આસામના આગામી મુખ્યમંત્રી હિમંતા બિસ્વા સરમાને NDA ધારાસભ્ય દળના નેતા તરીકે સર્વાનુમતે પસંદ કરવામાં આવ્યા છે. તેઓ 12 મેના રોજ શપથવિધિ કરશે. PM મોદી અને અન્ય દિગ્ગજ નેતાઓ હાજર રહેશે. તેમની રાજકીય સફર NSUI થી શરૂ થઈ, ગુવાહાટીની જલુકબારી બેઠક પરથી અજેય રહ્યા, અને 2015માં ભાજપમાં જોડાયા. NEDA ના કન્વીનર તરીકે પણ તેમણે મહત્વની ભૂમિકા ભજવી છે.

પશ્ચિમ એશિયામાં વધતા સંઘર્ષને કારણે હોર્મુઝ સ્ટ્રેટમાં 20,000 થી વધુ ભારતીય નાવિકો જોખમમાં છે. NUSI એ વ્યક્ત કરેલી ચિંતા મુજબ, યુદ્ધ વકરશે તો જહાજો અટકી શકે છે, જેનાથી ખોરાક અને દવાઓની અછત સર્જાઈ શકે છે. મિસાઈલ અને ડ્રોન હુમલાનું જોખમ રહેલું છે. NUSI એ ભારત સરકારને ઇવેક્યુએશન પ્રોટોકોલ તાત્કાલિક લાગુ કરવા વિનંતી કરી છે.

નેપાળની બાલેન સરકારે ભારતીયો માટે નવા Identity Card નિયમો લાગુ કર્યા છે. હવે ઓળખપત્ર વિના કોઈ ભારતીય નેપાળમાં પ્રવેશી શકશે નહીં. આ નિર્ણયથી સરહદ પર અફરાતફરી જોવા મળી રહી છે. આધાર કાર્ડ જેવા વૈધ દસ્તાવેજો ફરજિયાત છે. ચીની ઘૂસણખોરીની આશંકા અને સ્થાનિકોમાં રોષ પણ જોવા મળી રહ્યો છે.

રાજ્યમાં ગરમીનો પારો 44°Cને પાર, 7 દિવસ હીટવેવની આગાહી. અમદાવાદમાં 6 દિવસ માટે ઓરેન્જ એલર્ટ જારી. 12 જિલ્લામાં અગનગોળા વરસશે. છેલ્લા 24 કલાકમાં તાપમાનમાં વધારો. લોકો બપોરે બહાર નીકળવાનું ટાળી રહ્યા છે. હવામાન સૂકું રહેશે. સાયક્લોનિક સરક્યુલેશન સિસ્ટમને કારણે તાપમાનમાં 2-3°C વધારો શક્ય.

પાટણ ના શંખેશ્વરના રાતનપુર ગામ પાસે KTM બાઇક અને રિક્ષા વચ્ચે ભયાનક અકસ્માત થયો. બે લોકોના ઘટનાસ્થળે જ મોત નીપજ્યા. ટક્કર એટલી જોરદાર હતી કે બંને વાહનોનો કચ્ચરઘાણ વળી ગયો, સામાન રસ્તા પર વિખેરાયો. ઇજાગ્રસ્તોને સારવાર માટે ખસેડાયા. પોલીસે તપાસ શરૂ કરી.

વડાપ્રધાન મોદી આવતીકાલે યાત્રાધામ સોમનાથમાં ભવ્ય રોડ શો યોજી જનમેદનીને સંબોધશે. કાર્યક્રમ માટે ત્રણ ડોમ તૈયાર છે, જ્યાં 60 હજારથી વધુ લોકો ઉમટી પડશે. PM યજ્ઞની પૂર્ણાહુતિ કરી, ધાર્મિક વિધિ બાદ જનસભાને સંબોધશે. અમૃત મહોત્સવ નિમિત્તે સોમનાથ રંગબેરંગી રોશનીથી સજ્જ છે. 11મી મેના રોજ PM મહાપૂજા કરશે અને 11 તીર્થોના પવિત્ર જળથી શિખર પર અભિષેક થશે. Deputy CM હર્ષભાઈ સંઘવીએ તમામ તૈયારીઓની સમીક્ષા કરી છે.

