ભારતના ખભે બંદૂક ફોડશે અમેરિકા?
છેલ્લા બે મહિનાથી વધુ સમયથી હોર્મુઝ સ્ટ્રેટ બંધ હોવાથી ભારત સહિત સમગ્ર વિશ્વમાં ઊર્જા સંકટ ઘેરું બન્યું છે અને ખાસ કરીને ભારતના LPG પુરવઠા પર તેની માઠી અસર પડી રહી છે. ભારત પોતાની જરૂરિયાતનો 80-90% LPG હોર્મુઝના માર્ગે આયાત કરે છે. અમેરિકન ટ્રેઝરી સેક્રેટરી સ્કોટ બેસેન્ટ અને અમેરિકન પ્રમુખ ડોનાલ્ડ ટ્રમ્પે જાહેરાત કરી છે કે, 'ઓપરેશન ફ્રીડમ' હેઠળ અમેરિકન નેવી ત્યાં ફસાયેલા જહાજોને સુરક્ષિત બહાર કાઢવામાં મદદ કરશે. અમેરિકાનું કહેવું છે કે ભારત જેવા મોટા દેશોમાં કરોડો પરિવારો રાંધણ ગેસ પર નિર્ભર છે, તેથી આ રસ્તો ખોલવો માત્ર આર્થિક જ નહીં પણ માનવતાના ધોરણે પણ અત્યંત મહત્ત્વનું છે
ભારતના ખભે બંદૂક ફોડશે અમેરિકા?
કિરણ મઝુમદાર શૉએ બાયોકોનના ઉત્તરાધિકારીની કરી જાહેરાત.
બાયોકોનના સ્થાપક કિરણ મઝુમદાર-શૉએ અંદાજિત 60 હજાર કરોડ રૂપિયાની માર્કેટ કેપ ધરાવતી આ કંપનીની કમાન યુવા પેઢીને સોંપવાની તૈયારી કરી લીધી છે. તેમણે સત્તાવાર રીતે તેમની ભત્રીજી ક્લેર મઝુમદાર(Claire Mazumdar)ને તેમના ઉત્તરાધિકારી તરીકે નામિત કર્યા છે. હવે એ સ્પષ્ટ થઈ ગયું છે કે બાયોકોન જેવી દેશની બાયોફાર્મા કંપનીની કમાન ફરી એકવાર મહિલાના હાથમાં જ રહેશે. મહત્વનું છે કે કિરણ મઝુમદાર છેલ્લા 48 વર્ષોથી કંપનીની કમાન સંભાળી રહ્યા છે.
કિરણ મઝુમદાર શૉએ બાયોકોનના ઉત્તરાધિકારીની કરી જાહેરાત.
મસ્કે ટ્વિટર હિસ્સેદારી કેસમાં SEC સાથે સમાધાન કર્યું, માત્ર $1.5 મિલિયન દંડ.
ઇલોન મસ્કે ટ્વિટરમાં હિસ્સેદારી જાહેર કરવામાં થયેલા વિલંબ અંગેના 'યુએસ સિક્યોરિટીઝ એન્ડ એક્સચેન્જ કમિશન' (SEC) ના કેસનું સમાધાન કર્યું છે. આ સમજૂતી મુજબ, મસ્કનું ટ્રસ્ટ કોઈપણ ગેરકાયદેસર કૃત્યનો સ્વીકાર કર્યા વિના ૧.૫ મિલિયન ડોલરનો નાગરિક દંડ ચૂકવશે. અગાઉ આ મામલે ૧૫૦ મિલિયન ડોલરના તોતિંગ દંડની માંગ કરવામાં આવી હતી, પરંતુ આ સમાધાનથી મસ્ક તેમાંથી બચી ગયા છે. કોર્ટની મંજૂરી બાદ આ કાયદાકીય વિવાદનો અંત આવશે, જે શેરબજારના નિયમોના ઉલ્લંઘન બદલ શરૂ થયો હતો.
મસ્કે ટ્વિટર હિસ્સેદારી કેસમાં SEC સાથે સમાધાન કર્યું, માત્ર $1.5 મિલિયન દંડ.
'હું રાજીનામું આપવા લોકભવન નહીં જઉં, અમે ચૂંટણી હાર્યા જ નથી...' મમતા બેનર્જીનું નિવેદન.
