ગુજરાતની એક અને મહારાષ્ટ્રની બે બેઠકો માટે આજે(23મી એપ્રિલ) યોજાયેલી પેટાચૂંટણી માટેનું મતદાન પૂર્ણ થઈ ચૂક્યું છે. વહેલી સવારથી જ મતદારોમાં અનેરો ઉત્સાહ જોવા મળ્યો હતો. અગાઉના ધારાસભ્યના નિધન બાદ ખાલી પડેલી આ બેઠક પર આજે શાંતિપૂર્ણ માહોલમાં મતદાન યોજાયું છે. સવારે 7 વાગ્યાથી શરૂ થયેલું મતદાન સાંજે 6 વાગ્યા સુધી ચાલ્યું હતું. ત્યારે વિધાનસભાની પેટાચૂંટણીમાં સાંજે 05:00 વાગ્યા સુધીના મતદાનના આંકડા જાહેર કરવામાં આવ્યા છે.

પશ્ચિમ બંગાળ વિધાનસભા ચૂંટણીમાં પ્રથમ તબક્કાની 152 બેઠકો પર બમ્પર વોટિંગ થયું છે. બાકીની 142 બેઠકો પર 29 એપ્રિલે મતદાન થશે. પ્રથમ તબક્કામાં જનતા 1478 ઉમેદવારોનું ભાગ્ય નક્કી કરશે. બીજી તરફ તમિલનાડુની તમામ 234 બેઠકો પર સવારે સાત વાગ્યાથી જ મતદાન માટે લાંબી લાઈનો લાગી હતી. પશ્ચિમ બંગાળ અને તમિલનાડુમાં રેકોર્ડબ્રેક મતદાન થયું છે. સાંજે પાંચ વાગ્યા સુધીમાં તમિલનાડુમાં અંદાજે 82.24% મતદાન થયું છે. બંગાળમાં અંદાજે 89.93% મતદાન થયું છે.

પશ્ચિમ બંગાળમાં વિધાનસભા ચૂંટણીના પ્રથમ તબક્કાના મતદાન વચ્ચે પીએમ નરેન્દ્ર મોદીએ કૃષ્ણનગરમાં એક વિશાળ જનસભાને સંબોધિત કરી હતી. આ દરમિયાન તેમણે સત્તાધારી TMC પર આકરા પ્રહારો કરતા રાજ્યમાં 'પરિવર્તન'નો વિશ્વાસ વ્યક્ત કર્યો હતો. પીએમ મોદીએ તેમના સંબોધનમાં 'ઝાલમુરી'ના કિસ્સાનો ઉલ્લેખ કરતા કટાક્ષમાં કહ્યું કે, 'મેં બંગાળમાં ઝાલમુરી ખાધી હતી, પરંતુ એવું લાગે છે કે તેના મરચાંનો તીખો સ્વાદ ટીએમસીના નેતાઓને લાગ્યો છે.' તેમણે દાવો કર્યો હતો કે 4 મેના રોજ ભાજપની જીત નક્કી છે અને તે દિવસે બંગાળમાં મીઠાઈની સાથે ઝાલમુરી પણ વહેંચવામાં આવશે.

સ્થાનિક ચૂંટણીમાં મતદાનની તારીખ જેમ જેમ નજીક આવી રહી છે તેમ તેમ ધોમધખતા તાપની જેમ રાજકારણમાં પણ ગરમાવો આવી રહ્યો છે. ડેડીયાપાડા ધારાસભ્ય ચૈતર વસાવાની પત્ની વર્ષા વસાવાએ એક સંબોધનમાં સાંસદ મનસુખ વસાવાનું નામ લઈને દાવો કર્યો હતો કે ભાજપના નિલભાઈ રાવે સાંસદને બેઠકમાં લાફો મારી દીધો છે. જેના જવાબમાં મનસુખ વસાવાએ કહ્યું કે AAP ખૂબ જ નિમ્ન કક્ષાનું રાજકારણ કરી રહી છે, સામાન્ય બોલાચાલી થઈ હતી પણ મારામારી થઈ ન હતી.