ગુજરાત યુનિવર્સિટી પોલીસે આંબાવાડીમાં વેપારીના ઘરે થયેલી ₹૨૬ લાખની ચોરી અને હુમલાના કેસમાં મુખ્ય આરોપી શંકર આગ્યાપ્રસાદ સહિત તેના મિત્રો આકાશ ઠાકુર અને આયાઝ અહેમદની ધરપકડ કરી છે. આરોપીઓએ CCTV તોડી, પ્લાનિંગ સાથે ચોરી કરી અને પુરાવાનો નાશ કરવાનો પ્રયાસ કર્યો હતો. ડ્રાઈવરની સતર્કતાથી આરોપીઓ ઝડપાયા, જેમની પાસેથી દાગીના જપ્ત કરાયા.

રાજ્ય સરકારના 'નંબર વન' દાવાઓ વચ્ચે આરોગ્ય વિભાગના આંકડાઓએ પોલ ખોલી છે. છેલ્લા બે વર્ષમાં 801 સગર્ભા મહિલાઓ સહિત 12,700 લોકો HIV નો શિકાર બન્યા છે. આવનારી પેઢીને સુરક્ષિત રાખવાના સરકારી અભિયાનોના દાવાઓ છતાં, માતા-પિતાથી બાળકોમાં સંક્રમણ રોકવામાં નિષ્ફળતા સ્પષ્ટ દેખાય છે.

બનાસકાંઠાના પાલનપુરના ચડોતર ગામે ખેતરના સેઢેથી એક ત્યજી દેવાયેલી નવજાત બાળકી મળી આવી છે. 'મધર્સ ડે' ના દિવસે બનેલી આ ઘટનાથી માનવતા શરમાઈ છે. બાળકીને સારવાર માટે સિવિલ હોસ્પિટલ ખસેડાઈ છે, જ્યાં તેની હાલત સ્થિર છે. આ ઘટનાએ સૌને દુઃખી કર્યા છે.

ઊંઝા-મહેસાણા હાઈવે પર વહેલી સવારે બે ટ્રક વચ્ચે ગંભીર અકસ્માત સર્જાયો. પાછળથી અથડાયેલી ટ્રકની કેબિનમાં ડ્રાઈવર ફસાઈ ગયો હતો. ફાયર વિભાગે 2 કલાકની ભારે જહેમત બાદ તેને સુરક્ષિત બહાર કાઢ્યો. ઇજાગ્રસ્ત ડ્રાઈવર સારવાર હેઠળ છે.

અમદાવાદમાં ટ્રાફિક સમસ્યા ઘટાડવા વાડજ-રાણીપ 4 લેન ફ્લાયઓવર તૈયાર છે. લગભગ રૂ.106.52 કરોડના ખર્ચે 735 મીટર લાંબો આ બ્રિજ ટૂંક સમયમાં ખુલ્લો મુકાશે. SG હાઈવે પર સાયન્સ સિટીથી કર્ણાવતી ક્લબ સુધીનો 4 કિલોમીટર લાંબો એલિવેટેડ બ્રિજ પણ જૂનથી ખુલ્લો મુકાશે. આ નવા bridges થી વાહનચાલકોને ટ્રાફિક અને સિગ્નલોમાંથી રાહત મળશે, સમય બચશે અને ગાંધીનગર-સૌરાષ્ટ્ર તરફ જતા વાહનોને શહેરના ટ્રાફિકનો સામનો નહીં કરવો પડે.

સુરત મહાનગરપાલિકા પ્રી-મોન્સૂન કામગીરી અંતર્ગત 4 ફ્લોટિંગ પોકલેન સહિત 70થી વધુ મશીનરીઓ દ્વારા ખાડીઓની સફાઈ કરી રહી છે. આ કાર્યમાં વર્ષો જૂનો કાંપ અને કચરો દૂર કરાશે, જેથી આ વર્ષે શહેરવાસીઓને ખાડી પૂરથી રાહત મળવાની આશા છે.

