હાર્વર્ડ મેડિકલ સ્કૂલ અને જાપાનની તોહોકુ યુનિવર્સિટીના સંશોધકોએ માણસના મૃત્યુનો અંદાજ મેળવવા ‘ટ્રાન્સક્રિપ્ટોમિક ક્લોક’ નામનું ક્રાંતિકારી ટૂલ વિકસાવ્યું છે. આ આધુનિક ઘડિયાળ વર્ષો ગણવાને બદલે શરીરની કોષિકાઓના જીન એક્સપ્રેશન અને બાયોમાર્કર્સના વિશ્લેષણ દ્વારા 'જૈવિક ઉંમર' માપે છે. વૈજ્ઞાનિકોએ માણસો અને પ્રાણીઓની પ્રજાતિઓના ૧૧,૦૦૦ જીન પ્રોફાઇલ્સના અભ્યાસથી આ સફળતા મેળવી છે. આ ટૂલ માત્ર કુદરતી કે બીમારીના કારણે થનારા સંભવિત મૃત્યુનો અંદાજ લગાવી શકે છે, અકસ્માતોનો નહીં. આ શોધથી ભવિષ્યમાં એન્ટી-એજિંગ દવાઓની ક્લિનિકલ ટ્રાયલ ઝડપી બનશે અને મેડિકલ ક્ષેત્રે નવી ક્રાંતિ આવશે.