ઉત્તર પ્રદેશમાં આગામી વર્ષોમાં યોજાનારી વિધાનસભા ચૂંટણી માટે ભાજપે અત્યારથી જ કમર કસી લીધી છે. ભાજપના રાષ્ટ્રીય અધ્યક્ષ નીતિન નવીને સ્પષ્ટ કરી દીધું છે કે, વર્ષ 2027ની ચૂંટણી કોના નેતૃત્વમાં લડવામાં આવશે. એક ખાનગી ન્યૂઝ ચેનલને આપેલા ઇન્ટરવ્યુમાં નીતિન નવીને મુખ્યમંત્રી યોગી આદિત્યનાથના નામ પર મહોર મારતા ઉત્તર પ્રદેશમાં 'સત્તાની હેટ્રિક' લગાવવાનો દાવો કર્યો છે. ચૂંટણીમાં મુખ્યમંત્રીના ચહેરા અંગે પૂછવામાં આવેલા સવાલના જવાબમાં નીતિન નવીને જણાવ્યું હતું કે, યોગી આદિત્યનાથ હાલમાં મુખ્યમંત્રી છે અને તેમના નેતૃત્વમાં જ સરકાર ચાલી રહી છે. તેથી નિશ્ચિતપણે તેઓ જ અમારો ચહેરો હશે.

ભરૂચ જિલ્લાના ઔદ્યોગિક વિસ્તાર ઝઘડિયા GIDCમાં આજે(23 એપ્રિલ) એક મોટી દુર્ઘટના સર્જાઈ હતી. અહીં આવેલી મેટ્રોપોલિટન એક્ઝીચેમ કંપનીના પ્લાન્ટમાં અચાનક પ્રચંડ બ્લાસ્ટ થતા સમગ્ર વિસ્તાર ધ્રૂજી ઉઠ્યો હતો. વિસ્ફોટ એટલો ભયાનક હતો કે તેનો અવાજ કિલોમીટરો દૂર સુધી સંભળાયો હતો અને જોતજોતામાં આખી કંપની આગની લપેટમાં આવી ગઈ હતી. આ કરુણ ઘટનામાં પ્લાન્ટમાં ફરજ બજાવતા 10થી વધુ કામદારો ગંભીર રીતે દાઝી ગયા હોવાના અહેવાલ મળ્યા છે.

ગોલ્ડ સ્મગલિંગ કેસમાં ધરપકડ કરાયેલી કન્નડ ફિલ્મ અભિનેત્રી રાન્યા રાવ ઉર્ફે હર્ષવર્ધિની રાવ એક વર્ષ બાદ બેંગલુરુ સેન્ટ્રલ જેલમાંથી બહાર આવશે. DRI(ડિરેક્ટોરેટ ઓફ રેવન્યૂ ઇન્ટેલિજન્સ)ના સૂત્રોના જણાવ્યા અનુસાર, તેની અટકાયતની મુદત 22 એપ્રિલના રોજ પૂર્ણ થતા હવે તેની જેલમુક્તિનો માર્ગ મોકળો થયો છે. ઉલ્લેખનીય છે કે રાન્યા રાવ સસ્પેન્ડેડ DGP રેન્કના પોલીસ અધિકારી રામચંદ્ર રાવની સાવકી દીકરી છે. તપાસ દરમિયાન તેની પાસેથી વિશેષ રીતે તૈયાર કરેલા બોડી જેકેટમાં છુપાવેલું 14.213 કિલો સોનું મળી આવ્યું હતું, જેની કિંમત આશરે 12.56 કરોડ રૂપિયા હતી.

અમેરિકાના રાષ્ટ્રપ્રમુખ ડોનાલ્ડ ટ્રમ્પે સોશિયલ મીડિયા પર એક લાંબો અને આક્રમક પત્ર પોસ્ટ કરીને અમેરિકામાં વસતા ઇમિગ્રન્ટ્સ અને ભારત-ચીન જેવા દેશો પર આકરા પ્રહારો કર્યા છે. ટ્રમ્પે અમેરિકાની બર્થરાઈટ સિટિઝનશિપ (જન્મના આધારે નાગરિકતા) ની નીતિની આકરી ટીકા કરતા ભારત અને ચીન માટે હેલહોલ જેવા શબ્દો વાપર્યા છે. ટ્રમ્પે પોતાના પત્રમાં લખ્યું છે કે, "અહીં જન્મેલું બાળક તરત જ અમેરિકાનું નાગરિક બની જાય છે અને પછી તેઓ ચીન, ભારત કે પૃથ્વી પરના અન્ય કોઈ 'નરક' માંથી તેમના આખા પરિવારને અહીં બોલાવી લે છે."