પશ્ચિમ બંગાળ વિધાનસભા ચૂંટણીમાં હાર બાદ તૃણમૂલ કોંગ્રેસના સુપ્રીમો મમતા બેનર્જીએ આરોપ લગાવ્યો છે કે, તેઓ ચૂંટણી હાર્યા જ નથી, પરંતુ 100 મતવિસ્તારોમાં મત "લૂંટાયા" છે. મમતા બેનર્જીએ કહ્યું કે, 'મારે લોકભવન કેમ જાઉં જોઈએ? જો મારે શપથ લેવાના હોત તો હું જાત. તેઓએ કબજો કરી લીધો છે. શું તમને લાગે છે કે હું રાજીનામું આપી દઉં? હું નહીં જાઉં. હું રસ્તા પર હતી અને રસ્તા પર જ રહીશ. બે ફેઝમાં ચૂંટણી થયા બાદ તેઓએ અમારા લોકોની અટકાયત કરવાનું શરૂ કરી દીધુ અને અધિકારીઓના ટ્રાન્સફર કરવાનું શરૂ કર્યું. ચૂંટણીમાં ભાજપ પોતાની જ પાર્ટીના બ્યૂરોક્રેટ્સને લઈને આવ્યા.'
'હું રાજીનામું આપવા લોકભવન નહીં જઉં, અમે ચૂંટણી હાર્યા જ નથી...' મમતા બેનર્જીનું નિવેદન.
હજુ તો અમે શરૂઆત પણ નથી કરી: હોર્મુઝની ખાડીમાં વધતાં તણાવ વચ્ચે ઈરાનની અમેરિકાને ફરી ચેતવણી.
મિડલ ઈસ્ટમાં સ્થિતિ હવે ફરીથી કાબૂ બહાર જઈ રહી હોય તેવું જણાઈ રહ્યું છે. હોર્મુઝની ખાડીમાં વધતા તણાવ વચ્ચે ઈરાને અમેરિકાને ગંભીર પરિણામો ભોગવવાની ચીમકી આપી છે. ઈરાનના સંસદ અધ્યક્ષ મોહમ્મદ બાગેર ગાલિબાફે અમેરિકાના 'પ્રોજેક્ટ ફ્રીડમ' સામે વળતો પ્રહાર કરતા ગાલિબાફે કહ્યું કે, "અમેરિકા અને તેના સાથી દેશોએ યુદ્ધવિરામનું ઉલ્લંઘન કરીને અને નાકાબંધી લાદીને શિપિંગ અને એનર્જી ટ્રાન્ઝિટની સુરક્ષાને જોખમમાં મૂકી છે. અમે સારી રીતે જાણીએ છીએ કે વર્તમાન સ્થિતિ અમેરિકા માટે અસહ્ય છે; યાદ રાખજો, અમે તો હજુ શરૂઆત પણ નથી કરી."
હજુ તો અમે શરૂઆત પણ નથી કરી: હોર્મુઝની ખાડીમાં વધતાં તણાવ વચ્ચે ઈરાનની અમેરિકાને ફરી ચેતવણી.
કોણ બનશે બંગાળના નવા CM? 4 દિગ્ગજોના નામ રેસમાં.
પશ્ચિમ બંગાળમાં ભારતીય જનતા પાર્ટી (BJP)ની ભવ્ય જીત બાદ હવે સરકાર રચવાની તૈયારીઓ તેજ બની ગઈ છે. પ્રદેશ ભાજપ પ્રમુખ શમિક ભટ્ટાચાર્યએ જાહેરાત કરી છે કે, આગામી 9 મે એટલે કે શનિવારના રોજ શપથ ગ્રહણ સમારોહ યોજાશે. મુખ્યમંત્રી પદ માટે કયા નેતાના નામ પર પસંદગી ઉતારવામાં આવશે તે અંગે હજુ સસ્પેન્સ યથાવત છે. મુખ્યમંત્રી પદની રેસમાં નંદીગ્રામ અને ભવાનીપુર બંને બેઠકો પર વિજય મેળવનાર શુભેન્દુ અધિકારીનું નામ સૌથી આગળ છે. આ સિવાય શમિક ભટ્ટાચાર્ય, દિલીપ ઘોષ અને ઉત્પલ મહારાજના નામો પણ ચર્ચામાં છે.
કોણ બનશે બંગાળના નવા CM? 4 દિગ્ગજોના નામ રેસમાં.
