેલા રાજકીય ગરમાવો વધ્યો. ભાજપે સભા યોજી શક્તિ પ્રદર્શન કર્યું, તો કોંગ્રેસે શાસક પક્ષ પર આક્ષેપો કર્યા. જયરાજસિંહે 'ગુંડાગીરી'ના આક્ષેપનો જવાબ આપતા ગરીબની જમીન પચાવી પાડવી એ અસલ ગુંડાગીરી કહી, અને કોઈ પચાવી પાડેલી જમીન પાછી અપાવે તો ધર્મપત્નીને ધારાસભ્ય પદેથી રાજીનામું અપાવવાની વાત કરી. કુરજીભાઈ ભાલાળાએ 32 વર્ષ બાદ રાજીનામું આપ્યું. અલ્પેશ ઢોલરીયાએ AAPને 'દિલ્હીની લૂંટારૂ ગેંગ' કહી. કોંગ્રેસે ભાજપ પર લોકશાહીની હત્યાનો આક્ષેપ કર્યો.

પાકિસ્તાન બોર્ડર નજીક ભારતના પંજાબ અને જમ્મુ-કાશ્મીરમાં સિવિલ ડિફેન્સ મોકડ્રિલનું આયોજન થઈ રહ્યું છે. જેમાં બ્લેકઆઉટ અને એર રેડ જેવી સ્થિતિનો સામનો કરવા માટે તૈયારી કરવામાં આવી રહી છે. આ મોકડ્રિલ પહલગામ હુમલાની વરસી પર સેનાની કડક ચેતવણી સાથે યોજાઈ રહી છે. 'ઓપરેશન સિંદૂર' યથાવત છે.

મોરબી જિલ્લાની માળીયા મિયાણા નગરપાલિકામાં ભાજપે કોઈ જાહેરાત વગર ઉમેદવારો ઉતાર્યા છે. છેલ્લા 20 વર્ષથી કોંગ્રેસનું શાસન છે, અને નગરપાલિકાની 24 બેઠકો પર ત્રણ પક્ષો વચ્ચે જંગ થશે. 90 ટકા મતદારો મુસ્લિમ છે. SIR બાદ 1200 મતદારો કપાયા છે. સેન્સ પ્રક્રિયામાં ભાજપમાંથી કોઈ દાવેદાર સામે ન આવ્યા.

સેવતીલાલ પટેલે કોંગ્રેસના ખોટા આક્ષેપોને ફગાવ્યા, ભાજપ મુસ્લિમ વિરોધી નથી, માત્ર દેશદ્રોહીઓનો વિરોધી છે. તેમણે અબ્દુલ કલામને રાષ્ટ્રપતિ બનાવ્યા તેનું ઉદાહરણ આપ્યું, કોંગ્રેસ પર મુસ્લિમોનું તુષ્ટિકરણ કરવાનો આરોપ લગાવ્યો. ડૉ. હમીદ મન્સૂરીના દાનનો ઉલ્લેખ કરી રાષ્ટ્રવાદી મુસલમાન સાથે મિત્રતા હોવાનું જણાવ્યું. BJP 'સબકા સાથ, સબકા વિકાસ'માં માને છે.

સુરેન્દ્રનગર મહાનગરપાલિકાના વોર્ડ નં.3માં ક્યાંક વિકાસ તો ક્યાંક સુવિધાનો અભાવ છે. મતદારો લાઈબ્રેરી, સ્પોર્ટ્સ ગ્રાઉન્ડ અને આરોગ્ય ભવનની અપેક્ષા રાખે છે. સ્થાનિકો પાણીની અનિયમિતતા અને ધૂળથી પરેશાન છે, જેનાથી તેમના સ્વાસ્થ્યને નુકસાન થાય છે. ટીબી હોસ્પિટલથી કરમણપરા સુધીનો રોડ અધૂરો છે. છતાં કેટલાક વિસ્તારોમાં નવા બગીચા અને "ICONIC" રોડ બનતા લોકોમાં સંતોષ છે. ભાજપના ગઢમાં "AAP"ની એન્ટ્રી થઈ છે.

પાલનપુરના વોર્ડ નં. 2ના મતદારો પ્રાથમિક સુવિધાઓના અભાવથી નારાજ છે. સ્થાનિકોના જણાવ્યા અનુસાર, ગટર, રોડ અને પાણીની સમસ્યાઓ વર્ષોથી યથાવત છે. 'ભ્રષ્ટાચારની હદ નથી', તેવો આક્ષેપ સ્થાનિકો કરી રહ્યા છે. ચૂંટણી ટાણે નેતાઓ દેખાય છે, પછી કોઈ ફરકતું નથી. લોકોએ ચૂંટણીનો બહિષ્કાર કરવાની ચીમકી ઉચ્ચારી છે.