ઓપરેશન સિંદૂરના એક વર્ષ બાદ ભારતીય સેનાએ ખુલાસો કર્યો કે પાકિસ્તાન, ચીન, તુર્કીયેની ત્રિપુટીએ 7-8 મેની રાત્રે 900 ડ્રોન છોડ્યા હતા. કાશ્મીરથી ગુજરાત સુધી થયેલા આ હુમલાઓને ભારતીય વાયુસેનાએ સફળતાપૂર્વક નિષ્ફળ બનાવ્યા. પાકિસ્તાન ભારતના એક પણ મહત્વના સૈન્ય બેઝને નુકસાન પહોંચાડવામાં સફળ થયું નહી, 100થી વધુ પાકિસ્તાની જવાનો અને આતંકવાદીઓ માર્યા ગયા.

ગુજરાતમાં હીટવેવની આગાહી છે. અમદાવાદમાં ઓરેન્જ એલર્ટ છે. આગામી પાંચ દિવસ ગરમી વધુ રહેશે. કંડલામાં 44.4 ડિગ્રી તાપમાન નોંધાયું. સૌરાષ્ટ્ર-કચ્છમાં કાળઝાળ ગરમીએ પરાકાષ્ઠા વટાવી. ભયાનક ગરમીમાં રાજકોટમાં એક શ્રમિકનું લૂ લાગવાથી મોત થયું. હવામાન વિભાગે બપોરે ઘરની બહાર ન નીકળવા તાકીદ કરી છે.

તમિલગા વેત્રી કઝગમ (TVK) ને સરકાર રચવા આમંત્રણ. 108 ધારાસભ્યો સાથે 121 MLA નું સમર્થન. નવી પાર્ટીમાં 93 MLA પહેલીવાર. 40 ધારાસભ્યો સામે ક્રિમિનલ કેસ. યુવા ધારાસભ્યોની સંખ્યા વધુ.

મે મહિનાના બીજા રવિવારે વિશ્વભરમાં મધર્સ ડેની ઉજવણી કરવામાં આવે છે. આ દિવસે સોશિયલ મીડિયા પર મા પ્રત્યે પ્રેમ દર્શાવતા ફોટો અને હૃદયસ્પર્શી લખાણ સાથેની પોસ્ટનું ઘોડાપૂર આવશે. પરંતુ આ ડિજિટલ ઘરડાઘર ધમધમી રહ્યાં છે. જેમાં બે હજારથી વધુ માતારૂપી મહિલાઓ આશરો લઈ રહી છે.અમદાવાદમાં 60 જેટલા વૃદ્ધાશ્રમ ચાલે છે

આંતરરાષ્ટ્રીય ક્રૂડ ઓઈલના ભાવ $115 પ્રતિ બેરલને વટાવી ગયા હોવા છતાં, ભારતીય તેલ કંપનીઓએ આજે સ્થાનિક પેટ્રોલ-ડીઝલના ભાવમાં કોઈ ફેરફાર કર્યો નથી. આ વાહનચાલકો માટે મોટી રાહત છે. મે મહિનાના અંત સુધીમાં ભાવ વધારાની ભીતિ છે.

આજે વિશ્વભરમાં માતૃ દિવસની ઉજવણી કરાશે. માતાનું સન્માન કરવા મોટા કાર્યક્રમો યોજાશે. પરંતુ માતાનું સન્માન કરનાર આ આધુનિક સમાજનું બીજું રૂપ અચરજ પમાડે તેવું છે. ‘દીકરો-દીકરી સમાન છે’, તેવી રૂપકડી વાતો વચ્ચે અમદાવાદ શહેરમાં આજે પણ દર એક હજાર દીકરા સામે માત્ર 886 દીકરીનો જન્મ થાય છે. દીકરીનો જન્મ દર માત્ર ઓછો જ નથી, પરંતુ છેલ્લા ત્રણ વર્ષમાં જ જન્મદરમાં 10 દીકરીનો ઘટાડો પણ થયો છે.

તમિલનાડુમાં TVK-કોંગ્રેસ ગઠબંધન માત્ર સત્તાનું ગણિત નથી, પરંતુ રાહુલ ગાંધી અને જોસેફ વિજય વચ્ચેની 17 વર્ષ જૂની મિત્રતા અને સમાન 'સેક્યુલર' વિચારધારાનું પરિણામ છે. 2009માં શરૂ થયેલા આ સંબંધોએ રાજકીય ગૂંચવડો ઉકેલવામાં નિર્ણાયક ભૂમિકા ભજવી છે.