'કેજરીવાલને જલ્દી મોટું સરપ્રાઈઝ મળશે', કોંગ્રેસના દિગ્ગજ નેતાના દાવાથી AAPના ધબકારા વધ્યા.
પંજાબના મુખ્યમંત્રી ભગવંત માન અને AAPના ધારાસભ્યોની રાષ્ટ્રપતિ દ્રૌપદી મુર્મૂ સાથેની મુલાકાત પૂર્વે રાજકીય ગરમાવો તેજ થયો છે. કોંગ્રેસ નેતા પ્રતાપસિંહ બાજવાએ AAP અને BJP વચ્ચે મિલીભગતનો ગંભીર આક્ષેપ કરતા બંનેને એક જ સિક્કાની બે બાજુ ગણાવ્યા છે. બાજવાએ રાઘવ ચઢ્ઢા સહિતના સાંસદોની વહેલી મુલાકાત પર સવાલ ઉઠાવતા સંકેત આપ્યો છે કે અરવિંદ કેજરીવાલને ટૂંક સમયમાં કોઈ મોટું 'સરપ્રાઈઝ' મળી શકે છે. ભાજપના નેતાઓના નિવેદનો અને આ ઘટનાક્રમે પંજાબના રાજકારણમાં નવી ચર્ચાઓ જગાવી છે.
'કેજરીવાલને જલ્દી મોટું સરપ્રાઈઝ મળશે', કોંગ્રેસના દિગ્ગજ નેતાના દાવાથી AAPના ધબકારા વધ્યા.
મિત્ર રાષ્ટ્ર પર હુમલો થતાં ભારત લાલઘૂમ!
વડાપ્રધાન નરેન્દ્ર મોદીએ સંયુક્ત આરબ અમીરાત-UAE પર થયેલા હુમલાઓની આકરા શબ્દોમાં નિંદા કરી છે. આ હુમલામાં 3 ભારતીય નાગરિકો ઘાયલ થયા હોવાના સમાચાર સામે આવ્યા બાદ વડાપ્રધાને નાગરિકો અને ઇન્ફ્રાસ્ટ્રક્ચર પરના હુમલાઓને અસ્વીકાર્ય ગણાવ્યા છે. વડાપ્રધાન મોદીએ X પર પોસ્ટ કરીને કહ્યું છે કે, ભારત આ મુશ્કેલ સમયમાં UAE સાથે મક્કમતાથી ઊભું છે. આ સાથે જ તેમણે ક્ષેત્રીય શાંતિ અને સ્થિરતા માટે વાતચીત પર ભાર મૂક્યો હતો.
મિત્ર રાષ્ટ્ર પર હુમલો થતાં ભારત લાલઘૂમ!
ટ્રમ્પની સુરક્ષામાં ફરી ચૂક! વ્હાઈટ હાઉસ પાસે ફાયરિંગ બાદ 'લોકડાઉન'.
અમેરિકાના સમય મુજબ બપોરે 3:30 વાગ્યે વ્હાઇટ હાઉસની બહારના વિસ્તારમાં પેટ્રોલિંગ કરી રહેલા સીક્રેટ સર્વિસના જવાનોએ એક શંકાસ્પદ વ્યક્તિને જોયો હતો. જ્યારે અધિકારીઓએ તેની પૂછપરછ કરવાનો પ્રયાસ કર્યો, ત્યારે તે વ્યક્તિ ભાગવા લાગ્યો અને અચાનક બંદૂક કાઢીને સુરક્ષાકર્મીઓ પર ગોળીબાર શરૂ કરી દીધો હતો. જવાબમાં સુરક્ષાકર્મીઓએ પણ ગોળીબાર કર્યો હતો, જેમાં તે વ્યક્તિ ઘાયલ થયો હતો અને તેને હોસ્પિટલ ખસેડવામાં આવ્યો હતો. આ ગોળીબાર દરમિયાન ત્યાંથી પસાર થઈ રહેલો એક સગીર રાહદારી (બાળક) પણ ઇજાગ્રસ્ત થયો હતો.
ટ્રમ્પની સુરક્ષામાં ફરી ચૂક! વ્હાઈટ હાઉસ પાસે ફાયરિંગ બાદ 'લોકડાઉન'.
ઉડતું વિમાન સીધું રહેણાંક બિલ્ડીંગમાં ઘૂસ્યું!
