પશ્ચિમ બંગાળમાં વિધાનસભા ચૂંટણીના પ્રથમ તબક્કાના મતદાન વચ્ચે પીએમ નરેન્દ્ર મોદીએ કૃષ્ણનગરમાં એક વિશાળ જનસભાને સંબોધિત કરી હતી. આ દરમિયાન તેમણે સત્તાધારી TMC પર આકરા પ્રહારો કરતા રાજ્યમાં 'પરિવર્તન'નો વિશ્વાસ વ્યક્ત કર્યો હતો. પીએમ મોદીએ તેમના સંબોધનમાં 'ઝાલમુરી'ના કિસ્સાનો ઉલ્લેખ કરતા કટાક્ષમાં કહ્યું કે, 'મેં બંગાળમાં ઝાલમુરી ખાધી હતી, પરંતુ એવું લાગે છે કે તેના મરચાંનો તીખો સ્વાદ ટીએમસીના નેતાઓને લાગ્યો છે.' તેમણે દાવો કર્યો હતો કે 4 મેના રોજ ભાજપની જીત નક્કી છે અને તે દિવસે બંગાળમાં મીઠાઈની સાથે ઝાલમુરી પણ વહેંચવામાં આવશે.

ઉત્તર પ્રદેશમાં આગામી વર્ષોમાં યોજાનારી વિધાનસભા ચૂંટણી માટે ભાજપે અત્યારથી જ કમર કસી લીધી છે. ભાજપના રાષ્ટ્રીય અધ્યક્ષ નીતિન નવીને સ્પષ્ટ કરી દીધું છે કે, વર્ષ 2027ની ચૂંટણી કોના નેતૃત્વમાં લડવામાં આવશે. એક ખાનગી ન્યૂઝ ચેનલને આપેલા ઇન્ટરવ્યુમાં નીતિન નવીને મુખ્યમંત્રી યોગી આદિત્યનાથના નામ પર મહોર મારતા ઉત્તર પ્રદેશમાં 'સત્તાની હેટ્રિક' લગાવવાનો દાવો કર્યો છે. ચૂંટણીમાં મુખ્યમંત્રીના ચહેરા અંગે પૂછવામાં આવેલા સવાલના જવાબમાં નીતિન નવીને જણાવ્યું હતું કે, યોગી આદિત્યનાથ હાલમાં મુખ્યમંત્રી છે અને તેમના નેતૃત્વમાં જ સરકાર ચાલી રહી છે. તેથી નિશ્ચિતપણે તેઓ જ અમારો ચહેરો હશે.

અમેરિકાના રાષ્ટ્રપ્રમુખ ડોનાલ્ડ ટ્રમ્પે સોશિયલ મીડિયા પર એક લાંબો અને આક્રમક પત્ર પોસ્ટ કરીને અમેરિકામાં વસતા ઇમિગ્રન્ટ્સ અને ભારત-ચીન જેવા દેશો પર આકરા પ્રહારો કર્યા છે. ટ્રમ્પે અમેરિકાની બર્થરાઈટ સિટિઝનશિપ (જન્મના આધારે નાગરિકતા) ની નીતિની આકરી ટીકા કરતા ભારત અને ચીન માટે હેલહોલ જેવા શબ્દો વાપર્યા છે. ટ્રમ્પે પોતાના પત્રમાં લખ્યું છે કે, "અહીં જન્મેલું બાળક તરત જ અમેરિકાનું નાગરિક બની જાય છે અને પછી તેઓ ચીન, ભારત કે પૃથ્વી પરના અન્ય કોઈ 'નરક' માંથી તેમના આખા પરિવારને અહીં બોલાવી લે છે."

પશ્ચિમ બંગાળ વિધાનસભા ચૂંટણી 2026ના પ્રથમ તબક્કાના મતદાન દરમિયાન રાજ્યના વિવિધ ભાગોમાંથી હિંસા અને તણાવના સમાચાર સામે આવી રહ્યા છે. સિલીગુડીમાં ભાજપ અને તૃણમૂલ કોંગ્રેસના કાર્યકરો સામસામે આવી ગયા છે, તો બીજી તરફ મુર્શિદાબાદમાં દેશી બોમ્બ ફેંકવાની ઘટના બાદ ભારેલા અગ્નિ જેવી સ્થિતિ પ્રવર્તી રહી છે. મુર્શિદાબાદના નૌદા વિસ્તારમાં આમ જનતા ઉન્નયન પાર્ટીના સ્થાપક અને ઉમેદવાર હુમાયુ કબીરની મુલાકાત દરમિયાન હિંસક દ્રશ્યો સર્જાયા હતા. અહીં TMC કાર્યકરોએ હુમાયુ કબીર વિરુદ્ધ સૂત્રોચ્ચાર કર્યા અને પોલીસ સાથે પણ તેમની ઉગ્ર બોલાચાલી થઈ હતી.