પશ્ચિમ બંગાળ વિધાનસભા ચૂંટણી 2026ના પ્રથમ તબક્કાના મતદાન દરમિયાન રાજ્યના વિવિધ ભાગોમાંથી હિંસા અને તણાવના સમાચાર સામે આવી રહ્યા છે. સિલીગુડીમાં ભાજપ અને તૃણમૂલ કોંગ્રેસના કાર્યકરો સામસામે આવી ગયા છે, તો બીજી તરફ મુર્શિદાબાદમાં દેશી બોમ્બ ફેંકવાની ઘટના બાદ ભારેલા અગ્નિ જેવી સ્થિતિ પ્રવર્તી રહી છે. મુર્શિદાબાદના નૌદા વિસ્તારમાં આમ જનતા ઉન્નયન પાર્ટીના સ્થાપક અને ઉમેદવાર હુમાયુ કબીરની મુલાકાત દરમિયાન હિંસક દ્રશ્યો સર્જાયા હતા. અહીં TMC કાર્યકરોએ હુમાયુ કબીર વિરુદ્ધ સૂત્રોચ્ચાર કર્યા અને પોલીસ સાથે પણ તેમની ઉગ્ર બોલાચાલી થઈ હતી.

ગુજરાતમાં સ્થાનિક સ્વરાજ્ય ચૂંટણી જાહેર થઈ છે. પાટણ જિલ્લા પંચાયતમાં ભાજપ, કોંગ્રેસ અને AAP વચ્ચે જંગ જામશે. જિલ્લા અને તાલુકા પંચાયતની તમામ બેઠકોના ઉમેદવારો નક્કી થઈ ગયા છે. 26મી એપ્રિલે મતદાન થશે અને 28મી એપ્રિલે મત ગણતરી થશે.

ગુજરાતમાં આગામી ત્રણ દિવસ ગરમીનું પ્રમાણ વધશે; તાપમાન 2થી 3 ડિગ્રી વધવાની આગાહી છે. અમદાવાદ, રાજકોટ, ગાંધીનગર જેવા શહેરોમાં તાપમાન 43 ડિગ્રી સુધી પહોંચી શકે છે. 26 એપ્રિલે મતદાનના દિવસે પણ તાપમાન 40°Cથી 43°C આસપાસ રહેશે. સૌરાષ્ટ્ર, કચ્છમાં ગરમ અને ભેજવાળું વાતાવરણ રહેશે.

દિલ્હીમાં પ્રદૂષણ વધતા સરકારે કડક નિર્ણય લીધો છે. હવે PUC વગર પેટ્રોલ, ડીઝલ નહીં મળે. 'No PUC, No Fuel' નિયમ હેઠળ પંપ પર PUC બતાવવું પડશે. નિયમનું ઉલ્લંઘન કરનારને દંડ થશે. સરકાર કોઈ બાંધછોડ કરવાના મૂડમાં નથી. નિયમનો અમલ શરૂ થતા પંપો પર લાઈનો લાગી છે. જનતાએ હવાની ગુણવત્તા સુધારવા માટે આ મુશ્કેલી સહન કરવી પડશે.

જામનગરના રણમલ તળાવમાં બે કિશોરોના ડૂબી જવાથી મોત નિપજ્યા. આ કિશોરો ગઈકાલથી ગુમ હતા. ફાયર બ્રિગેડે મૃતદેહોને બહાર કાઢ્યા, પોલીસે પોસ્ટમોર્ટમ માટે મોકલ્યા. સમગ્ર વિસ્તારમાં શોકની લાગણી ફેલાઈ ગઈ છે. આ ઘટનાથી પરિવારજનોમાં આક્રંદ છવાયો છે.

સુરતના સચિન સ્પેશિયલ ઇકોનોમિક ઝોન (SEZ) માં DRI દ્વારા કાર્યવાહી કરાઈ, જેમાં વિદેશ એક્સપોર્ટ થતી કરોડોની જ્વેલરી સીઝ કરાઈ છે. DRI ને બાતમી મળતા, વિદેશ જઈ રહેલા 16 જેટલા પાર્સલો અટકાવ્યા, જેમાં કરોડોની જ્વેલરી હોવાનું જણાયું છે, જે તપાસ માટે સીઝ કરાઈ. હોંગકોંગથી હીરા મંગાવી જ્વેલરી બનાવી એક્સપોર્ટ કરવાની તૈયારી હતી, જેમાં નિયમોનું ઉલ્લંઘન થયું છે કે કેમ તેની તપાસ DRI દ્વારા થઈ રહી છે.