બ્રાઝિલના મિનાસ જેરાઈસ રાજ્યના બ્રેલો હોરિઝોન્ટો શહેરમાં સોમવારે એક નાનું વિમાન કન્ટ્રોલ ગુમાવીને સીધું એક ત્રણ માળની બિલ્ડીંગ સાથે ટકરાયું હતું જેમાં 3 લોકોના મોત થયા છે. રિપોર્ટ અનુસાર, વિમાન હવામાં ધીમે-ધીમે નીચે આવી રહ્યું હતું અને ઊંચી બિલ્ડીંગથી બચવા માટે ડાબી તરફ વળ્યું હતું, પરંતુ અંતે તે એક બિલ્ડિંગના સીડીવાળા ભાગ (સ્ટેયરવેલ) સાથે ટકરાઈને પાર્કિંગમાં ખાબક્યું હતું.
ઉડતું વિમાન સીધું રહેણાંક બિલ્ડીંગમાં ઘૂસ્યું!
પંજાબ CM અને ધારાસભ્યો દિલ્હી રવાના, રાષ્ટ્રપતિને મળશે.
પંજાબના CM ભગવંત માન 94 AAP ધારાસભ્યો સાથે દિલ્હી પહોંચ્યા છે. તેઓ રાષ્ટ્રપતિ દ્રૌપદી મુર્મુને મળી રાજ્યસભા સાંસદોના AAP છોડી BJPમાં જોડાવાની ફરિયાદ કરશે અને રાઇટ ટુ રિકોલ કાયદાની માંગ કરશે. આ દરમિયાન, ચઢ્ઢા, પાઠક અને મિત્તલ પણ રાષ્ટ્રપતિને મળશે અને રાજકીય બદલો લેવા સુરક્ષા છીનવી, ટ્રાઇડેન્ટ ફેક્ટરી પર દરોડા અને FIR નોંધવાના મુદ્દા ઉઠાવશે. પંજાબ BJP પ્રમુખ જાખડે AAP ધારાસભ્યોની બસ BJP કાર્યાલય તરફ વળી ન જાય તેની કાળજી રાખવા કહ્યું.
પંજાબ CM અને ધારાસભ્યો દિલ્હી રવાના, રાષ્ટ્રપતિને મળશે.
હારમાં પણ જીત! પ્રાદેશિક પક્ષોના ગઢ ધરાશાયી થતાં હવે કોંગ્રેસ માટે ખાસ તક
તાજેતરના ચૂંટણી પરિણામોમાં ભાજપે આસામમાં સત્તાની હેટ્રિક લગાવી છે અને પશ્ચિમ બંગાળમાં મમતા બેનરજીના ગઢમાં ગાબડું પાડીને પ્રથમવાર સરકાર બનાવવામાં સફળતા મેળવી છે. જોકે, સપાટી પર ભાજપની જીત દેખાઈ રહી હોવા છતાં, રાજકીય વિશ્લેષકો કોંગ્રેસને આ ચૂંટણીના સૌથી મોટા 'વ્યૂહાત્મક વિજેતા' (Strategic Gainer) તરીકે જોઈ રહ્યા છે.
હારમાં પણ જીત! પ્રાદેશિક પક્ષોના ગઢ ધરાશાયી થતાં હવે કોંગ્રેસ માટે ખાસ તક
સુરેન્દ્રનગર ભાજપ કાર્યાલય ખાતે પશ્ચિમ બંગાળ અને અન્ય રાજ્યોમાં ભાજપની જીતની ઉજવણી.
સુરેન્દ્રનગરમાં ભાજપ કાર્યાલય ખાતે પાંચ રાજ્યોમાં, ખાસ કરીને પશ્ચિમ બંગાળમાં મળેલી બહુમતીની ઉજવણી. કાર્યકરોએ ફટાકડા ફોડી, મોં મીઠું કરાવી, 'શ્રી રામ' અને 'ભારત માતા કી જય'ના નારા લગાવી ઉત્સાહ વ્યક્ત કર્યો. શહેર પ્રમુખ અને અનેક અગ્રણીઓની ઉપસ્થિતિ રહી.
સુરેન્દ્રનગર ભાજપ કાર્યાલય ખાતે પશ્ચિમ બંગાળ અને અન્ય રાજ્યોમાં ભાજપની જીતની ઉજવણી.
