પશ્ચિમ બંગાળમાં ભાજપની ઐતિહાસિક જીત બાદ સુવેન્દુ અધિકારીના મુખ્યમંત્રી બનવા પર ગુજરાતના અશોક ચૌધરીએ ખુશી વ્યક્ત કરી. તેમણે કહ્યું કે, ગુજરાતના 70 કાર્યકર્તાઓની ટીમે ભવાનીપુર બેઠક પર સુવેન્દુ અધિકારી માટે જીવના જોખમે પ્રચાર કર્યો. આ દરમિયાન, ગુજરાતી અને મારવાડી પરિવારોએ તેમને પ્રેમથી જમાડીને અને સુરક્ષા આપીને મદદ કરી. અશોક ચૌધરી, જેઓ અમૂલ ફેડરેશન અને દૂધસાગર ડેરીના ચેરમેન છે, તેમણે જણાવ્યું કે કેન્દ્રીય બળો અને અમિત શાહના આયોજનને કારણે મતદારો નિર્ભય બનીને મતદાન કરી શક્યા. તેમણે સુવેન્દુ અધિકારીને જમીન સાથે જોડાયેલા અને કાર્યકર્તાઓ પ્રત્યે પ્રેમાળ ગણાવ્યા.