દિલ્હીમાં પ્રદૂષણ વધતા સરકારે કડક નિર્ણય લીધો છે. હવે PUC વગર પેટ્રોલ, ડીઝલ નહીં મળે. 'No PUC, No Fuel' નિયમ હેઠળ પંપ પર PUC બતાવવું પડશે. નિયમનું ઉલ્લંઘન કરનારને દંડ થશે. સરકાર કોઈ બાંધછોડ કરવાના મૂડમાં નથી. નિયમનો અમલ શરૂ થતા પંપો પર લાઈનો લાગી છે. જનતાએ હવાની ગુણવત્તા સુધારવા માટે આ મુશ્કેલી સહન કરવી પડશે.

સુરતના સચિન સ્પેશિયલ ઇકોનોમિક ઝોન (SEZ) માં DRI દ્વારા કાર્યવાહી કરાઈ, જેમાં વિદેશ એક્સપોર્ટ થતી કરોડોની જ્વેલરી સીઝ કરાઈ છે. DRI ને બાતમી મળતા, વિદેશ જઈ રહેલા 16 જેટલા પાર્સલો અટકાવ્યા, જેમાં કરોડોની જ્વેલરી હોવાનું જણાયું છે, જે તપાસ માટે સીઝ કરાઈ. હોંગકોંગથી હીરા મંગાવી જ્વેલરી બનાવી એક્સપોર્ટ કરવાની તૈયારી હતી, જેમાં નિયમોનું ઉલ્લંઘન થયું છે કે કેમ તેની તપાસ DRI દ્વારા થઈ રહી છે.

તમિલનાડુમાં મતદાન મથકો પર લોકો પોતાના અધિકારનો ઉપયોગ કરવા ઉમટ્યા. Kollywood ના સેલિબ્રિટીઓએ પણ voting કર્યું, જેનાથી ચાહકો અને મીડિયા માટે દિવસ વધુ નોંધપાત્ર બન્યો. TVKના વડા અને તિરુચિરાપલ્લી પૂર્વ અને પેરામ્બુર મતવિસ્તારના ઉમેદવાર વિજય, ચેન્નાઈના એક મતદાન મથક પર મતદાન કરવા પહોંચ્યા. દક્ષિણના સુપરસ્ટાર રજનીકાંતે પણ મતદાન કર્યું. તેમણે ચેન્નાઈની સ્ટેલા મેરિસ સ્કૂલના મતદાન મથકની મુલાકાત લીધી. અભિનેતા અને રાજકારણી કમલ હાસન, તેમની પુત્રી શ્રુતિ હાસન સાથે, એલ્ડેમ્સ રોડ પર કામરાજ સલાઈ મ્યુનિસિપલ સ્કૂલમાં મતદાન કરવા પહોંચ્યા.

દિલ્હીના કૈલાશ હિલ્સમાં IRS અધિકારીની 22 વર્ષીય પુત્રીની ઘરમાં હત્યા થઈ, આરોપી રાહુલ મીણાએ દુષ્કર્મ આચર્યું અને MOBILE PHONE CHARGING CABLEથી ગળું દબાવી દીધું. રાહુલને પૈસાની લેવડ-દેવડના મામલે કામ પરથી કાઢી મૂકવામાં આવ્યો હતો અને તે ડુપ્લિકેટ ચાવીથી ઘરમાં ઘૂસ્યો. તે ONLINE ગેમમાં દેવામાં ડૂબી ગયો હતો. પોલીસે લૂંટનો મુદ્દામાલ જપ્ત કર્યો અને રાહુલની ધરપકડ કરી, જેણે કપડાં બદલીને ભાગવાનો પ્રયાસ કર્યો હતો. આ પહેલા અલવરમાં પણ દુષ્કર્મ કર્યું હતું.