પાંચ રાજ્યોમાં ચૂંટણી પરિણામો: ભાજપનો દબદબો, નવી સરકારો રચાઈ
પાંચ રાજ્યોની ચૂંટણીમાં પશ્ચિમ બંગાળમાં ભાજપ પહેલીવાર સત્તામાં આવ્યું, જ્યારે આસામમાં ત્રીજી વખત સરકાર બનાવી. તમિલનાડુમાં અભિનેતા વિજયની પાર્ટી TVK ચોંકાવનારા પરિણામો સાથે સૌથી મોટી પાર્ટી બની. કેરળમાં કોંગ્રેસની વાપસી સાથે દેશમાં લેફ્ટ સરકારનો અંત આવ્યો. પુડુચેરીમાં પણ NDA સત્તામાં આવ્યું.
પાંચ રાજ્યોમાં ચૂંટણી પરિણામો: ભાજપનો દબદબો, નવી સરકારો રચાઈ
શેરબજાર ઘટડા સાથે ખૂલ્યું, સેન્સેક્સ 76,980 પર.
GIFT નિફ્ટી 165 પોઈન્ટ ઘટીને 24,041 પર ટ્રેડ થયો. સ્થાનિક બજારમાં વૈશ્વિક વિપરીતતાની અસર દેખાઈ. સેન્સેક્સ 289.21 પોઈન્ટ ઘટી 76,980.19 અને નિફ્ટી 88.3 પોઈન્ટ ઘટી 24,031.00 પર ખૂલ્યા. યુએસ-ઈરાન તણાવ અને હોર્મુઝ સ્ટ્રેટની પરિસ્થિતિ વૈશ્વિક સપ્લાય ચેઇન અને ઉર્જા બજારો માટે ચિંતાજનક છે.
શેરબજાર ઘટડા સાથે ખૂલ્યું, સેન્સેક્સ 76,980 પર.
હિમંતા બિશ્વો શર્મા: કરોડોની સંપત્તિ, પણ કાર નથી!
આસામના મુખ્યમંત્રી હિમંતા બિશ્વો શર્મા પાસે ₹35 કરોડની સંયુક્ત સંપત્તિ છે, જેમાં તેમની પત્ની અનલિસ્ટેડ કંપનીઓ, મ્યુચ્યુઅલ ફંડ્સ અને શેર્સમાં રોકાણ ધરાવે છે. હિમંતા પાસે કાર, ઘર કે જમીન નથી, જ્યારે તેમની પત્નીના નામે કરોડોની મિલકતો, એક કાર અને મીડિયા કંપની નોંધાયેલી છે.
હિમંતા બિશ્વો શર્મા: કરોડોની સંપત્તિ, પણ કાર નથી!
5 રાજ્યોની ચૂંટણી: બે મુખ્યમંત્રીએ પોતાની બેઠક ગુમાવી, રિક્ષાચાલકે દિગ્ગજોને હરાવ્યા...
ચૂંટણીના તાજેતરના પરિણામોમાં લોકશાહીનો અસલી પાવર જોવા મળ્યો છે, જ્યાં જનતાએ અનેક દિગ્ગજ નેતાઓને પરાજયનો સ્વાદ ચખાડ્યો છે. પશ્ચિમ બંગાળ, તમિલનાડુ, કેરળ, આસામ અને પુડુચેરીની 832 વિધાનસભા બેઠકો પર થયેલી મતગણતરીમાં અનેક ચોંકાવનારા પરિણામો સામે આવ્યા છે. આ ચૂંટણીની સૌથી મોટી હકીકત એ છે કે બે રાજ્યોના વર્તમાન મુખ્યમંત્રીઓ પોતાની પરંપરાગત બેઠકો બચાવી શક્યા નથી. પશ્ચિમ બંગાળમાં મુખ્યમંત્રી મમતા બેનરજી અને તમિલનાડુમાં મુખ્યમંત્રી એમ.કે. સ્ટાલિન જેવા કદાવર નેતાઓને હારનો સામનો કરવો પડ્યો છે.
5 રાજ્યોની ચૂંટણી: બે મુખ્યમંત્રીએ પોતાની બેઠક ગુમાવી, રિક્ષાચાલકે દિગ્ગજોને હરાવ્યા...