10-11 મેએ Western Disturbance સક્રિય થતા હિમાલય ક્ષેત્રમાં ઠંડક, જ્યારે ઉત્તર અને મધ્ય ભારતમાં ધૂળિયા તોફાન સાથે ભારે વરસાદ, વીજળી અને કરાની શક્યતા. પૂર્વોત્તર ભારતમાં પણ તોફાન અને ભારે વરસાદનું એલર્ટ. દક્ષિણ ભારતમાં પણ ગાજવીજ સાથે વરસાદ. ગુજરાત-મહારાષ્ટ્રમાં આંશિક વાદળછાયું વાતાવરણ સાથે છૂટાછવાયા વરસાદની શક્યતા. 11 રાજ્યોમાં 85 કિમી/કલાકની ઝડપે પવન, ખેડૂતોને સાવચેતી.

અમરેલીના જાફરાબાદ નજીક 75 હેક્ટર રિઝર્વ ફોરેસ્ટ જમીન ખાનગી કંપનીને માઇનિંગ માટે આપવાની વન વિભાગની આંતરિક હિલચાલને પગલે સિંહપ્રેમીઓ અને પર્યાવરણપ્રેમીઓમાં ભારે રોષ જોવા મળી રહ્યો છે. આ જમીન સિંહોનું નિવાસસ્થાન છે અને તેના પર્યાવરણ પર પણ ગંભીર અસર થશે. સરકાર વિકાસના નામે વન્યજીવોના ભોગે નિર્ણય લેશે કે સિંહોના હિતમાં, તે જોવાનું રહ્યું.

દેશના બિહાર, મધ્યપ્રદેશ, ઝારખંડ અને રાજસ્થાનના અમુક ભાગોમાં શનિવારે વરસાદ થયો. ગુજરાત, ઉત્તર પ્રદેશ, મધ્યપ્રદેશ અને પશ્ચિમ રાજસ્થાનમાં ગરમી વધી. બિહારમાં ભારે પવન, વરસાદ અને કરા પડ્યા, વૃક્ષો ધરાશાયી થયા અને વાહનોને નુકસાન થયું. મધ્યપ્રદેશના 22 જિલ્લામાં વરસાદ થયો. રાજસ્થાનમાં ગરમી વધી, બાડમેર 45.7°C સાથે સૌથી ગરમ રહ્યું. હવામાન વિભાગે હીટવેવની ચેતવણી આપી.

તમિલનાડુમાં અંતે શનિવારે અભિનેતામાંથી નેતા બનેલા વિજયની સરકારની રચના અંગેની અનિશ્ચિતતાનો અંત આવ્યો છે. પાંચ રાજ્યોની ચૂંટણીના ભાગરૂપે સોમવારે પરિણામો જાહેર થતા તમિલનાડુમાં નવી સરકારની રચના માટે પોલિટિકલ ડ્રામા શરૂ થયો હતો, જેનો શનિવારે ડીએમકેના સાથી પક્ષો વીસીકે અને આઈએમયુએલના વિજયના TVKને બિનશરતી સમર્થન સાથે અંત આવ્યો છે. હવે વિજય આજે રવિવારે મુખ્યમંત્રીપદના શપથ લેશે.

તમિલનાડુમાં આજે એક નવો અધ્યાય શરૂ થઈ રહ્યો છે, જ્યાં અભિનય ક્ષેત્રના દિગ્ગજ સી. જોસેફ વિજય રાજ્યના 9મા મુખ્યમંત્રી તરીકે શપથ ગ્રહણ કરશે. તેમની સાથે 9 મંત્રીઓ પણ શપથ લેશે, જેમાં કોંગ્રેસના 3 સભ્યોનો સમાવેશ થવાની શક્યતા છે. વિજયે 121 ધારાસભ્યોના સમર્થન સાથે સરકાર બનાવવાનો દાવો રજૂ કર્યો છે. આ શપથગ્રહણ સમારોહ ચેન્નાઈના જવાહરલાલ નેહરુ ઇન્ડોર સ્ટેડિયમ ખાતે યોજાશે, જેના પર સમગ્ર દેશની નજર રહેશે.