મોરબીના નાની વાવડી ગામે ખોટી ઉઘરાણીના બહાને મહિલા વેપારી સાથે બે શખ્સોએ માથાકૂટ કરી દાદાગીરી કરી હતી. CCTV ફૂટેજમાં આરોપીઓ લોકો પર ગાડી ચડાવવાનો પ્રયાસ કરતા દેખાય છે. મયુરીબેન રૂપાલાની ફરિયાદ પરથી મહેશ સવશેતા અને જગદીશ સવશેતા વિરુદ્ધ એ-ડિવિઝન પોલીસ સ્ટેશનમાં ગુનો નોંધાયો, અને કાયદેસરની કાર્યવાહી હાથ ધરાઈ છે.

રાજસ્થાનના વાઈસ કેપ્ટન હોર્મુઝ સ્ટ્રેટમાં ફસાયા, IRGC દ્વારા ભારત આવતું લાઇબેરિયાનું જહાજ કબજે. ઈરાનનો આરોપ- જહાજ પરવાનગી વગર હોર્મુઝમાંથી પસાર થતું હતું. ગુજરાતના મુંદ્રા પોર્ટ આવતા કન્ટેનર શિપ પર ફાયરિંગ થયું. 21 ક્રૂ મેમ્બર ફસાયા, જેમાં એક ભારતીય છે. IRGC એ જહાજને કિનારા તરફ લઇ ગઈ. ઇઝરાયેલ સાથે સંકળાયેલા ફ્રાન્સેસ્કા જહાજને પણ જપ્ત કરાયું. યુફોરિયા જહાજ પર પણ હુમલો કરવામાં આવ્યો.

બુલેટ ટ્રેન પ્રોજેક્ટના કારણે 24 એપ્રિલે બ્લોક લેવાતા ટ્રેન સેવાઓ પર અસર થશે. ચાર ટ્રેન રદ થશે અને પાંચ ટ્રેનો બે કલાક સુધી મોડી પડશે. ગાંધીનગર કેપિટલ મુંબઈ સેન્ટ્રલ વંદે ભારત ટ્રેન અમદાવાદથી ઉપડશે અને ગાંધીનગર કેપિટલથી અમદાવાદ વચ્ચે આંશિક રદ રહેશે. મુંબઈ સેન્ટ્રલ ગાંધીનગર કેપિટલ વંદે ભારત વટવા સુધી ચાલશે. મુંબઇ સેન્ટ્રલ-અમદાવાદ શતાબ્દી ટ્રેન મોડી ઉપડશે વલસાડ-અમદાવાદ ગુજરાત ક્વીન ટ્રેન વડોદરા-અમદાવાદ વચ્ચે આંશિક રદ રહેશે.

મિર્ઝાપુરના ડ્રમમંડગંજમાં બ્રેક ફેલ થતા ટ્રકે ત્રણ વાહનોને ટક્કર મારતા 11 લોકોના કરુણ મોત થયા. Bolero ગાડીમાં આગ લાગતા 9 લોકો જીવતા ભુંજાઈ ગયા. મધ્યપ્રદેશથી આવી રહેલા ટ્રકની બ્રેક ફેલ થતા Alto કાર અને Boleroને ટક્કર મારી. પોલીસે ઘટના સ્થળે પહોંચીને કાર્યવાહી હાથ ધરી, જેમાં મૃતકોની ઓળખ કરવામાં આવી.

PCBએ સરદારનગરમાં દરોડો પાડી વિદેશી દારૂનું વેચાણ કરતા અમિત સિંધીને પકડ્યો, રૂ. 1.74 લાખનો દારૂ જપ્ત કર્યો. દારૂબંધીના કડક અમલ માટે PCB દ્વારા દરોડા ચાલુ છે. બાતમી આધારે સરદારનગરમાં રેડ કરી. આરોપી પાસેથી દારૂ, રોકડ, અને અન્ય વસ્તુઓ સહિત કુલ રૂ. 1.84 લાખનો મુદ્દામાલ જપ્ત કરવામાં આવ્યો અને એરપોર્ટ પોલીસને સોંપવામાં આવ્યો. એરપોર્ટ પોલીસ હવે તપાસ કરશે.