ભાજપના ‘ડબલ એન્જિન’ની જીત: બંગાળમાં ‘કમળ’ ખીલ્યું
PM મોદીના ‘ડબલ એન્જિન’ના વાયદાએ ટીએમસીની ‘બંગાળી અસ્મિતા’ની કથાને હરાવી. ભાજપે સંગઠનાત્મક તૈયારીઓ, પરીક્ષાઓ, ગ્રામીણ વિસ્તારોમાં ડરનો મુકાબલો અને નવા મતદારોને જોડવા પર ધ્યાન કેન્દ્રિત કર્યું. હિન્દુ ધ્રુવીકરણ, રોજગાર, ઔદ્યોગિક સ્થગિતતા અને સ્થાનિક નેતાગીરી સામેની નારાજગી જેવા મુદ્દાઓ નિર્ણાયક બન્યા. દરેક ક્ષેત્ર માટે અલગ રણનીતિ, સ્થાનિક નેતાઓનો ઉપયોગ અને ભ્રષ્ટાચાર વિરોધી ઝુંબેશ રાજ્યની રાજકીય ભૂગોળ બદલવામાં સફળ રહ્યા.
ભાજપના ‘ડબલ એન્જિન’ની જીત: બંગાળમાં ‘કમળ’ ખીલ્યું
15 રાજ્યોમાં આંધી-તોફાનનું એલર્ટ!
હવામાન વિભાગે 5 મેના રોજ દિલ્હી, યુપી, બિહાર, ઝારખંડ, હરિયાણા, પંજાબ, રાજસ્થાન, ઉત્તરાખંડ, હિમાચલ પ્રદેશ, જમ્મુ-કાશ્મીર, પશ્ચિમ બંગાળ, ઓડિશા, આસામ, તમિલનાડુ અને કેરળ સહિત 15 રાજ્યોમાં ભારે વરસાદ અને આંધીનું એલર્ટ જાહેર કર્યું છે. 70 કિમી પ્રતિ કલાકની ઝડપે પવન ફૂંકાવાની શક્યતા છે. દિલ્હી-NCRમાં આજે વાદળછાયું વાતાવરણ અને હળવો વરસાદ પડી શકે છે.
15 રાજ્યોમાં આંધી-તોફાનનું એલર્ટ!
ચીનમાં ફટાકડા ફેક્ટરીમાં આગ, ૨૧ના મોત
ચીનના હુનાન પ્રાંતમાં આવેલી એક ફટાકડા બનાવવાની ફેક્ટરીમાં સોમવારે સાંજે એક અત્યંત શક્તિશાળી વિસ્ફોટ થયો હતો. આ દુર્ઘટનામાં અત્યાર સુધીમાં ૨૧ લોકોના કરૂણ મોત નીપજ્યા છે, જ્યારે ૬૧થી વધુ લોકો ગંભીર રીતે ઘાયલ થયા હોવાના અહેવાલ છે. આ ઘટનાને પગલે સમગ્ર વિસ્તારમાં ભયનો માહોલ ફેલાઈ ગયો છે અને તંત્ર દ્વારા યુદ્ધના ધોરણે બચાવ કામગીરી શરૂ કરવામાં આવી છે.
ચીનમાં ફટાકડા ફેક્ટરીમાં આગ, ૨૧ના મોત
મિડલ ઈસ્ટ સંઘર્ષ: હોર્મુઝમાં USના હુમલામાં 5ના મોતનો દાવો.
પશ્ચિમ એશિયામાં 18 દિવસના કામચલાઉ યુદ્ધવિરામ બાદ સ્થિતિ ફરી વિસ્ફોટક બની છે. હોર્મુઝની ખાડીમાં અમેરિકા અને ઈરાન સામસામે આવી ગયા છે. ઈરાનની મીડિયાએ સૈન્ય સૂત્રોના હવાલેથી દાવો કર્યો છે કે અમેરિકી સેનાએ માલસામાન લઈ જતી બે નાગરિક નૌકાઓને નિશાન બનાવી છે, જેમાં 5 નાગરિકોના મોત થયા છે. જોકે, અમેરિકાએ આ દાવા પર મૌન સેવ્યું છે. UAEએ સત્તાવાર રીતે જણાવ્યું છે કે ઈરાનના ડ્રોને ફુજૈરાહ સ્થિત તેલ સુવિધા કેન્દ્રને નિશાન બનાવ્યું છે, જેના કારણે ભયાનક આગ લાગી હતી. આ કેન્દ્ર હોર્મુઝને બાયપાસ કરતું મહત્વનું પાઈપલાઈન હબ છે.