ગુજરાતમાં આજે ગરમી વધશે; તાપમાન 41-43 ડિગ્રી સુધી જઈ શકે છે. અમદાવાદ, ગાંધીનગર સહિત શહેરોમાં 40 ડિગ્રી તાપમાન નોંધાયું. અમદાવાદ મ્યુનિસિપલ કોર્પોરેશને 29 એપ્રિલ સુધી યલો એલર્ટ જાહેર કર્યું છે. હવામાન વિભાગ મુજબ, 24-26 એપ્રિલ દરમિયાન ગરમી વધશે, 41-43 ડિગ્રી તાપમાન રહેશે. દેશમાં પણ ભારે ગરમીની આગાહી છે. તાપમાન 48-50 ડિગ્રી સુધી જવાની શક્યતા છે.

સુરતના પલસાણામાં ગેસ લીકેજના કારણે બ્લાસ્ટ થતા 3 લોકોના મોત થયા. ઘરમાલિક, પાડોશી મહિલા અને એક માસૂમ બાળક. નીરજ મિશ્રા નામનો વ્યક્તિ રસોઈ કર્યા બાદ ગેસ બંધ કરવાનું ભૂલી ગયો, જેના કારણે આખો દિવસ ગેસ લીક થતો રહ્યો. સાંજે લાઈટ ચાલુ કરતા જ બ્લાસ્ટ થયો. આ ઘટના વેન્ટિલેશનના અભાવ અને INDUSTRIAL વિસ્તારમાં સુરક્ષાના અભાવને ઉજાગર કરે છે.

તમિલનાડુમાં મતદાન મથકો પર લોકો પોતાના અધિકારનો ઉપયોગ કરવા ઉમટ્યા. Kollywood ના સેલિબ્રિટીઓએ પણ voting કર્યું, જેનાથી ચાહકો અને મીડિયા માટે દિવસ વધુ નોંધપાત્ર બન્યો. TVKના વડા અને તિરુચિરાપલ્લી પૂર્વ અને પેરામ્બુર મતવિસ્તારના ઉમેદવાર વિજય, ચેન્નાઈના એક મતદાન મથક પર મતદાન કરવા પહોંચ્યા. દક્ષિણના સુપરસ્ટાર રજનીકાંતે પણ મતદાન કર્યું. તેમણે ચેન્નાઈની સ્ટેલા મેરિસ સ્કૂલના મતદાન મથકની મુલાકાત લીધી. અભિનેતા અને રાજકારણી કમલ હાસન, તેમની પુત્રી શ્રુતિ હાસન સાથે, એલ્ડેમ્સ રોડ પર કામરાજ સલાઈ મ્યુનિસિપલ સ્કૂલમાં મતદાન કરવા પહોંચ્યા.

દિલ્હીના કૈલાશ હિલ્સમાં IRS અધિકારીની 22 વર્ષીય પુત્રીની ઘરમાં હત્યા થઈ, આરોપી રાહુલ મીણાએ દુષ્કર્મ આચર્યું અને MOBILE PHONE CHARGING CABLEથી ગળું દબાવી દીધું. રાહુલને પૈસાની લેવડ-દેવડના મામલે કામ પરથી કાઢી મૂકવામાં આવ્યો હતો અને તે ડુપ્લિકેટ ચાવીથી ઘરમાં ઘૂસ્યો. તે ONLINE ગેમમાં દેવામાં ડૂબી ગયો હતો. પોલીસે લૂંટનો મુદ્દામાલ જપ્ત કર્યો અને રાહુલની ધરપકડ કરી, જેણે કપડાં બદલીને ભાગવાનો પ્રયાસ કર્યો હતો. આ પહેલા અલવરમાં પણ દુષ્કર્મ કર્યું હતું.