બંગાળની નંદીગ્રામ અને હાવડા જેવી હાઈ-પ્રોફાઈલ બેઠકો પર નજર, 44,378 મતદાન મથકો પર CCTV કેમેરા લગાવાયા. TMC અને BJP વચ્ચે સીધો મુકાબલો છે. મમતા બેનર્જીએ 226થી વધુ બેઠકો જીતવાનો દાવો કર્યો છે, લોકોમાં ભારે ઉત્સાહ જોવા મળી રહ્યો છે.

આગામી ચૂંટણીને ધ્યાનમાં રાખીને વડોદરા પોલીસે 1 એપ્રિલથી 22 એપ્રિલ દરમિયાન કડક કાર્યવાહી કરી. જેમાં 658 હથિયારો જમા કરાયા, 1.54 કરોડનો દારૂ પકડાયો, જેમાં 88.16 લાખની વિદેશી દારૂની બોટલોનો સમાવેશ થાય છે. 4261 શખ્સો સામે અટકાયતી પગલાં લેવાયા અને 434 Non-Bailable વોરંટની બજવણી કરવામાં આવી. 15 ચેકપોસ્ટ પર 19409 વાહનોની તપાસ કરાઈ અને ટ્રાફિક નિયમોના ભંગ બદલ કેસ પણ થયા.

દેશમાં હીટવેવ ચાલુ; તાપમાન 40°C-45°C. ઓડિશાનું ઝારસુગુડા સૌથી ગરમ. સરકારે બપોરે વસ્તી ગણતરી અટકાવી, શાળાઓ બંધ. દિલ્હીની શાળાઓમાં ડિહાઇડ્રેશનથી બચવા વોટર બેલ સિસ્ટમ લાગુ. IMD મુજબ, આગામી 4-5 દિવસ હીટવેવ યથાવત. પંજાબ, હરિયાણા, ચંદીગઢ, દિલ્હીમાં 24-25 એપ્રિલે હીટવેવની સંભાવના. ઉત્તર પ્રદેશમાં 25 એપ્રિલે અને મધ્ય પ્રદેશમાં 26 એપ્રિલે હીટવેવની સ્થિતિ રહેશે. મહારાષ્ટ્ર અને છત્તીસગઢમાં 24-27 એપ્રિલ સુધી આશંકા.

પશ્ચિમ બંગાળ વિધાનસભા ચૂંટણીના પ્રથમ તબક્કામાં ૧૬ જિલ્લાઓની ૧૫૨ બેઠકો પર મતદાન શરૂ, ૩.૬ કરોડ મતદારો ભાવિ નક્કી કરશે. PM મોદી અને અમિતશાહે મતદાનની અપીલ કરી. મોદીએ X પર અને શાહે Instagram પર યુવાનોને મતદાન કરવા જણાવ્યું. તામિલનાડુની ૨૩૪ બેઠકો પર પણ મતદાન છે. ચૂંટણી પંચ દ્વારા કડક સુરક્ષા વ્યવસ્થા ગોઠવવામાં આવી છે.

પશ્ચિમ બંગાળ અને તમિલનાડુમાં વિધાનસભા ચૂંટણી 2026 માટે મતદાન શરૂ, ચૂંટણી પંચે શાંતિપૂર્ણ મતદાન માટે અભૂતપૂર્વ સુરક્ષા ગોઠવી. પશ્ચિમ બંગાળમાં રસ્તાઓ પર બખ્તરબંધ ગાડીઓ અને જવાનો તૈનાત કરાયા છે. તમિલનાડુની 234 બેઠકો પર પણ સુરક્ષાકર્મીઓ તૈનાત છે. 2021ની હિંસાને ધ્યાનમાં રાખીને મતદાન પછી પણ સુરક્ષા દળો રોકાશે. DMK અને AIADMK વચ્ચે ટક્કર જોવા મળશે અને તમામ મતદાન મથકો પર વેબકાસ્ટિંગની સુવિધા ઉપલબ્ધ કરાવાઈ છે.

પશ્ચિમ બંગાળની 152 બેઠકો અને તમિલનાડુની 234 બેઠકો માટે મતદાન શરૂ થયું છે. તમિલનાડુમાં આશરે 57.3 મિલિયન અને બંગાળમાં લાખો મતદારો ઉમેદવારોનું ભાવિ નક્કી કરશે. આ ચૂંટણી TMC, Congress અને BJP માટે પ્રતિષ્ઠાનો જંગ છે. લોકોમાં ભારે ઉત્સાહ જોવા મળી રહ્યો છે અને શાંતિપૂર્ણ મતદાન માટે કડક સુરક્ષા વ્યવસ્થા ગોઠવવામાં આવી છે. TMC એ લોકોને મતદાન કરવાની અપીલ કરી છે.