મિડલ ઈસ્ટ સંઘર્ષ: હોર્મુઝમાં USના હુમલામાં 5ના મોતનો દાવો.
અરવલ્લીમાં કમોસમી વરસાદ, અસહ્ય ઉકળાટ બાદ ઠંડક, અમદાવાદમાં 41°C અનુમાન.
અરવલ્લી જિલ્લામાં ભારે પવન સાથે કમોસમી વરસાદ પડ્યો, જેનાથી અસહ્ય ઉકળાટ બાદ વાતાવરણમાં ઠંડક પ્રસરી. હવામાન વિભાગે અમદાવાદમાં 41°C તાપમાનનું અનુમાન લગાવ્યું છે, જે રાજ્યનું સૌથી ગરમ શહેર રહેશે. રાજકોટ અને ગાંધીનગર પણ 40°C તાપમાન અનુભવશે, જ્યારે અન્ય શહેરોમાં 39°C ની આસપાસ રહેશે. દરિયાકાંઠાના વિસ્તારોમાં ગરમીથી થોડી રાહત મળશે. ખેડૂતોને પાક નુકસાનની ભીતિ છે.
અરવલ્લીમાં કમોસમી વરસાદ, અસહ્ય ઉકળાટ બાદ ઠંડક, અમદાવાદમાં 41°C અનુમાન.
ફરી શરૂ થશે યુદ્ધ?
અમેરિકા અને ઈરાન વચ્ચે સમુદ્રી સીમા પર અત્યારે તીવ્ર સંઘર્ષ ચાલી રહ્યો છે ત્યારે અમેરિકન પ્રમુખ ડોનાલ્ડ ટ્રમ્પે ઈરાનને ખુલ્લી ચેતવણી આપતા જણાવ્યું છે કે, જો હોર્મુઝ સ્ટ્રેટમાં અમેરિકન જહાજો પર કોઈ પણ પ્રકારનો હુમલો કરવામાં આવશે, તો તેનો વળતો જવાબ અત્યંત ઘાતક આપવામાં આવશે. એક ઇન્ટરવ્યૂમાં તેમણે આક્રમક તેવર બતાવતા કહ્યું કે, જો આવી હરકત થશે તો ઈરાની દળોને 'પૃથ્વીના નકશા પરથી ભૂંસી નાખવામાં આવશે'.
ફરી શરૂ થશે યુદ્ધ?
મુંબઈ-દિલ્હી હાઈવે પર અકસ્માત, એક જ પરિવારના ત્રણના મોત
કાલોલ નજીક મુંબઈ-દિલ્હી એક્સપ્રેસ હાઈવે પર અજાણ્યા વાહને કારને ટક્કર મારતા સુરતના પંડ્યા પરિવારના પતિ, પત્ની અને પુત્રનું ઘટનાસ્થળે જ મૃત્યુ થયું. 14 વર્ષીય પુત્રી ગંભીર રીતે ઈજાગ્રસ્ત છે. પરિવાર વાસ્તુ પૂજન માટે વતન જઈ રહ્યો હતો. પોલીસ તપાસ કરી રહી છે.
મુંબઈ-દિલ્હી હાઈવે પર અકસ્માત, એક જ પરિવારના ત્રણના મોત
પશ્ચિમ બંગાળમાં TMCનો અંત: સુવેન્દુ અધિકારીનો આક્રમક દાવો, મમતા બેનર્જી હાર્યા.
પશ્ચિમ બંગાળમાં 2026ની વિધાનસભા ચૂંટણીના પરિણામો ચોંકાવનારા છે. સુવેન્દુ અધિકારીએ મમતા બેનર્જીને તેમના જ ગઢ ભવાનીપુરમાં હરાવી ઇતિહાસ રચ્યો. વિજય બાદ અધિકારીએ TMCના ભ્રષ્ટાચાર અને ભત્રીજાવાદ પર પ્રહાર કરતા કહ્યું કે પાર્ટી આગામી 24 કલાકમાં નાશ પામશે. ભાજપે 206 બેઠકો સાથે સ્પષ્ટ બહુમતી મેળવી, જ્યારે TMC માત્ર 81 પર રહી.
પશ્ચિમ બંગાળમાં TMCનો અંત: સુવેન્દુ અધિકારીનો આક્રમક દાવો, મમતા બેનર્જી હાર્યા.