મોરબીના નાની વાવડી ગામે ખોટી ઉઘરાણીના બહાને મહિલા વેપારી સાથે બે શખ્સોએ માથાકૂટ કરી દાદાગીરી કરી હતી. CCTV ફૂટેજમાં આરોપીઓ લોકો પર ગાડી ચડાવવાનો પ્રયાસ કરતા દેખાય છે. મયુરીબેન રૂપાલાની ફરિયાદ પરથી મહેશ સવશેતા અને જગદીશ સવશેતા વિરુદ્ધ એ-ડિવિઝન પોલીસ સ્ટેશનમાં ગુનો નોંધાયો, અને કાયદેસરની કાર્યવાહી હાથ ધરાઈ છે.

રાજસ્થાનના વાઈસ કેપ્ટન હોર્મુઝ સ્ટ્રેટમાં ફસાયા, IRGC દ્વારા ભારત આવતું લાઇબેરિયાનું જહાજ કબજે. ઈરાનનો આરોપ- જહાજ પરવાનગી વગર હોર્મુઝમાંથી પસાર થતું હતું. ગુજરાતના મુંદ્રા પોર્ટ આવતા કન્ટેનર શિપ પર ફાયરિંગ થયું. 21 ક્રૂ મેમ્બર ફસાયા, જેમાં એક ભારતીય છે. IRGC એ જહાજને કિનારા તરફ લઇ ગઈ. ઇઝરાયેલ સાથે સંકળાયેલા ફ્રાન્સેસ્કા જહાજને પણ જપ્ત કરાયું. યુફોરિયા જહાજ પર પણ હુમલો કરવામાં આવ્યો.

બુલેટ ટ્રેન પ્રોજેક્ટના કારણે 24 એપ્રિલે બ્લોક લેવાતા ટ્રેન સેવાઓ પર અસર થશે. ચાર ટ્રેન રદ થશે અને પાંચ ટ્રેનો બે કલાક સુધી મોડી પડશે. ગાંધીનગર કેપિટલ મુંબઈ સેન્ટ્રલ વંદે ભારત ટ્રેન અમદાવાદથી ઉપડશે અને ગાંધીનગર કેપિટલથી અમદાવાદ વચ્ચે આંશિક રદ રહેશે. મુંબઈ સેન્ટ્રલ ગાંધીનગર કેપિટલ વંદે ભારત વટવા સુધી ચાલશે. મુંબઇ સેન્ટ્રલ-અમદાવાદ શતાબ્દી ટ્રેન મોડી ઉપડશે વલસાડ-અમદાવાદ ગુજરાત ક્વીન ટ્રેન વડોદરા-અમદાવાદ વચ્ચે આંશિક રદ રહેશે.

મુંબઈના નયનાબેન રાજેશભાઈ દોશી પરિવારે પાળીયાદ મહાજન પાંજરાપોળને ₹1,11,000નું દાન આપ્યું. આ દાન અબોલ પશુઓના ઘાસચારા માટે ઉનાળામાં ઉપયોગી થશે. નયનાબેન સ્વ. દલીચંદભાઈ જેઠાભાઈ ઝોબાળિયાના સુપુત્રી છે. ટ્રસ્ટીગણે આ જીવદયા કાર્ય બદલ દાતા પરિવારનો આભાર વ્યક્ત કર્યો અને આ આર્થિક સહાય બદલ તેમની સરાહના કરી. આ દાન ઉનાળામાં ઘાસચારાની અછત નિવારવામાં મદદરૂપ થશે.

મિર્ઝાપુરના ડ્રમમંડગંજમાં બ્રેક ફેલ થતા ટ્રકે ત્રણ વાહનોને ટક્કર મારતા 11 લોકોના કરુણ મોત થયા. Bolero ગાડીમાં આગ લાગતા 9 લોકો જીવતા ભુંજાઈ ગયા. મધ્યપ્રદેશથી આવી રહેલા ટ્રકની બ્રેક ફેલ થતા Alto કાર અને Boleroને ટક્કર મારી. પોલીસે ઘટના સ્થળે પહોંચીને કાર્યવાહી હાથ ધરી, જેમાં મૃતકોની ઓળખ કરવામાં આવી.

PCBએ સરદારનગરમાં દરોડો પાડી વિદેશી દારૂનું વેચાણ કરતા અમિત સિંધીને પકડ્યો, રૂ. 1.74 લાખનો દારૂ જપ્ત કર્યો. દારૂબંધીના કડક અમલ માટે PCB દ્વારા દરોડા ચાલુ છે. બાતમી આધારે સરદારનગરમાં રેડ કરી. આરોપી પાસેથી દારૂ, રોકડ, અને અન્ય વસ્તુઓ સહિત કુલ રૂ. 1.84 લાખનો મુદ્દામાલ જપ્ત કરવામાં આવ્યો અને એરપોર્ટ પોલીસને સોંપવામાં આવ્યો. એરપોર્ટ પોલીસ હવે તપાસ કરશે.