સ્થાનિક સ્વરાજની ચૂંટણીમાં AAP માટે દિલ્હીથી સુરત હવાલા મારફતે આવેલ ફંડ અંગે IT વિભાગ દ્વારા આંગડિયા પેઢીના સંચાલકની પૂછપરછ કરવામાં આવી. IT વિભાગ દ્વારા નાણાંનો તાગ મેળવવા, ટેક્સ ચોરીની વિગતો એકત્ર કરવા અને કેસ મજબુત કરવા પ્રયાસો શરુ કરાયા છે. દિલ્હીથી હિમાંશુ પાહુજાએ આંગડિયામાં નાણાં મોકલ્યા હતા. જો હવાલાથી મોકલવામાં આવેલા નાણાં BLACKના હશે તો 65% સુધીનો INCOME TAX ભરવા માટે નોટીસ આપવામાં આવશે.

અમદાવાદમાં 24 કલાકમાં બીજી હત્યા; આયશા મસ્જિદ પાસે INSTAGRAM સ્ટોરીના વિવાદમાં 19 વર્ષીય યુવકની હત્યા થઈ. આરોપીઓએ છરી અને પથ્થરથી હુમલો કર્યો, જેમાં યુવકનો મિત્ર ઘાયલ થયો. વેજલપુર પોલીસે મુખ્ય આરોપી સહિત ત્રણની ધરપકડ કરી. રમઝાન સમયથી ચાલી રહેલી તકરારમાં મોહમ્મદસાલિકે સોશિયલ મીડિયા પર મૂકેલી સ્ટોરીની અદાવત રાખી રેહાન પઠાણે તેને વાત કરવા બોલાવ્યો હતો.

પાકિસ્તાન બોર્ડર નજીક ભારતના પંજાબ અને જમ્મુ-કાશ્મીરમાં સિવિલ ડિફેન્સ મોકડ્રિલનું આયોજન થઈ રહ્યું છે. જેમાં બ્લેકઆઉટ અને એર રેડ જેવી સ્થિતિનો સામનો કરવા માટે તૈયારી કરવામાં આવી રહી છે. આ મોકડ્રિલ પહલગામ હુમલાની વરસી પર સેનાની કડક ચેતવણી સાથે યોજાઈ રહી છે. 'ઓપરેશન સિંદૂર' યથાવત છે.

બનાસકાંઠાના ધનિયાણા દૂધ મંડળીમાં વિવાદ થતા, ચેરમેન દ્વારા મંત્રી પર હુમલાના આક્ષેપથી ગ્રામજનોમાં રોષ છે. મંડળીને તાળાં લાગવાથી દૂધ ઉત્પાદકોની મુશ્કેલી વધી. મંત્રીએ 9% નફાનો નિર્ણય કરતા ચેરમેનને 'કટકી' બંધ થવાનો ડર હતો. આથી ચેરમેને મંત્રીને માર માર્યો હોવાનો આક્ષેપ છે. ગ્રામજનોએ ચેરમેન વિરુદ્ધ સૂત્રોચ્ચાર કર્યા અને સભાસદો ન બદલાતા હોવાનો પણ આક્ષેપ કર્યો છે.

પશ્ચિમ એશિયામાં યુદ્ધથી વૈશ્વિક ઉર્જા સંકટ, હોર્મુઝ સ્ટ્રેટને લઈને પેન્ટાગોનનો ખુલાસો: ઈરાને સી-માઈન્સ બિછાવી છે. યુદ્ધ પછી પણ તેને સાફ કરવામાં 6 મહિના લાગશે. ઈરાન આ માર્ગ બંધ રાખવા માંગે છે, જેથી અમેરિકા સાથે સોદાબાજી કરી શકે. આનાથી ભારતની ચિંતા વધી છે.