પરિવર્તનનો પવન, કેશ ટ્રાન્સફર, Gen Zનો ઉદય...: 5 રાજ્યોના પરિણામો પાછળના 10 ટ્રેન્ડ્સ જાણવા જરૂરી
દેશના ચાર રાજ્યો અને એક કેન્દ્રશાસિત પ્રદેશ (બંગાળ, અસામ, કેરળ, તમિલનાડુ અને પુડુચેરી) ના વિધાનસભા ચૂંટણી પરિણામોએ સૌને ચોંકાવી દીધા છે. આ પરિણામોમાં ભાજપે ત્રણ રાજ્યોમાં જીતનો પરચમ લહેરાવ્યો છે, જ્યારે કેરળમાં કોંગ્રેસ ગઠબંધને વાપસી કરી છે. તમિલનાડુમાં અભિનેતા વિજયની પાર્ટી સૌથી મોટા પક્ષ તરીકે ઉભરી છે.
પરિવર્તનનો પવન, કેશ ટ્રાન્સફર, Gen Zનો ઉદય...: 5 રાજ્યોના પરિણામો પાછળના 10 ટ્રેન્ડ્સ જાણવા જરૂરી
બોગસ આધારકાર્ડ વાપરી 10 કરોડની સાડીઓ પડાવનાર ઠગ સુરતમાં ઝડપાયો
સુરતમાં ટેક્સટાઇલ માર્કેટમાં છેતરપિંડીનો કિસ્સો સામે આવ્યો છે. તામિલનાડુનો ગણેશ થનગાવેલ નામનો ઠગ બોગસ આધારકાર્ડ અને નકલી પેઢી બનાવી વેપારીઓ સાથે છેતરપિંડી કરતો હતો. તેણે 10 કરોડ રૂપિયાની સાડીઓ મેળવી અને ચૂકવણી કર્યા વગર ફરાર થઈ ગયો હતો. પોલીસે તેને ઝડપી પાડી વધુ તપાસ હાથ ધરી છે.
બોગસ આધારકાર્ડ વાપરી 10 કરોડની સાડીઓ પડાવનાર ઠગ સુરતમાં ઝડપાયો
PM મોદી 11 મેએ સોમનાથ આવશે, ભવ્ય તૈયારીઓ શરૂ.
દેશમાં વિધાનસભા ચૂંટણીના વિજય બાદ PM મોદી 11મી મેએ ગુજરાત આવશે. તેઓ પ્રથમ જ્યોતિર્લિંગ સોમનાથ મંદિરે સ્થાપનાના 85 વર્ષની ઉજવણીમાં હાજરી આપશે. આ મુલાકાતને લઈને સોમનાથમાં તૈયારીઓ તેજ કરાઈ છે. હેલિપેડ, વીજ પુરવઠો, ટ્રાફિક, પાર્કિંગ અને રોડ-શૉ રૂટ પર સ્વચ્છતા જેવી વ્યવસ્થાઓનું આયોજન કરાઈ રહ્યું છે. કલેકટર દ્વારા અધિકારીઓને જરૂરી સૂચનો આપવામાં આવ્યા છે. સુરક્ષા માટે પોલીસ બંદોબસ્ત ગોઠવાશે.
PM મોદી 11 મેએ સોમનાથ આવશે, ભવ્ય તૈયારીઓ શરૂ.
હોર્મુઝ સ્ટ્રેટ: ઈરાનનો ટ્રમ્પને પડકાર, દક્ષિણ કોરિયન ટેન્કર પર બ્લાસ્ટ.
હોર્મુઝ સ્ટ્રેટમાં તણાવ, ટ્રમ્પે સુરક્ષાનું વચન આપ્યું, ઈરાન આક્રમક બન્યું. દક્ષિણ કોરિયાના વેપારી જહાજ 'નામુ'માં રહસ્યમય વિસ્ફોટ, UAEના ફુજૈરાહ બંદર પર પણ આગ. ઈરાન પર ડ્રોન હુમલાનો આરોપ. ટ્રમ્પ હોર્મુઝ ખુલ્લું રાખવા મક્કમ, અમેરિકી જહાજો પેટ્રોલિંગમાં. ઈરાનનો પરવાનગી વગર પ્રવેશ નહીં, તેલના ભાવમાં ઉછાળો.