સોમનાથના 75માં પ્રાણ પ્રતિષ્ઠા મહોત્સવ નિમિત્તે ભારતીય વાયુસેનાની વિશ્વવિખ્યાત 'સૂર્યકિરણ એરોબેટિક ટીમ' (SKAT) 6 Hawk Mk-132 જેટ વિમાનો સાથે રોમાંચક પ્રદર્શન કરશે. ગ્રુપ કેપ્ટન અજય દાસારથીના નેતૃત્વ હેઠળ, ટીમ અત્યંત નજીક અને દિલધડક કરતબ બતાવશે, જેમાં હવામાં તિરંગાના રંગો છોડવાનો પણ સમાવેશ થાય છે. આ ટીમનો 1996 થી 800 થી વધુ સફળ શોનો ભવ્ય ઈતિહાસ છે.

સોમનાથ અમૃત પર્વની તૈયારીઓ વચ્ચે વેરાવળ નગરપાલિકાના કર્મચારી મહેશ બારીયાનું નારિયેળી પરથી પડી જતાં દુઃખદ અવસાન થયું. સુરક્ષા સાધનો વિના કામ કરાવ્યાનો પરિવારે આરોપ મુક્યો છે. આ ઘટનાથી સમગ્ર જિલ્લામાં શોક છવાયો છે.

પશ્ચિમ બંગાળ વિધાનસભા ચૂંટણીમાં BJP સામે મળેલી કારમી હાર બાદ TMCમાં ભડકો થયો છે. અનેક દિગ્ગજ નેતાઓ અને ધારાસભ્યોએ મમતા અને અભિષેક બેનર્જીના નેતૃત્વ સામે બગાવતી તેવર અપનાવ્યા છે. નેતાઓ જાહેરમાં હાર માટે નેતૃત્વ અને ગુટબંધીને જવાબદાર ઠેરવી રહ્યા છે.

સુરતની સચિન GIDC પોલીસે ઓડિશામાં ₹3 કરોડની બેંક લૂંટના મુખ્ય સૂત્રધાર રોશનકુમાર ઉર્ફે લડુને ઝડપી પાડ્યો. બિહારનો વતની આ આરોપી સુરતમાં ઓળખ છુપાવી રહેતો હતો. ઓડિશાના બરબીલ પોલીસ સ્ટેશન વિસ્તારમાં બેંક ઓફ મહારાષ્ટ્રમાં બંદૂકની અણીએ આ લૂંટ કરવામાં આવી હતી, જેમાં ₹3 કરોડની રોકડ અને કિંમતી સામાન લૂંટી લેવાયો હતો. ઓડિશા પોલીસને સોંપવાની તજવીજ હાથ ધરાઈ છે.

સુરત Airport પર DRI દ્વારા મોટી કાર્યવાહી. દિલ્હીથી આવેલી Flight માંથી 2.80 કરોડ રૂપિયાનો 8 કિલો ગાંજો ઝડપાયો. શંકાસ્પદ યાત્રીની પુછપરછ બાદ possession માંથી ગાંજો મળી આવ્યો. Narcotic Drugs and Psychotropic Substances Act હેઠળ કાર્યવાહી.

ભાવનગર -  ભરતનગર પોલીસે અધેવાડા ખાતે રહેતી ઉષાબેન મહેશભાઈ મકવાણા નામની મહિલાના રહેણાંકના મકાનમાં દરોડો પાડી પાછળના ભાગે બનાવેલા વડના તલાશી લેતા દેશી દારૃ , આથો, ટીપડા, દારૃ બનાવવાના સાધનો ભઠ્ઠી મળી રૃ.૨૨,૩૦૦ ના મુદામાલ મળી આવ્યો હતો.જ્યારે મહિલા ફરાર થવામાં સફળ રહી હતી.આ બનાવ સંદર્ભે પોલીસે મહિલા વિરૃધ્ધ ભરતનગર પોલીસ મથકમાં ગુનો નોંધી વધુ તપાસ હાથ ધરી છે.