પશ્ચિમ બંગાળ અને તમિલનાડુમાં વિધાનસભા ચૂંટણી 2026 માટે વહેલી સવારથી જ મતદાન શરૂ. પશ્ચિમ બંગાળમાં પ્રથમ તબક્કામાં 152 બેઠકો પર અને તમિલનાડુમાં તમામ 234 બેઠકો પર વોટિંગ ચાલુ છે. ઉત્તર બંગાળના 8 અને દક્ષિણ-મધ્ય બંગાળના 8 જિલ્લાઓ સહિત 16 જિલ્લાઓમાં મતદાન થઈ રહ્યું છે.

પશ્ચિમ એશિયામાં યુદ્ધની સ્થિતિથી માર્ચમાં ક્રુડ તેલના પુરવઠામાં ખલેલ પહોંચી, પરિણામે ભારતનું ક્રુડ તેલ આયાત બિલ પાંચ ટકા ઘટીને 11.70 અબજ ડોલર થયું. ક્રુડ તેલના ભાવ વધવા છતાં, આયાત વોલ્યુમ ઘટવાથી બિલમાં ઘટાડો નોંધાયો, જે ભાગ્યે જ જોવા મળે છે.

પશ્ચિમ બંગાળની વિધાનસભા ચૂંટણીમાં BJP અને TMC મુખ્ય હરીફ છે, પરંતુ કોંગ્રેસ કેટલીક બેઠકો પર સ્પર્ધાત્મક છે, જેના કારણે ચૂંટણી સમીકરણો બદલાઈ શકે છે. લગભગ એક ડઝન બેઠકો પર વધુ ઉમેદવારો હોવાથી મત વહેંચાઈ શકે છે. અડધી બેઠકો પર છેલ્લી ચૂંટણીમાં BJPનું વર્ચસ્વ હતું.

પશ્ચિમ બંગાળમાં મુસ્લિમ મતદારો નિર્ણાયક છે. TMC એ લોકસભામાં સારું પ્રદર્શન કર્યું, પરંતુ રાજકીય નિરિક્ષકોના મતે વિધાનસભા ચૂંટણીમાં હવા એકતરફી નથી. SIR અભિયાન અને સ્થાનિક અસંતોષથી મુસ્લિમ વોટબેન્કની ખાતરી નથી. SIR પછી લાખો મતદારોના નામ મતદાર યાદીમાંથી દૂર થવાની ચર્ચા છે; લગભગ 91 લાખ મતદારોના નામ કમી થયા છે.

ગ્લોબલ વોર્મિંગના પરિણામે મે અને જૂનમાં ગરમીથી હાહાકાર, 40 કરોડથી વધુને અસર; એપ્રિલ-જૂનમાં પૂર્વ, મધ્ય, ઉત્તર-પશ્ચિમ અને દક્ષિણ-પૂર્વ ભારતમાં હીટવેવની સ્થિતિ રહેશે. ગુજરાત, રાજસ્થાન, મધ્ય પ્રદેશ અને મહારાષ્ટ્રમાં તાપમાન 45 ડિગ્રી વટાવી 48 ડિગ્રી સુધી પહોંચી શકે છે. ક્લાઈમેટ ચેન્જથી અસહ્ય ગરમી, વેસ્ટર્ન ડિસ્ટર્બન્સના વાવાઝોડાની અસર વચ્ચેથી પસાર થવું પડશે. વરસાદ પણ 90 ટકાની આસપાસ રહેવાની ભીતી છે, કેટલાક વિસ્તારોમાં દુકાળની સ્થિતિ સર્જાઈ શકે છે, થર્મોડાયેનેમિક લોડિંગ થઈ રહ્યું છે.

પાલનપુર-ડીસા હાઈવે પર LCBએ મધ્યપ્રદેશના વેપારી સાથે છેતરપિંડી કરનારા ચાર આરોપીઓને પકડ્યા. આરોપીઓ વિશ્વાસ જીતી અનાજ ખરીદી રૂપિયા ચૂકવ્યા વગર ફરાર થઈ જતા. બાતમીના આધારે પોલીસે હોટલ પ્રાઈમ નજીક વોચ ગોઠવી મધ્યપ્રદેશના ગુનામાં સંડોવાયેલા ચાર આરોપીઓને ઝડપી પાડ્યા. લિમરા ઇન્ટરપ્રાઇઝે 56.24 લાખની મકાઈ ખરીદી 10 લાખથી વધુની છેતરપિંડી કરી હતી. પોલીસે ચારેય આરોપીઓની ધરપકડ કરી છે.