બંગાળની નંદીગ્રામ અને હાવડા જેવી હાઈ-પ્રોફાઈલ બેઠકો પર નજર, 44,378 મતદાન મથકો પર CCTV કેમેરા લગાવાયા. TMC અને BJP વચ્ચે સીધો મુકાબલો છે. મમતા બેનર્જીએ 226થી વધુ બેઠકો જીતવાનો દાવો કર્યો છે, લોકોમાં ભારે ઉત્સાહ જોવા મળી રહ્યો છે.

સુરેન્દ્રનગરના લખતરના રહીશોએ 25 વર્ષથી સુવિધાઓથી વંચિત હોવાથી Local body election 2026નો બહિષ્કાર કર્યો. રોડ, ગટર, પાણી જેવી સમસ્યાઓથી પરેશાન લોકોએ રાજકીય પક્ષોને પ્રચાર માટે આવવાની મનાઈ ફરમાવી. 'વિકાસ નહીં તો વોટ નહીં'ના નારા સાથે રાજકારણમાં ગરમાવો આવ્યો છે, પક્ષોના સમીકરણો બદલાયા.

બોટાદમાં પતિએ પત્ની પાસેથી બાળક ઝૂંટવ્યું, 181 અભયમ અને 112 ટીમે તાત્કાલિક કાર્યવાહી કરી. પતિએ ગરમીમાં બાળકને ખેંચીને ભાગવાનો પ્રયાસ કર્યો, ત્યારે ટીમે બાળકને હેમખેમ માતાને સોંપ્યું. 181 ટીમે કાઉન્સેલિંગ કરતા પતિની શંકા અને ઘરેલું વિવાદની જાણ થઈ. PBSC સેન્ટર ખાતે લાંબા ગાળાના counseling માટે માર્ગદર્શન આપવામાં આવ્યું.

આગામી ચૂંટણીને ધ્યાનમાં રાખીને વડોદરા પોલીસે 1 એપ્રિલથી 22 એપ્રિલ દરમિયાન કડક કાર્યવાહી કરી. જેમાં 658 હથિયારો જમા કરાયા, 1.54 કરોડનો દારૂ પકડાયો, જેમાં 88.16 લાખની વિદેશી દારૂની બોટલોનો સમાવેશ થાય છે. 4261 શખ્સો સામે અટકાયતી પગલાં લેવાયા અને 434 Non-Bailable વોરંટની બજવણી કરવામાં આવી. 15 ચેકપોસ્ટ પર 19409 વાહનોની તપાસ કરાઈ અને ટ્રાફિક નિયમોના ભંગ બદલ કેસ પણ થયા.

ઉમરેઠ વિધાનસભા બેઠક પર પેટા ચૂંટણી માટે મતદાન શરૂ, પૂર્વ ધારાસભ્ય ગોવિંદભાઈ પરમારના નિધન બાદ આ બેઠક ખાલી પડી હતી. આ પેટા ચૂંટણી 2026માં યોજાશે. લોકો શાંતિપૂર્ણ રીતે મતદાન કરી રહ્યા છે.

દેશમાં હીટવેવ ચાલુ; તાપમાન 40°C-45°C. ઓડિશાનું ઝારસુગુડા સૌથી ગરમ. સરકારે બપોરે વસ્તી ગણતરી અટકાવી, શાળાઓ બંધ. દિલ્હીની શાળાઓમાં ડિહાઇડ્રેશનથી બચવા વોટર બેલ સિસ્ટમ લાગુ. IMD મુજબ, આગામી 4-5 દિવસ હીટવેવ યથાવત. પંજાબ, હરિયાણા, ચંદીગઢ, દિલ્હીમાં 24-25 એપ્રિલે હીટવેવની સંભાવના. ઉત્તર પ્રદેશમાં 25 એપ્રિલે અને મધ્ય પ્રદેશમાં 26 એપ્રિલે હીટવેવની સ્થિતિ રહેશે. મહારાષ્ટ્ર અને છત્તીસગઢમાં 24-27 એપ્રિલ સુધી આશંકા.